Khuh hawnna
…. Tichuan, zofate hnama min dintu leh he ram thianghlim, Mizorama min hruai luttu, Chungkhuanu ramtiam hransana, Walse ram sakhuana thuthlung vuana kan awm, kum 100 hun inkârah meuh chuan, he ram thianghlim hmun thin ah ngei hian, dikna a fam a, felna a tlawm ta!
Chu hun hnuaiah chuan, a tawng chak chak thu a chungnunga, a zakthei lo lo an nihlawh tawh a, a chuhhelh helh apiang dinkawchhuahna ram a chan zawh tawh tak a chinah meuh cuan, a inchei parh parh leh a ler(h) apiang a tawih tawih an ni ta!
Khawiah nge Zofaten chungkhuanu kan biakna kan Zonun zemawi kha a awm tak le? Ha hîpa kan sawi leh ngaihropui em em, kha…Centenary lawm nana, kan khuangpui nghawr ri dawr dawr meuh pawh khan, he ram leh hnam damna a nghawr chhuahpui miau tak si loh ah chuan, Zoram damna, hnam sakhaw dik, tlu tawh hnu tung ding leh tura Lalpa miruat Lalhnam(Nang leh kei) te khawiah nge kan awm le?
Hruai chhuahin kan awm….
Kan hnam thuthlûng hi min siamtu chunga mi, Chungkhuanu inpuanna leh Zofate tana a thuthlunna a ni tih hrechhuaka, ram mipui muthlu mek hi a thangharh hunah chuan, J.H. Lorain leh F.W. Savidge te hriat rengna lungphun hi hnawksak an la chang anga, thang leh thar ten anchhia an la lawh duh ngei ang. Ram ni tla seng lova roreltu tia kan sawi Kumpinu(British) ram sorkar hian khawvel awpbeh a tum dan hi Sakhuana leh ralthuam hmangin a bei a, chumi kawnga a thil tum ber chu, “Divide and Rule” (Awpbet la then darh rawh) tih hi a ni.
India ram min awpbet a chintawk awm lovin, a hausakna tam tak a sawk a, Mum Tajmahal In ropuina min chhuhsak dan te hi a lungchhiatthlak a sin. Hun a lo kal a, India ramin zalenna an sual chhuah tak hnuah meuh chuan, Kumpinu Sorkar hnuaia, ‘Bombay’ ni thin kha, ‘Mumbai’ nihna original in kohkir leh a ni a, ‘Culcutta’ ni thin kha ‘Kolkata’ tia thlak leh a ni a, ‘Maddras’ pawhin ‘Chennai’ tih hming a lo pu thei ta a ni.
Tichuan, kan Zoram ngei pawh Sakhuana a min tukdawl hnuah, kan culture tam tak min sawi danglamtu te an nih avangin, Arthington Missionary te hriat rengna lungphun hi, kan ram leh hnam chhan nana British lo beitu, Martar famchang tawh, tlawm ve ngai lo, Lalnu Ropuiliani leh a sangawizawnpui Pasaltha te hriat rengna Lungphunin, engtik niah emaw chuan an la rawn luahlan ve ngei ang. Tichuan, nang leh kei Lalhnamte, he Sakhaw Saltanna ata zalenna Dâr tum tura hruai chhuah kan ni tih hi i hre thar leh teh ang u khai!
Saltangte zalenna ram thianglim….
Saltânna a zawnga rapthlâk leh pawikhawih thui ber mai chu, Sakhuana sala tan hi a ni. Chu chu Zoram mipui hian kan tawngbaw mek a, chumi nghawng chu tuna kan ram dinhmun, kan tawn mek hi a ni. Tichuan, chu Saltanna atang vek chuan, ram siam hnathawk turin, ‘Tunge kal anga, tunge thawk chhuak ang?’ tiin Zoram chuan chhantu a zawng a, puitu a dap a, mangangin a rum mek a nih hi.
Politics/Political Party atanga ram siam tha tura vote hlu tak kan pek a, kan thlan lal te lah hian, ram siam thatna lam hawi lova, mahni tanghmahai leh kohhhran lenna tur leh ropuina tur lam min hawipui tak tlat zel si avangin, ram dinkhawchhuahna tur atan, Sorkarah ram mipui te kan beidawng lo thei ta lo.
“Kohhran atangin i bei ang aw…” han ti fo thin teh mah ila, Kohhran hian, he ram thim Mizoram hi vei kanin, ram thima angaih (Mizoram pawn) lam min vai san daih a. Rangvamuala KS heti zo zai leh Mizo thalai rual ruihhlo bawia tang mek te chhanchhuahna hnathawk tur leh heti khawpa Corruption tamna, ‘State of Mizoram’ siam thatna lam hawi lova, Orissa State-a Missionary thawn chhuah a ngaihpawimawh miau zawk chhung chuan, kan ngaih ropui em em Kohhran atang meuh pawhin ram a dam thei ngai lovang.
Zoram mipui te saltanna, kristian Sakhuana Sal ata, zofate kan chhuah hunah chuan, nunga min betu, kan van Pathian chu, nuna kan biak tawh zawk dawn avangin, ‘Ru suh’ tia inzirtir a ngai tawh lo anga, ‘|anpui ngaite tanpui rawh’ tia inhrilh hriat a tul tawh lo ang bawkin, nang leh kei hi kan inbum leh tawh ngei hek lo vang.
Kan Zonun zemawi, Rinawmna, Dikna, leh tlawmngaihna te chu min siamtu, chung ami, Chungkhaunu, kan Chatuanpa biakna tur a nih tawh dawn avangin, chhawrpialrun ianga kan chawi kan zotlang ram ngei hi, Ram thianghlim leh hmun duhawm, zalenna ramah a lo par chhuak tawh ang. Chutih huna he Zoram hi Lalpa min pek Ram, Ram thianghlim, malsawmsakna hmun leh ram tia kan changthlan tlat tawhna niah chuan;
“ka Pa hun tiam ngei lei thar vanah chuan,
Lal thuneihna hnuaiah kan leng dial dial e;
Lawina run in khartung sawn a ngai si lo
Rutu leh bumtu ten an kiansan tawh a,
Lal hmangaihna luangliam Vangkhawpui mawitu”
Tia Lalhnam ten, rinna thla meuh zâra, zaia kan chawi, he ramah ngei hian, Zoram thar Pialral chu kan hung chhuak tawh dawn zu nia!
Nunna lalhnam te nihna thuthlung chu ….
Vawiina, helai hmuna lo kal khawm ka thalaipui te hian, engvangin nge India rama Sakhaw lar tak tak heng; Mosolman Sakhua te, Hindu sakhua te leh Kristian Sakhua te kan zui ve a thiang tlat loh le! Tih hi chik zawkin kan lo ngaihtuah tawh thin em aw!? A bik takin, Kristian zaah za (100%) inchhalna State, Mizoramah, Mizo ni bawk si, Kristian Sakhua zuitu han nih loh ngawt mai chu(h) le… kan kiang a mi te ngaihah chuan, “Mak” tih kan hlawh fo te pawh hi a mawh love. Chutih rualin, “Mak” min titu te hriat ve loh, a ri ret ret kan hriatna thuruk avang zawka kan thlamuanna thuthlung lunghpum erawh hi chu, a ropui em avangin, kan hriat tawh hnu mah nise, kan phawrh chhuak hram teh ang.
KAN DINNA LUNGPHUM
1) Zofate hi leilung piantirha min dintu chu Chungkhaunu a ni.
2) Zofate tuna kan luah chin rama min dahtu hi chungkhaunu a ni.
3) Zofate’n kan luah chin ram hi Khuanu min pek ram a ni.
4) Zofate kan ze chitin hi Khuanu min sintir Chatuan Lal thu a ni.
5) Mihringa kan lo piang chhuak hi Khuanu remruata lo piang kan ni.
6) Khawvel hnam tinte hi Khuanu remruata lo piang kan ni.
7) Tisa nunna leh pialral nunna Chungkhuanuin min pe.
8) Kan hringnun tisa hi he khawvel atan Chungkhuanu ruat a ni.
9) Chungkhuanu nunna kan chan, chu nunna chu Chatuan pialral luahtu chu a ni.
10) Thil awm zawng zawng siama dintu chu chungkhaunu chauh hi a ni.
11) Chungkhuanu chauh hi min betu leh kan biak leh kan rin kan awmna chu a ni.
A chang tin maiah hian, sermon han thlak thamna fe fe tur Lal thuthlung a inphum hnem zia kan hre thiam mai awm e. He Lungphuma dinna ram atang chuan, hmakhawsanga ata, sakhuana avanga mi hmasa heng; Krishna, Vishnuram, Mohammed, Lal Isua etc. te atanga vawiin a, Puithiam Rorelliana te, Puithiam Lalchangliana te leh Puithiam H. Chawngpianga te chu, Pathian kan biakna hmanrua atana hman chi an nih loh zia thu hi, uar takin khawvel hriatah kan puang ta.
Tichuan, siamtu Chungkhuanu’n leilunga a thil siam engkim mai hi, Amah anga biak a remti lo a ni tih khawvelin a hriat hunah leh khawvel hnam chitin te hnenah Chungkhuanu inpuanna thu hi, lei mihringte hian kan hmuh fiahna niah chuan, khawvelah sakhuana avanga Indo-na hi apiang leh tawh ngai lovang.
Thalai tang fan fan…
He thupui ka ziah tan dawn lai tak hian, ka rilruah naupangte kan nih laia, kan Sikul Devotion (inkhawm) neiha, kan zirtirtu-in,”Lalchhungkua zawng ding rawh u’ tia, min dintir laia, a tawng kha ka hre chhuak zawk mai. Vawiina ka thalaipui te hian, Lalhnam Sakhuana thuthlung i dinpui avanga, hmuhsitna te leh eng eng emaw harsatna kawng hrang hrang in lo hmachhawn ve tawh ngeiin ka ring.
Chutiang ang bawkin, tuna kan nu leh pa, pi leh pu te pawh in bang bik ka ring lo. In hre duh chiah maw? Kum 1988 khan, Champhaiah Kristianna-in sira a hnawl tawh hnu, kan zo hnam nun zia, hnam lam leh Culture zawng zawngte, thiamchan tir lehna tura, zak chung chung leh ip chawi chawi chunga, Ngotekherh leh Thangchhuah Diar in inbel lai khan, kan chheh vel a mi te chuan hrethiam lovin “an ni ho hi, pi pu tuikhur an dawt leh dawn a nih hi hlau rawh u…” tia deusawhna che u pawh bengkhawn lova, huaisen taka inpaltlangna chuan, rah duhawm tak a chhuah ta!
Tunah chuan, Zoram khawvelah hian kan hnam puan (Culture) te chuan thiam a chang ta a ni satliah mai lo, kan hnam puan tel lo chuan kohhran khawmpui lian meuh pawh, khuang tel lova châi ang mai kan ni ta! Ram pawn atanga khua lian lo kal te reng reng, Zoramin a lo Welcome nana a chelek ber chu, kan hnam puan ngei hmangin duhsakna leh chawimawi a lo ban thin tak hi.
Tichuan, ka thu hnuhnung atan ka thalaipui te hnena ka thuchah duh chu hei hi a ni; ‘Khawvelah kan lo pian chhuah hian, min siamtu hian chhan leh vang nei lovin leilung luah tur hian min din lova, din chhan neia a siam te vek kan ni tih hi theihnghilh ngai suh ang che.
A ma anpui ngeia a siam te kan nih avangin, khawvelah mihringte hi kan hlu ber a ni tih pawm la, mihring hmusitin tinawmnah ngai suh la, i mihringpui tana i nung tawh lo a nih chuan, khawvel hian a kawl rei ngai lo ang che. Thil engpawh tiin, i ei in bar zawnna kawngah leh i zirlai leh i hnathawh kawngtin rengah, nangmah siamtu che theihnghilh ngai suh la, Pathian hmel lang phak zelin thawk la, bei la, zir la; chu chu i ‘SAKHUANA’ a ni tih vawng nung reng ang che.’
Tichuan he thu ziak bei tham tak, ka phak leh tlin ang tawka ka rawn chhawp chhuah hi lawm takin hmangaih Zoram tan ka hlan e.
Similar Posts:
- Ram leh, hnam leh sakhua
- HNAM ROLUNG
- Chungkhuanu (Pathian)
- Mizote hian kan sakhua dik kan vawn hun chuan
- Mizo kungah Mizo nun a rah tur a ni
June 8th, 2012 at 9:06 pm
1 ho e a
June 8th, 2012 at 9:06 pm
First phawt teh ang!
June 8th, 2012 at 9:07 pm
Leh Lo!!
June 8th, 2012 at 9:07 pm
@ mamboihi (Y)
June 8th, 2012 at 9:10 pm
@ mamboih, nangmah kha in sit phah reng reng suh 😀
June 8th, 2012 at 9:11 pm
Chhiar miah lovin, khawiah mah, ti ngawt mai teh ang.
June 8th, 2012 at 9:13 pm
Hot rawh pip 😛 🙂
June 8th, 2012 at 9:20 pm
Ka chhiar peih lo, Lal chhungkaw ho thil tih mai mai, te ka tia
June 8th, 2012 at 9:24 pm
Peih rei ve aw… I fakawm e, mahse kan awih chuang lo…
June 8th, 2012 at 9:28 pm
Pathian fapa unaute kannih tak avangin Lalchungnung ber pawh “Kan Pa” ti thei kan lo nih tak avang hian Lalhnam kan lo ni ta anih chu. “heta hi kan awm e” kan ti thei ta.hairehai.
June 8th, 2012 at 9:28 pm
Hei hi eng zirtirna nge ni ngai…!!
June 8th, 2012 at 9:33 pm
@5 Pangtichawr… Thanks for the encouragement haha!!
June 8th, 2012 at 9:35 pm
@12,, kha kha ni mai
June 8th, 2012 at 9:38 pm
Hnam Sakhua paws ah hian OT hi a tam thei! Ti nge Pangtichawr?!!
June 8th, 2012 at 9:41 pm
Khulamah chuan Lady’s first an ti thin…. Mahse englo (*) ah chuan an tih ka ring bik lo…
June 8th, 2012 at 9:41 pm
“Hun a lo kal a, India ramin zalenna an sual chhuah tak hnuah meuh chuan, Kumpinu Sorkar hnuaia, ‘Bombay’ ni thin kha, ‘Mumbai’ nihna original in kohkir leh a ni a, ‘Culcutta’ ni thin kha ‘Kolkata’ tia thlak leh a ni a, ‘Maddras’ pawhin ‘Chennai’ tih hming a lo pu thei ta a niâ€
(H) 🙂 😀 :-$
Russel Peters fiamthu minti hrechhuak zawk mai…. Indian ho khan British ho kha an lo kir tawh dawnlo tih an hriat vanga an khawpui threnkhat hming hi thlak hnuhnawh leh mai2 ani a tih kha… A ni lah taka an thlak dawn rau2 chaun Independent an hmu rual2 khan thlak awm ania, hmanni lok (10+ vel liam ta) khan an thlak ve chauh nia. 😉
June 8th, 2012 at 9:41 pm
Aw Lalhuan Zoram mawi,
Hriatna kung paw’n huan lai a chang zo ta lo;
Lalnun chawiin kan léng vangkhaw sumtuala’n;
Sem sem dam dam, ei bil thihna…
Khawvêl nghahfâk kan ni, nunhlun thingte hi.
Aw Lalhnam te á¹hanharh a va hun tawh tak êm!
Hnam sakhua (Y)
June 8th, 2012 at 9:42 pm
Roleluia!!! :-[
June 8th, 2012 at 9:47 pm
Va ropui ve he thil hi, tha lutuk tlat mai, khimi Chungkhuanu i tih a khi Kristian ten a Pathian kan tih hi lo ni reng lawm le 😛 . Tha lutuk tlat, han chhui zel la, anthropological approach chauh ni lo hian physics te, Astronomy te,adt adt han zep lut zeuh la chuan a tawp i thlen hunah i thil chhui chhuah nen kan Pathian, chung khuanu ti in thlak ta daih mah i la poi miah lo, (mizo te’n a thiltithei ber a kan lo ngaih kha nih hmel viau tlat mai)kan fak ho za dawn nia.
Kristianna in a vuak chhuah a ni lova kristian hmasa te’n mawlmang tak a kaih hruai an nih avanga an vuak chhuah ti zawk la chuan a fuh awm mange ka ti deuh………… :-P.
Inkhel en phawt tengs…a bak chu kan la soi ho don nia a tul tak leh. hehehe
June 8th, 2012 at 9:53 pm
Mi(sual) ho ka zawt a che u.
‘Martar’ in duh m?
In duh chuan… a hnuai ami hi zawm rawh.ka har lo lutuk.
Nunna Lalchhungkhua(Hnam sakhua te pawl) ah hian inpe la a tawk mai.
An pawla mi an thih reng2 chuan Martar an ti vek!!!!! Tak2 ania.
June 8th, 2012 at 9:56 pm
Payable… va hre mak bik ve!!..Misual ho hi in pe vek mai ang u chutichu.. 😛
June 8th, 2012 at 10:06 pm
#21 Mamboih Nia mak khawp mai.
Engatinge mitthi apiang Martar an tih ngawt nachhan hi ka hre biklo reng2.. Hriat a chakawm khawp mai Hnam Sakhua hian rawn sawi chiang se a tha ang.
June 8th, 2012 at 10:13 pm
Hnam sakhua khawngaihin ka hla rawn ziah khi rawn ziak chhuak thei la ka läwm khawp ang.
Kan hnam vohna hla á¹ha takah ka ngai kei chuan.
June 8th, 2012 at 11:09 pm
Inkhel result chu rawn update zel teh u aw. 😀
June 8th, 2012 at 11:29 pm
HNAM SAKHUA HIAN EURO AH TUNGE A TAN VE ANG LE?
June 8th, 2012 at 11:47 pm
Khawvel kalphung a ni zawk a mah. A reng rengah i post hi vil ve la, an zawhna leh commentte hi chhang ve la, i post a i duh tawk zel mai.
Hnam tin hian tih dan phung tha leh ngaihhluttlak kan nei vek a, sap pawhin an nei a, vai pawhin an nei tam lutuk; aia upa zah tihte hi mizo hnam aia nei tha an tam lutuk. Mahse tunlai khawvelah hian sakhuanna ai mahin secular movement mimal nun vohna(individualism) te, tunlaina (post modernism) te, relativism te, hnam zia inthlakna (cultural transformation) te, kawng engkima development thang nasa lutuk hian….chung hnam ze hlui mawi tak tak kha a luahlan zel a ni; kristian sakhua vang a ni meuh em? i point hi a logical meuh em?
USA ram khu hmanah chuan an hnam nun a mawi thin a sin, Kristianna avangin an hnam a ding chhuak a nun ze mawi leh dikna a par chiai thin. Mahse khing tunlai khawvelna hian a sut hneh em avang hian chu Kristian zirtirna dikah chuan an ding vek thei tawh lo va hman lai an ti ve vawng vawng tho.
Vai pawh an ni ve bawk, nu leh pa tam tak hi an mangang a ni, an hnam nun mawi tak nia an ngaih kha tunlaina hian a su chhe ve mek a, a then an rum ve tho; Kristianna vang han tih chiam chi chu a ni chuang lo, sual in-develope lampang kha a ni zawk
History repeats itself tih hi a dik viau va, engtikah emaw chuan hnam nun mawi duhnaah kan la phur chho leh lo vang tih a sawi theih loh; i sawi sualna hrang hrangah hian Kristianna hi factor puitling a ni lo, a nih ve theihna chu Kristianna chuan changkanna min pe a, chu changkanna chuan a tha lo lamah sualah min hruailut a ni chauh va; chu ai chuan kristianna hian siamthat a mamawh telh telh tihna a ni.
Khipui, kan philosophy lam mi thiam malsta pawh a rawn luh nghal rum rum khi; ani hi ‘philosophy awmzia i hre lo’ tia mi dangte tawngkhum pung pung chi kha a ni a, a ril a nia. :-S a rawn thlawp nghal ngei ngei ang che.
June 9th, 2012 at 12:12 am
#26 (Y)
June 9th, 2012 at 12:19 am
@Vakul#26: i lo la pai dai na nge kha2, va zia lo thin e aw 😀 😀 kei i tawngkam ang chi ho kha engteh vak ah mah ka lo ngai toh hleinem mole, ka ron lut rum2 hleinem post dangah poh ka comment ve ziah tho lom engpoh post se hahahaha.
ka soi ho kha a la dik zel a nia hnam sakhua ah hian Kristianna dah lut zeuh se a tha ni mai……….a thil soi tamtak khi a dik in tun thleng hian a la relevant reng a nia, Pathian a tihber a erawh kristiante Pathian kan tih hi a ni lo mai chauh a ni a 😀 . Vuak hot tumna lampang a nilova nia.
June 9th, 2012 at 12:27 am
Kan hnam kan fing tial tial ang a, sakhawmi nih tlut aiin hnam nunhlui chawisà n finthlâkzia kan la hre chiang tial tial ang.
Kristianna avanga kan ëng nia kan hriatna hi thil zahthlâk lamah chauh a ni. Khawvêl hmuha chhuantlâk a awm lo. Chhuahtlâk emaw titute kan mà wl vang mai mai a la ni.
Thawh chhuah nei lo misawnari tÃr ram leh hnam nih zah nachang kan hriat hunah chiah kawng dik kan zawh á¹an ang.
June 9th, 2012 at 12:31 am
#malsta, relativism hi ka counter chak ve thin khawp mai a, an zirtirnaa thatna awm avanga tha ziktluak anga pawm hi a hlauhawm khawp mai; nun dan mawi hnam sakhua sawi hi Kristianten kan hlamchhiah emaw inti palh ang ti ka hlau thin, kan zirtir ber a ni reng tho lo em ni?
Mahni Kohhran upa thusawi ngaithla tui mang lo, a thu ngai reng pawlchhuakho sermon tuipui viau kha a awm theih a, chuvangin hnam sakhua (ani hi chu khin tlak a ni lo, a pawt ve mai mai thin a) sawi hi kan inzirtirna kal lai mek a ni e.
June 9th, 2012 at 12:38 am
#29, point fumfe nei chuang lo va, rak chiam hi a va finthlak awm ve le.Nunhlui chawisan tum tlut tlut hi finna a nihna chu han sawi zau bawk la, nunhluia thatna kha a tha em em, a pawngapuia chawisan chuk hi a ropuina i hmuh thuk hmel hle mai a.
June 9th, 2012 at 12:42 am
#31, Sawi tùr fumfe chu bu tam daih ka nei 🙂 . Lehkha chhiar mi i nih chuan i la chhiar khawp ang tih ka beisei. :-O
Ka thusawi i hrethiam fumfê lo zâwk a ni lo maw?
June 9th, 2012 at 1:01 am
#32 E han ziak rawh u, mahse mite inhruaisual a nih chuan in tan a pawi khawp, ang thung a.
Sakhaw mi tlutna hi ka fak lem lo, Pathian mi, nihna hi kan ram din chhuahpui tur chu a ni. Hnam tihdan hlui tharthawh leh hi kan din chuahna tur a ni lo.
Dikna, takna, felna, thatna hi Kristianna laimu a ni a, mite an dik loh hian Kristianna kha a dik lo pha lo,,,mihring an dik lo mai a ni zawk(if you violate the law of gravity..you do not break the law; you are breaking yourself and you proved the law of gravity is true) a dem loh tur kha kan dem hlauh thin a, a dewm loh zawk tur kan dem hlauh bawk a ni.
khawvel mit hmuha ropui hi ropuina tluangtling ber pawh a ni chuang lo va, chu chu khawvel miten an hrethiam ngai dawn lo, chuvang tak chuan upside down kingdom a ni reng a.
Dik lo leh tha lo chu a haw pawl tak niin ka inngai ve a, chu chu Kristianna dem nana hman ai chuan a mihringte =kha an dik lo tih pawm mai zawk a thain ka hria.
June 9th, 2012 at 1:16 am
Kualkhung chhunga i sâp á¹awng dah chuan logic a tlachham vè hlë mai 😀 . I fiamthuah ngaiin khi chu tuihnih zui lo ta mai ila.
Thatchhiat zawmthâwt chhùanlama khawvêlin ropui min ti lo mah sé kan tih reng chhung chu hnam mäwl kan ni reng ang.
Vai hnampui deuh leh hnam dang dang lakah chuan mihring dikna-chanvo kan palzùtna râpthlâk tak và ng hian hnam mäwl kan la ni. Và nrama nawm beiseia leia mäwl reng nih kan pawi tih loh vang hian mihring thlûak neia ngaihtuahna atana hman nachang hriaa hmang zawng lakah mi mäwl tawmtawhlâwt mai mai kan la ni bawk.
M̀à wlna ngaihzam hi dik lo ngaihzam tlukin a huatthlala ka ti kei chuan.
Vanram beiseia mà wlna min ngaihzamtÃrtu hi eng sakhuana nge ni ngäi?
June 9th, 2012 at 1:24 am
Zanin/vawiin (wateva!) hi a boruak e!! A then Euro ringawt an buaipui laiin a then he lamah Hnam Sakhua kan lo buaipui bawk a…. Rapthlak tak ani hehe.. 😛
You all have a nice weekend.. 😀
June 9th, 2012 at 1:41 am
kan khuaah hian an puithiam pu chalkhuma a awm a, ti ti pui a nuam khawp mai. Kristianna hi zo zepui khai ding hram hram tu a ni. Kristian ten kan tih dik loh hi mihring zia a ni. Kristianna hrim2 hi dem tur a ni lo. Zonun mawi zawng2 kha kristianna lai puiah hian a inphum vek. Ka zawm thei lo mai pawh a. Eng sakhua pawh vuan i la, khawvel nekna hi kan hneh famkim dawn chuang lo. Tian e, tian love lam a ni lo. In puithiam pu chalkhuma hi chuan ram lak hi kan tum lo. A tia sin. Nangni zawng in thu a rum thei mah mah.
June 9th, 2012 at 1:47 am
fing deuha inngaia mahse Pathian a siamtu hre lo chu mi aa Bible ngaihah chuan an ni a, vanram awm chuang lo khawpa inngai fingte hnenah a awm chian zia hrilh an ni thin. hetiang ngaihdan i sawi hi thil thar a ni lo, indopui hma lamah khan an tlangaupui nasa a, mahse beidawnnain a hliahkhuh meuh chuan Pathian an au leh mai. Finna avanga Pathian rinhlelh tum hi chapona nasa tak a ni a hrem lohin an chhuak lo vang. keini aia fing leh hria mahse Pathian tih tlatte hi an tam em em tih pawm ve a tul.
Finna chabgchawia Pathian duh loh zawng sawi hi mahni lam kan inlak fin viau ai hian min min ngai fing lem chuang lo.
eng finna nge han sawi kan tum chuan aw…wikipaedia vela khung vak vak kha em ni dawn :-S
tunge taimakna sawisel a, tunge thil tha chu dodal chuang le… finna chu engtiabgin nge i hrilhfiah…i chawrchhuahna zo zia hi Kristiannain a hruaisual emaw ti suh aw..
Pathian hi kan tih vek seng lo mahse tawbgkama zahpah miah lote lakah hian a dawl rei ngai lem lo…fing taka chhiat rup theih a ni…Bible ah hian finna dik chu a inphum zawk a ni.
June 9th, 2012 at 2:04 am
Sà khaw âtchilhho chu mi vauvah in tlâk leh á¹hin :-O .
I thü a näwi ta mah mah 😀 .
Nang kristianropuirâpthlâka duhthusäm ang chuan thil thleng dawn se ka va chawh dawn rua êm :-O .
Lo kristian zël la. Mahsé ka chunga thleng tùra i duh chhiatna hi i chungah thleng ve lo hräm se, lo pung thúr thúr la, kan hnam lo ropui deuh deuh se tih hi ka lungkham leh duhaisam a ni.
I chhiatna hi lo thleng hnäi se ka duh ve lëm lo ve. Chûahnehin malsà wmin lo awm zël zâwk rawh.
June 9th, 2012 at 2:51 am
Houdin ka vau lo che. A nihna tak zawkah chuan bible hian min vau lawk a ni mah. Chhiatna duh lam thil a ni lo ve. Thatna tur lam thil zawk.
Malsta nena kan infiamna kal zel karahh pawr takin i lo inzep lut a tawngkam i duhtui lo viau bawk..tleirawl hawklak pawtin i pawt chiam zel a a tha lo hle a ni.
June 9th, 2012 at 3:23 am
Lalhnam hi UK velah te chuan an la awm awm e … :-O Chungkhuanu chungchang kan hre hnem malh malh ta hle mai a. Hnam Sakhua a hian a post hi a vil ngam lo a nih loh chuan rawn post ve sek tawh lo se la. Mizo Hnam Sakhaw chungchang hi ka sawi ve zuai tawh a. Kan histawri sawi ho a duh a nih chuan rawn dingchhuak ngam se la tih hi ka rawn sawi ve duh mai mai. Ngaihdan ziah ngam chuan chhan let pawh ngam tur. Kristianna lam ka sawi ve lo ang.
Hnam Sakhua hian a post leh duh hunah pawh a vil hun hman tur te rawn sawi se la, a duh hun takah chhuah tir ka lo tum ang. A tlanchhe hna thei e mai. Mahni ngaihdan sawi ve ang bel bel a, mi tlanchhiatsan ziah mai 😛
June 9th, 2012 at 3:33 am
Lalnu Ropuiliani te hriatrengna lung siam te khi chu kan support tlan hmel viau
June 9th, 2012 at 6:08 am
sawi tur a va ti tam em.. Hnam Sakhua a lo kal leh ta… comment lamah a chhang duh miah lo thung..
June 9th, 2012 at 7:39 am
@Hnam Sakhua, i post ho hi pakhat emaw ni chiah ka la chhiar chhuak peih a nih chu maw le, a va han hoh theih ve le, i thu khel hi a sang lutuk a ka phak ve lo ni berin ka hria :-). Mahse hetiang lam hi la rawn post zel tho rawh, midang tan chuan ngaihnawm tak tur a ni tho a nia
June 9th, 2012 at 11:51 am
Zaninah eng ramte nge inkhel leh dawn aw? :-S
June 9th, 2012 at 1:40 pm
#39 Mi vau ka tihna chhan chu i thusawi (#37) ka chhiar vang mai mai a nia.
Ka rawn inrawlh lam ai mahin #31-ah khian #29-a ka thusawiah i rawn inrawlh niin ka lo hre ve mai mai a :-O .
Ṭawngkam ka lo uluk lo viau a ni maw? Ka á¹awngkam hmanho hi ka lo uluk ve viau á¹hin asin! #37-ah khian ka thiltih te i rawn deusawhin min rawn diriam vak lehnghâl :-O ;-( .
Ngaihdan inang lo hi chu inhnial vak a sâwt á¹hin lo.
Ngawih ka chuh tawh e. Phawt le.
June 9th, 2012 at 2:40 pm
He post chu leh…..Houdini comments hi ngun takin ka chhiara, ka chhiar nawn leh thin a, crirical argument pakhatmah a rawn chhawpchhuak lova, a thusawiah hian logic pakhatmah a awm lo tih chu pawl sawm zirlai pawn vawikhat chhiar naah an hre nghal ang. Inhnialna leh intellectual discussion reng rengah, deusawh taka, a bik takin comment #34 te ang, mockery hmanga inbeihna ang khi a thing tawp!(tlawm tawp aiah a chaklo lamin chauhthubarawh ah tianga tih hi an ching). Chutah amah zawkin diriam leh deusawh niin ala inhre ta daha!(#37, a thiltih a deusawhna pakhatmah a awmlo, mahse a inngaihbel tlat).A point ah tak hnial thla thiam si lova, a behbawma ‘nagni chu, keini chu….de de dei’ tih hi chuan ram ropui chu i kai hmel loh. Hnam sakhua i advocate a, hnam sakhua ‘concept’ ah pawh chuan i chiang chuang si lova!
Chuan vakul pawh khian a hnial peih zawk ka ti, zirtirtu leh naupang tawng fiah lo kum thum mi vel inbia angah ka ngai! I point khi a solid hlawm lutuka houdini dang tihngaihna hrelo khian ar talh dan chi dang hmangin a chhang vel ta mai mai che tih chiang reng. Engpawhnise hetiang zirtirna diklo lenboa kan awm loh nan Kristiante hi kan fimkhur a ngai. Hun hnuhnung anih tawh hi, hetiang zirtirna lo pawh hi mak mdeuh deuh ala rawn awm zel ang. Duh leh lo rak ve mai mai se, kan rinah ding nghet ila, hnial duh lem lo ang u.
PS: houdini, Hnam sakhua hi enge anih chiah hrelo, mahse zawm (inclined to believe) ve duh maithei hnenah pawh uar takin han sawi ta la, tuna i technique hmang khian, in inhrilh fing har ngawtin ka ring nia mawle 🙂
June 9th, 2012 at 2:40 pm
He post chu leh…..Houdini comments hi ngun takin ka chhiara, ka chhiar nawn leh thin a, crirical argument pakhatmah a rawn chhawpchhuak lova, a thusawiah hian logic pakhatmah a awm lo tih chu pawl sawm zirlai pawn vawikhat chhiar naah an hre nghal ang. Inhnialna leh intellectual discussion reng rengah, deusawh taka, a bik takin comment #34 te ang, mockery hmanga inbeihna ang khi a thing tawp!(tlawm tawp aiah a chaklo lamin chauhthubarawh ah tianga tih hi an ching). Chutah amah zawkin diriam leh deusawh niin ala inhre ta daha!(#37, a thiltih a deusawhna pakhatmah a awmlo, mahse a inngaihbel tlat).A point ah tak hnial thla thiam si lova, a behbawma ‘nagni chu, keini chu….de de dei’ tih hi chuan ram ropui chu i kai hmel loh. Hnam sakhua i advocate a, hnam sakhua ‘concept’ ah pawh chuan i chiang chuang si lova!
Chuan vakul pawh khian a hnial peih zawk ka ti, zirtirtu leh naupang tawng fiah lo kum thum mi vel inbia angah ka ngai! I point khi a solid hlawm lutuka houdini dang tihngaihna hrelo khian ar talh dan chi dang hmangin a chhang vel ta mai mai che tih chiang reng. Engpawhnise hetiang zirtirna diklo lenboa kan awm loh nan Kristiante hi kan fimkhur a ngai. Hun hnuhnung anih tawh hi, hetiang zirtirna lo pawh hi mak mdeuh deuh ala rawn awm zel ang. Duh leh lo rak ve mai mai se, kan rinah ding nghet ila, hnial duh lem lo ang u.
PS: houdini, Hnam sakhua hi enge anih chiah hrelo, mahse zawm (inclined to believe) ve duh maithei hnenah pawh uar takin han sawi ta la, tuna i technique hmang khian, in inhrilh fing har ngawtin ka ring nia mawle 🙂
June 9th, 2012 at 2:50 pm
“critical”
June 9th, 2012 at 4:46 pm
ka duh ber chu a posttu hian a post hi rawn vil se sawihona dawhkan kil tlan hi a ni.
houdini te ngaihdan erawh hi chu rationalism peng pakhat a ni a, hnam sakhua nen a inzawm em em pawhin ka hre lo…a dinhmun sawi chiang atheist pawh a nih ka ringczawk mah. lo ni se chu chu hre bawk ila kan inhnialna strategy chu a dang daih ang, Pathian Kristiante Pathian hi a awm ngei a ni tih hi a logical em em a ni.
miten chanchintha hi an lo thihpui ruih ruih tawh a, a awih ve lo leh sawichhetute muangleia hnial hi chu ka hreh miah lo..
atheist hnial phei chu an rin dan kan sawiho ngar ngar a, kan rin dan sawi ve hlek hian ‘in ti leh daih zel ‘ an ti fo..an goalah luhpui min tum vak ringawt mai a ni.
daichin hi a inang lo va dai ve loh sawitir phet kan tum hi kan tihsual a ni ve a, nun awmzia hi hre fuh tur chuan daichin pawh a thuk a tul ve tho thin.
phaia lehkha zir, sakhaw ngaihsak reng reng lo, nu leh pa pawhin Pathian ngaihsak tak tak chuang lo…lesson thiam hneh tak, nun awmze man si lo zoram haw nikhuaa Pathian ngaihsak chuang bawk lo kan pung tual tual ang a, kohhran hian hmelma lian bera a neih tur chu atheism hi a ni dawn khawp mai. houdini ka sawi chhan lo.
secular khawvela finna tukverh dak pha ve tura kan induhtawk lohna hian sakhuana hi min demtir zel dawn a, kan india rama politics leh sum chiah kan ngaihtuahna hian min ei ve dawn…Pathian thua hun khirhtak chu kan thleng ve miau va.
finna hi enge tih hi Bible thu sawi tum ber pakhat a ni a, chu concept chu kan hloh vaih chuan kristian khawvelah hian kan zankal nghal pang tawh…enge kan value, enge thlen kan tum…
rinna hi mi chak lote tih tur leh vanram hi mi mawlte inhnemna abga sawina hi new atheism changthlan a ni a, rinna nei lo khawpa mi chak tumah an awm chuang si lo..vanram pawh hi a ropuina lam atanga tehsak a ni fo va, khawvel hi ropui an tih tawk vang a ni a…khawvel bak hmu thiam tura a kailawn ber rinna a an mausam vang a ni fo.
June 9th, 2012 at 5:43 pm
Kristianna avanga sual a punlun chhan maw?? Setana thik thamin kan awm avangin min bei nasa zawkah ka ngai mai asin, keichuan. Beih tlak loh, hremhmuna direct a lut nghal tur HIndu leh Muslim ho chu a thlem tha vak peih hleinem..
June 9th, 2012 at 6:11 pm
PayableonDeath-a i lo hre mak bik em a nih khi maw le.
June 9th, 2012 at 6:24 pm
houdini i duh phawt a thu le.
Pathian Lalfa kan ni, Mizo hnahthlakte,
Ram sakhaw tlanga Zofa ding zawngte;
Lo pem lut r’u, Zofa kan ram run leh vangkhuaah hian, Zofa nunah Lalpan rorel kim a chang.
Aw Lal huan Zoram mawi,
Hriatna kung pawn huan lai a chang zo ta lo;
Lal nun chawiin kan leng,
Vangkhaw chhinchhiahte;
Sem sem dam dam, ei bil thihna nunin kan leng ta e,
Khawvel nghahfak kan ni,nunhlun thingte hi
Zomi nun mawi ram ngei, Lalpa tlan chhuah ram,
Mizoin kan luah e, Mizo nihnain;
Hnam dang nihna rawng kai hmangaih Lapan min hlih thlaksak,
Lalram thuam kim kan ha, nun a dang si lo.
Lal huan, mawi hi Zoram, Mizote lenna,
Lal dana awmte hian par fung an chawi e;
Lei lawmnate leh aw van lawmna par an vul za e,
Lal kulhbingah hnam dang rul a lut ta lo.
Vang leh khua hmuna cheng kan ni e,
Khawkhat hnuaia sa te rorelna a ni;
Hnam dang ralthuam, Zofa daidanna puan kan hlip ta e,
Mi thianghlim tawngtaiin kan ram a tuam e.
June 9th, 2012 at 6:24 pm
posttupa a lo lut..zuang lut nghal.
postupa, kan ram sualna hi sakhaw thar kristianna vangah i puh a, sakhaw thar nei ve lem lo entirnan vaiho sualna hi engvang nge ni ang…an hnam sakhua kha a dik lo ve leh thung em ni ang?
June 9th, 2012 at 6:26 pm
Kristianna rawn luh hmaa kan mizo nun kha a that vang a ni ngei ang
June 9th, 2012 at 6:38 pm
kristian kan nih hmaa kan nun khaca tha khawp mai khatih lai khan kristian leh kristian lo ram pawh hnam nun zia kha a la duhawm vek a ni…kan hnam nun mawi tak tak leh kristian zirtirna hi thuhmun deuh reng a ni a, tunlai nun sualna hi sakhaw lam nghawng a ni lo lutuk zawk a, sakhua lo lutuka kan nun vang zawk a ni.
a nihna tak zawkah chuan eng sakhua pawh hian a zuituteah nun dan tha an zirtir vek zawk. chhandamna chu thuhran ni se…hnam nun mawi kha hnam sakhaw hlui vang pawh kha a ni chuang lo va khatih lai khan internet hman sual tur a awm lo…drug addict tur a awm lo…sualna a awm lo a ni lo sualna hi nun dan hmasawnna rual a develope a ni zawk. chumi avang chuan hnam sakhaw hlui han fak a, kristianna sawisel hi a dik chiah em?
June 9th, 2012 at 6:45 pm
Kristiante ngaihdana sakhaw dang zawng zawng hremhmuna inthawn liam mai hi chu sakhaw ngaihdan mawl ber niin ka hria. hremhmun te hi thih hnua kalna tur em maw ni le? Chutiang bawkin vanram pawh? Kan Pathian rilru hi he ti em em chuan a chhe bik dawn emaw ni le?
June 9th, 2012 at 6:54 pm
hman atang i post ka lo chhiar thin a, i sawi hi a tha a nih chuan hengte hi han zawh che ka duh min lo hrethiam la.
1. thih hnua kan kalna tur hi pialral em ni? ni se chuta kal tur chuan enge tul…ramsa vel thah kha a la ni reng em? mipa tan nula ngaih kha Pawla sai lohna turin a la tul em?
2.chhandamna a hranin a tul em? tul lo se kan sualnavnen hian khuanu bul kan thleng dawn em ni ? ni se pathian chu sual nen an khawsa dun dawn em ni?
3. thihhnuah hian mihringte hi khaw pakhatah kan kal dial dawn em? nge a sual leh sual lo min thliar dawn? rorelna a awm dawn nge awm ve kher dawn lo?
4. mizote thlarau hian rihdil a la pan tang tang nge, a kal kual vecdeuh tawh?
5.mizo sakhaw hlui khan vantlang thatna turin leh nun dan mawi nei turin eng zirtirna ngeca neih? vantlang leh zawlbuka kan inzirtir khavthuhran ni se.
6. kan vantlang nun thatna leh nun dan mawi hian eng chen nge kan thlarau a nghawng dan?.
zawhna ka la nei teuh mai pawm ve tura mi dang i duh chuan min han chhang phawt la ka va ti ve.
June 9th, 2012 at 6:56 pm
June 9th, 2012 at 8:01 pm
sakhua a awm tawh chuan pathian (theos)a tel thin a. pathian hming lam a nih tawh chuan a kaihhruaina leh mihringin pathian a hriat dan te, pathian inpuanna mihringin a hmuh te, a thua keimahni leh ama min kaihhruaina chungchang ngaihdan (theology) a awm tel thin. chu chu ka zawhna che chu a ni a, hnam sakhaw theology sawi tur bar i hriat si loh chuan a sakhua zawnga sawi tawh lovin hnam ze duhawmna zawngin thluk la …tichuan keini pawn kan thlawp ang che.
June 9th, 2012 at 8:24 pm
Ka ngaihdan chuan hanm changkang apiang hian an hnam thil hi an ngaihlu mai niin ka hria.
kum 1998 khan Champhaiah Kristiannain sira a hnawl tawh hnu, Kan Zo hnam nun zia, hnam lem leh Culture zawng zawngte thiam chantir lehna tura zak chung chung leh ip chawi chawih chunga Ngotekherh leh thangchhuah diar an inbel laia pi pu tuikhur an dawt leh dawn e an ti a. Thingsulthliah khuah hnam lam an entir dawn a, kohhran upa pakhatin eng huai emaw ten eng lam emaw ni an entir dawn tu man en loh tur titu te kha tute nge. Khang hunlai khan kan nu leh pa te khan mahni hanm thil chawisan an tumna avang khan an Mizo puite hmusit an tawk tam fu a sin. mahse hun a kal zela tunah chaun tunhmaa an duh lo kha tunah chuan duhna thinlung inpu ve mek zel hi kan lawm em em a ni. Keini chuan kan hnam lam te hi Pathian fak nan kan inkhawmpuiah kan entir thin.
June 9th, 2012 at 8:51 pm
a ngaihnawm lutuk sawi tur i la hre teuh ang han sawi zel la ka va ti ve.
a hnam anga kan neih lam te, kan hnam incheina te, kan inzirtirnate leh rilrua mizonate kha vul reng se tih hi thangtharte thanharhna a ni a, a sual lo; kan zoziaa Pathian biak hi a pawi hauh lo vang. a pawimawh lai tak in sakhaw ruhrel leh innghahna theology kha min han hrilh zel la kan harh huai ang chu…a chungavpoint ka pek chauh tal hi chu han ti hram teh a chhan chu ram a changkang zel a, hnam sakhua inzirtirna hmasaah khan thlarau chuan mithi khua a panin tlung a zawh thinin an ngai a..tunlai in sak danah hian tlung a awm meuh tawh si lo..
in theological development kha ka va hre chak em?
June 9th, 2012 at 10:11 pm
@vakul#30: current om loh laiin min lo hlauhthawnpui ni maw
. Lo hlauthawng duh tawh suh keimah phei chuan, hlauhthawn awm vak lova nia :-P.
Relativism ka counter chak i tih khi chuh…i sawi dan takah contextualize a, academical subject hming pakhat philosophy a normative relativism ang te kha emaw ni dawn le ka ti deuh va mahse kan soi lang bawk si lo. A ngaihna ka hre lo khawp mai, a engber nge ni ang aw ka ti deuh. Anthrological/scientific/political/social relativism adt adt adt a tam awm e……….kan soi zinga pakhat chauh poh hi han counter la awmzia a awm loh chu soiloh a a nuihzat thlak duh hmel ka ti deuh.
HNam Sakhua ah hi chuan, hei ai hian han chhut nasa in han chhut thui leh deuh hlek se chuan ka va ti em. A peih a ngem phei chu ka hre lo, hemi a a tawp ringawt a nih chuan Cult pakhat zinga chhiar tel ang chi chauh a ni mai dawn a. Tin, theology hi Architect te’n a plan an draw anga voi leh khata draw ve chi a ni lo tih leh amaha zawi2 zawi2 a insiam chho chi a nih hi i hre lo emaw ni dawn le ka ti, a theology i dil tlut2 mai ah………….kei chuan hei hi ka duh tawk ange.
June 9th, 2012 at 11:47 pm
malsta…kan sawi lai nena inrem chu relativism ah chuan lo zawng mai la a va tha em..
malsta..theological background awm lovin sakhua a awm thei lo tih chu a chiang sa…chu chu ka zawt a ni. sakhua anga an din ve tawh chuan an pawl chuan an rin dan an nei ngei ang chu chu theology chu a nia. i ngai ropui lutuk a ni mai thei e.
mizo sakhua hi tlema zawng chu hriat ka nei ve a, mahse ka hriat ho kha tunlai huna hnam sakhua intite hian an la hmang em ka hre duh a ni chu chu maw…theology chu.
hnam sakhua i tan viau chhan hi chu man vein ka inhria…indegenization lam a ni a, ani hnam sakhua mission erawh hi chu kristian sakhua beih a ni..a sakhua zawng ni lo, social reformation zawngin rawn sawi se a sawi tam tak hi hnial chu sawi loh kan pawm vek ang chu.
hnam sakhua post hmasaho kha i chhiar ve hlawm lo nge aw “cult a ni dawn a” i ti chauh mai a, a ni reng tawh a, hming hmerh meuhin Isua a sawichhe tawh a ni zawk, a lan danah chuan a thu hi a tir atang i man lo a ang zawk hle.
June 10th, 2012 at 7:56 am
Zofate Pathian chu, “Chunga Pathian,” tihna a ni a, Zo Upate hriat dan chuan Chunga Pathian awmna hmun hi Van chung khua niin a hla a, miring thlarau chauh hi a thleng thei. Engdang mah tih tul a awm lo a, kan thleng vek ang. Kan nihna sual a ni emaw, kan tihsual a ni emaw hian Pathian hnen thlen a dal lo e.
Pathian chenna van chung khuaah chuan kan thlarau a awm vek ang. Pialral pawh kan ta a ni e. mihring sual tih hi chuan Pathian hnen thlenna a dal pha lo a, thih hnuah chuan rorelna a awm dawn lo. Kan tisa dam lai ngei hian kan tihsual mawh chu kan tisa taksa hian phruin Pathiam hremna chu a tuar ngei ang, kan thlahte thleng pawhin kan tuar thei
Mizote thlarau chuan rih dil a la pan leh pan loh chu kan fiah thei bik lo a ni. hmuh a har dawn lutuk a, Thlarau bo zawngtute kutah ka dah mai.
Mizo sakhaw hlui khan chhungkua atanga bul tanin vantlang thatna leh mimal tan pawha nun dan mawi leh tha a zirtir a. Midangte tana hnawksaka nung lo turin leh, an dam chhunga Pathian hremna an tawh lohna tura a zirtir tlat avangin tleirawl sual kan tih ang chi pawh hi a awm lo a, khua leh tui tha takah a chher chhuak a ni.
Kan vantlang nun thatna leh nun dan mawi hian hman laiah emaw, tun laiah emaw kan thlarau lam hi engchen mah a nghawng a nei lo. Mihring dam lai nun atan chauh a ni. mihring thatna a ni emaw, sualna a ni emaw, kan thil tih leh nun dan hian pathian nena kan inzawmna a khawih pha lo a, kan inzawm phahna emaw, nuna kan inthen phahna emaw a kawk tel lo a ni.
I la duh khawp loh pawn kan la ti zel dawn nia. Kei ni ang net atang hi chuan post hlui kal liam tawh han zawn leh hi chu hun a duh rei viau zel a nia, phek dang keu sawn tur pawh hian minute fe te nghah a ngai thin a buaithlak tak thin a ni.
June 10th, 2012 at 12:49 pm
Mizo tawnga,’Sakhua,’ kan tih hi Pathian anga kan pipute’n an biak ‘SA’ leh ‘KHUA’ kaihkawp a ni tih chu i hre tawh turah ngai ila, thu a thui lutuk lohna’n. Hman lai Judaho ngaih danah engkim siamtu chu Jehova IAUAH a ni a, chu chu Lal ber leh engkim chunga thuneitu a ni a, a hnuaiah chuan thuneihna leh thiltihtheihna nei ve tak tak, indona vantirhkoh Mikaela te, malsawmna lama thuneitu Gabriela te etc. an awm ang deuh khan ‘Chunga Pathian,’ an tih chu Lal ber leh thuneihna famkim neitu niin, thil siam engkim mai hi a tirah an ruhrel lo din fel vektu a ni. A hnuaiah chuan thuneihna leh thiltihtheihna nei ve tak tak Sa te, Khua te an awm leh a. Hetah hian kan hriat tel tur chu Khua hi a hnathawh dan leh a dinna hmun a zirin Khuanu, Khuapa, Khuavang, Khawzing tih tea lam a ni fo, vangtlang huapa biak a ni thin. Tin, Sa hi chhungkua leh hnam dintu a ni bawk a, mimal leh chhungkua leh vangtlang huap pawhin an be thin. Chunga Pathian erawh hi chu a hming tak chu,’Pu Vana’tia lam a ni awm e. An zah em avangin a nazawngin a hming hi an lam ngai meuh lo. Zofate zingah tawng hrang hrang nei kan awm avangin lam dan hi a inang diak diak kher lo bawk. Heng hi Pathian chungchang bikah chuan Zofate hnena Pathian inpuanna kan hriat dan ni ta se, mihring chungchangah chuan, nausen chuan a lo pian hian HU a nei nghal a, chu chu nunna thaw sawina a ni. A lo pian atanga naulaihrilh emaw, nau chhuah ven leh hming sak emaw an hman chiah khan bawrh an keu a, chuta chinah chuan ZING a lo nei ta a, chu chu Pahtian hnena mi thlarau sawina a ni. Chu mi thlarau, Pathian hnena mi(tisa nunna thaw ni lo) chu Pathian nena kan inzawmna chu a ni a, chu inzawmna chu kan thil tihthat avanga inzawm ni loin, kan thil tihsual avanga chat leh thei pawh ni loin, kan tihsual leh tihthat hian nuna Pathian nena kan inzawmna a khawih danglam pha lo. Hman lai khan kan pi leh pute chu an mawl ang angin an hriat thiam theih tawk turin an hnenah Pathian a inpuang a, dam lai nu leh thlarau khawvel thil a hriattir a. Tun laiah chuan a aia fiah lehzuala a inpuanna kan hmuhah chuan Van Chung Khua emaw, Pialral emaw, Mitthi Khua emaw a hrana awm loin, thlarau khawvela kan chenna tur chu Chunga Pathian chenna hmun Van Chung Khua a ni a, a nawmna lamah chuan Pialral a ni a, a kal turte a huap zauna lamah chuan Mitthi Khua tih theih a ni bawk. Kan hla hluiah chuan,’A fam po po mual an khum, Thlanpial kawtah; Rihli tui an dawn hmasa, Pathian an chang,’ tih a ni. Zinghmu te, Thlanpial te leh Rihdil te chu an tlawh kher lo a ni thei e, mahse an kalna tur leh an awmna turah chuan mihring ni tawh loin, ‘Pathian’ an ni tawh dawn a ni. A chhan chu an thlarau dawn kha Pathian hnena mi ZING a nih tlat avangin.
August 9th, 2012 at 1:09 am
anih pu hs i thih hunah khawnge i kal ang?