Hmmm… Tun hnaia India vaivawm team an chet chhiat em em lai hian eng eng emaw avangin ka buai ve teh tlat a, thinrim han inhrikthlakna tur hun a awm thlawt lo a ni ber e. Tun lai khawvel in Post Modernism leh Post Colonialism chungchanga an inhnil mup mup lai hian India ram a Post Nuclear Test leh Post Nuclear Deal vel mai mai buaipui avangin Misual tukverh ah pawh ka rawn in lan tha hman lo chu a ni ber e.
India vaivawm lawm tan chuan Australia tour-a an chet dan te kha te kha khawsik pui ram ram khawp in an che chhia a. Test an dawl zawra an zawr hnuah, Tri-series-ah hnap ang nuai maiin final an han thleng zo lo leh ta nget mai a. Naupang thil ti tha duh mang lo, fuipawh chawp ngai te tak hi a nia ka chan ni. A chang lem lah hian an ti tha em em a, beisei phak bak bak hian an che thung thin a, a chang lem lah hian an nawi em em bawk si a, hriatthiam zawng an har a nih hi maw. Team thum in elah pathumna kan hau thei hram chu a nih kha maw…
Inky pinky ponky :
Kan naupang lai chuan “Lal lo kawng kan kiang ngai lo” kan ti thap thap thap thin a. Kan thiante kawng a kal hi kan lo dang fiam thin a. India Cricket-ah pawh MUP member un tak tak, thiam ve tho si, mahse tar lam pan tawh te hian Lal lo kawng kan kian ngai lo an ti deuh ni awm tak a ni. A team pumpui anga an chet that loh em avangin han mal man a, han chawlh tir ngawt lah a ni bik chiah si lo. India team lam hian kum 2015 World Cup inbuatsaihna atan scheme thar a siam a, chu chu “Inky Pinky Ponky scheme’ a ni.
Mizo tawng chuan “Ui ek pherh, uih ek pherh, ram tawng zinga ui ek pherh” kan ti thin a. In ral lemchan dawn te, inbihruksiak dawn te hian a chang tur kan zawn nan hian “Hik sek sawk” nen khan kan hman pawlh mai mai thin. Inburchhevawm a, a chang palh an awm kha chuan an chang rei thei lutuk a, an titau nge nge thin a nih kha. Tun hnai khan India team pawh hian ‘Inky pinky ponky’ tiin a senior pathum te zingah hian thum an vawr ve ta. A dik tak chuan an tha a thum tawh a, chawlh tir mai dawn chuan an laui ve deuh roh si a, mahse an awm vek hian hnawk an ti ve deuh roh si niin a a lang a. An ui ek pherh tih result a chhuah a, MUP member Sachin a te pawh an chawl ve ta zak zak a, mahse eng e ruai an ang thei lova, an chak thei chuang lo a nih hi maw…
Hlimna ni a lo eng e.
Zirtawp ni a ni a, khawvel a Democracy lian ber ram in kum 2012-2013 chhunga a sum leh pai hman dan tur ruahmanna a parh a. Ram venhimna atan pawh a vaibelchhia hlir mai, vaibelchhia ah mah chuan a nuai a nuai khat leh pakua (1.9 Lakh Crore) a nih chu mawle. Kei ve chu min Bhdget thar hian mi nghawng tam vak lo hmel. Budget thar nghawng thlem nih hi a lawmawm lam nge lamwmawm lo ni ang tiin ka in buk mai mai a. A nghawng tlem nih chu sum leh pai lam ngah vak lo kan lo ni a nih hi a tiin ka in ngaituah reuh reuh laiin India team te chuan kan ram hmusit em em, tui lian lak bang Bangladesh ah Vaivawm an lo khel ve mek a.
India mipui vaibelchhia 33 laiin kum khat zet mai kan lo nghah, India thiampui pa Century vawi za a siam hun chu a lo her chuak dawn ta tlat mai le. India mai nilovin khawvel in an tlir thup mai le…Run 90 thleng chho hnu chuan a thin phu a rang ve duh nge a ni a, run score lam a muang ta khawp mai a. Run 96 a kai chhova, a khawng keuh keuh ta mai a. A chang leh a tlan duh lo thul. Ni 368 lai mai kan nghah. Game 33 lai kan lo chan thlawn tawh a nih avangin a nghaktu mipui lam pawh kan thaw dep dep mai a. Run 99 a ni a, a vuak a hun ta chiah mai. Mahse run siam lovin a liam leh a over a ral a, fakna a ni leh ta. Hui ha.
India mipui TV lam a lo tlirtu changin kan nghakhlel a nilova, a teammate fiel sir a lo awm ve te pawh an thaw dep dep mai. Suresh Raina an an ve leh kauh kauh hnu in Sachin a vuak hun a lo thleng leh a ball a vua a, a tlan ta, kut beng thawm a ri ta hluah hluah mai le. International Cricket khawvelah hian Test Cricket a ni emaw ODI a ni emaw a run khat siam pawh hi World record a ni vek tawh a, vawi khat century siam leh nghah pawh hi khawvel record piah lam thil, International cricket a Century vawi 100 siam awmchhun a ni ta a nih chu. A rawn umpha teuh ber hian vawi 71 a siam a, a chawlh san tawh zui nen. (Mizoram pa pakhat camera nei tha an sawi kha min ti hre chhuak a, Khawvelah a camera ang kha pahnih chiah a awm a, pakhat chu a chhe tawh lehnghal an tih te pawh mi ti hre chhuak rum rum mai a lawm mawle…) India cricket lawmtu te chungah lawmna ni a sa….
Ni chu awkin a lem deih:
Hmm… India titi chu Budget nge Sachin-a Century in luah khat ang aw tiin kan ngaituah rauh rauh laiin, ngai teh kan bial inkhawm a lo hun tlat mai a. Inkhel boruak en in ngaihngam tak kal sam mai theih niin a lang bawk a, kan in khawm san ta poh a. Pu Chemtatrawta te kaihhruaina hnuaiah hla kan zir zuk lauh lauh a. A whistle hamna lamah hmui kawh deuh hlek tawh a, a zirtir pawh min zirtir tha hlei thei lova, tingtang puah a tang deuh ta ber a.
Kan inkhawm bang haw hnu hian India chu chak sa ang ang ngaiin ka rilruah pawh chak tur dah in ka dah ngawt a. Tin, ngai teh Misual.com ah Khawvela awm nan leh hnathawn nan a tha ber ram te tih chu kan comment ve ang a, khawnge nge thu tak lem lo hian ka awm duhna, ka list siam hi kan dah ve teh ang tiin ka lut a. A comment hmasa berah India chak lo thu kan hmu mai chu ka thin a rim kher mai. India Batsam ropui in ni chin chhiah tlak a siam lai in bowler ho avangin duh angin hun hlimawm pawh a awm thei dawn ta lo a ni hi…. Sachin a century siam a vang lawmna ni chu India chaklohna ina rawn ti thip leh ta. Century avanga lawmna ni chu India chaklo awkin a lem zo leh ta…
Mahse, bei erawh a la dawng mai lo. Hei Pakistan nen kan la in hma chhawn dawn a… Loks.. “India leh Pakistan in tum leh tur ah hian a hmuhnawm dawn e, Vaivawm ka tui lova, mahse, India leh Pakistan inkhel hi chu kan en peih reng “ti ho khan chuan Vaivawm hi man thlawt lo, rawn insawi thei vel tawh suh u. A tui chuan Bangladesh nen an khel lam hian ngaihven hle tur…Hmmm a va sei ta ve, a thui apiang hlau rawh tih hi an sahuai thing vawn sia, a sei hian an phun ziah a, an phun hma hian kan ti tawp deih ila duh leh hawi hawi rawh se.
Similar Posts:
- Zin kawng thui: Kum 40 chhung zalenna sualna zin kawng chu
- In Kan Nei ( Vaivawm lawmtu ten)
- Ka SALE vek mai dawn e.
- Vaivawm : Ka thinrimna leh tawh.
- Sachin-a’n Century vawi 100 a siam tling ta!
March 17th, 2012 at 8:06 pm
Luh khat manah 1st teng
Report this comment
March 17th, 2012 at 8:08 pm
Khawnge Shewag a hi a awm daih le aw…?
Report this comment
March 17th, 2012 at 8:12 pm
Yuvraj lo cancer kher kher hi chu a pawi ani (sigh)
Report this comment
March 17th, 2012 at 8:19 pm
Sehwag hi kei pawh ka ui. Sachin hi chu a selfish deuh hlek tawh chuan ka hria..
Report this comment
March 17th, 2012 at 8:32 pm
Tendulkar ‘It’s a very selfish thought that when you are at the top you should retire’
A tawngkam a dangdai khawp mai.
Mahni ngaihdan mawl te te in chhunzawm teh ang!
A mah hi Master of the Game ani tawh a, mahse a master vang khan a overall contribution chuan ‘win’ a result kher lo. A chhan chu team work angai ve a.
Entirnan, nobel winner bul ah hna thawk ta ila..enge kan performance tur ni ang? confidence kan hlauh vek ang! engmah kan sawi ngam lo ang! Tendulkar a pawh hian hemi effect hi a team mate ah a nei tawh ani! Team ai chuan personal record a pawimawh tawh a..
Retire se Boys in Blue ho tan a tha ang!!
Guru level a thleng tawh a, sport ani tawh lo ani, a tan chuan..
Report this comment
March 17th, 2012 at 8:57 pm
Cricket lampang bawk a ni maw???? Cricket ah kher kher hi chuan Mizo tan hmalam kawl a eng lo eeeeee……. a thiam tan pawh invawrh sanna chance a vang fu ang…..
Report this comment
March 17th, 2012 at 9:07 pm
OT ngai lovin post an rawn siam e. Nizan kha chu a va han nuam mai mai. Over 48 na bawr velah kha chuan Cigarette pakhat leh rs 1,00,000 in bet tur pawhin min cho tawh hlawm lo maw le..Next ah Pakistan in an sawp leh dawn a lawm. Nuam thei ngei mai..Man Utd EPL a kan chak leh, India Cricket a an chak lo hi ka lawmna a in chen hial awm thin a sin
Report this comment
March 17th, 2012 at 9:44 pm
Fast bowler kan mahmawh.. Sum a tam ltk a, a buaithlak bawk. Rohit sharma, robin uthapa, ishant, munaf etc. Te kha ka beisei nen. Eng an anglo. Munaf leh ishant a rawn lar tirh te khan, hetiang 140km avge hi ani kn mahmawh ti a ka lawm ve nen. Medium bowler an ni satliah ta mai. India ramah hi green leh hard pitch kan mahmawh
Report this comment
March 17th, 2012 at 9:57 pm
Vai vawm, a ho ka ti.
Football lamah chau-rau-ek mi hnungah kan la thai mek bawk nen.
Sehwag, Sachin, Dhoni kan lam zuah zuah ang leh Sachina’n century vawi za a siam tawh tih angte hian, EPL ah vawi za a pet goal tawh tih record leh lam zuah zuah tur nei zawk ila…
Report this comment
March 17th, 2012 at 9:59 pm
India hi chu Cricket ah hi chuan a hman hman hian sawp se a nia ka tih ni. Bangladesh in an khi lai zo chiah a, Pakistanin an sawpji ang..Nuam leh dawn mange
Report this comment
March 17th, 2012 at 11:16 pm
Hmaih nei lovin ka chhiar chhuak dap a, a ngaihnawm miah miah khawp mai. Cricket hi ka game tuina ber a ni ve tlat a, ka khelh châk ber pawh a ni. Mahse, kan tan kâwl a êng lo em a, duh hun hunah kan la en thei lo zui a. Pakistan hi chu hneh ve em em tawh teh se. I sawi ang khi a nia, an nawi chang hian an nawi nak mai thin a, rilru a na vawng vawng thin. K’u Trawta pawh chu soundbox putarist a ni maw?
Hla zirnaah MLTP Act a hlap nghek duh hmel. 
Report this comment
March 17th, 2012 at 11:31 pm
Hmm..Vaivawm lam lo ho kha chu lo in sum mai teh u….
lrpa Sehwag a hi an drop hlauh mai.
doc_lib mai mai thin hi a…Bangladesh tran awm tawk te hi awm a nia,India i huatt vang ni lo hian a tak tak ah pawh tran awm tawk te te hi awm a nia. A tha vek e. Tuaisial, Chemtatrawta hi maw, a khawl pui nen a rawn inkhai bawr ve khawp mai a, mahse tingtang a perh turh turh a. A takah hi chuan misual lam a rak ring ang hi a ni lo, a nula chhai tlu chi hian a tawng zawi sup mai mawle…
Report this comment
March 17th, 2012 at 11:41 pm
Hahaha.. K’u Trawta chu awm hmuna zei deuh ang chi hi a nia! He kan doc_lib pui hi, nizanah post tinah Bangladesh chak a lawmzia thu zuk tlangaupui ia mawle! Nawi nak chang hi tu paw’n kan nei fo a nia.
Report this comment
March 17th, 2012 at 11:46 pm
An lo chhuahna a a nia a awm ve tho a lawm. Bangladesh tran awm te te hi an awm ve ka ti. Football pawh en sel a a chak lo tur tran lui duh tlat mihring hi an awm ve tlat nia mawle. hahahha Rawta ret rawt hi chu GURU a ni mai he ti lamah hi chuan. Misual ho hi post sei hi an ning hma lutk a khi ka in bun ruak zo tak tak loh phah……
Report this comment
March 17th, 2012 at 11:59 pm
Shewag a te han drop chuh! chak lo mahse a awm tho..Doni a te drop zawk se..!
Report this comment
March 18th, 2012 at 12:05 am
Sehwag an drop chu pawi ka va ti lo em! Chet that deuh chang chu a nei a, chet chhiat a nei ngah em a ni.
Report this comment
March 18th, 2012 at 12:07 am
a chet that chur chur theih hleih nem!! a chet thatin India an chek deuh ziah! hei ringawt pawh hi 11 zinga a tel ve a pawi lohna ani..DHoni tih velin vawikhatmah an mahni in an la chakphah lo..!!
Report this comment
March 18th, 2012 at 12:12 am
Inky pinky ponky ah a thla a nih dawn khi, ui ek pherh te hi ti ve tak maw le… Dhoni chu a captaincy hia tha em a, chuvangin drop ngam lo a niang
Report this comment
March 18th, 2012 at 12:17 am
Ngaisang lo mah ila ngaisangtu a ngah tho, hmmm! An Dhoni hi a ni ngeiawm hre hraw chu.
Shewag chu a bat laklawh laiin a nupuiin a rawn phone a, an coach in alo la a, a bat laklawh a lo tia, a nupui chuan pawi lo, ka lo nghak rih mai ang e, a ti. TOI jokes of the day thla hmasa a mi ka chhiar.
Report this comment
March 18th, 2012 at 12:25 am
Shewag a 11 leh tendulkar 11 hi inkhel ta se, shewag 11 hi 99% an chak ang. Dhoni 11 lakah chuan 100%..han ti mai ila..
Captain hi an ti ve fo a, australian team hi ka captain hnuai ah awm se, kan chak tho thin awm e!!
Report this comment
March 18th, 2012 at 12:26 am
Shewag te hi kan sawi kan sawi a, jadeja leh Raina hian an chen that phah in ka hria. Alian lam hi an khing an khing a….Pathan a te unau hi khel dun tir chin se ka ti khawp mai.
Report this comment
March 18th, 2012 at 12:28 am
India team hi ka hre mumal ta reng reng lo, ka enlohna pawh kum 6/7 ani tawh ang a..
Report this comment
March 18th, 2012 at 12:33 am
Dhoni maw? Twenty20 World Cup hmasa berah khan tunge a nih kan hmuh tawh kha! Khatiang mi ropui kha drop chi a ni lo hrim hrim.
Report this comment
March 18th, 2012 at 12:39 am
Lrpa, Misual hmang hian lo let leh tawh aw. a hmuhnawm vet vet a nia aw…. kei mi ti thut thut mi rilru hmanhawh pawh hian footbal 9o ni ka en tha peih lova, ODI a darkar thum te chu ka en peih ve tlat mawle
Report this comment
March 18th, 2012 at 12:43 am
Tuaisiala khi! shailendra a drop a Dhonia a star
twnty20 te chuh! a nep em mai.! a lem ka ti tlat!
Report this comment
March 18th, 2012 at 12:45 am
Sachin khan record a siam tha hle na chungin senior ho hi zawi zawia chawlh a hun ka ti. Thangthar tha, sponsorship um lutuk lo in han play tan sela, a tira kan that vak loh pawn an la chak chho ve leh mai ang.
Report this comment
March 18th, 2012 at 12:49 am
kan khelh ve lai (haha..tennis ball) khan game hnih chu ka cpatain ve a, vawikhatnaah kan chak a, vawihnihna ah Naga pa balling pawh ti ngai mang lo! slow and no spin in min la quit vek a!! a vawm muang lutuk a, kan hlap thelh zel a..haha
cricket chu a thu pawl nih chuan a nuam ve, nih loh chuan boundary ah kan ding bu tluih tluih ringawt a!!
Kan thianpa pawn, he stepped on the boundary tih a tum kha ‘ he rap the boundary’ a ti chiam chiam a..haha
Report this comment
March 18th, 2012 at 12:49 am
Chinpuia hi tun hnai chu a in zuah buk deuh a, thlalak lamah chuan Dhoni emaw ka ti thin mawle….
Report this comment
March 18th, 2012 at 12:57 am
Lrpa Misual Cricket team ah no 3 ah i lut nghal ang. no 1 tuaisiala, No 2 ah Fonz, No 4 ah PK a, Kei chu no 11 ah ka awm ang, a bak khi chu mahni awmna lo in hnawh khat mai teh u…..Ingatia hi tailender ah lo reserve ula. Waterboy ah chuan Chemtatrawt te ho an nia mai a. doc-lib hian tram doctor niha tum ang e, kan duh lo tih lo hrilh nghal ang che u. Bangladhesi kan duh lo a nia…hahhahha
Report this comment
March 18th, 2012 at 12:58 am
Baichunga khan a interview pakhatah khan sa ei nasat a tul a tih thu a sawi a. India hian genuine fast bowler hi kan nei hlei thei der lo mai a. Mosola leh atta ei teuh hi a tha lo emaw ni. San lam velah hian an sang ve duai hlawm sia..Kan medium fast ho pawh hi mosolman, bawngsa ei ho anni duh khawp mai !!
India cricket hi a hniam hret hret a tha zawk mai thei, Futbal te hi chance pe hnem thei ila a tha mai thei zawk e..
Report this comment
March 18th, 2012 at 1:01 am
Hmmm football i fak a i out leh nghal ang…. No chance…. Waterboy ah pawh i lut lo ang lrp,
Report this comment
March 18th, 2012 at 1:03 am
@chhingdailova, Misual cricket inkhel tak ila! No 3 chu ka duhtawk khawp mai. Naupang cricket hman awih bawk ila..hlap tiah tiah ani mai…ka run siam hnem ber 25 in one over!
Cricket a mik a mak hrelo tur, ko tlang A team tur a ka ngaih te..
Chawnghilha, HVa, mamboihi, BMW, Dr John, kawlhawk, ..etc,.
Report this comment
March 18th, 2012 at 3:22 am
Fast bowler ber hi lawm. .india sub-continent ah hi chuan an zia mai. .australia leh england a an tour hian pace bowler tha an neilo leh thin. .Zaheer ah bwk hian an inghat leh thin. Sachin hi chu a retire har tawhlo ang ka ring. Sehwag hi chu la uihawm ve deuh.
Report this comment
March 18th, 2012 at 10:49 am
Engah nge maw Bangladesh hneh loh chu lo lak vung viau aw… Nizana ka dinner ei tura ka kal chu kan Mess Hallah hian vawiinah(Sunday) Special Dinner siam a nih tur thu a lo intar kuau mai. A chhan nia an ziak chu – SAchina 100th Century lawmna niin an ziak. Nuam dawn hah hah em!
Sehwag-a hi a CONSITENT lo. Chet that chang a nei mai mai thin. Ti hian an koh tel lova tang ve deuh mai ang. Sachina century siam a hriat khan “Kan inhmuh hmasak berah Dinner i show ang” tiin a tweet ve a ni awm e….
Report this comment
March 18th, 2012 at 6:29 pm
cricket hi chu a,”no thanks” ni ringawt mai k tan chuan. ‘S’indian ho hian an tuichilh khawpin ka hria,kan hostelah pawh corridor zim te ah hian zuk han inkhel peih reng a male.
Report this comment
March 18th, 2012 at 10:45 pm
Sachina hi chu tlawmngai se chawl ve tawh mai se ka ti! Thil dang zawng ai chuan Pak han hneh hian a nuam bik riiau
Report this comment
March 18th, 2012 at 11:00 pm
E khai Special Dinner leh Pakistan hneh chu a va nuam haih haih ve aw!
Hafeez-ate thian dun khel tha lutuk kha ka nuih a za lo khawp mai. Indian bowler-te kha an va PUNISH nasa mawlh mawlh em. Century an la siam ve ve zui mawle. An thih huna bat tur anmahni aia tha Younis Khan te, Misbah Ul Haq tih te ho an la awm zui. 329 kha a huphurh awm ngang mai.
Gambhir-a a chet that hun tak a ni dawn amaw tih laiin a VARAK hlauh leh nghal a. Rilru a nuam lo ngang mai! Mahse Virat Kohli lo luh hnu kha chuan thil a va danglam chiang tak! Stage tin maiah khan India kha kan chungnung zelin ka hria. Wicket down pawh kha Pakistan tan awmzia a hril meuh lo a ni.
Cricket thiam nia ka ngaih ve thin, dam thlup mai- COOL em em Rohit Sharma a hun taka a lo che kha a va hmuhnawm hliah hliah tak em aw! A bat lek dan leh ball vuak dan hi a rinawm haih haih tak a ni.
Virat Kohli hi a khelthiam tak ni mah se amah hi AGGRESSIVE tak a nih avangin a lo khelh tir lai vel khan ak uksak ngai lem lo. Thinchhe deuh hlek mah se a tumruhna leh chak duh avanga a rilru sawrbingna hian a pui ni ta berin ka hria. Zaninte kha aw a va han hmuhnawm mai mai em!
Silai emaw Nuclear emaw hmanga indo hi a tul lem lo. Rilru leh thinlung taka mahni ram ngei tana ram dang hneh tum hi a lo nuam ber mai!
Report this comment
March 19th, 2012 at 12:03 am
Khawiah nge doc_lib hi a awm a, Zan in inkhel kha en ho ka va chak em. Over tawp dawn lamah hian han nghawk deuh zauh zauh ka va chak tak e…. ka sawi tam lo mai ang e. Kei ni pawh Ignatia, India chak lawmna ni miah lovin chaw tui tak kan ei hova… nuam tak a ni huhu
Report this comment
March 19th, 2012 at 12:35 am
Ka en ve châk ṭhin si, ka en ve thei si lo
Report this comment
March 19th, 2012 at 12:48 am
Tuaite, mu tawh teh. India rama misual te tan mut a hun e!!
Report this comment
March 19th, 2012 at 12:59 am
Chak tlat mai.Chhingpui-a an awmze hre map lo a enpui kha hmuhnawm ve tlat…pakhat khan kutben chhan pawh a hre der lo. lol.
OT .kan thenawm ah hian vai birthday lawm an awm a an bengchheng hle mai, “happy birthday” an han sa meuh chu zaithiam lo ve hle mai lol..hmana chhingpui-a, kei leh fathersphinx delhi mizo zaipawl ah kan 3 chiah bass kan awm te kha chu tha tak kan ni ringawt :D.
Report this comment
March 19th, 2012 at 1:05 am
kohli chu a va che tha ve aw..
Report this comment
March 19th, 2012 at 1:16 am
@sheldie, i induh em em mai!
Report this comment