«
»

Aizawl ah ka zin, a nuam kher mai

June 28th, 2012 12:45 pm by Married Lady

North India frying pan atangin Aizawl ah ka han zin a, air conditioned room hlir ani mai. Temperature degree 20 atanga 23 (Celsius)   karah chuan Laodikei kohhran ang maiin lum so lo vawt si lo. A nuam tawp.

Chu mai pawh ani lo. Mizoram politics leh social lam boruak a nuam. Tun hma aiin tleirawl ten drug an vei  vak vak tawh lo (la ti chu awm mahse) ; zu in duh ten in tur hmu reng mahse rui buai hnuh tur an vang. Hleprukna scandal thar a awm lem si lo. Politics lama innghirnghona boruak a lang lo.  Euro 2012 lai ani bawk a, thalai an hlim hlawm viau.  Sorkar hna lak pawh faih lo hlir ani tawh lo. Fair taka lak an awm ve nual tawh. Eiruk a nalh tawh lo. Tlemin an zak deuh tawh.

Nu leh pate’n an fate rei tak tak an chhuahsan tawh lo va. Khawhar ina hun hman pawh tawk chin an hre tan.  Fur lai ani a, tui tla hlum leh Rangvamual lama motor tlan liam erawh chu an tam viau.  Vaivakawn junction a mimal ram pe anga an sawi kha a zim viau. Square metre 5 vel chauh ani. Cheng nuaih 70 laiin an hrelh ani awm e. A thlawna pe anni awzawng lo.Mahse kawng kawina lai tak ani a, a tangkai viau ang, an hman thiam chuan.

In sak thar hmuh tur a a tam lo. Fur lai anih vang pawh ani ang.  University kawng pawh a ziaawm. An phun tlem deuh. Cheng viabelchhe 10 man laia siam that tur an ti.  A nghahhlelhawm.

Hei hi ka hnuh dan chu ani mai. Picture dah dan ka thiam ve si lo. Ka lawm e.

Similar Posts:

Recent Posts:

This entry was posted on Thursday, June 28th, 2012 at 12:45 pm and is filed under Travel. You can follow any responses to this entry through the RSS 2.0 feed. You can leave a response, or trackback from your own site.

29 Responses to “Aizawl ah ka zin, a nuam kher mai”

  1. 1
    Sandman Says:
    June 28th, 2012 at 12:46 pm

    yes new post! :)

    Married Lady, thlalak upload dan chu ka lo zirtir ang che, a englai takah nge i buai?

    Report this comment

  2. 2
    Dr Mahminga Sailo Says:
    June 28th, 2012 at 1:03 pm

    Post-tunu chu, Nupui(atan) i tha ngawt ang, i thil thlir dan a puitling em mai… (Y) ;-)

    5Sqm Rs. Nuai 70 man maw? :-O Chu ram chu, ram hlu tak, humhalhtlak a nih chu maw le… :-D

    Thlalak post dan chu kei paw’n ka thiam ve tho a nia… :-P

    Report this comment

  3. 3
    VaiVa Says:
    June 28th, 2012 at 1:07 pm

    Ha ha #1, hming tawpa i/y a lan tawh chuan a inpe zo thei a nia aw…. :-O

    Va thlir tawi fiah thiam ve (Y)

    Report this comment

  4. 4
    chhangteval Says:
    June 28th, 2012 at 1:19 pm

    Vawiin pawh a lum namen! Ka harh chuan ka lo thlan huh dup mai lom le :-P

    Report this comment

  5. 5
    Alejendro Says:
    June 28th, 2012 at 1:27 pm

    Picture dah dan chu a sipisial in lo in zirtir teh un.

    Report this comment

  6. 6
    sheldon Says:
    June 28th, 2012 at 1:42 pm

    Tawngkam hmandan chu a va tawi felfai ve. A eng zawngin Mizoram i rawn thlir a, hriat a nuam e.

    Report this comment

  7. 7
    maawma Says:
    June 28th, 2012 at 1:45 pm

    Inhmun leh inluah man square meter a chhut hi Mizoram ah a la hman tlak tlat loh, a nei tu in a phalna zah a lei duh an awm chuan = HRALH, lei duh an awm loh chuan HRALH LOH a la ni deuh bur mai. Vaivakawn kawngzauhna pawh khi a nei tuten zuar lem lo in, hralh turin an in thlem viau mai thei a ni ….(rinthu).

    Report this comment

  8. 8
    houdini Says:
    June 28th, 2012 at 2:00 pm

    Chhiar a nuam viau va, mahsé dâwt i sawi mai mai a ang. A nih loh vëk pawhin thil i hre thûk lutuk lo a nih hmèl.

    Ngê i duhthusäm i rawn sawi zâwk? :-O

    Mahsé i zin thuaka i hmuhdàn a nih hmèl a, i thiamawm viau.

    Eirûk hi zak ve ṭan tak tak tawh sé a châkawm ngawt mai!

    A mak a ni, heti êm êma hausak an châk ringawt hlawm mai hi! Athim avar thlu lovin hausak an tum chu a ni ber maiah! Lehkha te hi an chhiar thiam meuh hlawm lo em maw ni chu, kan hotute hian? Nge an thil zir an bai-hât a, a awmzia an hre chuang lo?

    Lehkha chhiar thiamin hrethiam bawk selang chuan, chhiar ṭhin bawk sé, eirûk ṭangkai lohzia hi an man thiam ve tùrah ka ngai ringawt a!

    An chhiar thiam a nih chuan sim lo mah sé zak ngawih ngawih tùr chu an ni tawh… Ngê an lo zak vè reng zâwk? Kimki chäwih chäwih chungin an lo eiru vè em maw ni le? :-O

    Hei hi zawhna lian tak a ni.

    Thupui ka pènbosan lutuk lo tùrah ka inbeisei. :-)

    Report this comment

  9. 9
    Chhuaklinga Says:
    June 28th, 2012 at 2:06 pm

    Hehe.. Ram hlutna hi kan ramah pawh hian a va inthlau rem rem ve(a hnuaiah rangkachak a awm bik awm silo). Kan khuaah chuan nuaih sawmsarih chuan veng khat a lei thei hial awm a sin mawle. :D

    tren tren

    Report this comment

  10. 10
    Kher Kher Says:
    June 28th, 2012 at 2:25 pm

    Kan zoram riangte chu a engzawng a thlirna thuziak a vang bawk a hei chu chhiar a nuam deuh. (Y)

    Report this comment

  11. 11
    Lamji Says:
    June 28th, 2012 at 2:26 pm

    #7, maithei ani,an inthlem na pawh thangkhat lian a ral tep tawh ang chu. Sawi thui lo ang. ;)
    I thil thlir dan a tha khups mai. Mahse……. han cham zel phawt hrih la. ;)

    Report this comment

  12. 12
    Dr Mahminga Sailo Says:
    June 28th, 2012 at 2:30 pm

    # 8… (Y)

    March thla khan, ni 3 chamin Lungleiah ka haw a. ATM, 24 hours kha, darkar 24 chhung a inkhar :-O (N) Beidawn tawh lamah, a ni 3-na tuka’n HDFC bank ATM security guard ATM kawngka ka hawnpui a. Pawisa ka la thei hram. Hei hi hmusit vanga sawi ka ni lova (hmusit ngawt thei lah ka ni hek lo), mahse bei erawh a tidawng rum rum.. :-(

    Lunglei ni 3 ka cham chhungin,.nula chhelo tak tak te’n min rawn rim luai luai ang chu tih nak alaiin, a teuh lo mai :-O Ka lung a awi miah lo… :-D
    Eirukna tih ang reng vel ka ngaihven hman ta lo erawh ka inthiam lo deuh… ;-)

    Report this comment

  13. 13
    Kawhterenga Says:
    June 28th, 2012 at 2:32 pm

    I thlir dan a ṭha liam puat e. (Y) Hetiang deuh hian Syria ram buai te pawh hi thlir liam ve puat puat mai ang aw!! :-P “Mizoram politics leh social lam boruak a nuam”!!, ;-) ;-( Gas harsatzia te hi han hre ve la mak i ti awm :-O Tunlai hian Meihawl thuk kan hmang ta sup sup mai,Bazar lamah pawh a man a sang chak hle, hmanni lawka cheng 350 man kha tunah chuan cheng 600 a kai chho dawrh ta mai! (N) Heti chung hian lei tur a tam lem lo. Tin, he Thuk Ṭangkai tak hi “CONGRESS GAS” tia hriat lar a ni bawk :-D :-P:-P

    Report this comment

  14. 14
    Kawhterenga Says:
    June 28th, 2012 at 2:43 pm

    (ot leh lawk!) Ka hmel hi a cartoon bik lutuk! ;-( Ṭ,ṭ ziah dan chhangteval tanpuinain ka thiam tawh a, khawngaihin hmel tihlan dan hi min lo hrilh ve teh u :-S :-O

    Report this comment

  15. 15
    Dr Mahminga Sailo Says:
    June 28th, 2012 at 2:45 pm

    # 13.. (Y)

    @ Kawhtereng, ka thlawp che. Karkawng chhia kan tih fo te hi, MLA/minister-te an kal ngailoh vang a nia. Chutiang bawkin Gas cylinder pua intlar ngailo chuan, gas harsatna an hrethiam lem lo. Eiruk chungchang pawh, a eirutu leh eiruk hriatpuitu te’n an hrechiang ber ang.

    Khiangawitawhi (Married Lady :-D ) erawh chuan, rilru thianghlim tak puin; Mizoram hi sualna tinrengin bei mah se, a la him a; mi tha leh fel an la awm a ni, tih a sawi tum erawh hmuhthelh bik lo ila… (Y)

    Report this comment

  16. 16
    houdini Says:
    June 28th, 2012 at 2:50 pm

    #14 Kawhterenga, hetah hian kal la an lo hrilh mai ang che. (Ziahsâ a awm ka tihna)

    :Kawhterenga (#14) zúl ka zuia, thupui ka pènbosan lo tihna ni mai rawh se:

    Report this comment

  17. 17
    mr.Duhlova Says:
    June 28th, 2012 at 3:03 pm

    Hlatekhua a nupui i ni hial lo maw?

    (Y)

    Report this comment

  18. 18
    vakul Says:
    June 28th, 2012 at 3:52 pm

    saiawia thu ziah dan kakphung a pawl…birds’ eye view a nih hmel a.. tak tak a pawh pha lo vang posttu hi rin ka nei.

    Report this comment

  19. 19
    Kawhterenga Says:
    June 28th, 2012 at 4:08 pm

    #16 houdini, Ka lawm e.
    Ka’n phun leh lawk! (N) Congress an sawrkar tirh khan Armed Veng panna kawng bumboh ve tak chu Mam takin an siam ṭha a,Bazar kawng zawng zawng pawh an siam ṭha vek dawn a nih hi ka lo ti rilru a, Karei!! :-O ! Armed Veng Kawngchhia siam an lo ni aw zawng lo mai! Holmes Minister In panna kawng an siam ṭha lek chu lo niin (N) (N)
    Eng pawh ni se Sawrkar siam theitu chu Mipuite kan ni a, ‘Ramin a phu tawk hruaitu a nei ṭhin’ tih ang deuh khan kan Sawrkar pawh hi keimahni thlan tlin tho an ni a, sawi sel tur an nih bik loh hi tiin ka ngaihtuahna ka seng ta neuh neuh a :-S

    Report this comment

  20. 20
    H.Vangchhia Says:
    June 28th, 2012 at 5:27 pm

    23.C nitur chuan thlasik lai emaw, Nipui intan hmain i zin ania’ng maw? UEFA inkhelh lai iti bawk si…ruah sur vangin a dai zawk em ni… i vannei mang e!

    Mizoram University kawng khi State university kawng atan chuan chhia kava han ti lulai tak em!

    ATM pawisa awmlo adt. avan awm ngun tak em!

    Kum reilote ka hmuh loh chhungin in lian tak tak leh thil thar ka hmu teuh asin kei chu.

    #13 na khi ka pawm angreng hle mai. Eirukna khawpui alawm le! Lelohna hmunpui, chhan ngai em em a nih khi.

    Report this comment

  21. 21
    mama Says:
    June 28th, 2012 at 5:48 pm

    Aizawl i hmuh dan chu a nawm hmel hle mai, a hahdamthlak. Zin ve te pawh min tichak alawm le, pawisa khawl ila zin ve teh ang.

    Report this comment

  22. 22
    Dr Mahminga Sailo Says:
    June 28th, 2012 at 5:59 pm

    @ mama… Aizawl chu zin duh suh. Pawisa a hek lutuk. Lengpui-Aizawl taxi fare pawh Rs. 1,000 :-O Tin, eiru an tam lutuk a, eiruk a zahthlak loh zawk a ni awm e… :-P

    Eiruk sum ka sawi chhan: Sawrkar hnathawk pangngaiin, Private-a an fate lehkhazirna tur, Rs. nuai 10-15 te an pe tawp tawp thei hi mak ka ti lo thei lo. An fate sum hman leh incheina a nep chuang miah si lo. Sawrkar hnathawk hlawh hi a sang over em ni? ;-) (N) Sum tam dan (minister-te sawi dan) ngaihtuaha, hmasawnna awm si lo te hi, a tenawm… (N) (ka’n tlak leh duah chu a, a sawt der si lo.. :-) )

    Report this comment

  23. 23
    mama Says:
    June 28th, 2012 at 6:09 pm

    @Dr Mahminga, a nih chu mawle, boruak dai nuam viau mahse taxi fare etc. in thlan a titla zawih2 reng dawn a nih chu, zin leh lo mai ang.

    Report this comment

  24. 24
    chhangte_ll Says:
    June 28th, 2012 at 6:10 pm

    “Tun hma aiin tleirawl ten drug an vei vak vak tawh lo (la ti chu awm mahse) ; zu in duh ten in tur hmu reng mahse rui buai hnuh tur an vang.”

    Thimhlimah Treasury Square Petrol Pump leh Tuikual inkarah i kal lo ani maw :-S ;-( :-O :-D (N)

    Report this comment

  25. 25
    MaD Says:
    June 28th, 2012 at 7:27 pm

    A ENG ZAWNGIN I THLIR A, THA VIAU E. (CAPSLOCK DAY LAWMNAN) (Y) :-D

    Report this comment

  26. 26
    hlatekhua Says:
    June 28th, 2012 at 9:09 pm

    mr.Duhlova @ 17…ka nupui chu a ni lo phawt mai. Ka nupui chuan hei ai hian thil a hmu chiang deuhin ka ring.

    Report this comment

  27. 27
    chhana Says:
    June 29th, 2012 at 12:18 am

    Vaivakawna inhmun inpek chungchak hi ka hriat tirh chuan ka lawm viau a, mahse, a petute kha ka fak awkawng lo. An hralh alawm. Sorkar lah khan khawtlang tana an ṭhahnemngaihna a vang liau liauva pe ang hrim khan an chhuah a.

    Report this comment

  28. 28
    mr.Duhlova Says:
    June 29th, 2012 at 8:10 am

    26
    hlatekhua # Ka risk thelh a ni maw? Laodikei te kha a han ti ri nual si a, Turkey lam a nih ka ring chuizawn vel mai mai a nia. Apologise.

    In nu pawh a zaithiam ka ring tlat. (F)

    Report this comment

  29. 29
    Dr Mahminga Sailo Says:
    June 29th, 2012 at 9:03 am

    @ chhana… Pawisa tam tak (nuaih 70, nuai 70 ni lovin.. ;-) ) hlawhin a ram hlu tak a pe a nih awm chu maw… :-D Nuih hi kan tiza hlawm teh e… (N)

    Report this comment

Leave a Reply

You must be logged in to post a comment.