Changtute:
Dumdumtea: (gold fish tlangval)
Senpuii: (gold fish nula)
Buanga: (chawngzawng)
Minglim: (nghalim nula)
Senpuii: Awi ka ning lutuk, hetiang bur chep lutuka inkhung reng hi. Kan tui lah hi hei an rawn thlak theihngilh lehpek dawn a niang, ka ning ka ning ka ning….
Dumdumtea: Sp, tuar hram hram teh, an la rawn thlak ve mai ang. Chubakah kan awmna hi sawisel fo tur pawh a ni lem lo, keimahni tan liau liau a siam a nia, a hmingah pawh sap hming ngat a nia an phuah, hetiang hi nungcha dangte hian an nei ve miah hleinem.
Senpuii: Hmm, eng saphming mah a nei lo ang, palang khawrpum chep lutuk a nih hi.
Dumdumtea: A nei a lawm, fish bowl an tia, hetiang hi nungcha dangin anmahni pualin an nei ve miah hleinem.
Senpuii: Ho lutuk, fit bol e bol lo e; Keichu sangha ka nia, luia awm tur ka ni. Tlanchhuah dan ngaihtuah ang.
Dumdumtea: Bawih, khawngaihtakin khatiang khan tawng tawh suh. Khawiahmah kan chhuak thei lo a, chhuak tur pawh kan ni lo. Hei min neitupa hian min duat em em a, nitin chaw tha tak tak min pe reng a, hetah chuan sangha lian leh ral lakah kan him bawk si, chhuah thu chu sawi tawh lul suh.
Senpuii: D, enteh kan chhuak ngei tur a ni, heta tang hian kan chhuak ang a, lui nuam deuh ah kan pahnihin kan liluh dun vel thin
dawn a lawm. Helaia chaw tha tih mai mai te chu rei loteah kan theihnghilh vat mai ang.
dawn a lawm. Helaia chaw tha tih mai mai te chu rei loteah kan theihnghilh vat mai ang.
Dumdumtea: Duat, khawngaih takin chutiang chu sawi tawh suh. Hetah hian kan pahnih chauhin kan awm a, keichu tuma tihbuai loha i bula ka awm hian ka hlim em em a sin. I hlim ve lo em ni?
Senpuii: I bula ka awm hian ka hlim tih chu i hria a lawm.
Dumdumtea: Ka va’n lawm em, bawihte ka hmangaih zual deuh deuh che a sin.(a thaw puar pep pep a)
Senpuii: Keipaw’n ka hmangaih che a lawm. Hmun dang nuam zawkah awm dun i la, kan hlim lehzual ang tih ka ngaihtuah mai mai a lawm.
Dumdumtea: Heta awm hi kan tan a tha ber a ni. Bawihte, khawiahmah min kalsan suh aw. Min kalsan lo ang tiraw… Min kalsan lo ang tih min tiam rawh aw?
Senpuii: Kalsan lo ang, kalsan lo ang.
(Zanlai ah chuan engemawni ri bawrh hian Dumdumtea chu a tiharh a)
Senpuii: D, min ngaidam rawh, helaiah chuan ka awm thei tawh ngang lo a ni. Lui lam panin ka kal dawn, I duh chuan min rawn zawngchhuak dawn nia.(bawm atang chuan a inperhchhuak ta a)
Dumdumtea: Ni lo, Senpui,…
Senpuii:(Dawhkan atangin chhuatah a inperh thla leh a) Rei loteah lui ka thleng mai ang. I lo kal ve dawn nia.
Dumdumtea: Senpui, i thiltih kha a hlauhawm lutuk, bualin tui awmna lamah khan phei vat rawh.
Senpuii:(chauh hmel takin) D, ka thaw.. hleithei taw.. tawh lo. Min pui.. rawh…
Dumdumtea: Senpui, bawihpui, i hre thei em? Khawilaiah nge i awm? Tui awmna lamah khan phei tum rawh, aw… a va pawi tak em! Senpui, ka sawi chu i hria em?
Senpuii: Min ngai.. ngaidam….(tawng chhuak tur a awm ta lo)
Dumdumtea: Bawihpui, ka duat, khawiah nge i awm? Senpui..
Buanga: In va ri nasa chelchul ve, harsatna in nei em ni?
Dumdumtea: Ka pu, eh thianpa, kan nu.. ka nup.. ka thiannu a thi- a thi mek! Min pui rawh min pui teh. Khu khulai dawhkan hnuai velah khuan a awm.
Buanga:(thlawhkual phar phar pahin) Ta mai mai thin a, in intitaurau deuh em ni. Nupa intihtlan hi a tha lo a sin(a nui deuh huah huah a)
Dumdumtea: Ni lo, khawngaihin dawhkan hnuaiah khan, tanpui lul rawh khawngaihin, thianpa oh, ka pu, khawngaihin.
Buanga:(dawhkan hnuai atangin) Eheu, heta hi a kulcho der mai.
Dumdumtea: Tuiah khan tuiah khan, khawngaihin tuiah khan dah phei rawh……
Engtin nge awm, a tha tawh em? Senpui, bawihpui. Thianpa, engtin nge a awm? Ka duat, i tha em…?
Buanga: (Dumdumtea awmna bawm tlangah chuan a rawn fu chho a) Thianpa, a pawi hle mai, kan tlai lutuk deuh a ni. Tuia ka dah paw’n awmzia a awm tawh lo.
Dumdumtea: A ni thei lo, a theih loh. Min pui rawh, min pui ta che. A muhil a ni lo maw? Kaitho rawh.
Buanga: Hetah chuan tihtheih engmah kan nei lo. Heta tanga mel hnih velah hian lui a awm a, chutah chuan kalpui i la, tuithianghlim a dawn chuan a tha leh thei maithei. Mahse, ka chiang ngam bik chuang lo.
Dumdumtea: Engtin nge, engtin nge kan kal ang, mawh? Min kalpui ang tiraw? Min pui leh hram rawh aw.
Buanga: Ka pui ang che. Mahse, i thiannu hi a lo dam leh emaw, dam leh lo emaw hetah hian i let leh ang tih min tiam a ngai.
Dumdumtea: Aw le, min puih phawt chuan ka let leh ngei ang tih ka tiam a che; Mahse engati nge heta ka let leh let loh chu i ngaihpawimawh viau min hrilh ve teh.
Buanga: Ni e, kei chu Chawngzawng ka ni a, e taka ka hming chu Buanga a ni. Tichuan, keini chawngzawng ho rindanah chuan Mihringte leh nungchate hi khawsa ho dial dial tur kan ni. Chuvang chuan helaia in rawn awm tantirh pawh khan kan lawm em em a, hetia mihring leh nungchate khawsak ho dial dial hi siamtu min siamchhan a ni tih hi kan rin ve dan a nih vangin chu kan rindan chu tihlawhtling ve la ka duh mai a ni. Aw le, sarangah tui ka thun ang a, chutah chuan inpahnihin in awm ang a, ka thlawhpui dawn che u nia.(engemawchen an inbuatsaih hnu chuan harsa takin an thlawkchhuak ta a.)
Dumdumtea: A va’n thim em em, e’nge ri chuah chuah chu?
Buanga: Lei hrik a hram a nih chu. Mihring an hlauh vangin leihrikte pawh hi mihring hnaih ah an awm tha ngam tawh lo a, thangthar ho phei chuan a thawm riva pawh in hre ngai ta lo a nih hi.
Dumdumtea: Chu! E’nge ri hum hum chu?
Buanga: Lui luang ri a nih chu, kan thleng a ni mai e.
Aw… tikhan in nu kha kuahbet tlat la, luiah hian ka bunchhuak dawn che u nia aw.
Dumdumtea:(hlauthawng takin) Awi… a va vawt ve, min hip lut zel mai. Buanga, min rawn chelhpui teh, ka senpuii hi ka thlah takngial dawn.
Buanga: Khai, ka tlahlum reu reu anga sin, sangha i nih kha. i tan te chuan a hlauhawm hleinem, hleuh kual vel rawh. In nu chu a harh thei dawn em?
Dumdumtea: Ka lu a hai muai muai mai, awh khaih ka thlauh chu, senpui senpui. A, a tleng, ni lo, tuiin a len… Senpui.
Minglim: Brr brr br brr
Dumdumtea: Awi.. min va tiphu chiang ve tu’nge i nih?
Minglim: Brrr br brr br
Dumdumtea: Korean tawng ka thiam lo a nia.
Minglim: Hehehe, kha kha eng tawngmah a ni hleinem, ka hmui ka ham ri mai mai a nih kha. Lolz. Hetah e’nge i rawn tih?
Dumdumtea: Ka nuup.. ka.. ih ka thiannu ka rawn lenkual pui, oh ka…
Minglim: Mipa ho tak hi chu aw… Min rawn zui rawh. I bialnu chu kan pukah enkawl turin an lalut tawh. Beisei erawh a chau khawp mai. (puk ah chuan an inzui lut ta a)
Dumdumtea: A va thim ve, ka hlau.. ih ka hmu thei lo. Rul te a awm ang e.(a invai buai ruai a)
Minglim: Kha, a ni lo lo ah te khan min dap ang e(a nui ar ar reng a)
He laiah hian min lo nghak rawh. Puk chhung tak taka i lo luh ve chuan kan tlangvalte’n an hmumawh palh ang che.
Dumdumtea: Engati maw? Ka thiannu chu ka ngaihtuah ve ngei a ngai a lawm. Chubakah sangha ka ni a, nangni pawh sangha in ni a, engati nge min ngaihmawh ngawt ang le?
Minglim: I hrethiam lo a ni. Nang chu awze mi i ni tlat a lawm. Hetah hian min lo nghak la, chanchin ka rawn hrilh vat ang che.(puk chhung lamah chuan a luhsan a, engemawchen hnuah chuan ngui riaiin a rawn chhuak leh a) A pawi khawp mai, i nupui chu kan chhan thei ta lo a ni. Kan upate pawhin theihtawp an chhuah a; Mahse a tlai lutuk hman ta a ni. Ka tuarpui takzet che.
Dumdumtea: (sawi mai tur hre loin a tep chap chap phawt a) A, ih, duat, oh. Engtin nge? Aw… bawihte a va pawi tak em.. Engtin nge i tel lo chuan ka ngha-nun ka hman tak ang le?
Minglim: I tawrh hi ka hrethiam khawp mai; Mahse inngaihtuah hrehawm vak chu awmzia a awm lo maithei. Ka bulah oh, hemi luiah hian cheng ve la, nun bul i tan tha leh thei a lawm.
Dumdumtea: Ni lo, ka thei lo. Keichu awze mi ka ni tlat a, hetah chuan ka awm thei lo ang.
Minglim: Ih maw, en teh(intih nelawm a tum hle a) ka nu hnenah a rukin ka hrilh a, a fel hmel lutuk ka ti che a, i hria em? Chuan anu in, ‘i pa te’n an hre vel ang e’ a ti ringawt(a nui vel her her a)’ chuan, enteh helaia awm i duh phawt chuan apa te hriat lohna turah awmna tur nuam deuh ka hria a nia. I inchhir miah lo ang tih ka tiam ngam zan che.
Dumdumtea: Min tiam maw, min tiam maw? Senpuii khan e’nge min tiam kha? Senpui, min kalsan lo tura ka intiamtir che khan ‘kalsan lo ang kalsan lo ang’ i tih kha. Aw… I thutiam kha engati nge i tihhlawhtlin loh le? Thu tiam ve ta i la ka tihlawhtling thei ang em le? Ka thutiam, aw ka thutiam ka va theihnghilh teuh em.(ring takin) Buanga, Buanga.
Buanga: Ka lo nghak reng tawh che. Khawvar hma ngeia kan thlen hman a ngai a nia.
Minglim: Eng thu nge in sawi? In let leh dawn maw?
Dumdumtea: Kan let leh dawn, thutiam ka nei tlat!
Buanga: Rindan pawh kan nei.
Dumdumtea: Min tanpuina avangin ka lawm e, damtakin le.
(An thlawk let leh ta vang vang a, khawvar dawn tepah Buanga chuan Dumdumtea chu a bawmah a dahlut leh ta a.)
Dumdumtea: Buanga, thianpa, min tanpuina avangin ka lawm takzet e. Ka hmangaih berin min phatsan a; Mahse thian tha ka char phah ta che a nih hi.
Buanga: Engmah tham a nih loh kha. I tuarna ka tawrhpui takzet che. Engpawh nise Mihring ho an rawn thawh hmaa kan chhin ve sek chu a ngai ang. Kan la inkawm dawn nia, mangtha le.(A thlawk liam nghal a)
Dumdumtea(A mahin a phun mawlh mawlh a) Zanin ka thil tawn chu a va mak ngai em. Ka hmangaih berin min tlansan a tum a, a nunna a chan phah a. Sanghate vanram ni tura kan lo rin, luiah ka kal a, nuam ka ti lo a, chuta chengte lah chuan ‘awze mi’ tiin min lo sawi a. Ka chipui ni miah lo chawngzawngin min tanpui vak lawi a.. Kei hi eng anga khawsa tura siam nge maw ka nih le? Buanga’n chawngzawng ho rindan a sawi te kha a dik nge dik lo pawh ka va hrethiam lo em! Engpawh nise ka mumang pawh a lo ni maithei a sin, muhil i la zingah hlim takin Senpuii nen kan harhdun mahna!
(NB: Sangha hi nungcha(?) zinga ka ngainat ber pawl a ni tlat. Chuvangin ka khawi fo thin a, tunah pawh hian ka khawi(dumdumtea khi). A chang chuan hetia khawi beh reng hi a tha lo ang em, hrehawm a lo ti viau ang em?, tih te ka ngaihtuah mai mai thin. A kawm tur, ti a ka dah apiang hi an thi zel a, tunah hian amah chauhin ka khawi ta rih a ni. Ama pualin hetiang thu hi ka ziak tih hrethiam se chu a lawm ve khawpin ka ring. Dumdumte, min dampui reng rawh aw. )
Similar Posts:
- Ka tiam ang che
- Min lo tanpui teh u
- He thil hi chu kohhran(denomination) ang zawngin i la tawh lo hram teh ang u, khawngaihtakin!
- Thanglian, Aw…… Thanglian !
- Boomarang in MCC Chennai
June 20th, 2012 at 7:40 am
thawnthu cute tak a nih hi
Report this comment
June 20th, 2012 at 7:46 am
Thuril thuhruk awm tlatin ka hria : 1) Mahni hnam phatsan loh tur. 2) Hnam dang nupui/ pasala neih loh 3) Kan chipuite kan inngaihsak tawk ta lo….te ka lo ti talh a !!
Report this comment
June 20th, 2012 at 8:09 am
Post tu pa, i Dumdumte chu goldfish a nih chuan a hrehawm a ti lo ang…ka hriatsual loh chuan goldfish have a memory span of about 5 seconds!!!
Report this comment
June 20th, 2012 at 8:29 am
Eng pawh ni se Sanghate chu luia cheng tura siam an ni si a,a khawitupain a hlimpui ang hian a Sangha khawi hi a hlimin nuam a t
i ve kher ang em le?!
Report this comment
June 20th, 2012 at 8:47 am
I va suangtuah thiam tak em.
Report this comment
June 20th, 2012 at 9:06 am
Tukchhuah nuam vek u le. A rawn hahoom tha leh pek in ka ring. Post la chhiar hman lo.
Report this comment
June 20th, 2012 at 9:14 am
Thuziak hlu tak a va ni em! I suangtuah thiam mang e…
I thuziak ang deuh hian; Delhi Public School-a pawl 9 zirlaiin, Creature Companion-ah (Pet Magazine) a ui (Pug) ngaihtuahna awm ang tak a ziak ka chhiar tawh a. Pawl 9 zirlai ziak atan chuan english a thiam ka ti khawp mai…
Hetiang thuziak hi ka ngaihlu riau…
Report this comment
June 20th, 2012 at 11:43 am
A va tha reuh tak em!
Ka hmu ve chak e i Dumdumtea chu
Report this comment
June 20th, 2012 at 2:04 pm
Lawm em em e!
Report this comment
June 20th, 2012 at 2:54 pm
# 7.. Ka chhiarna a rei deuh tawh avangin ka lo hrechiang lova. Delhi mipa naupang khi, Mount St. Mary school-a pawl 6 zirlai, kum 11 tih zawk tur a ni e. A lehkhabu hming hi, As cute as a pug tih a ni.
Report this comment
June 20th, 2012 at 6:30 pm
Hei chu a va cial ve.. Sangha te pawh hian duat taka khawi tute hi an appreciate ve tho ka ring..
A hun takah chaw pek an ni a, Fish Tank lah tuifim taka fill up reng a ni bawk a, lui a mi ai chuan an lawm hrim hrim in ka ring!
I ziak ngaihnawm em em..
Report this comment
June 20th, 2012 at 6:32 pm
Report this comment
June 21st, 2012 at 3:24 am
A van ngaihnawm em em,a creative khawp mai i thuziah dan hi. keipawh engemaw lai khan Aquarium-a sangha te hi an hlim em le tih ringawtin ka rilru a luah ve thin tawh. Nice job, keep it up!
Report this comment
June 21st, 2012 at 6:57 am
Hu hu,,, a va ṭha rem rem ve le,,,chhiar pah in mitthla ah a lang zut zut mai laawm le, Ahooma chu bewi ṭha thei hle mai,, a movie in kan la siam dawn mawnle
Report this comment
June 21st, 2012 at 8:20 am
Report this comment
June 21st, 2012 at 6:58 pm
A va ngaihnawm em em ve. Thu ziak thiam tak i ni tih keimah a a lan na chu mithla-ah a lang chhuak nghal zung zung zel mai..
Report this comment