Lo la na tawk chu in awm leh ngei maithei a. Tunlai chu ka rilruah a lang tlat a, ka rawn ‘parchhuah’ pui ve phawng teh ang. Tunlai ka reh rei deuh a, ka mikhual hru tawh mai a; ka rawn “Phunchiar” khat tawh bawk a, min lo hrethiam leh hlawm aniang chu.
Sawrkar thar duh takin kan thlang a, a tha kan tihzia pawh result atangin a lang thei hial. Mizorama kan sawrkar thin hi han bihchiang ila, “Anti-Incumbency factor” ai chuan kan duhtak sawrkar hi thuneihna kan pe tih tun kan sawrkar kan thlantlin atang pawh hian a langchiang hle a ni.
Sawrkar tharin hma an la dawn chauh a, kum khat em pawh a liam hmain sawiselna tinreng leh thuchhe tinrengin kan vawmzui a. Kan ram hruaitute hi kan va tiluhai dawn em! Kum khat chhunga election manifesto/propaganda zawng zawng tihlawhtling thei sawrkar te hi neih kan tum emawni chu aw ka ti rum rum thin…
Kan ram hruaitute hi kan han sel vak vak naa, ramdang, kan thenawm ramte hi han thlir teh u, kan ram hruaitute thatzia leh an zahpuiawmlohzia hi in hmu ve kuarin ka ring a ni. Vanram tarmit atanga kan thlir anih chuan Vantirhkoh hlir pawhin kan ram hi hruai se sawisel tur kan hmu leh teuh tho ang, tun kan dinhmun angah hi chuan.
Tun kan sawrkar pawh hi “Mombati sawrkar” tihtein kan tawngkam chhiain kan vawm a, khawi atanga power/current hi lo awm nge pawh hre hawt si lo hian, kan lo phunchiar ve em em ringawt a. Power unit khatah cheng khat leka a san pawhin kan phunchiar em em a, chuti chung chuan power hnianghnara neih kan duh lawi si.
Tube light pakhat leh fan pakhat ringawt pawha thlakhata cheng 200 an chawina hmun India ram khawpui changkangah te hian sawisel tur chu a tam duh ngawt hian ka ring a ni. Thlakhatah Fridge chhum lo chat lovin kan hmang a, room eng thei zawng zawng kan tieng a, khawvel changkanna power hmang zawng zawng kan hmang a, inchhawng 2/3 kan kap eng chuai chuai a, chuti chung chuan cheng 1000 chawi pawh har kan ti talh thung lawi si!!!
Kum khat chhungin NLUP an sem thei lo kan ti a, kan phun kan phun a, ahnu lawkah an han sem ta che ng a, a dawngtu turin an dawng lo…tih zawng zawng nen… A hmanna turah an hmang lo…. NLUP sum hi sawrkar hnathawk hlawh an hmang..tih angreng. Non-Plan leh Plan budget, Consolidated fund leh Contingency Fund pawh hre mumal lo hian kan lo sawt ve chiam chiam lah tak a!
MNF sawrkar te kha kan va nawrbuai nasa tak em! An hmalakna tha tak takte avangin tun kan sawrkar pawh hian hmingthatna tam tak an tel tho mai. Sawrkar project leh plan tam tak hi kum hnih/khat leka tihhlawhtlin theih anih lohzia hi kan inzirtir that a pawimawh hle mai. Chuti lo chu, kan politics hi mi fel leh tha te thawh peih loh khawpin kan sawihnawm anga, ram dang ang hian mithalo leh tualthat te hi kan ram hruaitute an nih zawk zawngin a buai ber tur chu keimahni bawk kan ni.
Tuna kan sawrkar te pawh hian Term khat chhung lekin Kan mual pui pahnihah grass min phahsak a, India ram hmun changkang tak tak pawha an hman phak loh khawpa changkang min chhawpchhuahsak a; kum 5 pawh a ral hmain Stadium min buatsaih hlawhtlinsak tep thei a ni a. Heng hi an hmalakna kawng tlemte chauh a la ni. Duh chintawk hi i nei thiam teh ang u.
Thil reng reng hi awmze neilova sawisel chiam chiam hi kan sim a hun hle mai. Duhthusam hi khawvelah hian tumah hian kan hmu dawn lo. Duhamna hi mihringzia pakhat a ni tih hre mah ila, midangte tlinlohna leh fel lohna lai sawisela, an thatna lai tur hrilh chuang si loha duhthu sam avanga midangte nun kan nekchep fo thin hi chu kan sim a hun tak zet a ni.
Similar Posts:
- Current awmloh hi tunge dem tur??
- Power Supply Mumal Lo Lutuk Hi !!
- Congress sawrkar-in kum khat hmang zo
- Mizote tan – YMA Official Website
- “Sir” awmkhawmna ram hi!
April 21st, 2012 at 7:04 am
Hmm…
Report this comment
April 21st, 2012 at 7:09 am
..
Report this comment
April 21st, 2012 at 7:48 am
chhiar ang! a HOT dawn tatrawta post hi chu hot lo ngai lo
Report this comment
April 21st, 2012 at 8:08 am
Congress tirhkah chu i ni em lo ang tiro
chuan Grass min phah sak na khi 2 ni loin 3 a ni zawk lo em ni Lunglei ah pawh awm ve tawh kha 
Report this comment
April 21st, 2012 at 8:10 am
Ka’n keu thuak a,
A lo in bold tuar a,
A post tu rin ka nei nghal a,
Mitthlaah kaikuang a lo lang a…
Trawta hi i bula awm a nuam ngawt ang..
Report this comment
April 21st, 2012 at 8:32 am
Chaw ka’n ei phawt anga ka rawn phunchiar ang. Oh! ka rawn comment leh ang ka tih na
Report this comment
April 21st, 2012 at 9:26 am
Nia, kan phunchiar. Nang pawh i rawn phunchiar tho.
Election campaign-a political party ho manifesto chu mipui chuan an tihlawhtling turah kan ngai a, kan beisei hrim hrim alawm.
Report this comment
April 21st, 2012 at 10:00 am
A dik khawp mai, kan phunchiar deuh chu ka ti. Tupawh sawrkar se ‘i trangrual ang u’ tih awm ta lo chuan kan sawisel luih luih zel chu a nih ber hi. Mahse, timna awm map lova kan pu berin NLUP chungchang-a dawt an sawi miah miah mai kha chu kei misual tharlam te hian ka helh ve al al khawp mai. Tin, (ti deuh hluah teh ang
) ka thiam ang tawk a kan sawrkar che vel ka thlir hian Sawrkar hnathawh hi ka chak ta lo. Ka zirlai te hi kan zo te te anga State sawrkar hnuaia hnathawh chu ka tum ta lo khawp mai. (A thlen dik leh dik loh chu chunglam thu)
Report this comment
April 21st, 2012 at 10:02 am
Chhiar hmain comment ang.. Chemte, a thupui khi i inhmeh
Report this comment
April 21st, 2012 at 10:27 am
Chemtea hian tun kum hi 2009 emaw a tia mawni le!!
Report this comment
April 21st, 2012 at 10:47 am
Kan phunchiar thawkhat viau mai.
Report this comment
April 21st, 2012 at 10:48 am
Phunchiar hi a inchawhphur tawn(encourage) theih khawp mai. A in khap daih(discourage) theih viau bawk. Democracy merit leh Demerit ah ngai phawt mai teh ang.
Report this comment
April 21st, 2012 at 10:49 am
ruling hi chuan sawisel pawh an dawl ve turah ka ngai, sawrkar apiangah ani ziah ang Democracy kannih chhung chu…Phunchiarna tur kan hre lo zawkin ka hria.
Report this comment
April 21st, 2012 at 12:42 pm
kan la phunchiar lo zawk alawm le
nawr kal chawp ngai sawrkar anih hi… milem Pathian be ho nen phei te chuan tehkhin chi ani lo
Phunchiarna hian thil thalo aiin tha a hringchhuak tam zawkin ka ring
Report this comment
April 21st, 2012 at 12:57 pm
Phunchiar hi a tul ve bawk alawm le. I post tha leh pek e. Ram hruaitu atan kan phutawk chiah kan nei e an tih thin tak kha maw. Kan thlan loh a tling awm hek lo, an lo thalo anih pawhin kan tawrh tur reng ani.
Post hi ka thlawp e. Sorkar thiltih reng reng ‘Ka inbual dawn’ tih a inbual mai ang a awlsam ni heklo le, mipui lam kan hmanhmawh tawh thin si a, kan phun kan phun mai anih hi. Chutih laiin kan thlantlin te lah in an intiam ang an hlen lo nuaih zel bawk si
Report this comment
April 21st, 2012 at 1:01 pm
Congress sawrkar hi chu tun dinhmunah chuan an tha lo chiang a ni, sawisel loh hleihtheih pawh an ni lo. Ruling ni chung hian an opposition chet thin lehnghal. Fak phu se ka fak hreh lo; mahse, lu an tihai em zawng anih hi.
Report this comment
April 21st, 2012 at 1:17 pm
A va HOT lo ve?
Ngatinge Plan leh non plan te hre hrang lova an lo soisel mai2 ni………….Hahaha
Report this comment
April 21st, 2012 at 1:21 pm
Phunchiar hi a thatna lai a awm ve ani ang e
Report this comment
April 21st, 2012 at 1:38 pm
Phun phun tur,a chiar hma chu!
Report this comment
April 21st, 2012 at 5:11 pm
post tupa chu a va tang ve,chhiar zawng ringawt pawn min ang khum phiar2 a ang mai lawm le
Report this comment
April 21st, 2012 at 5:13 pm
Trawta chu – nia ti khan ang bawrh bawrh rawh… i ziak tha ka ti khawp mai….
Report this comment
April 21st, 2012 at 5:25 pm
Awmze neia phunchiar kan zir a ngai. Kan politician-te pawh hian awmze neiin thu sawi se, fim kara ngaihthlak tlak thu sawi thin rawh se.
Chhiah chungchang i sawi khi full support.
Report this comment
April 21st, 2012 at 11:51 pm
Post tha khawp mai, supa
NLUP 3rd selection ah ka dawng ve mai thei ka dawn loh chuan ka phun (chiar) ve nasa ngawt ang
Report this comment
April 22nd, 2012 at 1:37 pm
Test
https://tinypic.com/r/2ih5pc6/5
dik lo phawt
Report this comment
April 22nd, 2012 at 1:41 pm
Again..
https://i44.tinypic.com/2ih5pc6.jpg%5B/IMG%5D
Ka va thiam tawh tak emmmmm! he he
Report this comment