A hmasain Aihniara hi thawnthu ni lovin a tak tak a ni tih han hre phawt ila. Aihniara hi Fanai hnam a ni a, Fanai lal Rorehlova khua leh tuia mi a ni. Rorehlova’n thlang a rawn tlâk khan Selesih-ah a rawn luhpui a ni. Tuna Mizo hnahthlak kan tih zawng zawng deuhthaw hi Ṭiaural aṭangin thlang an rawn tla hlawm a, Selesih khuaah hian lal pasarih neiin ho hrang hrang an awm khawm vek a ni. Heta ṭang hian a nia Aihniara pawh a lo hmingthan tak em em ni.
Aihniara thiltih ṭhenkhatte han sawi ila. Âwm lo lutuk ang chi a awm a nih pawhin kan pi leh pute’n titi bera an lo neih a nih avangin a hlu ve hrim hrim a, ngaihnawm chhiarin chhiar ila a ṭha ang.
1. Lui dung chinrang (sava chi khat) te hi a ûm a, a mei a pawt ṭil hman e, an ti.
2. A pa a damlo tih an hrilh a, Chipui khura a chi teng lai chu a haw ta a. A pa thawi nan Kel a kai bawk a, Selesih chu a ban hman an ti. A kel kaih chuan lei pawh a rap hman mang lo niin an sawi.
3. A lâwm rawih ni-ah pawh vau-ah tui a zu chawi a, a hmanhmawh lutuk chuan a tuithawl phurhte chu a tikeh zo va. A tuithawl phurhna paikawng (êm chi khat)-in a chawi ta a. A lâwmte chu a tulh kim hman vek e an ti!
4. Aihniara hi pasalṭha sa kap thei tak a ni a, a chhan chu a tlân chak em avang hian, a sa hnu chhui te pawh hi a kahna tawkah a umpha zung zung mai ṭhin a, a kap leh mai ṭhin.
5. Tumpang (Ramsial) hi a kal thei hle bawk. A chhan chu, Tumpang kawlhin a um pawh hian a tlân peng zeuh a, tumpang erawh kha chu a tlân tlang zurh mai ṭhin si a, chu chu a lo kap hman ṭhin a ni an ti.
‘Aihniara hian tumpang kawlh pawh a hlau ve lo’ an ti ṭhin a. Hei hi a chhan chu a huaisen a, a ṭuan a rang a, a chak bawk si a, remchang takin a lo kap leh mai ṭhin a ni. Tumpang um tur hian Aihniara hian ram vahpui tur a hmu mang ṭhin lo va, “A ṭuan a rang si, a huaisen bawk si, min tawktarh a ni ringawt mai,” tiin ramchhuahpui tur a van em em ṭhin. Tumpang a um pawhin a khêl a beng pha zat zat a, tumpangin a um ve pawhin a mawng a hnîm pha ve zat zat a ni, an ti!
A thih danah hian mi rinhlelh a kai hle. A ṭhiante nena tumpang uma an ramchhuah ṭumin, “Tumpangin a sihlum,” ti-a zualkovin a ṭhiante chuan a pa an hrilh a, a pa chuan, “Ka fapa Aihniara hi tumpangin a sihlum hman lovang,” tiin thu dang sawi belh lohvin a ngawi hmak mai a, a ṭhiante’n an kaphlum palh zawk a nih an ring tlat a ni.
Thu lâk zuai zuaina: Fanai Chanchin by F. Sapbawia.
Similar Posts:
- Selesih mi bîk te
- Sial vs Lawi
- Facebook thlalak!
- Reverend thihna chhuichianna
- Youth Icon-in banna thehlut
March 26th, 2012 at 6:26 am
ka rin aiin alar lo jwk
Report this comment
March 26th, 2012 at 6:29 am
Ka first ve vel. Tuaisial ava bengvar thlak em.
Report this comment
March 26th, 2012 at 7:32 am
Pathum khi a va mak em em awm ve? Paikawng ni lovin Em-ping a ni zawk lo maw?
(Ka hnial lo che a nia)
( smiling face)
Report this comment
March 26th, 2012 at 7:34 am
2
lhpa # Pahnihna hi first in ti thin em ni ?
Report this comment
March 26th, 2012 at 7:39 am
Aihniara hi pa tuanrang tak chu a ni phawt mai. Mahse uar uchuak lutuka a chanchin an sawi thin leh fiamthu ang reng deuhva an belh chiam thin hian phuahchawp mai mai, amah aihniara tak tak pawh awm lo ang hialah mi tamtakin an ngaih phah vek. I rawn ziak tha khawp mai.
Report this comment
March 26th, 2012 at 7:54 am
@lhpa, i first lawmpuina’n che
Report this comment
March 26th, 2012 at 8:43 am
Point thumna khi a awihawm lo mah mah, thu an uar a ni ang. Paikawng chu a tah danah a kua a zau hle a, patling kutzungtang a leng hal hal thei a; tui han tling hman aihna chi pawh a ni lo. Boruak hi bûr ni ta se, boruaka tui chawi tum ang vel a ni ang.
A bengvarthlak khawp mai
Report this comment
March 26th, 2012 at 8:55 am
A thih dan chu a thian ten an kah leh kah loh chu a hliam atangin a hriat theih ngei ang
A ngaihnawm e
Report this comment
March 26th, 2012 at 9:06 am
Mizo History han thlir hian, a lehlam zawnga thlir chuan kan pi leh pu te kha an rilru alo chhe awm mang e ka ti thin……. thiante itsikna avanga thi niawma sawi hi a tam viau mai. Aihniara, vantawnga, Vanzema, Pi Hmuaki…….. adt. Tin, ‘Tumpang chal nge Saithangpuii’ tih pawh kha phuah chawp chu ni tho mah se kan pi leh pute nun engemaw chen chu a phawk chhuak ruak in ka hria.
Report this comment
March 26th, 2012 at 9:09 am
Primary sikul kan kallaiin kan zirtirtu’n min hrilh thin a, ngaihnawm kan ti thei khawp mai. A ngaihnawm e…
Nia, 3-na khi an sawi ve ziah a. A bawplawka la duh tan phei chuan Aihniara nge tuanrang a lawmte khi? An vai khian an tuanrang vek lo maw?
Report this comment
March 26th, 2012 at 9:13 am
Nia… Pathumna khi a awihawm miah loh. A tuanranzia an sawina maiah ngai ila a tha ang. Mizote chu thil sawi uar lutuk hnam kan nih hi! Kan pi leh pute titi, ngaihnawm ti taka an lo inhrilhchhawn kha an ni hlawm a, a hlu riau a ni.
Report this comment
March 26th, 2012 at 9:17 am
Report this comment
March 26th, 2012 at 9:56 am
Aihniara hi chu ka tluklo hret dawn nih hi
Report this comment
March 26th, 2012 at 10:50 am
Hetiang kan miropui bikte chanchin hi kan theihnghilh mai loh nan mumal deuh a ziaka vawn that zel a tha khawp mai. Tuaisiala nge nge i thawh bengvar thlak thin e.
Report this comment
March 26th, 2012 at 10:54 am
Mahse…
Ka’n sel deuh na’ngin he post hi tha ka ti takzet. Kan pi leh pu te’n thu an lo uar ta deuh pawh ni se; hetiang mi bik, Mizo te’n kan nei hi a lawmawm hrim hrim.
Report this comment
March 26th, 2012 at 11:00 am
Keichu hetiang lam hi ngaihnawm ka ti reuh tlat- Mizopa titi(thu uar) ang chi hi. A dang pawh lo ziak zel teh. I tlangval e
Report this comment
March 26th, 2012 at 11:02 am
Awihawm loh viau a, mahse a tha ve hrim hrim! A kel kaih chu a thaw ve trawt trawt dawn anih chu mawle
Report this comment
March 26th, 2012 at 11:14 am
A dik em ka hre law.., thingtlang kan awmlaia kan sawi ve ziah chu…
Aihniara chu a tuanrang khawp a. A lengchhuak turin, ama tukhum a hmu hman an ti
Report this comment
March 26th, 2012 at 11:18 am
Aihniara chanchin hi chu naupan laiin ka hre tawh
Report this comment
March 26th, 2012 at 11:43 am
@ Sheldon ka lawmzia entirnan
Report this comment
March 26th, 2012 at 12:36 pm
hetiang kan mibik thenkhat te hi fantastic 4 te ang chi hian team khata awmtirin film siam se hit fu mai thei a ni.
Misual ho hian film siam mai ang u, ti’ang lama sulhnu leh expe tha tak nei pu HV kan nei tho a
Report this comment
March 26th, 2012 at 12:51 pm
Aihniara tak hi chu aw a chanchin a ngaihnawm hle mai.
Sava-ah CHINRANG hi an ti em em a. An ngam ngai lo. An zam tha em em bawk. Perhthlak emaw kahthlak emaw pawh har mai mai tak a ni. Kum engzat nge perhthlak ka tuma ka hlawhchham pawh ka hre tawh lo. Mahse Pu Ahiara’n a mei a pawt til hman khi a lawmawm khawp mai. Sawi uarna mah ni se a tuan ran zia sawi lanna a ni a tha khawp mai.
Good Post!
Report this comment
March 26th, 2012 at 12:55 pm
Chinrang hi sava mawi tak niin ka hria. Luikawr velah hian an sawt theuh theuh a, um phak chu har tak tur a ni. Kan mi hmingthangte hi an lo duai lo viau a nia!
Report this comment
March 26th, 2012 at 2:18 pm
A ngaihnawm hle mai. Wikipedia-ah ka senglût a, pawi i ti em? I tih chuan i paih thei. I siam danglam thei bawk. Please check.
https://incubator.wikimedia.org.....s/Aihniara
Report this comment
March 26th, 2012 at 2:26 pm
@houdini, pawi lo ve. A tha lutuk e.
Report this comment
March 26th, 2012 at 2:30 pm
Thanks. Vanapa Hall pawh hi ka dah mai dawns?
Mizorama kan thil hriat lar ang chi tawh phawt hi chu dah a thain ka hria, duh huna rawnah.
Report this comment
March 26th, 2012 at 2:38 pm
Point no-3 khi in awìhlo viau ngawt hlawm a. A tawng bul lam atanga han chhui tak tak chuan, em mawngah khan changel hnah no, tet miah lo a lo phah reng alawm maw le. A hnah phah hi singular nge plural tìh erawh chu mithìam ten uluk leh zualin an chhui mek.
Report this comment
March 26th, 2012 at 2:59 pm
post ai mah in lhpa 1st tum lutuk type pum hman lo vel khi ka lawm lutuk..haha..
Report this comment
March 26th, 2012 at 3:38 pm
houdin, ka comment pawh hi lo senglut ve teh a.lolz.
awihawm loh khawpa tuanrang a ni a, chu
Report this comment
March 26th, 2012 at 3:44 pm
vang chuan tam tak hi chu a dik ve bawk ang. mahse uar uchuak hi chu a hriat mai
Report this comment
March 26th, 2012 at 5:59 pm
Zingah khan ka hmu zuai a, net chhiat lutuk vangin ka chhiar thei lova, chhiar chhuak ve chiah. A ngiahnawmin a bengvarthlak e.
Kan mizo upate sawi takah chuan, thu uar mai piah lamah hian thu pawh an khuh thin viau kha maw. Lo ar hmai tiatah buh ui hum lek an thar a, an kum khat tla a lo ni reng si a. Chilchhak phak lek an tih pawh kha chawhma kal a nia. Ka chhing sek a an tih pawhin zankhuain an lo muhil mawle.
tren tren
Report this comment
March 26th, 2012 at 6:44 pm
Ngaihnawm ngei mai Tuaisiala nge2…
Report this comment
March 26th, 2012 at 8:43 pm
Zawhna pakhat. Kan pi leh pu te thlang tlak khan, Burma ah khian cham bang an awm nge, a hnu ah an chho leh zawk? Tuna Mizo dik tak awm te khi thlang tla ve lo nge a hnu a Mizoram buai vanga chho leh? tih hi hre chiang deuh in awm em le aw.
Report this comment
March 26th, 2012 at 8:53 pm
#33 Ka hriat chinah chuan Mautam leh rambuai avanga pem chho leh tam tak an awm…Ka pu(ka nu pa) hi pawi hnam Mualchin a ni a, ka pu vua leh vangte mizoram rawn chhuk thlenglo hrim hrim te pawh an awm.
Report this comment
March 26th, 2012 at 9:47 pm
Ka chhiar tawh. A ngaihnawm hle mai. Chui zui pawh ava chakawm ve le.
Report this comment
March 26th, 2012 at 9:52 pm
#33 Tuna Mizoram-a awmte hi a tirah chuan Burma rama awm vek kan ni a. A then thlang an tlak laiin chambang an awm a ni. Muk thing thel leh Khampat bung chungchanga an intiamnate kha han ngaihtuah ta ila. Chuan, a then chu Tripura lamah an tlang bawk.
Report this comment
March 27th, 2012 at 2:49 pm
1-3 khi ka awih lo vek! A Kel kaih in lei a si hman mang lo tih te chu a har lem lo. Kel ka kai ang a, ka pua ang a, a chang changin ka kai zeuh2 mai dawn alawm! Motor phei chuan Aizawl atang a Vishakapatnam thleng pawh lei si miah loin a hruai theih ang chu!
Report this comment