Vawiin 13th, May hi Mothers’ day alo ni reng mai a. He niah hian, engemaw tal han ziah lan ve hi thain ka hria a. Ka nu tunah khawvel dana tar ni ve tan tawh kum 68 miin min lo enkawl seilen dan leh a phak ang tawk tawka min lo zirtir dan han thailan ve mai mai ka han duh deuh va, min lo ngaithiam ani ang chu.
1. Sex Education:
Ka nau nen kan han rawlthar chhuah hian Ka nu hian min zilh thin a, “Nula in rawn ruk chuan kan inah in rawn luhpui thei lovang, Ruk ruka chhungkua in din ka duh lo; Tin, Sawn in thlak vaih chuan, duh loh a sawi theih lohvang, in nei ngei ngei tur a ni ang” a ti thin a. Ka nau chiah nen hian kan nula mi ang reng viau naa, he thu hi kan zah hle tih ka hria. Tumkhat pawh dinhmun khirh lutukah ka ding a, Nupui ka ru teuh ther ther kher mai, mahse he ka nu min zirtirna hian min chelh hneh hram hram a ni.
2. Thlahrang leh Ramhuai chung chang:
Kan naupanlai chuan Thlahrang leh Ramhuai hi kan intihthaih nasa thinin kan hlau thei hle thin. In barakhaih te kan chin avangin Lungphu thalo deuh leh Mumang thalo(Nightmares) ka nei fo thin. Ka nu hian tih reh a tum khawp mai a, “Thlahrang leh Ramhuai tia an sawi reng reng hi mi dawihzep leh damlo, rilru lam chianglo hmuh leh sawi vek anni thin; mihuaisen finfiah dawl zo tak tak an awm ngai lo” tiin min hrilh thin a, Hei tunthleng chuan ka la hmu ta lo chu a niah.
3. Huaisen hrim hrim:
Naupang nungchang tha, mi tina ngailo leh insual lam pawh huaisen vaklo ka ni thin a. Thenrualkawm naah leh veng danga Sikul kal naah te a thatloh chin alo awm ve a. Ka nu hian huaisen min zirtir nasa hle thin. Rul te, Pangang te hi a hlau hle naa, hlau miahlo anga lan a tum tlat thin a, ka hlauh loh phah hle. Tin, Thlipui te pawh hi a hlau hle na a, hlau lo turin min fuih thin a ni. “Mipa chu Lu a chhum hma chuan tah loh tur” a ti mai thin. Ka Rawlthar chhuah hian Karate, Judo leh Boxing te pawh ka zir an phal hial a ni. Confidence ka neih phah hlein ka hria a, ka duh vang reng nilova hun khirh tak ka tawh changin ka him phah fo bawk a ni.
4. Tlawmngaihna:
Kan han Rawlthar chhuak ve tan a, Khawtlang huap hnatlang leh mi zawn te, Tuitla zawn te leh Ram chhuahvah nikhuaah te, a thatchhia leh zawmthaw pawl nilova, a taima leh Tlawmngai pawl nih zel tum turin min zilh thin a. Hmeithai fapa mal nei te chuan, an fapate kha in dim tur leh awl ruk deuh thiam tur tein an zirtir thin a, mahse, Chutiang tur ani ngai lo, a tlawmngai bera tan zel tum tur a ni” a ti thin. “I Pu(ama pa) te phei hi chu, Ramlama chhuahvah leh ram an riah te hian an Buk an kalsan dawnah Ramvak dangte tan Mau ro leh thingte hi engemaw zat an lo fawmkhawm sak sa diam thin a, chutiang chuan Buk an kalsan kher thin” tih te hi min hrilh thin.
5. Rinawmna/Hlemhlet loh chung chang:
Thil ruk hmang leh Kutkem nei kanni ang tih hi a hlau hle mai thin a. A Pa(ka pu) te hunlaia Chikhur ami chi an phurh thin chung chang a sawi thin a. Lo hlemhle deuh, thil eng eng emaw lo paipawn rut e, Chi zuartu lo bum duh mai ang te hi, in an han thlen hian an thil ruk/hlepruk ang tlukpui hi an in lama halo bo thlau ngei ngei thin , an hlawk ngai chuang lo” tiin min hrilh thin a. Chu chu ka rilruah a intuhnghet tat lat a, Ringtu Piangthar dik tak te hian Corruption hi kan hlawkpui ka ring ta miahlo a ni. A hu tawk engemaw kawng zawng takin kan hloh ngei ngei tur ni a rinna nghet tak ka thinlungah fiah takin alo ziak daih a lo ni.
6. Pathian Thu-ah:
Ka nu hian Beginners leh Primary pawl kan nih chhung zawng hian Sunday School ah min zirtir thin a, zan lamah hian khumah min hrilh chhunzawm ta thin a, min awihmut nan a hang thin a ni. Mitdel niin Bible hi hmu ngai miahlo pawh nit a ila, Ka nu min hrilh zawng zawng pawh kha Pathian thu hre pawl tak nihna tham aniin ka hria. Hetia Full Time a rawng ka han bawl ve tak hnu hian ka chhawr em em ta mai a ni.
Tin, Mihring(milian leh miropui, mi thiltitheite a rinna nghatlo tur leh, Pathianah chauh RINNA nghat tlat turin min zirtir ngun em em thin bawk a ni.
Ka nu hian Nu dangte ang thovin a fate hi min hmangaih takmeuhva, a tul chuan kan nun chhanhim nana a nunna hlutak hlan hi a hreh ngailo tih hi ka chiang a, Tin, ka hmuh dan chuan He khawvelah hian Mihring rinawm leh dik hi an awm ngai anih chuan, ani hi chhiar hmaih theih miah loh tur zing ami aniin ka hreve tlat a ni.
In nu te zirtirna tha in dawnte han sawi lang ve ula, Nu te hi an phu ang takin I han CHAWIMAWI teh ang u.
Misual nuho zawng zawng (Silent readers te tel vekin) Mothers’ day chibai ka buk vek a che u.
May 13th, 2012 at 9:38 am
FIRST………………………….
Report this comment
May 13th, 2012 at 10:28 am
A tha thin teh e. Nute hi eng ang pawhin fak mah ila an phu tawk ang fakna an dawn tak tak theih a rinawm loh.
Ka hriat theih chinah ka nu hian tih tur leh tih loh tur min hrilhawm ka la hre lo. Mahse ka zirna turin khaw lam hla tak takah chawhmeh tawlhin a sumdawnga, ka ngai thin ngei mai. Ka naupan laia rilru na taka mittui tla zawih zawiha ka siam te kha ka lainat mang e.
Report this comment
May 13th, 2012 at 11:33 am
OT chiahlo NEWS:
Aigupta (Egypt)ah chuan mi pakhat chu heart attack vangin a thi a. Damdawiin atangin a ruang chu in lamah an hawnpui ta a, a chhungte, a nu leh pa ten tawrh har anti viau awm e.
Mawsawlman danin, an vui dawn ta a… a ruang chu an bual fai ta kelh a.
Taksa dai tawh chu a death certificate va sign tu tur doctor chuan a lum tih a hre ta. Amah an vui dawn mek laiinalo tho leh tlat. Anu a thidang…..an harh chhuah ve ve hnu chuan vui tu turte nen chuan an lawmta luih luih zawk a ni.
Anu lawm dan tur zia kha ka ngaihtuah a, amahah ka inchan a… a fapa pianni leh tun a alo dam leh ni hi a dam chhung a a lawmber ni ani hial maithei a ni.
Nute ni (mother’s day) chibai vek ule.
https://www.salon.com/2012/05/1....._awakes_2/
Report this comment
May 13th, 2012 at 12:01 pm
Nu tha thlang dawn se ka nu hi chhiar hmaih theih niin ka ring lo. Toppers tam tak a awm theih, ka nu hi toppers zingah a lang ve ngei ang.
Nopan laia thawnthu min hrilh zawng2 hi bible chhung ami vek a ni. Pathian thu chu ka nu nunah ka hmu.
A hunawl neih hi bible chhiar nan a hmang deuh ber a, a fate tana dil ber chu sum leh pai, hmingthanna lam niloin thinlung taka pathian kan neih hi a duh ber a, a tawngtaina pawh a ni.
Sawi sen a ni lo.
Lalpa khawvela nu tha ber min pek avangin ka lawm e.
Ka nu ka hmangaih che.
Report this comment
May 13th, 2012 at 12:15 pm
Ka nu ka nu duh tak chu,Tlangtin mual tin zawng ila, Amah ang reng an awm lo, Ka nu ka nu duh tak chu.Ka damlova a tlaivara, ka tapa min lo chawi mu thin. Hah tak leh chak lo chung pawh in, ka nu ka nu duh tak chu.
Report this comment
May 13th, 2012 at 12:19 pm
A va tha kher em…. Nu te ni hi tum tum chu ni dang aiin ka rilru ah a tla na ve tlat mawle. A chhan pawh Kan chnchinbua chhuah tur thu tha deuh ka chhiar a, a ziak thiam em a, nu te hlutna ka hriat thar phah nasa hle mai. He thu pawh hi a ropui in a tha kher mai a, a chhiar tute Pathian in malsawm mawlh rawh se
Report this comment
May 13th, 2012 at 12:43 pm
A tha hle mai
Report this comment
May 13th, 2012 at 12:54 pm
thu i ziak thiam e
mihring hi kan mak ngawt mai,kan han thang chho zel a stage hrang hrang kan han pal tlang chho a,nute kan ngaidan pawh hi a inthlak ve nasa ngawt ma.Nute/chhungte ngaih em em stage atangin chhungte zahpui ve khanglan lai stage te,chuta tangin ka upa telh telh a kan ngai leh telh telh chu nih hi.
Kum 10 dawn lai vairampur ah ka lo awm ve ta reng mai,lunglen vawng vawng chang hi ka va ngah tak emmmmmm
Report this comment
May 13th, 2012 at 12:59 pm
Nu leh pa hlut zia hi hria inti viau thin mah ila min thih san chiah hian hriatchian leh zual a awl.
Report this comment
May 13th, 2012 at 1:20 pm
Ava ropui ve.
Sawrkar leh zirna school ai chuan nu leh pa zirtina hi ka ngai pawimawh zawk. Moral education mai nilo zirna tam zawk hi chhungkua atanga in tan tur ah ka ngai nghet bur. Ka nu leh pa hi mi te ngaihin ropui lo mahse an rinawm bur na leh tawrhchhelna hi ka chhuang in ropui ka ti thin khawp mai. Chhing zo an awm bik lovang.
Report this comment
May 13th, 2012 at 3:15 pm
Mahni nute hi kan ngaisang a, kan tan chuan an ṭha ber vek.
Report this comment
May 13th, 2012 at 3:25 pm
A tha hle mai…
Ka nu kan Wish ve teh ang!
Report this comment
May 13th, 2012 at 3:34 pm
Vawiin hian Nu duh tak lo chan tawh zawng zawng te, ka tuarpui tak meuh a che u. Tuna Nu la nei hote khan, an thih hnua an hlutna hmuchhuak chauh lovin, an damlai ngei khan an lawm zawng thu emaw, hla emaw, SMS emaw Present emaw hmangin han lantir theuh dawn teh u le.
Report this comment
May 13th, 2012 at 5:58 pm
Report this comment
May 13th, 2012 at 9:10 pm
Rin loh deuhvin Mothers’ Day ah hian Man U kan Champion leh lel dawn elo maw hei? Man U 1 – 0 Sunderland, Man City 1 – 2 QPR. (80 mins)
Report this comment
May 13th, 2012 at 9:27 pm
Mak deuhvin Manchester City an Champion ta zawk tlat mai.
Report this comment
May 13th, 2012 at 9:32 pm
Manchester City chu an inlei champ ta nge nge e
Pu Pk, ka lo OT dawn ania. Zanin inkhel ka en chu ka va hah ngai ve. Pawi lutuk.
Report this comment
May 13th, 2012 at 9:44 pm
Sheldy, Man U ho hi an Champion leh chuan Season thar atan World Class Players 2/3 tal lei a tulna hi an hmuh kan leh palh ang. Tihian inlei an ngaih tawh zia inhre chhuak thar ve sela a tha ang.
Report this comment
May 13th, 2012 at 9:57 pm
Pu Pk, a dik khawp mai. Sum neilo pawh ni silo player tha lei a ngaih thu kan Pu-a chuan a ngaihtuah vung vung ka ring. A… City pawh chu han champ ve em em tawh teh se
Report this comment
May 13th, 2012 at 10:01 pm
Nia, Lawmte lawmpui theih hi a tha ngai e. Season thar ilo thlir teh ang.
Report this comment
May 15th, 2012 at 9:09 am
A va tha em.
Ka pu te fanu hralh a talangin kan buai deuh a, mothers’ day pawh ka lo hre hleinem le.
tren tren
Report this comment