“An hnam a upa tawh a, an tam zawk bawk a, a âwm alawm,” kan ti ngeiin ka ring. Chuti chung chuan kan khaikhin reng reng teh ang!
Mizoram a Directorate of Census Operations lamin an puan danin, kum 2011 khan Mizoram a mihring awmzat chu maktaduai khat (1 million) vel kan ni a. Chutah chuan mipa 552,339 awmin, hmeichhia erawh 538,675 bawr vel kan nih hmelin, hmeichhia an tam zawk a ni.
https://www.census2011.co.in/census/state/mizoram.html
World bank lamin an tarlan danin Ireland population hi kum 2010 khan maktaduai li (4 million) vel a ni a. Chutah chuan mipa an tam zawk thung.
https://data.worldbank.org/country/ireland
Awle, khimi ram pahnihte khi khawvel hriat ram ropui tak ve ve te’n an awp/awp ṭhin a, indan tumin zalenna kan sual ve ve bawk. Hmundang aṭanga pem lut ve ve niin, an ṭhenawm ramte nen indo ve deuh reng ṭhin an ni. Irish leh Mizote hi ram ṭhenawmte enhniam kan ni ve ve ṭhin awm e. Ram ṭhendarh sak ve ve kan ni a, min awptute ngaitheilo tak ve ve kan nih lai erawhin, Mizote chu min awptute hnam emaw inti kan awm ta zeuh zeuh thung! Hmanlai ṭawng hman ṭhin tak tak leh ziak dan hrelo ve ve kan ni. Hmanlai a kan inkoh dan kan hrechiang thei tawhlo ve ve a, tunlai a Mizo tih emaw Irish tih angin a hlawm (hnam zawng zawng khaikhawmna) a inkoh dan kan nei ngailo ve ve bawk.
Ngaihteh, kan ngaihtuah vang vang a… kan va han inchangkan hleih veih veih tak em! hairehai 
Similar Posts:
- Highest-paid actresses
- Inkoh dan
- Mizoram hnam hrang hrang awm zat
- In ngaihtuah ngai em?
- Za a za Kristian kan ni ciah em?
June 25th, 2012 at 1:03 am
Nia
Report this comment
June 25th, 2012 at 1:15 am
Pu Hv, mipa 552,339 hi hmeichhia 538,675 ai chuan an tam zawk lo maw!
Report this comment
June 25th, 2012 at 1:17 am
Tin,anih hi mawle.
Huaisen ah kan tluk lo em ani. Superior te tlawn a tlawn thiam thiam hruaitu kan nei miau sia,a sual a sual chhuaktu nilovin. !
Report this comment
June 25th, 2012 at 2:02 am
Mizote chu min awptute hnam emaw inti kan awm ta zeuh zeuh thung i tih hi inlavái kan awm ta zeuh zeuh i tihna em ni? Ngê inla-Indiami kan awm i tihna?
Report this comment
June 25th, 2012 at 2:07 am
Ram ṭhenawmte enhniam kan ni ve ve tih hi, enhniam kan hlawh i tihna nge kan enhniam i tihna zâwk aw? ka lo ti mai mai a. A ngaihpawlh theih deuh roh.
Report this comment
June 25th, 2012 at 3:36 am
Irish ho hi an ram tan an ti nasa ve khawp mai. An tawng gaelic hi thiam lo tawp chu an inti duh miah lo. west coast lamah hian an kal chuan gaelic hman ngei ngei tur an ti deuh tlat. Dublin ah hian an ram chhung a mihring chanve vel an cheng ani awm e! An vanneihna pakhat chu english an hmang leh england an hnaih hi ani awm e. England a thil an va lar pui chuan khawvel a lar ani nghal mai a..keini chu kan thenawm te an changkang lo ve em a!
Hman ni chu irish null in poetry min rawn phhuah sak a, haha..mahse nula-tlangval lam erawh ani lo! hehe
Report this comment
June 25th, 2012 at 9:23 am
Tha ve leh mai ang.
Report this comment
June 25th, 2012 at 9:48 am
Irish ho ang hian hnam huaisen anga hriat leh sawi nih ve a chakawm khawp mai.
Report this comment
June 25th, 2012 at 10:10 am
houdini #4 & 5 sawi khi han sawi chiang law law la Pu HV…
Report this comment
June 25th, 2012 at 11:32 am
” Mizote chu min awptute hnam emaw inti kan awm ta zeuh zeuh thung! ”
A dik khawp mai, India-ah hian ngheh bur mai hi kan tum tawh niin ka hria, duhthlan tur dang kan nei chuanglo, min hruaitu berte’n min kalpui ngamna chin hi kan tawpna chu a nih mailoh chuan. Mahni ram tana retheih leh mualpho huama lokal anla awm a nih tak leh kanla thlawp ve leh ang chu. Nihna leh pawisa/thamna engemaw vel avanga inphatsan leh mai mailo tur deuhte hi lochhuak ve phawt sela Mizo zingah hian….
Report this comment
June 25th, 2012 at 11:50 am
India ah nghet lo ila kan hmabak a thim si. Tuna kan awm ang hian hnam anga inhung sauh sauh erawh kan tih makmawh a ni. Kan luah chin a zim tehlul nen hian, chhimho, hmarho, khawthlangho, khawchhakho … te kan la inti ta dah!
Report this comment
June 25th, 2012 at 1:07 pm
Total population of Mizoram as per 2011 census is 1,091,014 of which male and female are 552,339 and 538,675 respectively.
Post-ah khian a ziak letling palh a nih hmel.
tren tren
Report this comment
June 25th, 2012 at 1:07 pm
Pu HV, kei chu tehkhin chiah ka ngai lo. Kum 1981 khan Ireland population chu 3.5 million vel a ni a. Kum 30 hnu, 2011-ah 4.5 million vel niin an population punna hi 1 million vel (28 per cent) (note: all numbers are approximate values). Mizoram ve thung chu 1981 khan 500,000 (.5 million) tling lo deuh niin 2011-ah ve thung chuan 1 million kan kai daih a ni. Kan population punna hi 100 per cent a pel tihna a nih chu.
Mithiam ka ni lova, mahse hemi atanga zawhna ka neih ve leh chhawn chu kan population hi duh aiin kan thang chak em ni aw? Kum 30 chhung leka a let thawka han pun mai chu(h). Hei vang hi a ni thei angem Mizoramah development a chak loh em em? Population tam chu a tha teh meuh mai – consumer an tam anga, chu chuan economy a ti nung dawn a ni. Mahse, mipui tam tak BPL (below poverty line)-a an awm tlat si chuan kan economy-in hma a sawn thei chuang lovang. Sawrkar tan pawh tihngaihna a vang khawp ang.
Ka ngaihtuahna hi a mawlmang in ti maithei a, mahse a kilkelha kan sawi dawn chuan a thui lehzual dawn lutuk a, ka duhtawk rih phawt mai ang.
Report this comment
June 25th, 2012 at 1:55 pm
Economy chungchangah hi chuan mithiam tak kan ram mil a system duang thei tur an awm nual tawh in nia ka rin ni. Han tangin thluak han hmang deuh se’ng chuan kum 10 chhung pawn kan in vawrh dawrh theih a rinawm.
Report this comment
June 25th, 2012 at 2:06 pm
‘Mizote chu min awptute hnam emaw inti kan awm ta zeuh zeuh thung!’ – Kan inla Indian ni lovin kan inla Sap i tihna anih kan ring deuh a. Khaikhin ralah chuan kan tluklo ngawt ang le. Mize nghet kan neilo deuh a, huaisen ah kan tluklo bawk ang. Anni zawng hnam huaisen ti a hriatlar an nia.
A thu hrimah tam hi changkanna ah kei ka ngailo. Quality a pawimawh zawk in ka hria. Mizo te hi kan ram area ngaihtuahin kan pung chak riau lehghal!!
Report this comment
June 25th, 2012 at 2:14 pm
sweetjerlan of the ist ah Pu Rama’n a chhuah a Mizoram pawh kan changkang tawh
Report this comment
June 26th, 2012 at 2:02 am
Chhuaklinga #12 ka ziak letling palh anih khi mawle
Chhuanlam nei vaklo hian a ṭha zawnga hmasawn hi tum tak takna nei ila tih lam biahthu a ni e hairehai
Report this comment
June 26th, 2012 at 4:52 am
Mizote’n kan sim atan a ka duh pakhat chu, “An nîte chu…” tih ang chi ṭawmkam, tlâwmsa aw/dawih aw, tum emaw tihve theih emaw, nihve tumna awm tak tak ngam lova, insawithiamna ṭawngkam hi sim ila ka ti.
Report this comment
June 26th, 2012 at 12:39 pm
#18 a va dik ṭhuai ṭhuai êm!
Kan ti ve thei tih sawi hi chuan min limrawn luai luai zëlin ka hriat pek chu
Mahsé hei hi kan màwlna tak chu a ni mai lo maw? Kan din chhuah lohna tùr hnár?
Report this comment
June 26th, 2012 at 6:28 pm
houdini #19 a tha zawng a chapo arh hi a ngaiin ka hria. Intithei emaw, inti vei nilovin!
Report this comment
June 26th, 2012 at 6:48 pm
#20 dik khawp mai.
Report this comment