Bible in, “Mihring tan vawikhat thih ruat a ni” (Hebrai 9:27) tiin a sawi ang ngeiin, Mihringte hian kan pumpelh thei hauhlo mai. Lal Isua thih dan kher kher hi Thih dan rau rauah pawh a rapthlak chung chuang em em mai a, Pa Pathian remruat ani miau mai si ; Enge a tulna leh a pawimawhnate I han chhui ho dawn teh ang.
Krista thihna awmzia.
1. Mi zawng zawng Sual tlanna(Ransom) a ni. (I Timothea 2:6)
2. Sual Thuphachawina(Atonement) a ni. (Rom 3:25)
3. Inremna sauitanna (Reconcilliation) a ni. (Kolossa 1:20)
4. Misualte Aiawhna (Substitution) a ni. (I Petera 3:18)
5. Pa Thuawihna (Obedience) a ni. Philippi 2:8
Krista thih a tul tlat na chhan.
1. Pathian Thianghlimnain a phut tlat a ni. (Habakuka 1:13 & Matthaia 5:20)
2. Pathian thu hrilhlawk tih famkim a ngai. (Genesis 3:15, Isaia 53 & Luka 24:44)
3. Kan Sualna avangin. (Rom 4:25)
4. Setana Hnehna turin. (Hebrai 2:14)
Krista chu Tute tana thi nge a nih?
1. Mi Chaklote tan. (Rom 5:6)
2. Mi sualte tan. (Rom 5:6 & 
3. A Hmelmate tan. (Rom 5:10)
4. Hriatlohna avanga Pathian sawichhetu leh tiduhdahtu te tan pawh a ni. (I Timothea 1:13)
5. Khawvel tan a ni. (Johana 1:29, 3:16)
6. Kohhran tan a ni. (Ephesi 5:25)
Krista Thihna Rah(Results).
1. A Fapa thihna avangin Pa Pathian nen inremin kan lo awm leh thei. (Rom 5:10)
2. Pa Pathian laka mihrang Jentail te chu Krista thihna avangin Pathian Faa vuaha awmin pa Pathian nena pawh hnaihin kan lo awm ta. (Ephesi 2:13)
3. Khawvel Sual Thupha chawina atana Hlan(Sacrificed) tawh a ni. (I Johana 2:2)
4. Pa Pathianin Thianghlimna leh Felna/Dikna a ngainat zia entir na hmanrua a ni. (Rom 3:25)
5. Anchhedawng kan nihna ai awhna (Redemption) a ni. (Galatia 3:13)
6. Abrahama chunga Pa Pathian malsawmna zawng zawngte chu Krista thihna avangin Jentail-te Rochan a lo ni ve ta. (Galatia 3:14)
7. Rinna avangin Thlarau Thianghlim tiam(Promised) chu kan lo chang ve thei ta. (Galatia 3:14)
8. Mi tenawm leh mi bawlhhlawh kha Mithianghlima puan kan lo ni ta. (Hebrai 10:10)
9. Hmun Thianghlim ber chu Krista Thisen avang chuan ngampa takin kan lo lut ve thei ta. (Hebrai 10:19)
10. Pathian chatuan Roluahtu kan lo ni ve thei ta. (Hebrai 9:15)
11. Sual bawih atanga chhuah zalen kan lo ni ta. (Hebrai 2:14,15)
Krista Thihna kan chhanlet ve dan tur.
1. Hriat kar reng tur; “A thihnaah Baptisma changin..a hnena phum vein kan awm tih in hre lo emaw ni?.(Rom 6:3-6)
2. Krista nen inzawm reng tur; “A thihna anpuiin amah nen kan inzawm tawh si chuan a thawhlehna anpui pawhin kan inzawm bawk ang” (Rom 6:5)
3. Sual lam kawngah chuan Thi tawhah inruat tur. (Rom 6:10-11)
4. Beih tang tang tur. Philippi 3:10-11)
5. Kan taksa ngei hian Krista thihna chu put reng tur. (II Korinth 4:10)
Kan Thu tawp nan chuan Isaac Watts a hla ropui tak mai hi han thai lang hram I la.
Isaac Watts a hian Isua Krista Kraws kha a han belchiang/zirchiang(Survey) ta tak tak a, chutah chuan, ‘Ropuina Lal (Prince of Glory) kha tanpuitu neilo leh tlawm lutuka a lo in khengbet a, thi theilo Pathian nisi a lo thi tlat mai a han hmuh meuh chuan, mak hi a ti lutuk a, “Ka hlawkna ber ka ngainep a, Chapo uana ka ngaitlawm a” tiin a lo auchhuak ta a ni. Nizan lama The Passion of Christ post a kan sawi thawi thuak tawh angin, Pathian Fapa Isua Krista hian Mihring tena na leh hrehawm kan tuar theih sang ber/rapthlak ber hi a lo tuarchhuak zak a, Thlemna leh Lungngaihna pawh kawng tinrengin a lo tuar chhuak a, A inpekna leh Tuarna rah duhawm tak chu keini hian a thlawn liau liauin kan lo chang ta hi kan nihlawh mang e.
Hmeichhe tleirawl hmeltha tak High School zirlai pakhat pawh hian, a nu hmeithai kut kang khawr chhe vek leh hmai ser do mai hi a zahpui tlat thin a. Sikula a rawn tlawh ve te pawh hian a zahpui avangin a lo bihruk san vel thin a ni. A nu chu a rilru a na thin hle mai a, a rukin a tap a tap mai thin a. A tawp a tawpah chuan, chutia a kut a kan khawr chhiat vek chhan leh a hmai pawh rapthlak khawpa a ser do mai nachhan chu a fanu chu a hrilh ta nge nge a.
A fanu chu a nausen laiin, naute khum then theiah a mut a, ei rawng a bawl san a. A thiannuin a rawn ko a, pawna a chhuah chuan, a rin aiin a rei ta a. A tel chhuan chu a kang nge? an in chu a lo kang hluah mai a, an inchhung bungrua te chu a kang kai a, an in chu a kang ta hluah mai a ni.
Theihtawpa pawnlam atanga thelh an tum chung pawh chuan a harsa hle mai a, tumah bungrua chuh tura inchhunga lut ngam pawh an awm tawh lo a. Chutah Nu chuan a fanu Pindan chungnung a naute khuma a mut kha a hrechhuak a. Tuma dan rual lohvin in kang karah chuan a zuanglut a, meikhu hak bawrh bawrh chungin a fanu chu ava pawm chhuak ta a.
Mahse, Kawngkapui lamah chhuah theih rual alo ni tawh lo va, Tukverhah chhuakin Tui pipe sa em em maiah chuan a fanu nausen paw chung chuan harsa takin a chhuk ta a. Chu tui pipe sa lutuk leh meialh chuan a kut te chu a kang sawr zo a, a hmai te chu meialh chuan a rawn hliau zuai zuai mai hi a lo ni a. Nimahsela, a fanu chu meialh leh thirling atanga hum tlat chungin engemaw ti ti chuan lei chu a thleng thei ta mial a. A fanu chu a him pial laiin, a kut te chu nasa takin a kang a, a hmaite chu a kang nasa em em mai a. Damdawiinah rei tak a awm hnuin Hmai ser do leh kut khawr vekin a lo damchhuah theih hram dan chu mittui tla zawih zawihin a hrilh ta a.
Chu thu a han hriat meuh chuan, a fanu chu a mittui a luang zawih zawih a, a nu chu a pawm vawng vawng a, ngaihdam a dil mawlh mawlh a, Tunhmaa alo zahpui thin, a Nu mawilohna lai lai chu a lo chhuang ta zawk a ni.
Tirhkoh Paula pawhin, misual berte hremna hmanrua leh mualphona leh hmuhsitna entirna Isua Krista Kraws lo chu thil dang engmah chuan a tum lo va, Isaac Watts pawhin ‘Isua krista thihna lo chu thil dang engmah ka chhuang tawh lawng’ a lo ti ve hial a ni. Kan nuna chhanhimna atana thih thlenga thuawih taka tuartu Isua Krista hi engtinnge I tih ve dawn le? I la hnawl zel anga, a duhlohzawng thil te I la tilui zel dawn nge, a duhzawng leh lawm zawnga nun I tum ve tawh dawn le?
Similar Posts:
- THAWHLEHNAA TIHNUN KA LO NI TA
- Tih nun kan ni (Easter pual)
- Pathian A Thi Elo!? {Sunday Pual}
- Thihna
- Thihna
April 6th, 2012 at 6:42 am
Kei ka tan chuan sermon tha leh ropui, hriatfiah awlsam bawk si a nih hi mawle.. Good Friday hman nuam vek ule.
Report this comment
April 6th, 2012 at 7:00 am
Good Friday Chibai le…
Report this comment
April 6th, 2012 at 7:04 am
Exellent post. Pathian thu tha tak tak in rawn post thin hi a va lawmawm tak em.
Report this comment
April 6th, 2012 at 7:14 am
A va ropui em. Tunlai hun, mi tam takin a POINT chauh an ngaihven hman tawha an inhriatna hunah point fel tak tak hmanga i rawn tarlang kim biai mai hi a tha ka ti khawp mai.
Report this comment
April 6th, 2012 at 7:30 am
Ava ropui em…..
Report this comment
April 6th, 2012 at 7:31 am
Kei atan zawng Lalpa hnaih hi a tha a ni!
Report this comment
April 6th, 2012 at 7:39 am
Tunlai kan hun tawng-te ka ngaihtuah thin a, pawngsual, inthah, insuam leh suah-sualna chi hrang hrang chanchin ka’n chhiar thin a. Mahni nunna tak-ngial in-hmangaih thei tawh lo leh zah zo tawh lova in-tihlum chanchin te pawh kan hre thin.
Hetiang huna mi tam tak-te tawngkam chu ‘tihhlum tur, tan sak tur, chilhlum tur, a va’n chawh tak em!’ tih te hi a ni tlangpui a. Mahni hi aruka thatna reng reng nei lo ni mahila, midangte chunga thleng se tia kan duh chu a tha lam a tlem hle a! Kan tawngkam chhuak-te pawh ngaihthlak a hrehawm khawp mai!
Hetiang a nih mek lai hian, Lal Isua erawhchuan, mitha leh misual a thliar hrang lova, “Mi tha tana thih chu tuemaw chuan an duh-in, an ngam mial mahna… misual, beisei bo, thatna reng reng nei lo tana thih erawhchu…thil harsa tak a ni. Tuma’n an duh a rinawm loh.” Lal Isua’n nang leh kei misual, chhe lai let der tana a rawn thi duh mai hi ropui ka ti thin a ni!
Report this comment
April 6th, 2012 at 7:47 am
Post tha tak a ni. Good Friday Chibai u le
Report this comment
April 6th, 2012 at 7:51 am
A va ropui em! I tehkhin thu rawn hmehbel khi a tha e. Ka var uar mai. Sermon ropui tak a ni.
Mahse atira Bible chang i rawn dah mihring tan vawi khat thih ruat khi chuan he taksa thihna hi sawi a tum lova,kan mihrinna kan thihsan a,kan chhunga Isua alo cheng ta zawk hi a sawi tum a ni. Mihring hlui thihna a sawina a ni zawk e. Lazara leh hmeichhe naupang thi tawh Isua kaihthawh te kha vawi 2 an thi a,Enoka leh Elija te kha thi loa vana hruai chhoh an ni a,Philepino pastor Eddie-a te hian mitthi a kaitho fo. Ka rawn ziah duahna chan chu Mizo te hian ruang chungah he Bible chang hi kan leklam viau laia,a sawi tum kan thelh hi ka vei ve em a, ka OT deuh a nih pawn min hre thiam hlawm teh u
Have u all a blessed Good Friday!
Report this comment
April 6th, 2012 at 8:04 am
A tha hle mai. Tehkhinthu khian a ti chiang lehzual.
tren tren
Report this comment
April 6th, 2012 at 8:08 am
Good morning vek u. Good Friday chibai thami ka buk vek a che u. @ Levi, “Mihring tan vawikhat thih ruat ani” tih i hrilhfiah dan hi ka vawikhat hriatna ani tlat mai. A bengvar thlak e (ka pawm zawng ani lem lo na a).
Report this comment
April 6th, 2012 at 8:15 am
GOOD POST.
Belhchhah zeuh teh ang —
“Mihring tan vawikhat thih ruat a ni” (Hebrai 9:27)
Mihringte hi vawi khat kan thi theuh dawn tihna em ni?
Sarepta hmeithai fapa kha a thi leh ngei ang. Jaira fanu kha a thi leh ngei ang. Nain khaw hmeithai fapa rawlthar kha a thi leh ngei ang. Lazara kha a thi leh ngei ang. La thi lo ni hlawm se, enkawl ninawm khawpin an tar vuai tawh ngawt ang.
KA SAWI DUH TAK ZAWK CHU … Mihring tana vawikhat chiah a thih ruat-a awma kha Tunge ni? tih hi a ni zawk tlat.
Hebrai mite hnena Lehkhathawn Bung 7-na atanga Bung 10-na thleng hian Thi-a tholeh, Isua Kristâ puithiam lalber rawngbawl zuina chanchin tam zawk a ni tlangpui a.
Hebrai 9:27-a ‘mihring tan’ a tih hi ‘unto men’ tih a ni a …, keini mihringte tana A vawikhat thih ruata awma kha Isua Krista a ni a.
Thuthlung Hmasa-ah kha chuan, vawi duai lo, ni tin kawla ni chhuak chhiara ran engemaw ber mihringte aiawh an talh tlut tlut a ngaih tawh thin kha.
Isua Krista meuh erawh zawng, a vawikhat thih kha …RUAT a ni a, SUT leh PEH HEL a ni lo va. Tute tan nge A VAWI KHAT THIH kha ruat a nih? KEINI MIHRING TAN HIAN!
Pu K. Lalreia translation-ah chuan —
“Hebrai 9:27 Mihring hi thi tùra tih tawh a nih angin, chumi hnuah rórèlna a awm dâwn;
tiin a dah a; ONCE tih thumal a letling hmaih a, khawi laia bilh luh nge a duh hnuhnawh leh ang aw?
Ka lo pawm hmin ve dan chuan … rana inthawina chatlak ngai lo thinte kha hnawlin, mihringte tana VAWI KHAT chiah ISUA KRISTA hi a thih tur ruatlawk a ni thung … Lalpa Isua Kristâ hna thawh hmabak ni leh tur chu “chu mi hnuah chuan rorelna a awm ang”
—Kristâ Rorelna (lalthutphah var ropui) hmachhawn hi kan hmabak kim vek …
In pawm dan a ni emaw, ni lo emaw … Hebrai Bung 9-na hian Tholeh Krista puithiam lalber a la thlur kal lai ni tlatin a lang miau si!
Report this comment
April 6th, 2012 at 8:17 am
@Pu Pka Nia ka hre ril lem lo a…Pathian thu hre tak pawh ka ni chuang lo
ka hmuhchhuah ve dan ka rawn ziak a nih khi
Report this comment
April 6th, 2012 at 8:41 am
Pu Chawnghilh leh Pu Levi te rawn sawi (ngaihdan) khi “A PAWIMAWH KHAWP MAI. ZIRCHIAN LEH SAWICHIAN NGAI TAK A NI RENG A NI” tih hi ka ngaihdan a ni ve tlats!
Tunlai Kohhran tam takin kan in-zirtir dan ang ringawt chinah hi chuan “KIM LO” a awm tlat-in zu han hre ve a mawle! Mahse, “an thelh hlauh tihna erawhchu a ni hauh si lo!” Amaherawhchu, Pu Chawnghilh & Pu Levi te sawi ang khian, he leiah ringawt pawh vawi 2 lai thi nawn, mihringah an awm tlat! Chuvangin “space & time” (a hun leh a hmun) & meaning, etc. hi kan sawifiah tawk lo a ang hle-in ka hria.
Sawi ve ka chak, mahse, hei inkhawm tura inbuatsaih a ngai a, remchangah ka rawn tui-hnih ve ang.
“Great Friday” Hman Nuam Vek Ule!
Report this comment
April 6th, 2012 at 8:49 am
Post leh comment a va tha hlawm em! Lal Isua kan tana a inpekna leh min hmangaihna hrereng chungin vawin chu a thei thei inkhawm ang u aw
Report this comment
April 6th, 2012 at 8:50 am
Keimahni, mihring tan Isua kha Vawi Khat thih ruat a ni.
Report this comment
April 6th, 2012 at 8:54 am
Report this comment
April 6th, 2012 at 9:08 am
Pathian thu hi chu tawi te fiah deuh nise. Hei poh hi ka duh aiin ala sei. A sei lutuk hi chuan a tawpa an Amen chiah hi ka hre reng ta thin a. Tin, “Mihring tan vawikhat thih ruat……..” tih hi a lar khawpa mithi inah pawh sawi a hlawh ber pawl a niang. Mahse atam berin an pawm dan chu mihringte hi vawi khat theuh kan thi dawn tihna angah an ngai bera. Mahse ani lo a sawi tum chu Krista hi mihringte tlan nan vawikhat chauh a thi ang tihna ani. Mihringte chuan chance khat chauh kan nei tihna anih chu.
Report this comment
April 6th, 2012 at 9:43 am
#9 Levi : Enoka leh Elija te kha thi loa vana hruai chhoh an ni a i tih hi khawi lai Bible thu-ah nge i hmuh kimchan bik leh si aw?
Isua Krista thusawi pakhat chauh aw —
Johana 3:13 Vanah tumah an lawn ngai lo, van atanga lo chhuka chauh lo hi chu, Mihring Fapa vana awm hi.
Leia rawn kal Pathian Fapa khan, Enoka leh Elija vana an lawn lohzia a rawn phawrh nalh hle.
Enoka chungchang leh Hall of Faith thenkhat chanchin Hebrai 11-ah lehkhathawn ziaktu hian a tlar thla nual a
Hebrai 11:5 Rinnain Enoka kha thihna hre lo tura lak bovin a awm a; tin, Pathianin a lak bo avangin hmuh theih a ni ta lo va; lak bova a awm hmain Pathian lawmzawng mi a ni tih an hriattir tawh reng a.
THIHNA HRE LO TURA… LAK BOVIN … Chatuan thihna hmachhawn lo tur a nih laiin; a thu zuitu LAK BO tih phrase hi THI, HNUKCHAT, THLARAU THLAH a ni lawi si!
A nih leh, Hebrai 11:13 Chung zawng zawngte chu rinna neiin an thi ta a, thiltiamte chu chang lovin; nimahsela chung chu hla tak atanga hmuin chibai an lo buk tawh a, leiah hian mikhual leh khualzin mai an ni tih an inhriattir tawh bawk a.
CHUNG ZAWNG ZAWNGTE CHU RINNA NEIIN AN THI TA A … tih a ni tlat a … EXCEPT ENOCH tih a ni hauh lo mai. Tin, Genesi 5:23 kan en leh chuan,
“tichuan Enoka dam chhûng zawng zawng chu kum 365 a ni a:
5:24 tin, Enoka chu Pathian nên an lêng dûn thîn a: tin, a awm ta lo va; Pathianin a la bo ta a ni.
ENOKA DAM CHHUNG ZAWNG ZAWNG kum 365 a ti miau. Kum 366 a tling pha lo —engin maw tling pha lo? Enoka dam chhung zawng zawngin kum 366 a tling pha lo!!
A AWM TA LO tih pawh Bible tawngkamah chuan THI sawina a ni. LA BO/LAK BO tih pawh THI sawina tho a ni.
Entirnan : Matthaia 24:37 “Tin, Nova dam lai ang bawk kha Mihring Fapa lo kal lehna chu a ni ang.
24:38 Chung ni tuilet hmate chuan Nova lawnga a luh ni thlengin an eiin an bar a, nupui pasal an innei thin;
24:39 tui a lo let a, an zaa a lak bo vek hma loh chuan engmah an hre lo va; Mihring Fapa lo kal lehna chu chutiang bawk a ni ang.
A chunga LAK BO tih pawh khi THI MANG VEK sawina a ni.
Elija chanchin ka la khek rih ang. Sakawr mei tawlailir leh thawngaleivir-a lak chhoh a nih hnu-ah tu hnenah nge lehkhathawm tihbaiawm a rawn thawn … a thih hmaa a ziak ni ngei …
Johana 3:13 thu Isua Krista sawi leh Pathian Lehkhathu hi a inmil hle mai.
Jewish-ho leh Christian tam takin Enoka leh Elija te kha LA THI LOVIN an ngai —an ngaih ang ngawt chu a ni hauh lo tih point tlem tein ka rawn tuihnih keuh a ni.
Report this comment
April 6th, 2012 at 10:00 am
PK Good Friday hman nuam le ! I rawn thawh ropui thin hle mai.
Paula pawhin “…a kim lovin kan hria a, a kim lovin kan hril thin..” a tih kha.
Bible hi a Chepa-kaia chhui changte, thumal leh sentense zu chuk kauh changte hi a awm thin. Bible ril zia hrekim (hriat kim tak tak chu a harsa hle ang) tur chuan, ‘hun’ te, sawi ho fo te hi a hlu khawp in ka hria. Pawm dan bik neih bur pawh a that tho laiin, ngaihtuahna zau zawk hman te hi, malsawmna thuk zawk dawn na a niin ka hre thin….i ni ve tho chuan ka ring.
He Good Friday ni hian Lalpa’n ‘a thar in pawl theuh che u rawh se’.
Report this comment
April 6th, 2012 at 10:29 am
Thuchah hlu leh ropui tak a ni e.
Good Friday hman nuam vek u… 
Hmeichhe tleirawl i sawi ang chiah khian, nizan khan kan nau pakhatin thu intawm (sharing) kan neihnaah a nuna Isua a zahpui fo thu a sawi a. Kan awmna hmun a zirte hian Isua Krista hi kan zahpui fo thin a lo ni. Mahse, ANI chuan engtiklai pawn min pawm si. A va ropui em!
Report this comment
April 6th, 2012 at 10:30 am
Good Friday-a post awm tak i rawn post e
A fiah felfai tha hle bawk.
Hebrai 9:27 hi a pawimawh em em-na chhan chu dual meaning a nei hi a awm e. Kawngkhatah chuan mihringte fuihna leh vaukhanna a ni a; general taka sawiin mihringte hi kan thi theuh dawna, chumi hnu chuan rorelna kan hmachhawn dawn thu min zirtir a.
Kawng dang lehah chuan (hei hi a awmzia tak zawk leh a pawimawh zawk chu a ni) Pu Chawnghilh-a rawn sawi khi a ni. Mihringte hi tisa takin vawikhat kan thi vek kher lo tih chu Bible-ah chiang takin kan hmu: Isua, Eliza, Elisa, leh tirhkohte mitthi kaihthawhte kha an thi leh tlat – vawihnih an thi tihna. Enoka phei chu vawi engzat mah a thi lo. Chutiangin, Krista lokal leh huna nungdama la awmte pawh thi lovin tihdanglam kan la ni dawn.
Hebrai 9:27 in a sawi hi ruatlawk chungchang a ni. Tirhkoh Petera chuan, “ani chu leilung pian hmain ruat lawkin a awm ngei mai, nimahsela hun hnuhnungahte hian nangmahni avangin inlarin a awm a [I Pt 1:20]” tiin a lo sawi a. Johana pawhin, “leilung pian tirha talh tawh Beram No [Thup 13:8]” tiin a sawi bawk. Mihring hi thi tura ruaklawk a nih ngawt si loh chuan Krista pawh hi ruatlawk a tulna a awm lovang. Chutih rual erawh chuan ruatlawk han tih hian mihring chu ama duhthu ngeia suala a tlu kha Pathian mawhchhiat chi erawh a ni si lo. Thi tura ruatlawk mihring thih ai thi turin Krista chu vawikhat a thi ta ngei reng a ni.
Krista thihna avang chuan mi zawng zawng pawh kan lo thi ta a – II Kor 5:14-in a sawi angin “Mi zawng zawng thih aiin mi pakhat a thi a, chuvangin mi zawng zawng chu an thi a ni”. Hebrai 9:27 thu “Mihring tan vawikhat thih ruat a ni” tih hi Kristaah a thleng famkim tawh a ni.
Report this comment
April 6th, 2012 at 10:57 am
A va tha kher em.. Good Friday hman nuam vek ule…
Report this comment
April 6th, 2012 at 2:10 pm
Isua Krista hi kan thih ai thi lo sela chuan, Miring tan hian vawikhat mai nilovin vawihnih thih ruat(destined) a nia. Mahse, Isua Krista thisena insufaite chu Thihhnihna hian an chungah thu reng a nei tawh lo a ni(Thupuan 20:6).
Pu chawnghilh leh donald te comment chuan min tibengvar leh ta sawt e. donald-an dual meaning a nei a tih khi ka pawm thlap mai.
“Just as man is destined to DIE ONCE, and after that to face judgement, so Christ was sacrificed once to take away the sins of many people”(NIV Hebrews 9:27,28). Rorelna(Judgement) awm hma hian vawikhat thi tura ruat kan ni.(Miracles leh exceptional case ho chu thu dang daih a ni). He Rorelnaa thiamloh changte hi THIHHNIHNA tuar turte chu anni a, He Thihhnihna ata hi ani Isua Krista han min tlanchhuah ni.
Report this comment
April 6th, 2012 at 2:16 pm
*Isua Krista hian* not han
Report this comment
April 6th, 2012 at 2:17 pm
Post tha tak a ni e. Hei erawh hre reng ila: Thawhlehna tel lo chuan thihna ringawt hian awmzia a nei lo tih hi. Krista hnena kan thi tih kan pawm chuan, a rual vekin kan tholeh a ni tih pawh kan pawm a tul a ni. Krista ruala tholeh tih chuan Krista nun tawmpuitu tih a kawk a, Krista nun tawmpuitu chu Krista nun angin a nung zui tur a ni. Chaklohna leh tisana avangin tihsual chang leh chauh chang awm thin mahse, nitinin a bei zui zel tur a ni – hram hram, fan fan, tang tang.
Comment #19 chawnghilh hi ka’n chhang lawk teh ang -
Enoka hi thi lova lak bo a nih thu chu Bible hian a sawi chiang khawp mai..
“Rinnain Enoka kha thihna hre lo tura lak bovin a awm – Hebrai 11:5″ tih a ni. Hei hi a la chiang lo a nih chuan lehlin thar keu ila a chiang lehzual..
‘Enoka chu rinna avangin THIHNA TEM LOVA lak bo a ni a’ tih a ni kul mai.
Tin, Isua khan ‘vanah tuman an LAWN ngailo’ tih chu a sawi ngei mai. Mahse ‘HRUAI CHHOH an ni ngai lo’ a ti lo tih kha hriat reng tur. LAWN leh HRUAI CHHOH hi chu a dang a nia
Hebrai 11:5 a “LAK BO tih phrase hi THI, HNUKCHAT, THLARAU THLAH” tihna a ni lawi si LO !
Grik metatithëmi [taken from/lal bo} hi NT khawiah mah THI sawinana hman a nih ka hre lo. In hriat chuan a bung leh chang ka hre ve duh. Dahsawn, thlak thleng, hersawn, la bo/la sawn tihna a ni zawk e.
Tichuan Hebrai 11:13 ah 'Chung zawng zawngte chu rinna neiin an thi ta a.. EXCEPT ENOCH tih a tul kher lo. A chhan chu chang 5 ah 'Enoka chu rinna avangin THIHNA TEM LOVA lak bo a ni a' tih a sawi zo chauh a, Enoka tiam lovin tih leh duah kher kha thil awmlo tak a ni zawk.
Genesi 5:24 a A AWM TA LO tih hi Bible khawi laiah nge THI sawinana hman a nih le? Hebrai tawnga ayin hi Bible-ah THI sawina a nih ka hre ngai lo tlat. Chutiang bawkin LA BO/LAK BO [Heb. laqach] pawh hi THI sawinan khawiah nge hman a nih? An lo awm a nih pawhin a tlem khawp ang. Lalut, lo dawng sawng, hauh tlat, la bo sawinan-te hian hman an ni ber.
Chuvangin Enoka thi lovin Pathianin a la bo tih hi a pawmawmin a rintlak em em a ni. Elija pawh chuti bawk.
Report this comment
April 6th, 2012 at 2:35 pm
A thu hmatheh zarah, Bible thu ril leh dik haichhuahin a awm zela a lawmawm hlein ka hria.
Report this comment
April 6th, 2012 at 2:51 pm
‘Krista Thihna Rah(Results)’ tih khi thra ka va ti kher em! ka mittui a ti tling sawk mai….a va han ropui em!!
‘Krista Thihna kan chhanlet ve dan tur.’ tih hi a khat tawka chhiar chi nih…theihnghil/ngaihthah palh chi a ni mawlh lo!
Report this comment
April 6th, 2012 at 3:03 pm
(Y). Good Friday is ‘good’ only because He lives
Report this comment
April 6th, 2012 at 3:49 pm
Hei tak hi a lawm bible zir ve lo tan chuan ka ngaihdan chuan tih a rem ve loh. Eloi
Report this comment
April 6th, 2012 at 4:55 pm
#26 Art : AWM TA LO
Genesis 42:13 Tin, anni chuan, “Keini i chhiahhlawhte hi unau sâwm leh pahnih, Kanaan rama awm mi pakhat fa kan ni’ tin, ngai teh, kan tlum ber chu tûnah chuan kan pa hnênah a awm a, pakhat chu a awm ta lo a ni,” an ti a. ETC.,
CHUNG ZAWNG ZAWNG CHU RINNA NEIIN AN THI … Hebrai 11:13 hian Enoka thih thu a sawi tel.
THIHNA HRE LO TURA … hei hian THIH HNIHNA a tawn loh turzia a sawi fiah a, LAK BO a nih awmzia kha THI tihna a ni.
Tin, Enoka dam chhung zawng zawng kum 365 … tih khan a dam chhung kum zawng zawng a sawi fiah tawk a, a la dam cheu chuan ‘a dam chhung zawng zawng kum chuan 365 a pel chiang tawh ngawt ang.
Report this comment
April 6th, 2012 at 5:33 pm
#31 chawnghilh,
I eg rawn pek chu a awmang viau naa, pawm a har tlat. Josefa kha a thi lova, a unaute khan an hrechiang khawp mai.
Tin, ka sawi tawh angin Hebrai 11:5 hian Enoka thih lohzia a sawi chiang tawha, 11:13 hian Enoka a sawitel tawh lo zawk a ni.
Grik metatithemi or lak bo hi thi tihna a ni lo tih ka sawinawn leh ang. A ni tia i tan tlat dawn chuan eg han pe hram rawh.
Enoka kum 365 a dam tih pawh hi i la vung mah mah deuh a ni. All the days of Enoch (before he was taken) were 365 years tia render mai tur a ni e. Pathianin a lak bo hmaa khawvela hun a hmang chhung sawina a ni.
Genesis bung 5-ah hian thlatu bul 10 an lang a, midang zawng chanchin a sawiin a tawpah, ‘a thi ta a’ tih vek a ni. Enoka chiah hi a thih thu sawi lova lak bo tia sawi a ni.
Report this comment
April 6th, 2012 at 6:06 pm
A tha hle mai… Kan Sunday chanchinbu-ah chhuah ta ila pawi i ti em?
Report this comment
April 6th, 2012 at 6:42 pm
@Virgo, phal teh reng mai.
Report this comment
April 6th, 2012 at 7:11 pm
Pu PK.. A tulna leh pawimawhnate tia point fel tak tak leh Bible chang chhiar tur i dah khi ka va han lawm tak em.. Ka print a, chhiar zui fo ka tum a ni.
Sermon ropui tak min pe leh a, ka lawm e
Report this comment
April 6th, 2012 at 7:13 pm
#33: a source-ah misual.com aiin Dingtea Fanai ti la a mawi zawk ang em ?
Report this comment
April 6th, 2012 at 7:45 pm
He hla hi Good Friday zanah kan naupan laiin an sak ka hre thin (inkhawm khat hmel)!! Ka lung a leng pha tlat….
@BMW-i tan kan thlang ang e ( a thluk a thiam emaw ka hre lo, han nawn chhoh lai vel tak kha ?)
Nunna thianghlim siamtu an duh lo Zion-ah
Hmingchhiat leh lungngaihna phurin an man tir a;
A chhang eitute kha dorala chang zovin,
A sulhnu an rawn chhui, mipui chhiar sen loh te’n,
Judaa’n hma a hruai, der-a mantir tumin
Tichuan an man ta a, Puithiam lal in chhungah,
Biahthu khirh tak an tiam hling lukhum khum turin;
Hling lukhum an nghat e, ka Lalpa luah chuan;
Kutin an han beng a, thisen far zawih zawihin,
Ka chhandamtu an hruai, Kalvari lam panin.
Tuahthing an lo rem khawm Kalvari tlang chungah,
Kilhna an lo chher khawl ka Lalpa kilhna tur;
Ka Lal an khai kang e, sakhel chul rii riaiin,
A nakah an chhun a, thisen leh tui a chhuak,
Zion kulhpui chhungah zaral an rel sual e.
An sawi tawh ang khanin Chhandamtu’n a tuar ta,
An tiam tawh ang khanin Chhandamtu a fam ta;
Van mi thianghlimte khian lirpui ri bum bum nen,
Rauthla an rawn tho ve, pialleia zal tawhte,
Chhandamtu sun turin khawthianghlimah an leng.
I tuarna nghilh hianin, sualna a lo zing thin,
Chhingmit an rawn tuam e, i eng var hliah turin;
Tunah rawn hlip kiang la, i eng var siu siauvin,
I hmelah hmangaihna mittui sur nguai nguaiin,
Ka thinlung sualah hian Lalpa, lo leng ang che.
Report this comment
April 6th, 2012 at 7:55 pm
@37,Lushai-er, Lung i tileng pha tlat mai. Ka sa thiam ve tlat.
Report this comment
April 6th, 2012 at 8:32 pm
#38, @PK : A ni asin, kan hla tha deuh deuh te hi ti hian a hun a lo thlen pawh hian sak thiam loh leh sa thiam lo a(n) pung zel si a le! misual.commer jr. deuh hian an thiam ka ring bar hlei nem
Pu Patea hla hi vawikhat chiah kan type chhuak ve hrim hrim, Good Friday pualah tal!!
Zan lungngaihthlak, Zion pindan chhungah,
Ka Lalpan a thisen a semin;
Chutiangin lungngaih chhumpui zing chuan,
Ka Lal lungchhiain a lo tahtir.
(Chorus)
Aw, nangni Jerusalemte u,
A khawngaih in chan kha hria ula;
In nat tinreng a tihdam sak che u,
A lungngaihna hai der lul suh u.
“Jerusalem kulh pawn lamah chuain,
Zawlnei thih dan a ni lo,” an ti;
Mahse en teh, Kalvari kawng lam saw,
Mipui zingah ka Lalpa ka hmu.
En teh, Kalvari a thleng tak ngial dawn,
Engtin nge maw ka tih tak ang le!
Aw, ka Lal, i lo kir leh tawh law’ng maw?
I hmun tur chu Kalvari a ni.
Ka rawn theihnghilh law’ng che, ka Lal Isu,
Kalvari lam ka lo hawi nang e;
Ka tan i tuarna ka thinlung chhungah,
Ka hnukchah thlengin ka hre reng ang.
@BMW hian a thiam lo tak tak aniang a ?
Report this comment
April 6th, 2012 at 10:14 pm
ku lushai, i hla rawn tih te khi han chhiar ringawt chuan ka thiam zawng a nih loh hmel. A thluk chu hria ila chuan ka lo thiam reng mahna. E! Tihdan ka hria…i sa lai video in han la zuai la…youtube ah upload la….
Report this comment
April 6th, 2012 at 10:28 pm
@BMW: He lui kam atang hian ka solo ve ngai lo tlats…
I lo zin leh hunah kan sa ho dawn nia. Pu Mz-a kha a lo kal bawk si a, double date nei thiam ve hek lo le!!! Next time-ah chuan ‘RED CARPET WELCOME’ T3 atangin kan lo siam tawh ang, dotcommer zawng zang nen!
Report this comment
April 6th, 2012 at 10:40 pm
Ku PK chu i reh hle mai a. Sunday pual lah i rawn ti vak ta si lo a. Good Friday chu Misual ho kan hawihil mai angem aw te ka lo ti hman maw le. Gud post
Report this comment