Lung a leng em mai…
Rual el miah lo, rilru kaptu nei lek lova thingtlang nun chena tual kan chai lai te kha aw, ngaih a na thin teh e. Nitin inbual fai reng a ngai lova; zirtirtu te’n inbual ni an ruatah pawh inbual loh chang kan nei zeuh zeuh. A tukah inbual leh bual lo kan zirtirtupa’n a endik a. Thingtlang naupang chu fai vir ver theih hek loh le; bengkawm a fai loh chuan, kan beng min pawh fan sak vak thin. Tihngaihna dang awm hek lo, kan then chawk chawk mai thin.
Inchhungah khawl changkang leh fai tak tak khawih/khalh tur kan nei lova. Hunawlah chuan chem tum huma dai hnaia vah vel te, vaivut hmuna chartinbung (lirthei/motor-lem) nawra, hmui tuvu hluah hluaha khalh te kha, kan intihhlimna a ni mai thin. Tin, tawlhphihrit/tawlhpahrit tawlh kha nuam ka ti thei em em bawk a, kekawr mawng erawh a pawp duh thung… 
Thawhtan zing: inhrem ni
Kan khua kha khaw lian a nih loh avangin Biak in pahnih chauh a awm. Kan zirtirtu te’n Pathian ni inkhawma chhuak te, awm tha duh lo te, inkhawm lo te zawt chhuakin, min hrem thin.
Thawhtan zing a ni a. Tunge inkhawm laia chhuak?, tunge Biak ina awm tha duh lo? tiin zirtirtupa’n mi’n zawt tan a. Pawl thum chunglam zir tawh kha chuan tumah an hek ngai lo.
Tichuan le, zirtirtu hlun; naupang mizia hrethiam tawhin pawlhnih hnuai lam zirlai a’n zawt leh diat diat a. Naupang rilru thianghlim tih takah, ‘Sir chumi chu inkhawm laiin a chhuak, a thianpa chu inkhawm laiin a muthlu… tiin an han tan te te a. An hming sawi meuhva an hek te’n, ka chhuak lo, ka muthlu lo ti bik lovin; sir chumi pawh a chhuak ve tho, ani pawh inkhawm laiin thelret a thial ve tho… an ti zel a. Thawhtan zing hi chu inhrem runpui a ni fo. Kan inhek zo ta maw tihah, utawk sawhin sikul mualah kan sawt suau suau thin. Kea kal thang kan nih avangin utawk sawh vang mai maiin kan rawl tehchiam ngailo thung.
Thingtlanga seilian ni mah ila, khatiang a zirtirtu te’n naupang min hrechiang kha a tangkai. Misual leh inthunun thei miah lo awm bawk mah se; naupan tet atanga inkhawma awm dan tur, a tul feah chauh lo chuan vei sek loh tur tih te mai kha min lo zirtir daih kha a lo ni. A lo va hlu tak em!
Pawlthum ka ni ve ta; English zir a ngai…
Kan thenawmpa’n fiah lo taka, ‘Ai uan to siii iu” a tih fo thin kha; a awmzia ka hre lem lo, mahse saptawng a ni ngei chuan ka hre ve thin. Tichuan le, pawl thum kan zir tan ta. English kan zir a tul. English kan zir hmasak ber ni kha kan va phurin, hrehawm kan va ti lawi si em!
Kan ziritrtupa’n “I am a boy and you are a girl, You are a girl and I am a boy” tih hlathu tlar li lek min zirtir ta a. Kan hriatthiam theih nan tiin, kan zirpui hmeichhia nen min inhmachhawn tir a. I am a boy tiin ka inkawk hmasa a, you are a girl tiin hmeichhia chu ka va kawk ve thung. Kan thiam kim ta maw tihah, zirtirtupa chuan; le in thiam tawh bawk a. Mipa naupang ka ni in tih ang khan, English in chumi chu ka ni ti rawh u tiin a mal te tein min din tir ta. Kan pawla pakhatna ni thin chuan awlsam takin ‘I am Lalchuailova ka ni” a ti ta talh talh mai! A sawi dik ngei kan rin laiin, kan zirtirtupa nuihza kher mai, thinrim bawk si.
Midangin kan tihdik ringin, min zawt a. Kan pawla thiam ber tih ang kha chu dik tura ngaiin, I am Lalhmingmuana ka ni ka’n ti ve leh. Midang a zawt zela, kan tih ang vekin an ti bawk. A thiam ang tawkin entirna pein min hrilfiah sasawi hnu chuan banlawk a hun ta. Pawl dang zawng zawng an bang tawh, an inum kawi ziai ziai tawh mai si. Kan zirtirtupa lah chuan, in thiam/tihdik hma chu in bang dawn lo a ti bur mai le; rilru a va’n hah tak!
Kan zirtirtupa vin thawm hriain kan u te ho chu, kan class room bulah an lo kal khawm tiau tiau a. Vanneihthlak deuh maiin, kan u te chuan I am Lalchuailova ti rawh tiin hmuiphunin kan thianpa chu an rawn hrilh a. Ani chuan, an hrilh ang chuan a’n ti a. A bang thei, a tlanchhuak nghal. A tih ang chuan ka ti ve a, ka thian te’n an ti ve zel a, kan banglawk thei ta vek a nih chu. I am Lalhmingmuana tih ngawt kha chu, english chhumbung tak kha ang riauvin kan hre tlat mai a. ka ni kan sawi tel hram reng a ni. A va’n bo theih heih heih ngai! 
Da san is in da kais
Pawl li kan nih kumin, kan rualpui pawlthum zirlai, pawl ka bawhkan vanga ka hnuaia zir ni ta pawh kha, the sun is in the sky tih lam tur khan da san is in the kais tiin a lam tlat mai a. A hmahmai a bal bakah, tlema tawng harsat mi a ni bawk nen. Kan zirtirtupa thinrimin, aw vin takin, the sun is in the sky ti rawh a’n ti tuarh a. Kan thianpa zam leh hlau tawh si, tawng fiah thei bawk si lo chuan, da san is in da kais a ti leh. Kan ziitritu thinrim chuan a benga a pawhsak pahin, da san is in da kai kai kai tuma’n an ti ngai looooo a ti mai chu(h). Pindan bang a awm si lo; nuih a za si, kan nui ngam bawk si lo. Nuihza insum hi a har ve ngawt tak mai…
Phur thuta chhunzawm atan… 
Similar Posts:
- Panlai Nun (chhunzawmna)
- Kan Sikul
- Panlai Nun: Ennawm Leh Kan Nun
- Rahpuah Bomb
- Mizo leh Vegetarianism
(Y)
June 26th, 2012 at 6:34 pm
ka facbook accout ka login thei lo..
First!
Report this comment
June 26th, 2012 at 6:41 pm
Ha3, han phur thut leh vat teh, chhunzawmna tur nghahhlelhawm
Report this comment
June 26th, 2012 at 6:54 pm
DA SAN IS IN DA KAIS!
hahaha ka duh lutuk! 
Report this comment
June 26th, 2012 at 7:00 pm
Ha ha ha! Va hlimawm ṭhin tak êm!
Chhunzawm thuai rawh.
Report this comment
June 26th, 2012 at 7:03 pm
hairehai
Ti daih ila a thupui khi Lalchhungkaw hla, “Pailai Nau” anga kan chhiar dawn hram chu mawle
Report this comment
June 26th, 2012 at 7:19 pm
Ngaihnawm khups mai.
Report this comment
June 26th, 2012 at 7:44 pm
Haha..hriat chhuah ka nei.
Q-Where do Kuchu live?
A-Kuchu live in Hareli near the bank of a river.
(Kuchu-a chu Hareli khua lui bula bank-ah a cheng a ni) :true story tak tak, a translate-tu pawh a la dam:
tren tren
Report this comment
June 26th, 2012 at 7:50 pm
Chhuakling #7 hairehai
Zawhna: What is labor?
Ans:Labor means Santal (Dumka)
Kulikawn skul a naupang leh zirtirtu indawrna tak tak
Report this comment
June 26th, 2012 at 8:04 pm
# 7 & 8…
Report this comment
June 26th, 2012 at 8:04 pm
Hairehai..
Report this comment
June 26th, 2012 at 8:05 pm
Nia naupan zual lai deuh te kha a ngaihawm thei ṭhin khawp in ka hria, thil dang engmah rilru a vei a awm loh lai kha
Report this comment
June 26th, 2012 at 8:16 pm
Ṭ leh ṭ chhut dan ka thiam thar a, ka rawn test lawk ang e
Post ṭha tak a ni e
Report this comment
June 26th, 2012 at 8:25 pm
Pawl ruk kan nih kuma kan English zirtirtupain word meaning min zirtir thin ka hrechhuak zawk mai….” Give me some = han tawlh deuh teh”!
A dik leh dik loh kha kan hre lo hrim hrim, kan thiam chiang em em ringawt mai thin kha a nia leh 
Report this comment
June 26th, 2012 at 8:29 pm
(OT lawk)..chhangteval, Mizo tawng kan ziah dik leh zual nan Triii(a chunga i ziah khi) leh triii chhut dan khi han tlangzarh lawk teh a
Report this comment
June 26th, 2012 at 8:34 pm
Kawhterenga #14 enge “tri”? Ṭ ri (sound) nen a inang hlawl lo, Mizo ṭawngah ‘tri’ a a awm leu
Ṭ leh ṭ i chhut duh a i thiam siloh chuan copy/paste ve tawp mai rawh. hairehai
Report this comment
June 26th, 2012 at 8:43 pm
Test chhin
ṭen ṭen
Report this comment
June 26th, 2012 at 8:44 pm
Khawhtereng #14 hei hi daunlawt la, i install anga, chuan taskbar ah keyboard tereuh te lem a lo lang tawh anga, Mizo(India) tih kha i thlang dawn nia
https://www.facebook.com/l.php?.....=XAQGpgsut
Report this comment
June 26th, 2012 at 8:53 pm
Chhunzawm leh ngei chi a ni. Lung i ti leng mang e. Ziak ngaihnawm khups mai.
Report this comment
June 26th, 2012 at 9:07 pm
Ṭ …. ve tlat mai a. Tin, post ṭha tak a nih hi.
Report this comment
June 26th, 2012 at 9:22 pm
Zanin chu t (t hnuaia chhunhan, ka ziak ve thiam lo.
) in uar riau mai… 
Report this comment
June 26th, 2012 at 9:35 pm
T hnuaia chhunhan dah dan chu ka van thiam ve chak..
Report this comment
June 26th, 2012 at 9:58 pm
Ạ thïam lọ chûan hẻi hi ẻn ula, lǒ lạchhäwng zël mǎi rạwh u: ṭ Ṭ
Report this comment
June 26th, 2012 at 10:08 pm
ka phone hìan tri a suport ve lo a niang.. Han hmang sa teh thin mah u la, square ang hlirin a hmu zel.
Report this comment
June 26th, 2012 at 10:29 pm
chhiar a va nuam em
Lung a ti leng bawk si 
chhunzawm leh vat chi
Report this comment
June 26th, 2012 at 11:45 pm
A ngaihnawm hle mai. I fakawm ka ti hle bawk-thil i hre rei thei hi. Kei chu pawlkhat-pawl thum kan nih vel thil thleng kha hriat ka nei zauh2 tawh chauh nia.
Report this comment
June 27th, 2012 at 12:46 am
Dr.Mahminga, i nikhat nun hi kum tam fe kan nuihpui dawn niin a lang
it…
Report this comment
June 27th, 2012 at 1:26 am
Report this comment
June 27th, 2012 at 7:45 am
@ Benny and dustin… Sikul ka luh hma phei chuan, chanchin nuihzatthlak ka ngah viau a ni awm e. Ka nu leh pa te hian sawi tur reng an ngah. Intihtlangval tan ve deuhlai phei kha chuan, ka zak lek lek thin..
Report this comment
June 27th, 2012 at 11:08 am
Haha, pholeng dive en duai duai kan hrat lai te kha aw. Kekawr mawng pawp kan han ha ngei a, kekawrte ha ngai talo chu kan mawngtam a lang tha zel mai a.
Report this comment
June 27th, 2012 at 11:30 am
@ Sangpuiipa… Tun thlenga mak ka tih thin chu, khatia pholeng/tlangsam kan bawh/chen lai khan rul chuk emaw, rannung seh emaw chetsualna liantham kan tawng ngai lo kha. Pi leh pu te’n, Naupang chu vengtu leh hualhimtu an nei an tih kha a dik ka ti thin..
Japan-hlo par-ro, buk leih lawih han bawh pet un hnu kha chuan, dangmawn/hrawk a kha fuk tawh thin…
Report this comment
June 27th, 2012 at 12:24 pm
a ni ngawt mai, a hnuai ah lah khan thing zum hriam tak tak a tam thei sia, kan in bawh na lo te kha a mak ngawt mai. Thianten min bawh khalh hlau khan a hnuai lamah enge awm ang tih pawh ngaihtuah lo khan kan han bawh mai thin anih kha.
Report this comment
June 27th, 2012 at 2:38 pm
Ka tet lai hian ka ngal ah hian brick a in rem nasa thei viau ani’ang. Vawikhat chu kan infiam tur nula pakhat in..’E he! I ke ava chat ve.’ min tia,’Chat anih loh hi.’ ka lo ti ve tang tang ani awm e. A paw mai pawh ni tawh lovin brick in rem that tawh kha chu a pui khawp ang.
Leivung chen kha a num ber mai. A tharlam lehnghal kha chuuuu…
Report this comment
June 27th, 2012 at 3:43 pm
Aravind adiga iangin,ngaihnawm khawp mai
.
Report this comment
June 28th, 2012 at 1:53 pm
HV#15 & chhangteval#17, Thank you.
Report this comment