Tihèna ka awm chuan ka thimzia min hmuh fiahtír a: Sala ka tànna hi ka thimna a ni. Tlan chhuaktu tùr ka nei lo va, ka beihna hi ka zalenna tùr a ni. Rál bàn túaithar kei chuan ka sal tànna hnawh bo a ṭül tih ka man ta a. Hmélma thlunglu làm ṭhin, káwlkei huala meithal làwn ṭhin, láwm rùal sáwma hmatiam hlen ṭhin, hnuhpui hnuhhrám tlàwmsan ngai lo, sáipui tluang zui ngam vál hi ka zäm dáwn em ni? Ka kawng hlui zawh a rawp tawh a, chäng thara hma thar lâk a ngai a ni.
Ka hránghrúal ngul dịnte hi ka thạr leh dáwn maw i le âi?
Vál rual e! Zingṭianah Khuanu a ṭap ai law!
Ka kawt phanin vul leh zai rel lo ve!
Kawrväi laka’n kan tläwm hmun ê!
Ka ènna chu thimna chhah zâwkin a kàwr tih ka hre lo va. Ka thantlàwmna thlentu chu chü thimna chu a ni. Mihráng süla fala dàwntuaii te an làm lái, chháwntúalin kan kawtràwn a màwi lái, dáiràwna áivâ bäwngpui kan hlut lái, fángfar ṭihkhàia kan neih lái leh bùaldím hreungen ṭuma túalkhèla tlän ngäi lo vál kan tlàn lái chuan káwlhâwk nǒ rọh bangin min ṭìnsan tawh mah sé’ng, chü hun hlui ram zùn chuan ka mihring a phúar a, ka thlarau a zèl bet a ni.
Chü hun hlui rama kïr leh tùr chuan khawvêl thara rilru thar nèn hnam pum pèm a ngái tih ka pawh a. Chü rilru chu ka chakna hnár a ni.
Similar Posts:
- Lenchhawn
- Beiseina nung (Pathianni pualin)
- Mi fel tawngtaina
- Lâwm hle rawh!
- Misualte hnêna Mr. TSA zawhna 8
July 1st, 2012 at 6:36 am
A phek ropuiah…
Report this comment
July 1st, 2012 at 7:35 am
coment phaw
t ang
Report this comment
July 1st, 2012 at 7:36 am
coment phawt ang
Report this comment
July 1st, 2012 at 8:54 am
Ho mai mai e. A awmzia ka man lo.
Thlukna a va tam teh tuar ve, a dik vek chu ka ring. Mahse, hmuh a hahthlak phah tep, dah lo ta la, tumah an buai phahin ka ring chuang lo.
Report this comment
July 1st, 2012 at 9:11 am
A hnuhnung apiang a ‘ril’ tulh tulh mai. Kei mizotawng thiam inti ve tawk tak tan pawh hmelhriatloh tawng upa a awm nual mai.
Report this comment
July 1st, 2012 at 11:52 am
hla anga dah tum talh lovin, thutluang angin chnep chhuak ta la kei chuan mawi ka ti zawk ngei ang.
Report this comment
July 1st, 2012 at 12:01 pm
sakei hualnaah mei thal an lawn ka va hre ngai lo e…
Kei chu pi pu nun hlui kha ka thlahlel ve lem lo. Tun ai hian a hreawm tih ka chiang.
Report this comment
July 1st, 2012 at 12:13 pm
post tha viau va..chutih rual chuan kan ngaihdan inan lohna hmawr ka hmu det det.
kei ang lamtual chil pha ngai lo tur leh veng keltila kawlzal khat pawh fuhfang nei lo hi pipu chhuahtlangah khan kir leh tur chuan mualkil thibeh leh ngur chhawn hem bak chan tur ka nei leh dawn chuang lo.
tlang diriam leh hnin ban ngai loh hian hian kan kawltuk hnifen tur chauh pawn phungbawm sawm tur nei lovin chaurau ek ka thai nileng ngei awm si a.
kei ka lungkham ve chu ‘tia vai ngalzenho laka sangal khawn hran hi zu ni tlat a. khual chau chem thiah lo deuhva tihtak arpa tuihala han fulh leh hi a va chakawm ve.
mahse ka sakhaw vawn hi thlah a hnuaipui leh hnuaite leh fano dawi tea khuanu hnena sa serh hlan leh tur chuan ka thlen chin lam hi a sau tawh a, chumi avanga min chemhar duhtute pawh chu chapchar hial duh khawpin ka dinna ka tinghet tawh a..arana rana lova ring mai pawh ka ni tawh si lo.
Report this comment
July 1st, 2012 at 12:21 pm
sammoo..sapui hual hian a dan chep nan meithal an lawn ve thin a lawm.
Report this comment
July 1st, 2012 at 3:51 pm
Ha ha ha! Va nuam ham ham ve. Ka awm loh chhungin min lo rél vak. Ka insawifiah peih vêl lo ve
A chhunzawmnain thil a la rawn tichiang tial tial ang. Lenchhawn hmasa zâwk chhunzawmna a la ni ve zël e.
Report this comment