Zofooty.com: Mizoram Football Association (MFA) chuan season thar lo awm tur aṭang hian League mumal zawk leh ropui zawk siam a tum a. Chumi bik atan chuan Study Group din a ni. Chu Study Group chuan league hrang hrang te an zir chian hnuah Mizoram mil ang tawkin ruahhmanna a siam a. Chu ruahhmanna chu a hnuaia tarlan hi a ni. He ruahmanna hi rawtna chauh a la ni a, thuthlukna tak tak a la ni lo tih erawh kan hre dawn nia.
Draft Proposal for Mizoram Premier League (MPL)
1. CLUB CRITERIA
1.1 Club chu Firms and Societies hnuaiah a in-register tur a ni.
1.2 Club chu commercial entity a ni tur a ni a, fan-based a ni bawk tur a ni.
1.3 Club neitu nihna 100 zela 51 (51%) tal chu bonafide resident of Mizoram in thuneihna hnuaiah a awm tur a ni.
1.4 Club-in bank balance Rs. 4,00,000/- (Nuai li) tal a nei tur a ni.
1.5 Season khatah Rs. 1,00,000/- (Nuai khat) aia tlem lo sponsor-tu a nei tur a ni.
2. SQUAD
A. Club tin hian players 20 aia tlem lo leh players 30 aia tam lo Squad an nei tur a ni a. A hnuaia dân hi an zawm bawk tur a ni.
2.1 Foreign players (India ram pawn) 2 bak lak theih loh, hei hian Zohnahthlak a huam lovang.
2.2 State dang (Mizoram pawn) players 3 bak lak theih loh.
2.3 U-19 players (Local Players) 3 tal an awm tur a ni.
B. Match apiangin Squad-ah hian players 18 bakah Coach, Asst Coach, Manager leh Physio (18+4) an awm thei ang.
2.4 Foreigner pakhat bak playing XI-ah an tel thei lovang.
2.5 State dang (Mizo ni lo) players 2 bak playing XI-ah an tel thei lovang.
2.6 Playing XI-ah hian U-19 player pakhat tal a awm reng tur a ni.
C. Team tinin match officials a hnuaia mi ang hi an nei ngei tur a ni.
2.7 Team Manager.
2.8 Coach (AFC ‘D’ License emaw, a tlukpui tal emaw, NIS diploma nei emaw tal a ni tur a ni) leh Assistant Coach.
2.9 Physio (Recognised University hnuaiah diploma nei tal emaw MFA-in team physio training a buatsaih tur paltlang emaw a ni tur a ni).
3. PLAYERS CONTRACT
3.1 Club-in a player zawng zawng contract a ziahpui ngei tur a ni.
3.2 Mizoram team (Senior – Santosh Trophy) tana khel tawh chu a tlem berah
Rs. 10,000/season-in contract a ziahpui tur a ni.
3.3 Mizoram team (Junior) tana khel tawh chu a tlem berah Rs. 5,000/season-in contract a ziahpui tur a ni.
3.4 Player dangte chu a tlem berah Rs. 3,000/season-in contract a ziahpui tur a ni.
3.5 Player-in club tana contract a ziah chuan a ziah fel aṭanga darker 48 chhungin a finfiahna nen club-in MFA-ah a thehlut ngei tur a ni.
3.6 Player pakhatin club pakhat aia tam tana contract a ziak a nih chuan season khat chhung a khel thei lovang. Contract a ziahna club-te hnenah a hlawh tur ang zat a chawi bawk ang. A chawi duh loh a nih chuan tiam chin awm lova football khel thei lo tura hrem theih a ni ang.
4. PLAYERS TRANSFER
4.1 Season khat chhungin transfer window pahnih – first leh second window a awm ang.
4.2 Player contract nei lai transfer a nih dawnin player remtihnain a contract neitu club leh a insawnna tur club-te an inberem tur a ni.
5. YOUTH SYSTEM
5.1 Club-in Under -17 team a nei ngei tur a ni.
5.2 Under 17 team-ah hian player 18 aia tlem lo an register thei ang.
5.3 Under 17 player-te hian first team tan pawh an khel thei ang.
5.4 Under 17 player-te hi chu contract ziahpui kher a ngai lovang.
6. EQUIPMENT/KIT
6.1 Team tinin first choice colour an nei hrang tur a ni. Club hian Jersey pahnih (Official Jersey leh Spare Jersey) an nei tur a ni a. Heng jersey pahnihte hi a rawng (colour) a inang tur a ni lo.
6.2 Jersey number chu 1 to 50 inkar a ni tur a ni a, jersey no. 1 chu Goalkeeper-in a ha tur a ni.
6.3 Player-in season chhungin Jersey number ngai, in-register-naa an tarlan chauh a ha tur a ni.
6.4 Team Jersey-ah chuan team logo, MPL logo, Main Sponsor hming/logo, Jersey siamtu company hming leh player hming bak a chuang thei lovang.
7. TEAM TEL TURTE:
7.1 Mizoram Premier League (MPL)-ah hian team 8 an awm ang. Heng team 8-te hian a chunga inkaihhruainate khi an zawm vek tur a ni.
7.2 2011/12 a MFA first division a awm, Dinthar F.C., F.C. Kulikawn, Luangmual F.C. leh
Mizoram Police (1st Bn MAP & 3rd Bn MAP) te chu a chunga inkaihhruaina ang hi an zawm thei a nih chuan an tel thei nghal ang. Mizoram Police bik hi engemaw chenah hriatthiam an ni ang a, an club kalpui dan turah Mizoram Police hotute nen inbiak rawn a, ngaihtuah zui leh tura dah a ni.
7.3 A chunga inkaihhruaina zawm thei Mizoram chhunga awm football club-in hmun ruak dang chu an hnawhkhat ang. Hmun ruak awm zat aia tam football team an awm a nih chuan, playoff hmangin MPL-a khel thein tur hi thlan an ni ang.
Division hnuai aṭanga Mizoram Premier League kaisan theih dan
Division hnuai atanga Mizoram Premier League a kaisan dan tur chu District tina Champion leh Runner up ten Mizoram Premier League criteria an zawm thei a nih chuan playoff an khelin an lut chho thei ang.
Similar Posts:
- Mizoram Premier League Playoff chungchanga MFA thuthar
- Football fan-te tan!
- Mizo club tel lohna 2nd-division I-league final round
- English Premier League 2012/13 season khaikhawmna
- Mizo footballer ten India tan an thawhhlawk
May 27th, 2012 at 10:02 pm
Hmasawnna chikhat chu a ni ngei mai.
Report this comment
May 27th, 2012 at 10:56 pm
..
Report this comment
May 27th, 2012 at 10:58 pm
MPL hahaha
An sawi ang khian hlawh an pek theih chuan hma chu kan sawn ngei ang
Report this comment
May 27th, 2012 at 11:14 pm
Duh ai an hlawh tlem thei ber tur khi a la tlem mah mah a ni. Mahse, ram hausa, club hausa dang nena intehkhin thei kan la ni rih si lo va, kan phak tawk a la ni miau si-a le. Mipuiin kan hlut chhoh viau chuan sum pawh a tam telh telh ang a, tun aṭanga kum reilote-ah Mizo footballer-te hian Mizoram chhungah ngei football hmangin ei an la hmu ve thei ngei ang.
Report this comment
May 27th, 2012 at 11:50 pm
Nia a tlem em em a nih khi an hlawh tlem lam khi minimum ah pawh sing tal chu kai ve seng season rei lam hi sawi tel bawk seng
Report this comment
May 27th, 2012 at 11:52 pm
Ka hre ve vak lo na a, a tha khawp chuan ka ring.
Report this comment
May 27th, 2012 at 11:58 pm
@hmingtea, final a la ni lo va. Sing kai tur chuan bulṭanna chauh a la ni a, club rethei të të an la ni hlawm bawk si a. A harsa deuh vang. Sponsorship beitham tak leh eng eng emaw tournament aṭang bakin sum lakluhna an nei mang awm si lo. Club jersey-ah pawh eng tham mah an la lut lovang. Hmasawnna tur kan la ngah khawp mai a, lei rem kan rap dawn ṭan erawh a ang.
Report this comment
May 28th, 2012 at 12:09 am
club hming tur eng te nge niang le? Zarkawt Zebras? Tlungvel Tigers? Lunglei Lions?
Report this comment
May 28th, 2012 at 12:19 am
^Hahaha… Electric Elephant, Dawrpui Dog, Champhai Cow…
Report this comment
May 28th, 2012 at 12:19 am
IPL style in cheergirls lam te? Supermodel sawm tur an awm teuh anga
Report this comment
May 28th, 2012 at 12:35 am
Awm ang ve dawn hle mai a
Rawtna tha tak ani
Report this comment
May 28th, 2012 at 12:38 am
Good Idea.. mahse a hlawhtling ka ring hauh lo. Sorry.
Report this comment
May 28th, 2012 at 12:49 am
han ti zel phawt se a tha a ni mai. hmasawnna a ni ve khawp mai.
Report this comment
May 28th, 2012 at 12:54 am
Theih lohna tur a awm phei chu ka hre hran lo, sponsorship lam phei chu Idol velah pawh a tam thin kha. Hausa lah an tam. Club khi awmsa an ring deuh tawp dawn a nih hmel a. Auction lam te engtin nge MFA hian a pui thei dawn em?
Hei aia ka awh zawk chu I League khel pha pakhat tal han neih ve hi a ni
Report this comment
May 28th, 2012 at 1:00 am
Hmm Kei Vaivawm lawmpa hian he thil hi tha ka ti hle mai a. Mizoram thalai tam tak te tan kawl a eng phah ngei ka beisei. Mipui lam in ngaihlu thiam ila, sumdawng hausa ten sponsore sup sup rawh se. Man Hunt te, Idol ai chuan a that hmel fe zawk, Celeb (Chheleb) intodelh mang lo siam ai chuan kan hlawk pui ngei ka beisei tlat a ni. Mizoram Football par vul zel rawh…………
Report this comment
May 28th, 2012 at 1:09 am
A hlawhtlin theihloh nachhan tur ka hre hauh lo mai, mizo footballers te tan kan ram ngeiah kawl a eng tan ta ni ah ka ngai..hma han la tak tak teh se.
Report this comment
May 28th, 2012 at 1:28 am
A hlawhtlin theihna tur ka hre lo. Mi hausa ho hi lo chhuak sela, contract mumal tak neiin, felfai takin kalpui thei ngat sela chu a kum têlin hma kan sawn ang. Mi hausa tlemte pawh rawn pên chhuak se, an intihhmuh chho mai ang. EPL football-in min chiah hneh em a, an kalphung khu kan rualawhna ber niin a lang a. Mipui lam paw’n kan hlut chho viauin ka ring. A pawi ber chu club wise-in fans an la kal thei lo hi a ni. A veng ang zawnga inkohkhawm a ngai thin.
Report this comment
May 28th, 2012 at 1:32 am
Kan CM-in êng vuah tum a nih thu a sawi tawh a, zanah pawh pangngai takin an inkhel thei tawh dawn a. AR an chhuah phei chuan zalên takin an inkhel thei ang. TV lam nen inremsiam sela, inkhel apiang live sela. Inkhelh chungchang hi newspaper lamah a tam thei ang ber chhuah ni bawk se, internet lamah pawh football chanchin ziahna site pahnih kan nei a. He’ngte hian ziak reng bawk se, mipui chuan kan ngaihluin kan ngaihven vat mai ang.
Report this comment
May 28th, 2012 at 1:55 am
An tih tawh chuan ti tlang pawp se, a hlawhtling nghal vek lo a nih pawn mipui kan harhchhuak anga, mumal taka a kal chuan kan la ngaihlu tho tho ang. Rei nghah a ngai tawp lo ang.
Report this comment
May 28th, 2012 at 2:07 am
I league a tel tur Mizo team kan awt hlawm viau a, a tha. Mahse kan ram ngei ah hian league pangai tak nei phawt ila, in sawh nghet phawt ila, tichuan hma lak a samkhai zawk in ka ring.
Report this comment
May 28th, 2012 at 2:08 am
#20 hi ka ngaihdan. I League-a tel turin league mumal taka inchher hriam hmasak phawt kan ngai a nih hi. Kawl a êng ṭan det detin ka hria, Mizo football lovers leh footballer te tan.
Report this comment
May 28th, 2012 at 2:09 am
Sawipui tur in awm lo, in reh e mai kan mu ve daih teh ang. Mangtha tha u.
Report this comment
May 28th, 2012 at 4:45 am
6.4 jersey number pawh chuan theih awm tak chu ania…
Report this comment
May 28th, 2012 at 9:02 am
jersey no. leh an hming?
Report this comment
May 28th, 2012 at 9:25 am
A va’n nuam dawn em! Inkhel report lo chhiar leh tlek tlek ila ni mai…
Report this comment
May 28th, 2012 at 9:31 am
Han sawi vel ka châk viau naa, han sawipui tur in vâng em mai a, a manganthlak zawk!
Report this comment
May 28th, 2012 at 10:03 am
Sponsorship chungchang in sawi hi a kimm aw? Mizoram ah hian football match hi free a en thang kan ni si a, Cable/DTH company ten broadcast theih nan eng zat tak pe ngam ang maw? Commercial deal siam tur chuan advertiser tam tawk an ngai ang a. Chutiang chu kan state econoy hian a tlin phawt chuan player tha tan season khata Cheng 200,000-300,000 hlawh chhuah loh thu a awm lo.
Report this comment
May 28th, 2012 at 10:16 am
@Sony, khi khi draft a la ni chauh va, an la ngaihtuah leh tur chauh a ni awm e. Cable TV pahnih hi an pawimawh ngawt ang. TV-a a chhuah tam na na na chuan mipui paw’n an ngaihven dawn a. Mi ramah chuan Cable TV-a chhuah turin a TV lamin sum an pe zawk ṭhin niin ka hria a, kan ramah chuan TV lam hi sum pek an lo ngai zawk mai ang ah!
Report this comment
May 28th, 2012 at 10:19 am
Sawi tawh hnu bawk, Mizorama company/firm lian deuh la awm lo hian sponsorship kawng a tibo ang reng. Englekhawle, hmasawnna thlen ngei teh se, MPL hian..
Football khelh leh nula bem te hi chu; a taka tih aiin, thu leh hlaa thluaithlum kual vel hi ka duh tawk rih viau…
Report this comment
May 28th, 2012 at 11:28 am
Futball hi ka chawlh san na pawh kum sawmli dawn a ni ta.
tren tren
Report this comment
May 28th, 2012 at 11:30 am
Ehe…ku Chhuaklinga chu leh!
Report this comment
May 28th, 2012 at 11:34 am
#Mahminga, a ni khawp mai. Amaherawhchu, sumdawng hausa tak tak an tam a, hengho hian local reality show vel mai maiah pawh sum ṭhahnem tak tak an inseng huam tho va, TV a nih vang pawh a ni ang. MPL pawh hi TV lamah live reng thei ngat sela chuan sumdawngho hi an inseng huai ngam viauvin ka ring a. Season khat te tluang takin han kal sela, sum chu a tam chho chak viauvin ka ring.
Report this comment
May 28th, 2012 at 11:43 am
# 32…
Report this comment
May 28th, 2012 at 11:45 am
Bakah, TV lamah hi chuan a thlawn tawp paw’n ti chhuak dawn se, MFA lam tan chuan hlêp a la ni zawk tho tho va. Hemi kawngah hi chuan Cable lamin harsatna an nei a nih loh chuan harsatna dang em em a awm ka ring lo.
Report this comment
May 28th, 2012 at 11:52 am
futbawl khelh hi ka tui zawng a ni miah lo, ka thiam hek lo – mahse, ka t*l thenna a ni. ka khel tawh chuan a then nelh2 zel
Report this comment
May 28th, 2012 at 11:55 am
Hahaha… Kú Kawlpuia ṭhin tak hi chu aw…
Report this comment
May 28th, 2012 at 12:08 pm
# 35…
Khawilam berah then ang maw?
Report this comment
May 28th, 2012 at 12:11 pm
#37 Then thiamna lam bik te hi a lo nei ang e…
Report this comment
May 28th, 2012 at 1:31 pm
Tih chi dawn ve, thalai engzah in nge hlawh neih phah ang aw?????
Report this comment
May 28th, 2012 at 1:55 pm
Sum to sum hi ni kan buaina chu
Report this comment
May 28th, 2012 at 8:46 pm
A va tha dawn ve a hlawhtlin chuan. Mahse a hming tur hi ‘Premier League’ tih tel ve kherlo in hming dang vauh ta zawk se… Vai ho in Indian Premier League an lo ti ve pawh lem tih naklaia….
Post hrim2 chu a tha e…. Post league tak ani.
Report this comment