Tun ṭum EURO-ah hian khelmual 8-ah an khel kual dawn kan tih kha. Chu’ng an khelhna tur khelmualte chu han bihchiang leh ila.
1. Stadion Narodowy, Warsaw
Hming dang: National Stadium
Mipui leng zat: 58500
Neitu: Poland national football team
Hmun: Warsaw, Poland, Europe
He stadium hi 2008 khan sa ṭanin 2011 November thla khan sak zawh a ni a. Khelh 5 a thleng dawn a, group A khelh thum (opening match telin) bakah Quarter-final leh Semi-final khelhna hmun tur a ni.
2. PGE Arena Gdansk, Gdansk
Hming dang: Baltic Arena
Mipui leng zat: 44000
Neitu: Lechia Gdansk
Hmun: Gdanska, Poland, Europe
Hei pawh hi 2008-a sak ṭan niin 2011 kum laihawl khan sak zawh a ni a. Group C khelh thum a lo mikhual ve thung dawn a ni.
3. Stadion Miejski Wroclaw, Wroclaw
Hming dang: Stadion Miejski
Mipui leng zat: 42771
Neitu: Slask Wroclaw
Hmun: Wroclaw, Poland, Europe
He stadium hi April 2009-a sak ṭan niin June 2011-ah sak zawh a ni a, a sak nan hian Polish pawisa (Zloty) maktaduai 729,7 lai sen a ni. Tun ṭumah hian he khelmual hian group A khelh thum a thleng ang.
4. Stadion Miejski, Poznan
Hming dang: Stadion Lecha
Mipui leng zat: 43000
Neitu: Lech Poznan
Hmun: Poznan, Poland, Europe
He stadium hi kum 1968-1980 khan sak a lo ni tawh a. Euro thlenna tur a nih avangin 2003–2010 khan sak ṭhat leh a ni a, euro maktaduai 160 lai an sêng. Group C match thum khelhna tura ruahman a ni.
5. Olimpiyskiy, Kiev
Hming dang: NSC Olimpiyskiy
Mipui leng zat: 70050
Neitu: Ukraine National Football Team & Dynamo Kyiv
Hmun: Kiev, Ukraine, Europe
He stadium hi infiamna dang dang tih nana hman a ni bawk a, October ni 9, 2011 hawn leh niin Shakira te pawh an zai nghe nghe a. He stadium hi stadium hming ngah pawl a ni awm e. Tuna a hming a put hma hian hming hming 9 ngawt a lo nei hman a, kum 1962-79 vel khan mipui 100000 lenga siam a ni. Stadium sak nan dollar maktaduai 500-550 an seng. He khelmual hian group D khelh thum leh final a thleng dawn a ni.
6. Donbass Arena, Donetsk
Mipui leng zat: 50149
Neitu: FC Shakhtar Donetsk
Hmun: Donetsk, Ukraine, Europe
He stadium hi August ni 29, 2009 khan hawn a lo ni tawh a, a hawn zan hian Beyoncé Knowles a perform nghe nghe a; hei hi Ukraine-a a zaina hmasa ber a ni bawk. A sak nan hian dollar maktaduai 400 vel sen a ni a, ArupSport design niin a mawi hle. ArupSport hi Manchester City khelmual, City of Manchester leh Bayern Munich khelmual Allianz Arena design-tu a ni nghe nghe. He hmunah hian group D khelh thum leh Quarter-final leh Semi-final khelh a ni dawn a ni.
7. Metalist Stadium, Kharkiv
Mipui leng zat: 42000
Neitu: FC Metalist Kharkiv
Hmun: Kharkiv, Ukraine, Europe
He stadium hi September ni 12, 1926 khan Tractor Stadium tih hming puin hawn a lo ni tawh a, Kum 1940 aṭanga 1967 thleng khan Dzerzhinets Stadium tih a ni bawk. Euro 2012 an thleng dawn tih an hriat veleh sak ṭhat nghal niin, December ni 5, 2009 khan stadium neitu team president, Oleksandr Yaroslavsky-a kum 50 tlin denchhenin hawn a ni. Group B game thum khelh nana hman a ni ang.
8. Arena Lviv, Lviv
Hming dang: Lemberg
Mipui leng zat: 33400
Hmun: Lviv, Ukraine, Europe
He stadium ve thung chu November ni 20, 2008 khan sa ṭanin October ni 29, 2011 khan hawn a ni. Group B match 3 khelh nana hman a ni ang.
A bâk chu comment lamah kan la chhunzawm dawn nia.
Similar Posts:
- UEFA Euro 2012 Fixtures
- Cricket stadium pawh kan nei dawn a nih hmel..
- Euro 2012 Group Draw
- Hlimen-ah Khelmual?
- Rajiv Gandhi Stadium chanchin
June 2nd, 2012 at 9:29 am
.
June 2nd, 2012 at 9:42 am
Ruata khelmual chu a va te ve le
June 2nd, 2012 at 10:23 am
A bengvar thlak e, iti tha hle mai
June 2nd, 2012 at 10:35 am
A bengvarthlakin Tuaisiala chu a la nalh hlawm hle mai.
Final khelhna tur a mipui awmna tur ang chi khi ka duhlo. Hmuh a har lutuk. Tumkhat khitiang deuh chi ah khian ka kal tawh a.
June 2nd, 2012 at 10:40 am
Parukna, Donbass Arena khi a mawi khawp mai. Han google chhin ula, a zan thlalak chu hmuhnawm tham tak a ni.
June 2nd, 2012 at 10:56 am
Poland leh Ukraine a stadium sak man in tam hleih dan khi, Ukraine ram khi khawvela ram corrupt ber pawl, India ram ang vela corrupt anih vangin a sakna man zat ve vel khi chu politician ho kutah a luang lut ang. Poland pawh an corrupt ve tho a, mahse Mizoram, India ram leh ukraine ang em em chuan an corrupt lo.
June 2nd, 2012 at 11:06 am
Vai vawm stadium ai chuan tlem in a zia deuh….
Shahruk khan pawn Vai football luhchilh atum kha!!!
June 2nd, 2012 at 11:07 am
Kumin Euro thleng tu tur ram Poland leh Ukraine te hi Racist vang in an lo la buai hle a lo ni awm a.
Lo en ve chhin teh u.
Skandal BBC Panorama – Euro 2012 – Stadiums Of Hate
June 2nd, 2012 at 11:44 am
Italy striker Balotelli chuan vun rawng vanga au nawmnah a tawh chuan tournament lai pawh ni se a haw vang vang tur thu a sawi! Chutianga titu chu a THAH tur thu a sawi piap mai! HETAH
June 2nd, 2012 at 11:48 am
Italy pawh an khawngaihthlak hle mai. Match fixing vangin player tha an chân nual dawn a ni. England pawh an chawh phian mai. Lamparh chuan inhliam vangin EURO a khel thei dawn lo va, khawngaihthlak letlingin!
June 2nd, 2012 at 12:33 pm
Kan sorkar hunah khitiang stadium khi district Hqrs tinah sak kan la tum dawn nia.
June 2nd, 2012 at 1:46 pm
Kan ti nek nek a, kan thleng teuh tawh hle mai. Thil hriatchian leh hriat tam hian a hmuhnawm duh bik riau.
June 2nd, 2012 at 1:54 pm
WOW…sapin ‘speechless’ an tih ang hian ka awm
June 2nd, 2012 at 2:01 pm
Pui thei bik thin mange……………..
. En leh chiah2 i la ni mai lom 
June 2nd, 2012 at 2:05 pm
Kan stadium (Arsenal’s Emirates Stadium) a va tluklo hlawm ve
Kumin Euro chu in bet pui tur ka duh hle mai a… ‘Germany to win’ ah ka dah huai ngam khawp ang
June 2nd, 2012 at 2:19 pm
an khelmual chu.. ‘,..sipai in an phal hlauh chuan, kan ti éng ang… ‘ Tìh lam chu a ni ve lo deuh a ni maw..
June 2nd, 2012 at 2:22 pm
Hahaha.. #16 An phal aniang, a tih chu an tih-èn dawn kha. Tin, district capital tina stadium sak an tum a, thingtlang lamah pawh khelmual tha an neih theih nan theihtawp chhuah an tum thu Sports Minister-in a sawi kha.
June 2nd, 2012 at 2:35 pm
A ropui hlawm hle mai.
Khelmual hi chu lian vak ni lo se, ft. ruk bial, grass aiah mat phah ni se, a theih hram chuan kan opponent te hi vun ngo lam nithei se – VaiVa
tren tren