Anganwadi kan han bang a, haw kawngah mi huana theire (theiria) tla kan chhar hnem deuh chuan kan lawm thin hle kha a ni a, chu pawh a neitute hriat lohvin huanah kan lut ru kha a ni thin min hriatchhuah kha chuan a hrehawm thei hle. Pawl khat kan han luh dawn meuh kha chuan form thar hak tur helhhawlh nge maw ni? zan atangin mut a har thin te kha ani a. Tournament awm lai kan nang fuh anih ngat chuan chu aia Nutrient sweet eina chance tha a awm awm lo ve, a chhan chu kan sweet hmuh phak kha chatuan sweet chiah kha a ni a, Tournament a inkhel ten ball an pet liam chharin sweet chu kan hlawh thin a ni, chhar kan inchuh nasa thei hle. Keini tan chuan a pet liam liam mi fel kha a ni ngawt mai, Ball pet liam thang deuh (a bikin stopper) te kha chu kan lo tan ve thei khawp mai.
Kan lo lei kang leh deuh a, pawisa hlutna kan hre tan a, thing fak te kan la tuak pha ve chiah si lova, thirchhe zawngin kan inhlawh ta thin a ni. Tute emaw kawmthlang kawr tawp tak tak ah chuan kan pawisa duh chuan thil eng eng emaw kan hai kan hai ta mai thin a. Hetih lai hun hian handset chu sawi loh, a lem tak ngial pawh kan mitthla pha meuh lo, kan thil er ber chu Wai Wai kha a ni a, thirchhe man a tlawm em avang hian kan lei pha lo fo, lei pha tura pawisa khawl nachang lah kan hre si lo. Kum khatah Wai Wai vawi khat kan ei kha chuan kan lawm hle thin, ti ti kan ngah phah thin khawp mai. Chu pawh mahni chauh in kan tuak ngah thei ngai si lova, thian zaho in kan ei thin, a ei chak deuh ni a kan hriat kha chu kan complain a, kan zinga boss deuh ber chuan, “nang kha i tham lian thei bik lutuk, vawi thum ei i chawl ang!” a han tih chuan a ei chhunzawm ngam ngai lo. (Wai Wai hi a chhip lam kan hawng a, kan in zen chhawk thin, a tham chhuak lian lian kha vannei an nia, mahse, a lian fal deuh a tham chhuak kha chu kan lo hmu thei khawp mai).
Kan lo leikang leh deuh a, thingfak te kan tuak ve thei tan ta a, tin serthlum rah phur te pawn kan inhlawh ve thei ta a, kan thil er pawh a lo sang ve hrat tawh a, chu chu Football a ni. sertawk pet ngawt chu kan ning ve deuh a ni mahna, sikul ban inkhelh dawn a Ball (sertawk) kan lawh khawl hnem theih zia te kha aw…kan inkhelhna bul lawkah khan vawkin a awm sia kan ball kha vawk ek ah a tla a, kan chhara kan hru thuak thuak a,kan pet leh mai thin, kan haw chu pheikhawk bun uih ni miah si lovin ke a uih duh hle. Kan ball neihchhun avanga ke na kha chu ngaiah kan nei tawh .
Tichuan, hun alo kal leh deuh a, Handset in min chiahpiaha, kan neih phak loh ni a kan hriat kha, kan han intuak ngah a kan nei thei ve mai a, kan in tuak dan erawh kan hun lai mil zelin a danglam thung a. Laptop erawh a man alo sang deuh nge ni, tuak fe alo ngai ta mai. Class kal dawn a piangin hma takah chhuakin, ke a kal ngat ngat a ngai ta, chhunah riltam pawh sawi thei lovin, thian zawng zawng ten canteen a mi liam san tur pawh chu thlir liam tha ngam lovin mahni in kan tei leh rut rut thin. Thiante hmawmsawm ei ang pawh chu ei pha lo mai ka ni lo, ka pek ve ngai loh leh pek tur ka neih ngai loh avangin, duhsak taka ‘Tiranga’ mi pek an tum te pawh chu ka hnar hram hram thin. Mahse, Chocolate min eikhum kha chuan chil a haw ve duh ang reng thin khawp mai. Sas hian sum an heh tih ka hriat vang nge ka hmuh zawh loh vang hrim hrim pawh ka hre ta lo, hmeltha hi ka hre lo ve khawp. Tichuan ka inkhawl rei hnu chuan, Laptop thar chu ka lei ve thei ta a, ka lawm hle mai. Zanah ka tlaivar pui thak!
Tichuan, ka thil neih hlu hrang hrang te lah ka neih dan te ka han chhut a, thenkhat chu beih fe hnu a ka neih te a ni hlawm. Thlan nasa tak a tla a, midang laka inkiltawih leh rual pawl ngam lo khawp a thil thar ka tuak zia te pawn ka rilru an luah a, an hlu hi ka ti thin ngawt mai. Mahse heng ka thil hlu neih te hian hlimna vawrtawpah mi hnutchhaih si thin! Laptop thar ka neih phei kha chuan zan pawh mu hman lovin kan inkawm ngeih hle kha ani a! Mahse rei adaih leh chuang lo! Ka thil thar neih zawng zawng ah hian Isua Krista aia hlu hi a awm lo ani, aman pawh tuak hah ngai lovin amah chu ka tan a rawn inpe a, ka laptop te leh handset ten mi chhiatsan lai pawn ani chuan mi chhiatsan ve ngai lo, ka chhas in mi ban pawhin ani chu ka tan a rinawm reng a, mi tan reng thin. A man tuak hah ngai te leh harsatna tam tak paltlang a ka thil neih te pawhin, hlimna tluantling mi pe ngai si lo. Aw Isu engvang ngawtin nge ka tan hian a thlawna i rawn in pek mai le….? (Isua Krista tan enge ka pek ve tak ang le?)
Similar Posts:
- Combined Post
- Laptop thar ka lei duh a..
- Laptop for Rs.9000/ only
- Mizo te leh infiamna
- How do I use the CD/DVD writer on another PC in a network?
April 15th, 2012 at 9:06 pm
K’n 1st ve keuh teh ag.
Report this comment
April 15th, 2012 at 9:38 pm
Post tha hle mai. Kan mangan leh beidawn tawpkhawkah te hlei hlei hian min tanpui hi a chak si thin a, “Nangni thawkrim leh phurrit phur zawng zawngte u, ka hnenah lokal ula, keiman ka chawlhtir ang che u” tiin min sawm reng a ni si a.
Report this comment
April 15th, 2012 at 10:35 pm
Keipawh sikul ban pahin kawng chhak lama mi kawlthei vawmthlak kan chin zia kha. Ball liam chungchangah chuan kan vengah chuan duli kan hlawh ṭhin. Kan hmuh har deuh chang chuan cheng nga ahte an kai tira; phakar deuh ṭhenkhat chuan an ball hmuh chu thukruin cheng nga a nih hunah an chhar keuh ṭhin. Phak ang tawk tawk chuan kan lo corrupt zawng a lo ni e.
Wai wai hi chu sawi ve reng rengah tiin bawm khat kha keimahin ka ei zo veka; ka in tihtheih zia kha. Ka nu boral nuam ka tih chhan ber pawh Aizawl lam chhungte lo kalin pawisa min pea; wai wai kan lei ṭan ṭan ṭhin. Tunah zawng chhunchawah ringawt pawh bawm thum laite ka pai ta. Ka ngainatna a la reh theilo a ni e.
Serṭawk tak hi chu ka pet ve meuhlo. Ball pangngai ṭhiante hausa deuhin an lo nei thei hlauh maia; a tihzia hle. Pawl te pawh kan din vea; tel man leh ban mante pawh kan siama; thingfak kan hmang thin. Inhrem nan pawh thingfak bawk kan hmang. Kan thingkhawnah kan dah mai ṭhina; chhungten an tuah ral ta a niang; kan ngaihtuah zui lem hlei law.
Handset hi chu ka awh hlimin ka lei thei nghala; ka vannei hle. Laptop pawh ka khal chhe ve ta ṭhak mai.
Khawvel thil changkang ka tih ho chu ka nei ve thei deuh zel maia; heng zawng zawng hi Lal Isua ka neih vang a ni. Isua Krista chu ropui ber zel rawh se.
Report this comment
April 15th, 2012 at 10:49 pm
tunlai chu ‘thing zar tliakin electric hrui a ti chat an tih loh leh a ban a tlu an ti thul’ khawpui a awm ve ka chak lek lek mai..kan thim mup reng mai.. ka fone te a rim hle. OT loh nan- ka bungraw neih ve chhun te te hi ka thawhchhuaha ka lei an ni. thawk theia min siamtu erawh ka chiang- chunglam…
Report this comment
April 15th, 2012 at 11:55 pm
Tawp nalh khawp mai. Nia,Isua hi I nei thar zel ang u.
Report this comment
April 16th, 2012 at 3:05 am
tawp mawi thiam ve…..
i van inkhawl thei em em bik ve le….. ngaihsanawm hle mai………kei chu ka pawisa neih ve ka hman zawh na pawh ka hre lo thin… kamram ka lawm fal bik aniang…
Report this comment
April 16th, 2012 at 8:02 am
Mizo zingah laptop neih hi changkanna a ngai kan tam hle an ti…
Report this comment
April 16th, 2012 at 8:11 am
Changkanna aniange, hei in zinga ka tel pha ve ta, . . .
Report this comment
April 16th, 2012 at 8:14 am
kekawr mawng pawp hluaiin tawlhpahrit ah tawlh pahin bawl liam kan han chang ngei ah. A pawp zau2 kha huai kan ni mai. . .he2
Report this comment
April 16th, 2012 at 9:02 am
Laptop sawi takah chuan ka on hian ‘no bootable device, insert disc and press any keys’ a ti ziah a, key han hmeh hian khi bawk khi a in tlar thla tuarh zel a. ka on a, ka off leh a, a changphei chuan ti deuh tluk tluk angai a..chuan windowah a lut ve leh thei mai bawk a. Engvangnge le? Awlsam deuh a siam that dan a awm em aw?
Report this comment
April 16th, 2012 at 10:38 am
Post ropui tak a ni…
Report this comment
April 16th, 2012 at 11:07 am
Tha hle mai a………..in hnangfak na tur i zawng nasa ng reng hle mai.
Report this comment
April 16th, 2012 at 11:18 am
ka lawm e.mahni thawhchhuah ngei kha naupan lai pawn alo hlu ani. nun tihlimtu ber pakhat ani in ka hria.@malst & @ BigZy
Report this comment
April 16th, 2012 at 11:19 am
I laptop thar chu a van sei em2…he2. Ngaihnawm ltk.
Report this comment
April 16th, 2012 at 11:55 am
Tamil naduah chuan college zirlaite hnenah an CM in Laptop a sem dawn niawm tak ani.
Report this comment
April 16th, 2012 at 12:09 pm
I va pet goal mawi ve
Isua tello nun neih chu hahthlak tak a ni!
Report this comment
April 16th, 2012 at 2:24 pm
Beisei lohna lamah min keuh chu le!
Gud post 
Report this comment
April 16th, 2012 at 3:09 pm
Ka lawm e @levi& @princess & @Dr John. tamil CM chu va ti tha ve @Hlimthla
Report this comment
April 16th, 2012 at 5:25 pm
@lrpa: A awmzia ber chu, i system in bootbale Hard Disk Drive hmu lo a nih kha.
Windows i hmang turah ngai ila, hetia a awmchhan chu, Windows i inistall na drive kha a corrupt emaw, i hard disk a chhe tep tawh a niang. Corrupt vang a nih chuan, Laptop i on khan BIOS ah HP Recovery Manager ah lut la, ta tang khan a recover theih ang.
I hard disk a chhiat chuan i on tlut tlut hnuah pawh load thei lo tur chu a nia, mahse entir vat teh a. Hard Disk chhia chu a uihawm duh em mai.
He link hi lo enchhin bawk la aw.
https://h30434.www3.hp.com/t5/N.....d-p/301638
Report this comment