Aw Lalpa,
Thlêmna thlipui fâwn vêl leh harsatna lak ata min thiarfihlim suh la,
pal thlang thei tûrin min thuam chak zâwk ang che.
Mahse keima chakna emaw tia chapona tlâng sânga ka din dâwn ai chuan
thihna hlimkawr ruam pawh min zawhtîr ṭhin zâwk ang che.
Ka chak loh leh beidawna nang ka ngaih a zual phah zâwk dâwn a nih chuan
ka mang han ti-ang la, hlauhna hmunah min hruai lût ṭhin ang che.
Nangmah chauh ka beiseina nung neih chhun i ni tih ka hriat nawn leh ṭhinnâ’n
eng dang mah beisei tûr leh puitu tûr dang nei lo khawpa
beisei bo paw’n min siam ang che.
Nangmah ring lova i thilsiamte ka ring zâwk dâwn a nih ai chuan ka neih
thil hlu zawng zawng hi i duh duha i lâkbo atân i kutah ka hlân e.
Nang chu i rinawm si a, engtikah mah min thlahthlam dâwn si lo.
Isua Krista hmingin ka dil e. Amen!
Similar Posts:
- Benny Hinn Cures People With Jacket!
- Mihuai kalta te kha
- Nang i ngawih tlat si chuan…!!
- Isua Pathian a ni lo
- Aw, Lalpa…
ve e
June 24th, 2012 at 8:02 am
A va tha em.
June 24th, 2012 at 8:10 am
Inkhawm nuam vek u le
June 24th, 2012 at 8:16 am
Lal Davida tawngtaina tluk zeta ropui anih hi. “thlaler tuivalawng leh khawram chhimbuk iangin kanun hian Lalpa a ngai a ni” ti khawpa Pathian pawlna thlahlel tawngtaina ang mai a ni e.
June 24th, 2012 at 8:18 am
Amen
June 24th, 2012 at 10:21 am
A tha leh pek e
June 24th, 2012 at 11:11 am
A tha hle mai a
June 24th, 2012 at 11:19 am
A va han tha em em ve aw. Like awn awn e.
June 24th, 2012 at 11:45 am
June 24th, 2012 at 2:10 pm
Ropui hle mai.
June 24th, 2012 at 3:37 pm
A va tha em! Kei chu hetiang hian ka tawngtai ve theilo tawp mai