Tuktin hlimten i lo par chhuak,
Huntin lawmin i lo hmuak;
Sakhming pu zo khuavel mawitu,
Siamtu siamchhan hlentu parmawi!
Furpui khua hnawm khuangruah sur se,
Thangvanah rialpui pawh rum se,
I zam si lo, i khur hek lo;
Par i thulh chuang lo tuktinin.
Sikpui vawtin a ngam lo che,
Parmawi i vul zual zel zawk e;
Thal khaw ro leh charah pawh,
I vul lai ni a tawp thei lo.
Kan tluk lo che hringfa lengten,
Parlai kan kham chapona nen;
Kan mawina par vul ve tur pawh,
Chuaiin a uai zo leh si thin.
Ka hringnun tuktin par chang se,
Hawihte’n tuktin par ve se;
Siamtu lung dum hian ka mawi e,
Hlimtea par tuktinin.
May 11th, 2012 at 1:13 am
Zanlaiah TUKTIN PAR chhiar chhaks ang!
Report this comment
May 11th, 2012 at 1:19 am
Pahnihna.
A mawi ngei mai.
Tuktin par hi fùr lai deuh chauhvin emaw a pàr ka lo tia
Report this comment
May 11th, 2012 at 1:26 am
ni e… chapona hi vuaina a lo ni…
i par ang u nitinin….
Report this comment
May 11th, 2012 at 1:32 am
Ka lawm e. Lengzem ah kum tam liam ta khan ka thawn ve e ka tia, min tihchhuahsak ta lo
hringnun ka thlir ve-na pakhat a ni e tuktin par hi.
Report this comment
May 11th, 2012 at 1:55 am
@ A va tha kher em ve le. A dang pawh rawn post zel teh post-tupa. I thiam lutuk tlat.
@4, Lengzem-a chhuah tlak loh atan chuan a pamhmai lua ka va ti em! Keipawh tun May thlaa Pu Editor huang a tana ka zawhna leh thu engemaw ka thawn te an rawn tichhuak ta hauh lo. Ka thurawn tlawm ve tak leh zawhna kha a ho an ti a nih loh pekin a na deuh an ti pawh a ni maithei.
Report this comment
May 11th, 2012 at 1:58 am
A ril phian mai (ti ngawt teh ang). Thu thiamlo ka ni, mahse i ziak ka hrethiamin ka inhria…. touching
Report this comment
May 11th, 2012 at 8:01 am
A mawi in a tha reuh hle mai.
Tukchhuah nuam vek u le@
Report this comment
May 11th, 2012 at 9:19 am
Tukin tuktin par chu a va mawi reuh em..
Magazine/chanchinbu, mahni tawka lian ve a inngai ho hi chu dek thiam leh an duh ang te va pek hi a ngai a nia.
Ka sawilang tawhin ka hria. Kum a vei ve ta nual mai..
Vanglaini chanchinbua chhuah tur article pahnih (a huapzau lo pawh a ni mai thei 
) ka tehluh ve chu a reh hmak a. Dengue fever a len laia natna chungchang ka ziah erawh, a tukah an chhuah nghal. (Ka beisei miah loh vin 
)
Report this comment
May 11th, 2012 at 9:34 am
Most welcome : sylable khi khawih tel hman la tha tur.. End rhyme pawh khi ai mawiin i ti thei chiang. Tang zel rawh.
Report this comment
May 11th, 2012 at 9:50 am
“Solomona meuh pawh a ropuina zawng zawnga a inthuam khan heng tuktin par pakhat tluk pawhin cheiin a awm lo…” (Mt.6:29).
Report this comment
May 11th, 2012 at 5:44 pm
Tha khawp mai,hei tuktinpar chuai lam ka lo thawh ve ang e…
https://i.imgur.com/pPIXI.jpg
Report this comment
May 12th, 2012 at 3:51 am
Kan belh ve ange….
Mahse I vul lai reng a tawi lua e,
Uai lo ten vul reng la kumtluangin;
Chutin i par kan tlan nang e Val lungleng ten,
Chung chhawrloh thlapui thangvan sang a lo kaiin!
Report this comment