Nunhlui fanna
Hlimlai thlâ dâr ang tawn leh chang ni hian,
Fanchang lunglen ti sei reng an hawih ten vul reng si e;
Ruâlduh, lenrual lenna vângkhua kar lam hla mahse,
Nghilh hian ka mawi lo hlim lai zamual liam hnu te.
Kulpa chang tawn, ro pui rel mah i Pisa rûn sang ah,
A nem thei mawlh lo nun hlui ngaih ka tawn ah;
Ka tah khua ti sei reng an engan samang ka lo then che,
Famkhaw siang lawi hma chuan nghilh ni i bâng lawng nge.
Muâlpui khanthuam leh lamrâwn zawng te,
Lêngi run kaina leh siang ka lawina run liliai maw;
Hriat loh khual leng riahrûn remna dawhtling lo ni e,
An dâwn ve lo lunglai kuai tu kan nun hlui te.
Ziakfung chawina rûn fan chang ni in,
Hriat loh tuâi thar lêng zawng ten “chhingkhual pa” min lo ti e;
Hril ve u maw, dawn ve u maw sakhming ka chher lai?
Zam ve ngailo val an thang ka chhuahna rûn hi.
Thang leh thar ten hei hi hril zel u,
Sûlsu, ‘sakhming-sârzâm’ lungduh rual u kal hmasa ten;
An pâu pui hnehna hlado thlang kawrlêng vai tawn ah ,
Zofa lêng tuai thar ten an dung thûl zo i maw?
Khua a lum a, Zoram pawh phai khaw lum ang mai in a uap churh a, chutah rilru ah râwlthar hunlai a lo lang a, ka nghawng lenna ram tia ka sawi fiam ve thin Kolkata thleng thleng in rilru in a chhui let zut zut mai. Ka tihtur nei lem lo in Facebook kan keu chawt a, ka account hlui, ka rilru nasa tak a luah thin tu nen a kan in friend na account ngei mai chu kan lut thar leh a. Chhiar hmasak tur ber pawh hre lovin ka keu kual dun dun a; Chutah le, KMS (Kolkata Mizo Student Union) group ah chuan kan dak chhuak ta hlawl mai!!! “kan nu” ti a ka koh fiam ve thin nen a kan lawina Biakin thlâ te, kan lo len dun fo thinna kawtthler mawi tak tak thlalak te kan hmuh chuan a lang bak bak rilru in a chhui kir a, a thar ang diai mai te hian hun leh hmun hlimawm tak tekha mitthla ah a rawn lang zut zut mai …
Ka lung a lên em avang chuan suang tuahna ram ah cheng zui zat in Kolkata khawpui chu ka fang ta ruai ruai a.
Châng 1-na : Ka duhtak I nen a lungrual taka kan fan kual thin hmun leh kawtthler kha a ngai reng hian a lo la mawi a. Mahse, tuntum chu keimah in, mahni chauhvin a ni ka fan ni, a ni chu ka hmuh phak lohah, ka khawih phak lovah, ka lunglen pawh hre chang tawh lovin ka lak atanga hlatakah tih hran a ni tawh si a. Ka tan erawh nupui sawm pawh a rualin nei mah ila, a hmun ruak chu an luah khat zo tawp dawn si lo tih ka hre reng si a. Theihnghilh chu thil theih loh a ni mai lova , a tum pawh a ka tum phal loh thil a ni.
A thunawn: Tisâ a puitling ve ta fam chu ei te zawngin Pisa kan kai ve ta a, khawsak phung ah rual awt lo tawk in awm mah I la, ka khawharna ngai a rual ka awhna chuan reh a hnekin zual lam a pan zel si. “Engvang kher kher hian nge maw thlan mual ka liam thleng thleng a I hming vawn tlat tum si khan; ka lo then kher kher che ni” ti in mahni ka inchhuah chhal lawm lawm a. A sawt tawh lo!!!
Châng 2-na : Ka khawhar em avangin kawng zawng zawng te zawh in hmun tin mai chu ka fang kual ruia ruia a, chutah, ka tlawh hmaih ngai loh rûn chu ka va thleng leh ta ngei a. Mahse, Tukverh ah Parda pâwl a in zar tawh lova, nghakhlel taka min lo thlir thin tu la ka hmu tawh heklo. A ni, hawihhawm taka min lo thlenga, duat tak a min lo dawngsawng-tû in ngeimai ah chuan; dawnsawn dan dangdai tak a dawnsawn ka ni ta!!! Chumai a la ni lo, ka in luah thin ngei maiah pawh chuan lawm ka hlawh tawh lo, Hnamdang in a lo ni tawh a, “Tunge I nih kan hre lo che a, I lunglen na pawh kan tawm pui thei lo che” ti in.
Châng 3-na : Ka khawhar beidawng chuan kan Sikul hlui lam chu ka pan ta chawt a, ka Lunglen thin na zawng zawng hmuh kim tuma, inti ngampa taka Compound chhung sulhnu hlui ka fan kual lai chuan, Zir lai awm thar ten “Mikhual” ti in ka nunhlui chhuikirna kawng chu min dal leh ta si a!!! He ka Zirna in ah ngei pawh hian ka ropuinate khan sawi zui a hlawh lova, hriat zui lah ka ni hek lo ti in lung hnur taka inthiar fihlim mai chu ka chan tawk a ni leh ta.
Châng 4-na : Thinrim tûn chungin Mizo thangthar te zawk thu ka chah ta chiam a!!!… “Heng in tualchaina ramah hian in hma a mihuaisen kal hmasa ten hnamdang lak-ah dai theu in kulhpui ropui tak an lo zuk din tawh a, ngaihsan tham hnuhma an hnutchhiah tawh a, chawimawina nopui chihrang hrang an lo chawi tawh a ni tih hi in vawng reng dawn nia… heng mi ropui tak te ang hian nangni hian ti ve thei tak che u maw?” ti in.
Similar Posts:
- Lenrual Hlui zawngte kha…
- Rengkhawpui
- Ka lunglen hnemtu rinrawlte – I
- Mi ramah zawng lunglen a na e
- Chhuihthangvala ar ang a vai zawlkhaw zau-ah
June 12th, 2012 at 3:08 pm
oh Kolkata, kei pawh ka ngai lutuk.
Report this comment
June 12th, 2012 at 3:10 pm
Uap churh mahse belhchian a lo dawl ani Kolkata hi chuan.
Report this comment
June 12th, 2012 at 3:14 pm
Phuah nalh hle mai
, a lunglenthlak duh ngawt ang, ka hriatthiam pui che…poem(hla hril thluk neilo) angin chhiar ka tuma, hla pangngai ang zawkin em ni i phuah? thunawn te i neihtir si a..
Report this comment
June 12th, 2012 at 3:20 pm
A va ril raih raih em! Mahse, paragraph inthen zau lutuk hi mit a tihahdam lutuk zawk mah mahin ka hria.
Tha lutuk. 
Report this comment
June 12th, 2012 at 3:37 pm
Report this comment
June 12th, 2012 at 3:41 pm
Nunhlui ngaih vawng vawng tur neia sulhnu tha i hnutchhiah khi i fakawm. Tin, hla phuah baka hrilfiahna awm thlap khian post hlutna a tipungin ka hria…
Report this comment
June 12th, 2012 at 3:52 pm
Calcutta hming a put lai kha a nih ngei ka ring a, a title khi Kolkata ti lovin Calcutta han ti ngei la, lung a kuai lehzual ang em aw…?… te lo ti vel ila…
Kei, Calcutta la hmu ngai lo pawh i lo chen tawhna run, i lo khawsak tawhna veng, i nupui ang thawthanga i en – i thiannu, i lo kai tawhna zirna run leh a vel te suangtuahna mitthlaa lang chuai2 thei khawpin min hruai… hetiang hi alawm thu thiam ka tih chu!
Ziakzawm ngei tur zawm loh a awm zeuh2 tih mai lo chu… la tihram teh ang
Report this comment
June 12th, 2012 at 3:57 pm
Report this comment
June 12th, 2012 at 4:03 pm
Poetry ka chhiar chhuah tlem te zing a mi a ni e. Tha khawp mai
Report this comment
June 12th, 2012 at 4:12 pm
Kulkhut-ah chuan Hotel Maria bawr vel ( Sudder St.) hian ka lung a tileng pha ve tlats. Inti CK deuh chuan, “a hmun a ṭawp si,” anlo ti leh pek maithei a ni akekekekekeke hairehai
Report this comment
June 12th, 2012 at 4:16 pm
Ti hian ka’n chhang ve teh ang che:
Sakhming lama i kurpui lai hian e..Thanchhing pa;
Chung turni sen karah zai ka zawmpui zo lo che,
Lunglen biahthu hril a sam hlei nga kumsul danah;
kohin kir rel se, hring sakruangin leng leh la,
chutin khawchin hriltu lo pauin 41 degree ti se,
aw zoram, tia au leh i nuam lo’ng maw..Lengzahmawi.
Zaleng an tam, lamlir an ngir e, khua lianah,
Zochhum pa khuarei chuan ka zuam nem maw;
chawnban insik reng pawh kan tiam si lo,
Thlan dartui ang hnam karah ni chhun awm har ka ti;
laitha a zam lo sawi lai mi u hel nan,
siktui nenin run hliapzar hnuaiah
chhunrawl kan fak peih tawk e.
Report this comment
June 12th, 2012 at 4:24 pm
Kawlhawkin a rawn sawi takah chuan ulukly in ka’n chhiar nawn leha, dik zawk nia ka hriat tlem thahnemngaihna vangin ka’n point out ve mai mai te’ng..
1)chang khatna: reng an ni lovin renga’n, hawih ten ni lovin ‘hawihte’n’
2)a thunawn: tawn ah ni lovin ‘tawnah’, tah khua ni lovin ‘tahkhua’ , samang ni lovin ‘sam ang’
3) chang hnihna: nun hlui ni lovin ‘nunhlui’
4) chang thumna: val an ni lovin ‘vala’n’
5) chang lina: tawn ah ni lovin ‘tawnah’, zofa leng ni lovin ‘zofaleng’ tih tur ni zawkin ka hriaa, mahse ka hre dik thlap e chu ka ti chuang lo.
Engpawhnise, a hlathu mawina a bo phah chuang lova, a hlutna a nep phah chuang heklo. Mizo tawng hi chu a har ema, ziak zawm leh zawm loh tur zawng zawng hi zawm kim thlap thlap chu thil theihloh tluk a ni.
Report this comment
June 12th, 2012 at 4:44 pm
@Vakul, ka hre chiang chak hle mai che …
kei ai in i thiam daih mai a …
i tih hi dik tih fe fe ka nei, NIa inzawm leh zawmlo tur hi ka hre thiam lo thin khawp mai …
@Charice_mizo,
@All…. In comment peih pawh ka lo ring vak lo a nia, ka rin ai in Kawmen a tam daih mai a!!!
Report this comment
June 12th, 2012 at 4:48 pm
“Ka rawn fang leh hmana kan tuanna tlang” phuahtu aiin in duai chuang miah lo.
Report this comment
June 12th, 2012 at 4:49 pm
@H.Vangchhia, Hotel Maria bul( Sudder St.) ah khuan vawi khat chu Sap nula rui zet chu ka kaihkuah ve tawh, urlawk zan ah …
Mahse, engtinmah kan awm lo, ka kaih kuah hawng a, an Hotelah ka dah thlapsss… 
Report this comment
June 12th, 2012 at 4:52 pm
@James Bond, ka phulo e chung te zawng… hei hi a thlûk nei a siam theih a nia… nakinah tu ber emaw chuan a la sa âl âl mai thei a ni …
@Kawlhawk, a chângtin hrilhfiahna min ziah sak tur khian i bulah ka rawn in bunruak tep a sin… Mahse, ka zak a..
Report this comment
June 12th, 2012 at 4:54 pm
Lersia #15 ziah tham chanchin a awm
Report this comment
June 12th, 2012 at 5:00 pm
Kolkata kan awm lai chanchin …. Thiani te lane leh Local Zu dâwr te tlawh zut lo mah ila an sawi zut si a, hriat loh theih loh thil ngaihthlak fo takah chuan … Keipawh, eng eng emawni chu sawi zui tur ka ngah a nia… Mahse, Hazra a englo ho awmna saw chu a thing ve thlawt a ni …
Report this comment
June 12th, 2012 at 5:08 pm
Report this comment
June 12th, 2012 at 5:11 pm
Hotel Maria ahte chua kar 1 lai ka thleng ve tawh tho nia aw
Report this comment
June 12th, 2012 at 5:29 pm
I lunglen hmel tak hle mai a, hetiang ang khawp han phuah chhuah theih chu………..
Report this comment
June 12th, 2012 at 5:32 pm
#12…
Report this comment
June 12th, 2012 at 5:39 pm
#11 Vakul khi a van turu hnaisailo ve a! very very ril
Report this comment
June 12th, 2012 at 5:47 pm
Kolkota ah chuan nikum december khan kan bo tak tak mai a. Forum mall a tanga taxi in park street ah ka phei a, park street a tanga kan thlenna ka haw leh tur ke in kal teh ang ka tia, kan bo tak tak mai a leh…zanlai dar 12 velah darkar 1 chuang zet ke a ka kal hnuin ka va pawh leh hram hahaha..
Report this comment
June 12th, 2012 at 8:07 pm
La fan ve loh ram a ni bawk nen, ka hel ka hel a, ka’n chhiar ta hram a. Ka rinai takin rilru a khawih daih mai. Mitin hian kan nunah hian hun hlimawm leh rilru a cham hlen tawh tur hi chu kan lo tawng thin zawng a nih hi.
tren tren
Report this comment
June 12th, 2012 at 11:58 pm
Nunhlui sawi tur ngaihnawm tak tak, chet chhiatna leh chet fuhna hlimawm tak tak in nei ve ngei in ka ring …
Report this comment
June 13th, 2012 at 12:01 am
#26 I ziak ngaihnawm khawp mai
Report this comment
June 13th, 2012 at 12:09 am
@H.V, Thanks, ka 1st date-Naga nula, Mabeni Victoria Memorial Hall kawt thing buk hnuai a zing dar 7 leh a chhehvel kha chu aw…. sawi zui ka chak ngei e, Ka nick a tanga min hria in tam tawh si … ka zak deuh reuh bawk si, sawi chak bawk si hi ka thak nuaih nuaih in ka hria ..
Report this comment
June 13th, 2012 at 12:13 am
#28
Report this comment