mi(sual).com

1st. Tuesday: Mizoram Universi t y – a S c h o o l o f Education & Humanities-a Dean leh Mizo department-a head of Department ni lai, Prof. Laltluangliana Khiangte chuan Serampore College (University) Principal hna a chelh á¹­an ta. Serampore College-ah hian Mizo pa tho, Rev.Dr Lalchungnunga chu Principal a ni reng á¹­hin a, tun hnai khan pension-a a chhuahsan avangin, a hmun ruak luah turin diltu mi eng emaw zat zingah Prof. Laltluangliana Khiangte chu thlan a ni. Prof. Laltluangliana Khiangte hi June 28, 1961-ah a piang a; M.A (English) niin, a subject-ah hian Doctor of Philosophy a neih bakah, Doctor of Literature a nei a, Trinity College & Seminary Governing Board chuan kumin March thla khan Doctor of Divinity (DD) a hlân bawk. Prof. Laltluangliana Khiangte hi kum 1985-ah Pachhunga University College-ah lecturer-in a lut a, Mizoram University din a nih hnuah Reader-in a lut leh a ni. Kohhran lamah Mission Veng Presbyterian kohhran upa a ni a, Central KṬP-ah Assistant Secretary, Presbyterian Youth Fellowship (PYF)-ah Secretary leh President leh, NEICC-ah hruaitu lo ni reng tawh a ni. Lehkhabu leh article, drama, poetry adt. á¹­hahnem tak ziak tawhin MP candidate hial pawh a lo ni tawha, hemi á¹­um hian a khingpui a á¹­hianpa ni bawk Pu Zawma a hneh zo lo hlauh a ni.

2nd. Wednesday: Pathianni (6th. Sunday) thleng awh tur Presbyterian Church of India (PCI) inkhawmpui sáng ber, Biennial General Assembly vawi 40-na chu Champhai Vengsang Presbyterian Kohhran
Biak Inah á¹­an a ni.

3rd. Thursday: Mara Autonomous District Council inthlanna chu boruak á¹­ha leh muanawm tak hnuaiah neih a niin vote pawh 87.45% lai a tla a ni. Vote-te April 7-ah chhiar a, result puan nghal a ni ang.

4th. Friday: U n i o n P ublic Service Commi s s i o n c h u a n Central C i v i l S e r v i c e s examination 2011 result a tichhuak a, Lalrinpuii Hrahsel d/o. Zasanga Hrahsel, Chanmari, Aizawl a tling. Lalrinpuii Hrahsel hi 884-na a ni a, MCS batch hnuhnung berah pawh khan tlingin, pariatna a ni nghe nghe.

5th. Saturday: Sorkar flagship programme, New Land Use Policy (NLUP) hnuaia tunhnaia bawng sem a dawn hnu a ser tirtu nia puh, Malsawmkima, Kolasib Hmar veng chu police te’n an man. NLUP hotute sawi danin Malsawmkima hi a in tiamkamna angin a Bawng man hu a rulh hma chu tang tura tih a ni a, bawng man bakah a phurhna senso a vaiin Rs. 1,35,000/- chu rul tura tih a ni bawk. Man a nih hma hian a bawng tihralna hu sum dahlet tura hriattir alo ni tawh a. IPC section 406 tlawhchhana thubuai siamsak a niin man a ni ta a ni. Hetih lai hian NLUP hnuaia bawng sem hote zingah chhe tak leh hrisel lo tak tak a awm nual a; a dawngtu mipuite pawh an lungawi lo hle bawk.

6th. Sunday: Mizoram Police CID (SB) chuan Aizawlah pawisa lem, Rs. 500/- leh Rs. 1,000 /- note, a tak ni se Rs. 2,96,000/- tur an man a, a neitu Lalzama Sailo (56), Rahsi Veng, Lunglei an man bawk. Heng an pawisa mante hi a lem rau rau ah pawh quality thaber te zinga mi niin an sawi. Mizoram police CID (SB) te hian hun engemawtilai atang khan Aizawl ah pawisa lem hralhchhawn tum an awm tih hria in an chhui zui reng a, tun tuma an man hi a then a zar chauh niin an sawi.

7th. Monday: May 3-a Mara Autonomous District Council (MADC) inthlan result chu chhiar a ni ta a, seat 25 awmah India National Congress (INC)-in seat 15 lain, hnehna an chang. MADC inthlanah hian INC-in 15 an lak bakah, MDF-in seat 5, MNF-in 3 leh Independent-in seat 2 an la a, MNF leh MDF hi an thawkho a ni. Inhnehna sang ber chu, Maubawk biala INC candidate N Zakhaiin MNF candidate Zakhu Hlychho a hnehna a ni a, vote 339-in a hneh. Inhnehna tlemna ber Siata bialah chuan Independent candidate, L Patha-in INC candidate, M.Manasia chu vote 2-in a hneh thung. He inthlanah hian, CEM ni lai, S Khipo chu a tling zo lo a; Saiha District MNF Committee President Lalmalsawma Zasai, MLA hlui Zakhu Hlychho te pawh an tling lo. Inthlanah hian INC-in seat awm zawng zawng an chuh a, MNF-in seat 12, MDF-in seat 12, ZNP-in seat 3 leh Independent 16-in an chuh a ni.

8th. Tuesday: Kum hmasa lama Zote South khua in lo an hal ni a a thianpa Pu Vanlalliana savawm kang hliam laka chhanhim tu Pu K. Lawmsanga, Zote South khua ami hnen ah Lunglei Bawrhsap Pu V. Sapchhunga, IAS chuan Lunglei Dc’s Conference Hall-ah Jeevan Raksha Padak Award 2011 a hlan. He chawimawi na thilpek hian tangkafai Rs. 40,000/-, Medal leh thuziak a keng tel a ni.

9th. Wednesday: Maubawk branch YMA Kumpuan Sub-Committee chuan sap zu, McDowells rum ûm puitling 360 an leih bua a; zute hi kawra thuhruk an chhar a ni. Maubawk YMA Kumpuan Sub-Committee hian kuminah ruihhlo, Rs. 3,59,010/- hû vel an man tawh a, ruihhlo ngai mi pali home-ah an dawh tawh bawk.

10th. Thursday: Ni thum chhung awh tur C o n f e d e r a t i o n of Indian Industry (CII), Mizoram sorkara Education department, Ministry of DoNER, National Skills Development Corporation (NSDC) leh Oil India Limitedte chuan Assembly Annexe-ah North East Career & Skills Expo 2012 an buatsaih á¹­an a, Aijal Clubah Chief Minister Lal Thanhawla’n a hawng. Expo hawnna inkhawmah hian Education Minister Lalsawta leh Trade & Commerce Minister Lalrinliana Sailo te pawhin thu an sawi.

11th. Friday: Champhai Ṭhalai Pawl bul tumin Champhai khawpui chhungah lirthei tlan loh ni, No Vehicle Day hman a ni a, lirthei eng chi mah tlan chhuak hmuh tur a awm lova, mipuiin an thlawp ṭhat avangin zing dar ngaa hman ṭan chu chawhnu dar thumah tih tawp a ni. He hun an hman nachhan ber chu kum 25 chhung Champhai khawpui chhung kawngpui siamṭhat puitlinga siam ṭhat la ni miah lo chu siam ṭhat an phut vangte, NEC Division, division puitlinga hlankai an phut vangte leh Champhai Dist. tana PWD Budget dah ṭhin a hniam thla tual tual an duh loh avangte a ni.

12th. Saturday: Aizawl khawpui lailia Mizote ro hlu, kum 100 chuang Aizawl khawpui lo mawitawhtu Assam Rifles Quarter Guard kawta laipui awm á¹­hin, 1st. AR ten an chhuah paha an lak chhuah tak chu kum 9 hnuah Aizawlah lâk kîr a niin CM Pu Lal Thanhawla leh INTACH Mizoram Chapter Convener, P.Rohmingthanga ten vantlang hmuh theih turin an hawng. Aizawla laipui hi indo lawnga hman á¹­hin, kum 1857-a ‘Sepoy Mutiny’-ah pawh an hman tawh a ni a, Sepoy Mutiny-ah hian sipai hel kutah a awm hlauhthawnna avangin Chittagong luiah paihthlak a ni. Sepoy Mintiny reh hnuah lui aá¹­anga la chhuak lehin, Rangamati, Bangladesh-ah lâk a nih hnuah, Lungleiah lâk luh a ni. Lunglei aá¹­ang hian kum 1898-ah Lushai Hills District S u p e r i n t e n d e n t , L t . C o l . Shakespear-a’n Aizawla Lushai Hills Military Police Battalion (kum 1917-a Assam Rifles tia thlak) Quarterguard kawta Queen Victoria lim (bust) dinglam leh veilama dah turin Aizawlah a la phei a ni. Lt.Col. Sheakspear chuan laipui pakhat zawk hi kum 1815-a ‘Battle of Waterloo’ ah hman tawh ngei nia a rin thu a ziak bawk.

13th. Sunday: Nute Ni, Mother’s Day a ni a; Salvation Army chuan Nute Ni hi uar takin an hmang a, nute hlutzia leh an pawimawhna te, fate’n nute an hmangaih lêt a tulzia inzirtirna ni atan an hmang a, naupang á¹­hahnem takin nute chibai bûkna leh duhsakna entir nan an nute pangpar leh thilpekte an hlan a ni. Nute ni din chhuaktu Anna Maria Jarvis, Anna Reeves Jarvis fanu hi 12th May 1864 khan USA-ah a lo piang a. Kum 1902 khan a pain a boral san a, kum 1905-ah a nu a boral leh a. A beidawng em em a, a nu ruang chungah chuan nu ni tawh zawng zawng leh nu la ni zel turte tan thil eng emaw tak ti turin a intiam a. Kum 1907 a nu thih champha a lo thlen chuan, a á¹­hiante sawm khawmin Mother’s Day serh a duh thu a sawi a, a lawina kohhran St. Andrew’s Methodist Episcopal Church, West Virginia chuan May 1908 chawlhni vawihnihna chu Mother’s Day atan an hmang zui ta a ni. Mizoramah chuan Chhandamna Sipai Pawl hian kum engemaw zah aá¹­anga tun thleng hian a la hmang a. Chhinchhiah theih hlat berah July – August, 1936 Sipai Tlangau chanchinbu-ah “Mother’s Day hlim taka hman a nih thu” report ziah a ni. A tir lam chuan March thlaah hman á¹­hin a ni a, a hnuah May hi pangpar vul á¹­hat lai te a ni bawk nen, May Pathianni vawihnihnaah hman zawm a ni ta zel a ni.

14th. Monday: Cheque rûk hmanga State Bank of India Main Branch, rawk tumtu Lalrama( 22) s/o Noloni, Chanmari, Aizawl leh Hmingdailova (34) s/o J Sanghleia, Dawrpuite chu an hmel aá¹­angin sual lam kawngah an professional lo deuh a ni mahna rinhlelh kaia an awm avangin duty police-te’n an man. Anni hian Rs. 7,00,000/- lak chhuah theihna Cheque an nei a ni.

15th. Tuesday: State Level Farmers Training on Sugarcane Cultivation chu A g r i c u l t u r e department committee room-ah buatsaih a ni. Training-ah hian Lalthanzuala, Subject M a t t e r S p e c i a l i s t (Agronomy) chuan hlawk zawka fu chin dante, fu chi tha te, phun tura buatsaih dan te, fu phun dan chi hrang hrang te leh leiá¹­ha pek dan chungchang te a zirtir a, C Lalnithanga, Assistant Plant Protection Officer chuan fu eichhetu rannung chi hrang hrang te, a ven dan te, fu natna chi hrang hrang leh a ven dan te a zirtir bawk a ni. Training-ah hian fu chin dan thar ‘Sustainable Sugarcane Initiative’ hmanga fu mit tihchawr pawh a taka entir a ni a, fu chin dan chungchang sawihona hun hman a niin rawtna á¹­ha tak tak te training-a kalte hian an siam chhuak nghal bawk.

16th. Wednesday: Serchhipa depart ment hrang hrang hotute leh Serchhip District Anti- Tobacco Squad member-te chuan DC Conference Hall-ah vaihlo khuahkhirhna dan, COTPA 2003 an zirho a; Serchhip district-a sorkar pisa chhunga meizûk tlemna ber lawman ‘Zamzo Award-2012’ chu DC Office hnenah hlan nghal a ni.

17th. Thursday: Mizoram Information Commission-a Information Commissioner thar atan L Hrangnawna, IPS (Rtd) chu ruat a ni. Commissioner thlang tur hian Chief Minister hoin, I&PR Minister Zodintluanga leh Assembly-a Oppossition Group Leader Dr R Lalthangliana te chu an á¹­hukhawm a ni.

18th. Friday: Lengpui Airport-a Instrumental Landing System (ILS) khawl chu May 10, 2012-a license a tawp rih a nih avanga ni sarih chhung ‘off’ a nih hnuah ‘on’ a ni leh ta. ILS hi May 8, 2012 khan flight calibration test tih a ni a, a result a á¹­hat avangin DGCA chuan thla ruk atan May 17 khan ILS hmanphalna a rawn pe a ni.

19th. Saturday: Mizo Football Management Group (MFMG) chuan AR Sipai Lammual-ah NECS Charity Cup 2012 a huaihawt a. He inkhel atanga sum leh pai hmuhchhuahte chu Cancer Hospital, Zemabawk a damlo harsa tak takte tanpuina tur te, Aizawl FC supporter, Silchar a inkhel enna hmuna thi ta, Malsawmthanga chhûngte râlna tur leh hmeichhe naupang khawngaihthlak Sarah Lalduhawmi te tanpuina tur tih a ni a. He Charity Cup hi Mizoram pawna Mizo professional footballers inhlawmkhawm (MPFA) leh tunhnai mai a India ram football inelna sangber dawttu I-League II Division final stage thleng pha Aizawl FC te’n inchuhin Aizawl FC-te hi 2-1 in an chak a ni. He hunah Chief Minister zahawm tak Pu Lal Thanhawla chu khuallian a ni a ni. Half-time ah naupang khawngaihthlak Sarah Lalduhawmi pualin ‘Shoot for Sarah’ hun hman a ni a, he hunah hian ram hruaitute leh milar tak takte chu Sarah Lalduhawmi tan penalty an pet hlawm. Penalty pet tute hian an phal ang tawk hetiang ṭanpui ngaite ho tan hian an thawh hlawm bawk a ni.

20th. Sunday: Lalthlamuana (32) s/o Biaksanga, Thenzawl Vengchhak chu Turihiau-a a tui chennaah chesualin, a tla hlum.

21st. Monday: Rajiv Gandhi thah a nih champha niin, India ramah Anti Terrorism Day atana hman a ni a, Mizoramah pawh Secretariat, sorkar department ṭhenkhat leh Congress Bhavan-ah te hmangin, tharum thawh leh a firfiaka chêtna do nan thu an tiam.

22nd. Tuesday: Sports Minister, Zodintluanga chuan a office-ah Mizo infiammi 10-te hnenah NEC Chairman’s Sports Award for Excellence hlan. He chawimawina pawisa atan hian cheng nuai 11/- pek chhuah a ni. NEC Chairman’s Sports Award for Excellence dawngtute hi Sports department-in NEC-a a dilsak, 34th National Games 2011-a medal latute an ni a; silver medal latu-in Rs. 2,00,000/- a dawng a, bronze medal latute’n Rs. 1,00,000/- á¹­1heuh an dawng. Sports Award for Excellence dawngtute chu – silver medal latu Lalmuanpuia (boxing); bronze medal latute – Lalramngeni leh Jenny R Lalremliani (boxing ve ve), F Lalthanpuia leh Lalrawngbawla (karate ve ve), Lalhlimpuia, L a l r o s a n g a , L a lh m i n g m a w i a , PC Lallianmawia leh Lawmzuala (sepaktakraw vek) an ni.

23rd. Wednesday: National e-Governance Plan hnuaia State Mission Mode Project 32 zinga project pawimawh tak pakhat ‘e-District’ chu Mizoramah a vawi khatna atan Aizawl DC Office Chamber-ah ICT Minister Pu Zodintluanga’n a hawng. Mizoramah chuan Aizawl e-District hi a hmasa ber a ni a, hlawhtling taka puitlin a nih avangin District dang zawng zawngah pawh e-District Centre hawn tum thuai a ni. Aizawl e-District in a tum ber chu mipuiten a hmun pan ngai lova an awmna hmun atanga internet kaltlanga awlsam taka DC Office an dawr zung zung theihna tura kawng ruahman a ni. Inkhawm kaihruaitu ICT Principal Secretary Pu S.S. Garbyal chuan, “He Centre kaltlangin mi mawl ber tan pawh DC Office dawr a awlsam tawh dawn a, sorkar tan pawh rang taka mipuite tan rawngbawl sak theihna kawng tha tak a ni,” a ti. Aizawl e-District atang hian service chi hrang hrang 12 pek chhuah a ni a, chungte chu – Income Certificate, Residential Certificate, Scheduled Tribe/Caste Certificate, Inner Line Permit, Tax Exemption Certificate, Housing Loan Clearance Certificate, Bakijai Clearance Certificate, Land Valuation Certificate, Land Acquisition Order, RTI Services, Public Grievance Redressal leh Disbursement of Funds – te a ni a. Heng service hrang hrangte hi online a pek chhuah a nih theih nan Mizoram Citizen Service (e-Governance) Rules, 2010 pawh ni 21 October, 2010 khan siam a lo ni tawh bawk. e-District hi sorkar laipuia Department of Electronics & IT bultum vek a ni a, Mizoramah chuan Mizoram State e-Governance Society (MeGS) hnuaiah dah a ni. District tinah District e-Governance Society (DeGS) din a ni a, hei hi DC theuhte Chairman-na hnuaiah a awm dawn a ni.

24th. Thursday: India ram pumah petrol man Rs. 7.50/- a tihsan a ni a, Mizoramah pawh rate thar angin hralh chhuah nghal a ni. Mizorama a tlawmna ber, Vairengte-ah chuan litre khat Rs. 71.75/- a ni a, a sanna ber Champhaiah chuan litre khat Rs. 72.16/- a ni.

25th. Friday: Aizawl Civil Hospital chuan mit ṭhalo hmuhchhuahna khawl, Automated Humphrey Perimetry an nei thar a, Hospital & Medical Education Director, Dr Lalrinliana Sailo-in a hawng. Automated Humphrey Perimetry an neih thar hi Carl Zeiss Meditech, Germany siam niin, Mizorama a hmasa ber a ni a; cheng nuai 10/- chuanga lei niin, a leina sum hi sorkar laipuiin a tumsak a ni. Aizawl Civil Hospital-in khawl thar a neih tâk avang hian, mit lam ṭhalo, state pawna an thawn ṭhin tam tak chu Aizawlah ngei tih theih a nih tawh beisei a ni.

26th. Saturday: Parliamentary Secretary Pu S.Laldingliana chuan a bial chhung Sailen khaw pawh tur kawng laih zawh tak chu a hawng. Pu S.Laldingliana bial hi bial karakik tak tak a niin a bial chhung khaw engemaw zatah hian lirthei a la lut thei lo va. Lirthei luh theih lohna zingah hian Sailen khua pawh hi tel ve in khaw mipuite an mangang thin hle a ni. In 35 awmna khua Sailen khua manganna ti kiang tur hian MLA hian BADP hnuai atanga sum pawt lutin kms. sarih zeta thui an lai a; Rs. nuai 45/- lai sen a ni nghe nghe. Sailen khaw kawngthar hawnna puala inkhawm hi Sailen Community Hall ah neih a ni a. Kalkhawm pawh an á¹­hahnem hle. Inkhawmna hun hi Pu VL Rimawia VCP Rualalung in a kaihruai a ni. Pu Dinga hi Lunglei Civil Hospital atangin Dr.Lalhriatpuia, leh LDCC aiawh te bakah chanchinbumi engemaw zatin an tawiawm a; tlaiah kawng thar lawmna ruai khawtlangin an buatsaih chu hlim taka kilho a ni bawk.

27th. Sunday: Pentikos Ni a ni. Pentikos tih awmzia hi ‘Sawmngana’ tihna a ni a; Thuthlung Hlui-ah chuan Kalhlen Kut tiak ni atanga ni sawmnganaah hmang thinin ‘Shavout – Chawlhkar Kut’ an ti a; Thuthlung Thar hunah erawh chuan Isua Thawhleh tuk (Easter) atanga ni 50-naah hman ṭhin a ni. Lal Isua a thiin a tho leh a; chumi hnu in vanah lak chhohin a awm ta. A zirtirte leh a hnung zuitute chu an zam em em a, he Shavout Kut a lo thlen hian hmun pakhatah in pawl hona nei a an awm laiin van aṭangin Thlarau Thianghlim a lo thleng a; an za in hlimna a khatin midang lakah phei chuan zu rui ang maiin an awm a nih kha. Khami champha kha niin kohhran hrang hrangten prog. hran siamin hun an hmang hlawm.

28th. Monday: Mizoram Board of School Education (MBSE) chuan State Technical Entrance Examination 2012 result a tichhuak. Medical Group-ah Lalrinhlui Renthlei d/o R Dawngsangliana pakhatna a ni a, Engineering Group-ah Lalthazuala s/o. Laltlanmawia pakhatna a ni. Medical Group Category I-ah mi 1,034 awmin, Category II-ah 16 leh Category III-ah mi pali an awm a; Engineering Group Category I-ah mi 430, Category II-ah mi 39 leh Category III-ah mi 10 an awm thung. Medical group leh Engineering group exam kawp an awm nual a, group pahniha top 10-a lang phak ve ve mi pathum an awm a ni.

29th. Tuesday: Pu S.Hiato, PHE Minister chuan Tourist Lodge, Chaltlang-ah Mara Autonomous District Council hotu tharte pualin zanriah a buatsaih a, Chief Minister Pu Lal Thanhawla leh Union Minister of State for Home Affairs Pu Jitendra Singh ten lawmpuina thuchah an sawi bawk.

30th. Wednesday: India rama Australian High Commission-a Second Secretary, Brendan Hodgson leh Third Secretary, Chiria Perro te leh Mizoram sorkara office thenkhatte chuan Chief Secretary Conference Hall-ah sumdawnna leh industry chungchanga thil pawimawhte an sawiho.

31st. Thursday: World No Tobacco Day a ni a; Mizorama a hmanna pui ber Chanmari YMA hall-a Mizoram State Tobacco Control Society in a buatsaihah Chief Minister Pu Lal Thanhawla chuan vaihlo khu laka nunna chhanhimna beihpui, Blue Ribbon Campaign bultanna a hawng. Indian Society on Tobacco & Health, Mizoram Chapter President Pi Lal Riliani’n Blue Ribbon Campaign chungchangah thusawiin Dr. Jane R Ralte, State Nodal Officer, MSTCS in powerpoint hmangin vaihlo in mihring hriselna a khawih pawi theihzia a hrilfiah bawk a ni.

This entry was posted on Saturday, June 2nd, 2012 at 6:21 am and is filed under Information, Mizoram. Both comments and pings are currently closed.