PRISM President Vanlalruata chuan Mizoramah kumtin department pakhatah Rs.249.16 lakhs eiruk ang ziah a ni, a ti.
Vawiin chhun khan Youth For Mizoram leh PRISM buatsaihin Lunglei Press Club ah Mizoram Development Consultation buatsaih a ni a, Vanlalruata chuan Mizoramah eirukna a hluar hle reng a, District Council hunlai khan sum hman ralna chiang lo Rs.1:00 chiah hriat tur a awm a, UT kan nih lai khan Rs.119.43 lakhs vel sum hmanralna chiang lo a awm.State kan nih hnu atanga kum 2010 thleng khan Rs.4,119.72 lakhs eiruk a awm a ti.
Vanlalruatan kum thum chhung 2008-2010 a CAG-in sum hmanralna chiang nial lo Department 11 vel atanga an report chu Rs.7,721.56 a ni a, Minister te Portfolio atanga chhutin Department 49 a awm a, Department tinah Rs.249.16 Lakhs a chingpen theuh ang a nih chuan Department 49 ah chuan Rs.12,208.98 lakhs chingpen ang a ni a,chutiang a nih chuan kumtin Rs.10,000/- Lakhs chingpen ziah ang a ni, a ti.
PRISM President chuan CAG-te hian kumtin an audit thin a, Department te hian sum tam tak sengin CAG te hi tih lungawi an tum thin.CAG ten siam rem ngaihna awm lova an hriat chauh an tarlan thin avangin hei ai pawh hian sum chingpen thin hi a tam zawk a rinawm a ti.
Vanlalruata chuan Mizoram siam that a hun tawh tak zet thu sawiin Department hrang hrangah thil dik lo a tam tawh zia sawiin Mizoram zau zawng chu 21,080Sq K.M a zau lek a ni a, Revenue Department in LSC leh Periodic patta an pek te, Forest Reserve area leh department hrang hrangin a ram an neih zau zawng belhkhawm chu 45,34,46,533.200 Sq.KM daih a ni a ti.
Plan leh Budget chungchangah mipuite rawn an ni ngai lova, Budget pharh reng rengah Plan aiin Non-plan ah sum hman a tam thin. Hei hi a chhan chu Politician ten hna chuangtlai atana an vua leh vang an thun thin vangte,Officials ten facilities an ngah lutuk vangte niin a sawi a, kum 2011-2012 chhunga Budget atanga hmasawnna atana hnathawh chu za zela 11 chauh a ni a ti.
PHE department chuan Khaw 909 a tui pe tawha an in sawi laiin Mizoramah a taka khaw awm zat chu khaw 654 vel a ni a.VC 750 leh Municipal pakhat leh Local Council awmna pakhat chiah a awm a ti.
E department in Power dinhmun an tarlan dan chuan Mizorama Power siam chhuah leh State pawn atanga an lak luh chu 114 M.W a ni a, Power kan mamawh lai berin 100-120 MW mamawh ang kan ni a, restricted hours-ah phei chuan 70-100 MW mamawh ang kan ni a, hetiang ni si engah nge power-ah kan harsat em em? Kumtin State pawnah a crore tela hralh chhuak reng angin an in sawi bawk si a, hriatthiam a har hle a ni a ti.
Health department chungchangah Mizoramah hian motor accident a awm apiangin Ambulance neih dan atanga thlirin Darkar khat leh Minute 27 ah accident-na hmun thleng thei ziah anga chhut a ni a, kan neih reng kha a takin kan nei lova siam that a ngai nasa hle a ni a ti bawk.
School Education lamah Mizoram sawrkar School-ah bik,Primary School ah chawh rualin zirtirtu pali zel awm anga chhut a ni a,Middle school ah zirtirtu 6 aia tlem lo, High School-ah zirtirtu pasarih aia tlem lo leh Higher Secondary School ah zirtirtu 21 aia tlem lo vek awm anga chhut a ni a, hetiang zat awm lohna school tam zia hretu chu Mizoram khaw hrang hranga mipuite an ni a ti a, BNRGS hnuaia Mizorama miretheite in sak na tura drawing leh estimate a in ang vek a, Aizawl Chite a mirethei in sakna tur chu State pawn lam mi, a hmun pawh en miahlo hnenah drawing leh estimate siam tir a ni a,an han sak dawn chuan a ram awih dan a lo in an loh avangin sak hleih theih a ni ta lo,a ti.
Vanlalruata chuan tuna sawrkarna chelh mektu Congress party chuan inthlan dawna manifesto an chhawpchhuah zinga 10 chu tihhlawhtlin theih loh leh dan in a phalloh te an an ni a ti. Nakum State Assembly inthlan turah mipui nuaikhat aia tlem lo te hnen atanga election manifesto atana an duh te an lakkhawm tur thu sawiin tunah hian mi sang chuang fe hnen atanga an lak khawm tawh thu a sawi.
He hunah hian Lungleia mi thahnem ngai mi thenkhatten Lunglei District hmasawnna tura thiltul ni a an hriatte sawi chhuahna leh Autonomous District Council hial pawh neih thaa an hriat thu an sawi a ni.
– Chhantea (LDF)
via FB Chanchinthar
Similar Posts:
- Mizo 2 million kum 100 hnu-ah
- Health Deptt in Rs.130 lakhs chiahpuam
- Zu khap pawh hi sawrkar in a lo hlawkpui phian!
- Earth Day 2007
- LADC Budget Session ah Budget atan Nuai 6472.96 pharh
March 15th, 2012 at 6:05 pm
1st em aw? Eiruk lam bawk maw… A ruka ei nge, a langa ei tih pawh chhut tham a tling ka ti. Mahni hlawh phu lovin thil tha leh man to tak tak kan inchhawp hlawm ta chu a nia! Kan Pathian hi a zahawm ka ti, ”an Pathian tih-a awm a zak love” tih hi chu a intu lo deuh mai thei a ni.
Report this comment
March 15th, 2012 at 6:05 pm
Chhiar ila..
Report this comment
March 15th, 2012 at 6:06 pm
Dr. John, i first lo, i first thlawt lo!
Report this comment
March 15th, 2012 at 6:07 pm
khai aaa
Report this comment
March 15th, 2012 at 6:14 pm
Report this comment
March 15th, 2012 at 6:25 pm
A eiru ho khian zu an rui vek ang em le. (zu hi sual tinreng bul an ti si a.)
tren tren
Report this comment
March 15th, 2012 at 6:25 pm
Thil diklo chu hai lang thin mahse Tih dik in a awm leh chuang lo ang. SAD
Report this comment
March 15th, 2012 at 6:48 pm
Naupang chini bar ruk ang lek ani ang chu he post hi
Hawla leh Zorama bengah chuan!
Report this comment
March 15th, 2012 at 7:14 pm
A hahthlak asin. Nakinah ka la rawn vaw darh vek ang. leols
Report this comment
March 15th, 2012 at 7:24 pm
Awi ka rei maw! A va’n hahthlak em aw…
Report this comment
March 15th, 2012 at 7:28 pm
power chungchang hi chu, central lam atanga kan share atanga 30% emaw vel hi lei ba rulh nan state dangah an hralh chhuak an tia a tha viau. Kan in daihlo viau chung pawh hian keini a mipui lam hi ania ren nachang hrelo thin zawk. In daih deuh ila bill tehi tlem deuh phei se chuan kan renlo in tullo ah kan ti ri ral nasa viau zawk ang.
Report this comment
March 15th, 2012 at 7:52 pm
Kohhran thawhlawmah engzah nge lut te ka tia
Report this comment
March 15th, 2012 at 7:53 pm
Report this comment
March 15th, 2012 at 8:01 pm
Report this comment
March 15th, 2012 at 8:30 pm
Sawrkar hnathawk, an hlawh phu lova in leh lo nei, HBA pawh la sela chumi leh an hlawh nen inmil hlawllo ho hi melh tui tui thin ula, deusawh ngam ula, hlauh tlawn thin lo ula a tha mai ang. Contractor-te pawh an hnathawh that leh thatloh a zir a, an hlep zatte thleng hian chhui chian a hrem ngai hrem a, an neih ram tan chhuhsak an chakawm hlawm asin.
An bank account, Mizoram pawn ami thleng hian chhui theih hlawm sela ka ti thin teh asin. Mahni ram, Mizoram development pawisa paipawn duhho hi chu ramhmelma diktak anni e.
Sumdawng ho pawh hi an thilzawrh-ah hlep theih zat bituk dan awm sela ka ti ngawt mai, an duh zat zat chhiar ngawtlo hian.
Report this comment
March 15th, 2012 at 8:31 pm
A va rapthlak ve:o:o
Report this comment
March 15th, 2012 at 8:31 pm
Bengvarna zawngah chuan sum tamna ber post a la nih dawn hi.
Good post.
Eiru ho chuan a hnu leh an tuar zel tho tho ang; kawng hrang hrang hmangin.
Report this comment
March 15th, 2012 at 8:39 pm
Eiru te zawng an damchhungin a hring a hranin hremna tuarlo mahse an rilru a nuam tak tak chuanglo, bakah a pawi ber chu an thlarau chantur kha a nia.
Report this comment
March 15th, 2012 at 8:42 pm
Han sawi kim ta law law sela. Eng department nge corrupt ber, tih rin siak ila, kei chuan rin tur ka nei nghal mai. Officer leh politician corrupt ber inrin siak bawk ang u hmiang.
Report this comment
March 15th, 2012 at 9:20 pm
CFL #17, i sawidik lutuk… phek tamtak daih sawi tur a awm ang. Thil thalo titute avang hian intihlungngaih duh reng reng loh tur!
Report this comment
March 15th, 2012 at 9:59 pm
Post tha hle mai, an hming nen tarlang zel ila a tha lehzual ang mawle, effective thei ang bera tihve deuhte pawh a ngaih hmel. Kan intihhmuh khawlozo ang tih a hlauhawm tawh.
Hetianglam leh NGO kaihhnawih case bik ho hi chu a bul tantu, misual puitling deuhte an awm hian a thlamuanthlak deuh huai a, a hnua han comment duh ve pawhin a hahdamthlak.
#15 & 18
Report this comment
March 15th, 2012 at 9:59 pm
Eiruk rau rauah chuan sum eiruk hi puar a har ber ang a
Report this comment
March 15th, 2012 at 10:14 pm
Fello taka awm te chu awt hek suh u…Bible
“ni hnu hnungah chuan nghawng awrh ten ruk an la ru ang” tih hrilhlawkna a thleng dik mek zel e.. O Lalpa..Vanram ngaih a va na thei ve..
Report this comment
March 15th, 2012 at 10:47 pm
Heng zawng zawngah hian tih theih ka nei ve si lo…
Report this comment
March 15th, 2012 at 11:06 pm
Ava rapthlak ve, kum thum chhung 2008-2010 a CAG-in sum hmanralna chiang nial lo Department 11 vel atanga an report tih chauh ala ni lehnghal. Eiruk tho, ziahfel thlap si nen phei chuan a tam khawp ang.
Eiruin an la tuar ang tih hi thudik, mahse anmahni thlah zalenna atana tha lo tak si a ni. An tuar ni a kan hriat meuh hi chuan an lo ei hnem hman fu zel tawh ang.
Kan rama sualna a tam em em pawh hi alo mak love, tangka sum ngainat hi sual tinreng bul a ni si a. Zu ni lovin.
Report this comment
March 15th, 2012 at 11:11 pm
Special category state (Mizoram tiam) ho sum sen tam ber hi Income Tax atanga pehpawn ani a. Kei kumin (2011-12) chhunga cheng nuaih engemaw zat Income Tax ka pek tak kha Mizoram sorkar senso zingah hian a tel a. An hman that loh chuan ka pawisa ru ang anni a. Ka ngawi mai mai dawn reng reng lo.
Report this comment
March 15th, 2012 at 11:15 pm
Heti taka eirukna a nasa anih chuan chhui chhuak sela, hrem ngai an awm chuan hrem ve mai sela. Eirukna a awm a ni tih hriat ringawt hi, hmalakna a awm chuan si loh chuan, darbenthek ri satliah ang mai mai a ni si a.
Report this comment
March 15th, 2012 at 11:19 pm
A khai a…
Report this comment
March 16th, 2012 at 1:27 am
Eiruk hmang ho eiruk tawhloh nan an eiruktur ah tur lo phul sak ila sala.
Report this comment
March 16th, 2012 at 2:12 am
PHE chu. .va zahthlak ve
Report this comment
March 16th, 2012 at 6:37 am
Report this comment
March 16th, 2012 at 6:48 am
Department-a an pu ber ber, pi ber berte pawh hian Muster Roll-a an chhawrte’n, kar lova scootie an han khalh ve leh par par ve thei zel hi mak an ti VE letling hial asin! Peon-te lahin Photostat paper leh Cyclostyle Ink retail price aia tlawm zawka hralh thei apui an awm nawk bawk. NLUP hian a hrut rual za’ber awm e… he he
Report this comment
March 16th, 2012 at 9:07 am
Kei chu ka zei nghal
Report this comment
March 16th, 2012 at 10:48 am
A bengvarthlak e.
Tin, a lungchhiatthlak bawk… 
Report this comment
March 16th, 2012 at 11:37 am
Mahni vei zawng. Budget an pharh mek a. Income Tax rate hriat thuai thuai a chakawm.
Report this comment
March 16th, 2012 at 2:33 pm
A di khawp mai. Ambulance te hi chu pangngai deuh junior Doctor te kawl a tan nilo Accident tawh thut a hman tur chi Ambulance neih chu a tha khawp ang…..Thil dang daih kawngpui metal zawh hlim(siam mek pawh kan ti thei ang chu) han tlan hian kan in sawh tawk2 tho hi chu a nin awm a ni…siam mam dan a awm hlawl lo a maw nile te ka ti mai2 a
Report this comment