India batsman ropui Sachin Tendulkar chuan khawvela Cricket khel tawh zinga ropui ber a nihzia a lantir chiang ta a. International match-ah Century vawi 100 a siam tling ta a. Dhaka-a Bangladesh nen an inkhelhah Tendulkar hian run 114 siamin, khawvel mihring zingah International Cricket match-a Century vawi 100 siam thei awmchhun a ni ta.
Kum 38 a upa ni ve tawh Sachin hian tun tum hi One-Day International match-a Century a siam vawi 49-na niin, Test match-ah Century vawi 51 a lo siam tawh bawk a ni. Sachin-a thlen chin hi a ropui chungchuang hle a. First-Class Cricket ni mai lovin, International Cricket match-ah a ni a, a record hi a ropui tih hian a sawi ropui tawk zo lo. Ani ang hi khawvelah hian an piang leh tawh lo maithei, chuti khawp chu a ni.
Sachin-a hi Cricket khelhdan pahnih – ODI leh Test-a Century siam hnem ber a ni ve ve a. Century siam hnem lama amah hnaihtute hian an khan lo hle chungin, amah hnaihtute hi chuan Cricket an chawlhsan vek tawh a, chuvangin, he khawvelah hian amah ang hi an piang leh a nih pawhin, tun hnai maiah chuan an piang dawn lo tih a chiang reng tawh a. Amah hnaih bertu Ricky Ponting (Australia) chuan International Century hi vawi 71 a siam tawh a, vawi 29 siam belh a la mamawh naa, International a chawlhsan tawh.
Sachin-a chuan, “Kum khat kalta khan Century vawi 99-na ka siam a, khami hnu khan miin vawi 100-na tur hi an sawi nasa a, keimahah pawh nasa takin pressure min siam a ni,” a ti.
England Test captain Andrew Strauss chuan, “Sachin-a hi kum 15 vel chhung chu khawvela bowler-te hlauh rawn, batsman-te entawn a ni reng a, hetianga Century vawi 100 a siam tling ta hi ka lawmpui a, a tih ang tih leh hi chu a theih tawh loh hial ang,” a ti a. International Cricket Council chief executive Haroon Lorgat pawhin, “Cricket fan zawng zawng hmingin Sachin-a hi ka lawmpui a ni,” a ti a. “Cricket chanchinah, loh theih lohvin hmun pawimawh leh danglam bik a luah kum khua tawh dawn a. Kum 16 mi ni a kum 20 chuang liamtaa a rawn inkhelh tan tirh atang khan khawvel mipui maktaduai tam tak ang bawkin a inkhel hi ka en nasa thin a. Century vawi 100 a siam mai ni lovin, International Cricket-ah run 33000 chuang a siam thei hi khawvel thilmak zinga mi a ni hial ang,” a ti bawk.
India Prime Minister Manmohan Singh pawhin India tihmingthatu Sachin chu, “Tendulkar hian India a chawimawi a ni. A inkhelh hun rei tak chhung hian naupang zawkte entawntlakin a nung reng a ni,” tiin a fak.
Sachin-a hian 1989 khan kum 16 mi niin International Cricket a khel tan a. Hemi tum hian Pakistan nen an inkhel a, Pakistan bowler Waqar Younis-a’n a hmaiah a vawm a, a kawra thisen kai hnuang chungin run 15 a siam a. 1990 ah England nen Test match an khelh tumin, Old Trafford-ah Century hmasa ber a siam a. 2008 ah chuan Test match-a run siam hnem ber niin, tunah hian Test match-ah run 15,470 siam tawhin, ODI ah run 18,000 chuang a siam tawh bawk a ni.
Similar Posts:
- Kan Ngai Dawn a Che, Pu Ricky Ponting!
- Cricket World Cup 2011 Quarter Final lineup
- Tho la, ding ta che
- Cricket WC Semi Final : India vs Pakistan
- Cricket WC Quarterfinal : India vs Australia
March 17th, 2012 at 12:11 pm
1st…cricket ho ka ti hranpa ve khawp mai…in fiamna zawng zawngah chuan ka ngaihsan loh ve pawl tak a niang..
Report this comment
March 17th, 2012 at 12:14 pm
Sachin-a chu a lo va ropui ve. Cricket hi Mizo te zingah hian a tla na vak lova, kan game ngaihsan tak ni phei se chu amah hi kan ngaisang lehzual tur. Cricket hi a hmuhnawm riau ania.
Report this comment
March 17th, 2012 at 12:26 pm
edit leh phawt.
va tha ve
Report this comment
March 17th, 2012 at 12:31 pm
A score ropui e, kha match ah khan han an team kha han
chak nghal phei sela chuan aw.
Sheldon, Mizo zingah cricket fans kan awm ve nual ania. Tun hnai hian India team hi an che chhe em a, ka sawi luai lo mai ani.
Report this comment
March 17th, 2012 at 12:35 pm
Zawimuangin ni 5 chhung chu he post hi comment teh ang.
Mi sakhawmi tak a nihzia han sawi phawt ta ila. A hun neih remchan apiangin Sai Baba kha a hmu ve ziah thin. Rinna nei mi mihring a nihna piah lamah hian Sakhua ngaihsakna hian mihring a tih danglam zia a tilang hlein ka hria.
Sai Baba a boral tum pawh khan a rilru a na lutuk a a biangah mittui a luang ve hial. A birthday lawm tur pawh a cancel daih a nih kha. Helama birthday lawm an lak urhsun dan ngaihtuah hian khami tuma a cancel kha turu tak a ni. A tana nun hlantu Isua Krista hi lo hre ve hlauh sela zawng a va tifuh leh zual dawn em!
Report this comment
March 17th, 2012 at 12:43 pm
Ava lawmwm em..retire twh se tha ang. .
Report this comment
March 17th, 2012 at 12:44 pm
borat chu lunglenthlak reuh e.
Report this comment
March 17th, 2012 at 1:04 pm
Han ti leh zel ta ila.
Sachina kha United Breweries Group lamin an zu fak(endorse) turin an sawm a. A lawmman tur pawh a thahnem khawp mai – Rs 20 Crores lai a ni. Mahse ani hian a ti duh miah lo mai. India mihring tamtak tena ‘Cricket hi ka sakhua a ni’ an tihnaah hian ngaisangtu a ngah hle a. Chung mite hruaisual chu a duh lo ni berin a lang.
Tin a pa duhtak Ramesh Tendulkara thu kha a zawm tlat bawk. Apa khan nakinah chuan pawisa tamtakin miin an la tham ang che, tin awlsamte pawisa hlawhtheihna tur chi advertisment pawh i la dawng ang. Mahse mahni PRINCIPLE vaw chhe khawp hiala chet leh midangte a chhe zawnga hruai tur ang zawng chuan pawisa hlawh tum reng reng loh tur…a ti a ni awm e. Nu leh pa thuawihna pawh a nei tih a chiang khawp mai. Sum thleng thlenga nu leh pa thuawih theih nih hi chu a awl vak lo vang.
Report this comment
March 17th, 2012 at 1:12 pm
Little master nge nge, A inngaihtlawmna hi ka ngaisang. Ganguly te er or ai chuan mihring mihrin na ah pawh a tha hrim2.. Vawi tam a khel hi ka en tawh a, a selfish lo.. Let the Bat do the talking a tih thin te kha ngaihsanawm.
Report this comment
March 17th, 2012 at 1:14 pm
Century child says : Century guy a ni ringawt alawm le
Report this comment
March 17th, 2012 at 1:30 pm
Kristian nilo zinga ka mi ngaihsan ber pakhat a ni. Ka lawmpui e. A thiam zawng a lo thiam ber nge nge e. India team bowler tha nei ngailo zingah khel lovin bowler nei tha reng thin a hmachhawn ho Australia te, Pakistan angah te khel ta zawk se, India bowler ho a tirethei thin ngawt ang, century pawh tun aiin a siam tam fe ang. Nizan Irfan pathan leh Dinda mai te kha, an va han vawm chhe chiang tak.
Report this comment
March 17th, 2012 at 1:52 pm
Cricket ka en ve ngai lo naa Sachin hi chu a ropui khawpin ka hria. A en erawh ka peih miah lo, a rei em mai. A rei lo ber pawh One Day International tih vel a ni hem mai a…
Report this comment
March 17th, 2012 at 2:01 pm
T20 a lar tak hnu hian Cricket khel peih leh en peih mihring leh ram an pung tial tial. Cricket hmuhnawmna chu – englai pawha ngaihtuah tur leh chhut tur awm hi a ni a. Over khatin game pumpui a chawh danglam theih dan te, chak lo zawkin hnehna an chang ve thei miah lote hi a fair ve hranpa.
Mi inngaitlawm em em, a thiamna leh theihna uanpui ve ngai lo, field chhung leh pawna entawntlak taka nung reng thei. Kum 20 aia tam International match khel a, a khelhpui leh a khelhte zinga mi engemawzat, sum leh pai avanga hmingchhiatna an neih lai pawha hmingchhe ve ngai lo, mi chhiatna lai chhuah chak em em khawvel media hruanghrau tak tak pawhin a chhiatna sawi tur an hriat mang miah loh Sachin-a’n 100th hundred a siam ta hi a lamwpuiawm ngawt mai.
Khawvel hian mahni kalna zawna thiam leh theite hi a ngaisang mai thin a. Thiam dem dum, master tak tak si lo hi engahmah a ti lo. Sachin-a zawng, ‘The Little Master’ a ni tlat a, khawvel awm chhung chu a chanchin hi khawilai kilah emaw chuan an sawi reng tawh ang.
Report this comment
March 17th, 2012 at 2:17 pm
Cricket World Cup ah India champion pui thin se chuan a ngaihsanawm sawt ang maw le….. Century siam tlut tlut pawh hi a ni ber lo…
Report this comment
March 17th, 2012 at 2:20 pm
Sachin my Best friend
U Come to mizoram, I kill you Pig or Hen.
U and my Family and my friends Hand shaking.
Report this comment
March 17th, 2012 at 2:27 pm
Hmmm nimin India che chhe lutuk ka thinrim ka lo in hritla zo chiah e. India ram mipui vaibelchhia 33 dawn in kan ni 268 lai kan lo nghak tawh. math 33 dawn kan lo en thlawn tawh a ni bawk a, A lawmpui tak zet e. Mahse tun nai hi a sam a zuah a, Dhoni te pawh a ang deuh roh a, ka hei leh leh zel mai. India team MUP member zinga chuan a lakthlak pawl tak a nih hi. A ni ang hi India mai nilo khawvel hian kan nah lo mai ni lo hian an awm leh kher ang em maw ni…. RED SALUTE TO SACHIN hahahaha
Report this comment
March 17th, 2012 at 2:27 pm
CENTDULKAR!:
Infiamna khawvelah hian mahni kawng theuhah chuan Tendulkar hi chu a ropui chiang alawm. Infiammi dik tak a ni. Cricket hi mizote khelh chi tak niin ka hria, pumrua-in kawngro a su tam si lo. Tin, a game hi a smart ve reng reng.
Report this comment
March 17th, 2012 at 2:39 pm
Cricket hi IPL an khelh hma kha chuan ka en vak ngailo… IPL an khelh atang erawh hmuhnawm ka ti ve thei phian. Sachin hi chu a lo thiam chungchuang thlawt ani
Report this comment
March 17th, 2012 at 3:08 pm
Cricket hi ka en peih lo hrim, vai ho lah hian an han ngaisang uchuak em khawpa, a rethei ber atanga hausa ber thleng in CRICKETERS an vulh lian ani ringawt.
Report this comment
March 17th, 2012 at 3:17 pm
a dik tak chuan century, half century tih vel hi cricket ti lem tu ani..individual record mai mai!
Sachin chu retire a la tum loh hmel hle mai a..!!
Report this comment
March 17th, 2012 at 3:28 pm
@chhingdailova, nang cricket fan ruhkawl ah..
A record i nei mai thei a, tendulkara century siamna match a India winning rate i hria em? One day bikah chauh, century a siamin india an chak lo fo an ti fo mai a, a dik em?
Report this comment
March 17th, 2012 at 3:41 pm
OT lawks : Pu HV-a te chhungkua chu lengpui an rawn thlen toh a ni awm e. Misual.com lovers lam a post ka hmuh
Report this comment
March 17th, 2012 at 3:50 pm
hiho..mizo tawng a rawn pai haw vel mai thei ania
Report this comment
March 17th, 2012 at 3:51 pm
Min zawt lo mah la he post hi ka contract a chuvangin ka lo chhang chhin dawn teh ang che.
Century vawi 100na vaw chhuak tura an beisei em em lai khan Sachina hian a hlen mai thei lo va. Media lamin an critics nuai nuai a. Vawikhat chu chanchinbu pakhatah century a vuak chhuah a a winning rate hi ka hmu hlawl a. Ka hriatsual loh chuan 68% vel a ni tain ka hria.
Sehwag-a chu 90% chung lamah a awm daih thung. Century siam hian pawlte tan chak theina lian tak a pe hrim hrim a. Chutih lai chuan Sachina hian a siam hnem ve bawk em a chakloh pui neih chang pawh a awm viau. Mahse winning rate hi a hniam mah mah. Sehwag-a khan vawi 14 century siamah vawi 13 a chakpuiin ka hria. Inthlau viau. Chutiang bawkin Ganguly, Dravid leh midangte pawh a tluk lo deuh.
Report this comment
March 17th, 2012 at 3:55 pm
Lol 22 ot na pst ah a chang tawp he post hi lolz
Report this comment
March 17th, 2012 at 4:00 pm
@Lrpa, thin hi… Internet nei ve reng si hian a zawnchhuah na chang hi in hrelo thin a kha aw… Nikum lam a a record chu hei hi a nia (a pecentage nen aw) ODI Total Sachin century 48 (Nimin a mi nen khan 49 na a nih chu ) India win 33, 68.76%, India lost 13, 27.08%, tie 1, 2.08%, n/r 1 2.08% Test Sachin century 51, India win 20, 39.22 %, India lost 11, 21.57% draw 20, 39.22% A lan dan khian chuan vawi 49 sawm pali a lai an chak lo a nih khi.
Hei Hindustime times hian a century siam dan zawng zawng a chipchiar in an ranw dah a, an thi tha khawp mai a…. dahthat thlak a ni e
Report this comment
March 17th, 2012 at 4:27 pm
Post tupa sawi ang khian kum 20 chuang cricket a khel ta a mahse tumah tih lung nih loh em em a la nei ngai meuh lo. International Cricketah hian kum hnih khat lek an lo khel ve a, ram dang player nena intibuai chiam pawh an awm leh mai thin.
Tuna a khelhpuite hi Dhoni tiamin a naute ang tak tak vek an ni. Cricket khawvela engemaw nih tuma an suangtuah neuh neuh lai khan Sachina hian cricket khawvelah ropui takin a lo che daih tawh. Mahse dressing roomah leh playground-ah inti BABU takin emaw inla senior takin emaw a awm ngai hauh lo thung.
Hun harsa tak karah pawh Captain thu bak engmah sawi belh a duh ve ngai lo. A chang chuan bowler naupang deuhte an bowl lak lawh laia han fuih zeuh changte a nei ve thin. Dressing roomah leh Practice-na Net lamah a naute hian an zah em em a ni. Hrechiangtu apiangin an zah theih mihring hi an TURU thin a nia.
Report this comment
March 17th, 2012 at 4:30 pm
Century vawi 100 a siam hi ka va lawmpui em, an chak lo hi ka lawm bawk.
Report this comment
March 17th, 2012 at 4:54 pm
Standing oviation kan pek ve kha!
Report this comment
March 17th, 2012 at 5:00 pm
Sachin chu ka lawmpui e.Kan tleirawl lai chuan cricket kan khel ve nasa thin,tournament te pawh.sachin kan ngaihsan theih zia kha.tun thleng hian a la chuailo a nih hi. A record hi an khum mai mai ka ring tawh lo. Jai Hind !!!
Report this comment
March 17th, 2012 at 5:14 pm
24
Ignatia (33-115 AD)..thanks.
Shewag a hi ka tan hlur a ani mai
Report this comment
March 17th, 2012 at 5:32 pm
chhingdailova..thanks.
Tendulkar tih vel hi a game hrim hrimah chuan an pui khawp mai mahse Steve waugh tih vel a tluk lo em ani! Charity lamah hian an thawh nep a, Indian cricketer ho hi an rilruah an rethei ani. An hausak rapthlak hlawm nen!
Report this comment
March 17th, 2012 at 7:26 pm
India player ho khelh dan hi ka ten, inlak star an tum thei lutuk. Chak tuma theihtawp chhuaha game fight an vang thei eeeeee….
Report this comment
March 17th, 2012 at 9:14 pm
Hehe Cricket a international match te chu enge..Ram Pa 2 chauh pawn khel se, international match an ti zel alawm lolz..
Report this comment
March 18th, 2012 at 10:42 am
Sachina hi mihring tha tak leh fel tak ni mahse thil tihsual lian tak a nei ve tho a. Ka sawi duh ngai miah lova mahse tisual ve thei a nihzia kan hriat a, kan hlawkpui takin ka lo ziak teh ang.
Kum 1999 khan Azzharudin kha India cricket team captain atangin ban a nih leh dawn tak a vangin captain nih theihna chance kha atan a sang leh viau mai a. Mahse kan khuaa veng pakhatah hian a Car lian zet zawtin Maruti 800 a su palh hlauh mai! Ram pum huapa a chhe zawnga lar hun a ni lo tih a hre kur bawk si.
Chutah le, tuna rorel lai SHIV SENA boss- Bal Thakre hi a phone ta a. Chanchinbu lama a thiltihsual chu ziak lo tura chanchinbu mite ti turin a ngen ta chiam a. Bal Thakre chu a hneh ta a. Bal Thakre chuan khauh taka ORDER pe-in Chanchinbu hrang hrangte chu Sachina tihsual palh thu cn chanchinbua ziak lo turin a ti ta khauh khauh mai.
Chuan, chanchinbu pakhat tih loh chuan an thup ta vek a ni awm e. Ka vai thiante zinga ka sawichhuah hian mak an ti em em thin. Thil serious tak a tih miah loh tur ni awma lang kha a ti tlat a ni. Thup a nih avangin hretu pawh kan tam lo reng bawk a. Kei pawhin ka hriatna chu amah hi Civilian Award sangber BHARAT RATNA dawng tura an duh em em laia a duhlotute hnialna point atanga ka hmuh a ni.
Mi tha tak nia kan ngaih pawh hian sual avang hian thil sual an ti ve tho a ni tih ka lo sawi duh vanga ziak ka ni e. A ropui tho tho e!
Report this comment
March 18th, 2012 at 4:08 pm
#35 Pu Ignatia, a va bengvarthlak ve le! I comment a ngaihnawm hlawm e.
Report this comment
March 19th, 2012 at 5:54 pm
Ni 5 chhung comment ka tiam bawk si a. Han ti zel mai ta ila.
A mi ngaihsan ber chu – John McEnore, USA lama Tennis khelthiam hming thang kha a ni. Tum khat pawh a a naupan deuh laiin a thenawma cheng ve a thianpa nen an insual phah a ni awm e, John McEnore a tan em avang hian.
A tet laia Tennis a khelh ve zeuh zeuhna hian a pui viau nia ngai tam tak an awm. A bik takin leg side lama thiam taka ball a vaw phei nalh nalh thei hi a tennis khelh thin avanga a thiam niin an ngai.
Indian Cricketer tha – Vinod Kombli nen khan naupang(junior) lama cricket inelnaah patnership sang ber record an siam a nih kha(tun hnaiah an khum ta niin ka hria, South India lamin). Tum khat chu an sikul aiawha an khelh tumin Vinod Kambli kha khelh lai mekin a bat a dah sauh sauh a lekhachaih(kite) a chaih san daih a ni awm e. Miin a hun tawn tawha a nuihzat ber an zawhin hei hi a sawi chhuak ve ziah thin.
Pu Hriatpuia pa kan la ti zel ang chu le.
Report this comment
March 20th, 2012 at 6:58 pm
Vawiin hi a ni 4na a ni tiraw… Comment leh ang aw.
Khawvela btsman awm tawh zawng zawng zingah umpire decision dik loh abvanga OUT zing ber a ni hial bawk. Vawi 40 chuang thultlukna diklo avangin a out a ni. A then phei chu 90+ hnua out a nia uihawm duh khawp ang.
Bowler chawlte hi an chawl dawnah “tunge vawm har i tih ber?’ tih hi an zawt chawk thin a. Tendulkar-a vawm pha chin chuan ‘Tendulkar vawm har ka ti fal nalh’ tiin an chhang fo thin a ni awm e.
Australia bowler tha chung chuang Glen Mcgrath phei kha chuan awihawm loh khawpin vawm hahthlak a tihzia a sawi chamchi a nih kha.
Fast bowler tha leh Sachina ngaisanga duh em em tu – Bret Lee phei chuan ‘Sachin-a pitch-ah a awm chuan ka zam a zal a, ka tha hrui neih zawng zawng hi aman a la vekin ka hria’ tiin a zam thin zia ama autobiography lamah a thai lang a ni awm e. Tum khat kum 2005 khan a ni tain ka hria, Sydney Cricket Ground lamah a vawm out theih loh tum pawh khan pawi a ti lo viau a ni. A hnu lawka World XI leh Australia inkhelh tuma Sachin-a a tel ve loh avangin a lunglen thu a sawi chhuak bawk.
Wasim Akram-a leh Glen Mcgratha te’n duh tawka Sachin-a a vawm lai hi a hmuhnawm fal hle thin a. A thiam zia – mit chak zia, chet rang zia hi hmuhnawm tih loh rual a ni lo. Fimkhur tawpa a khelh hi chuan a out hi a rinawmloh fo a ni.
Report this comment
March 21st, 2012 at 1:04 pm
Awle a ni 5-na a ni ta bawk a. Ka’n duhtawk tawh dawn ang e.
Film hmuhnawm tih deuh a nei a, chu chu ka hmuhnawm tih ber nen a in ang ve tlat. Zamunda lal fapa hmangaihna diktak zawng tu tarlanna film – COMING TO AMERICA mawlh kha mawle. A rilru a khawih ve hle a niang, a nuihzatthlak viau bawk a.
Cricket match han en reng reng hian Sachin-a hian siam teuh se, che tha em em se tih hi kan duhsak filawr lak thin niin ka hmu fo. A out hnu hian en kan tlem phah sawt thin a ni. Hetiang em em a putar tiang hmanga ball mum vaw thiam kan tan chhan hi enge ni ang aw tih ka ngaihtuah fo thin. A chhan ni bera ka ngaih chu – a INNGAIHTLAWMNA hi a ni tain ka hria.
Report this comment