mi(sual).com

Tunlaiin mi kan changkang tawh a; a bikin electronic media lamah kan sang hle. Kan mamawh nge mamawh lo lam pawh ngaihtuah lovin mobilephone adt. kan hum ta fer fur mai. Nitina inhlawhfa leh vai, bawngchaw phur thlengin kan in tihhmuh ta. Hmasawnna chikhat a ni.

Neih theih chuan a ṭha thlawt alawm. Mahse, kan tana ṭha tur chin leh kan hman ṭangkai tur tawk ngaihven thiam erawh a ṭul khawp mai. Prog. tamtak hian a man a tih san phah thei a, kan hman ṭangkai tur ni miah silo, a man a sing tela to phah nei kan tam tawh ngawt awm e.

Ka farnu pakhat hi hman deuh khan Rs 5,000/- pe in phone manah ka ti a, a duhzawng chu a thlang thiam mai turah leh heti zat man chuan a chk deuh pawh a lei theih ve mai ka ring. Hetih mek lai hian puanṭhui a zir bawk a, a zir man ka tum sak bawk.

Phone a lei aṭanga kum khat pawh a tlin hmain present pek ka duh a, Aizawl kalin a duhzawng thlang turin ka ti a, sawi tak angin puanṭhui thiam te a lo nih ve tak hialah chuan puaiṭhui khawl min dil ka ring a. Phone tho zu han duh a mawle! A duh man to viau phei chu a nilo. Mahse, ka tan chuan a man zawk ta tho tho mai. Puanṭhui khawl kha la ta seng chuan phone man let aia tam mah a ni dawn si a.

Tunlai media a changkan tawh avang tak hian chhiatna pawh a pung ta hiala mawi khawpin chanchin ṭhalo kan hre ta zung zung mai. A pung ta pawh a ni thei. Kan hriat chak (rang) tak chhan leh tun hmaa tlem deuh zawk nia kan hriat na chhan chu chanchinthar inhriat pawh zung zung theihna ṭha kan neih tawk loh vang a ni ber.

Sawi tak angin mitin deuhthawin mobilephone kan kalna apiangah kan leklam ta. Tawhsualte pawh kan tawk thei. Keimahnin thiamin sualna kawngah tlan lo viau in inhre ṭhin mah ila, misual leh mi chhiat tawh zar hi zo ve theih tak a nia. Ramhnuaiah kalin tum loh takin zu factory I paltlang thut thei. Sawi puang dawn lo mah la, kha zu sa ho khan I sawipuan kha an rin tho dawn avangin engmah sawi thei leh tawh ngailo turin an siam thei che.

Motor accident avangin khawi hmunah emaw I lo awm reng thei a, I khawilo vah vel naah hliampui tuarin emaw natna avangin mahni pawh insaseng theilo khawpin I awm thei.

Hetiang huna a lo thlen thulhah mi kawng kalin an rawn hmuh che in I hmel aṭangin an hre nghal kher lo thei che. Tin, khualkhua daihah pawh hetiang thil hi tawh theih a nih avangin an hrelo hrim hrim thei bawk che. An dap che anga, I phone aṭangin nangmah hre tur awm an hre mai dawn a ni.

Hming no I save ho kha an call ngawt chuan nangmah nena mi inhlat take maw pawh a lo ni thei. Chuvangin, chung ho tana hriatthiam ngei theih turin mi pathum vel hming tal ICE tiin save ang che. ( eg. ICE Chhana, ICE ka pa, ICE Aduhi emaw tiin) Kan phone chk dan azirin ICE (In case of Emergency) tih list a awm a, a awm lem loh chuan entirna ka siam ang khian save mai tur a ni.

Hetih rual hian keimahni pawhin mi let reng kan tawng thei bawk. Hetiang thil a thlen thulhah an phone hming list a ICE ho zawn hmasak nachang hriat a ṭah hle bawk.

Ka lawm e.

Similar Posts:

• Emergency blood donation lampang
• WaveSecure – Complete Mobile Security
• Security Master Code for Nokia
• LAM ANG KA LO LET LEH TA E
• Facebook Phonebook kan hman dan hi

Recent Posts:

• NANG NEN NGEI HIAN
• June 2017, Mizo(ram) diary
• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!

This entry was posted on Saturday, June 2nd, 2012 at 7:30 pm and is filed under Advice, Tech trek trek. You can follow any responses to this entry through the RSS 2.0 feed. You can leave a response, or trackback from your own site.