Mihring hmusittute chháwnin min héma ka hriat avàngin hmàr tàwpa nopui chu ka dawm ta zâwk a. Vangvarah húaithli chhem lèn kawkvahai hmu hman lo tùrin ka infam chhuak a. Ka rál síal hàwlna dältu chu hmaichhanah ka thlangpualva mei tawn chhúangin rìamtin kipin ka rìam a. “I thlungluah kulva chang chuang lovin Lianâk chhe dum pawh inhnangfâk rawh se” tia ka thlah liam rálte kuta tlu lo tùrin rawlkhang chháwntúal ṭhing kâkah meithal ka làwn a. Chuta min lo thlírtu chhámte chuan ka lam zawh tùra rálsǎmkùai an lo màm a. Mihráng süla làm châk nulate chuan ka hawihah “A lú chháwntúal, a bán rálsǎmkài” tiin thufáng an sép a.
Chu vêleh ka zinna ram hi khawvêl a ni tih ka hre chhuak a, kawt záwla ka hránghrúal ngul dịnte chu pháwiin zalẻnna thingserh ka sât ta a. Tlèm achhapa indo tawn hian rál tak a tlun lo tih ka hre fiah ta a. Rál tak awm chhun chu màwlna hi a ni.
Ka ṭhangharhna chuan rál bàn mah sé hmélmà min hlui a. Rál ang bawka ka tána hnawksak chu hmélmà a ni. Rál bàn hnûa ka thinlung chhúnga hmélmà thlunglú hun tam ka làm hnû chuan hnehna chíngkǐm tak ka hàwn dáwn chatuan lo tih ka hre tâ a. Ka hmélmàte meithalin zawp tik a nei dáwn lo tih hriain chäng thar ka háwl rúai a.
Finna hmélma màwlna chu dọrál aia hnawksak, nun thuthlungpuia thimna zàrpüan zártu, hausakna suma chhiar tumtu, hringnun pasalṭha nihna meithal tizawptu a ni tih ka hmu chiang ta a. Mäwl nih inhriatna chu zalẻnna ropui a ni. Hmélma awpbehna laka zalẻnna.
Chü ka kawng thar chu hlíngin khat mah sé zawh luih ka tin ta a. Ka tỉn ngamna chu tihènna ropui a ni.
June 18th, 2012 at 3:01 am
Mut tui nan chhiar ang auh..
#1
@TuaiSialA,
Report this comment
June 18th, 2012 at 4:43 am
E heu! A thu a va har tulh tulh ve… Ngaihnawm ti khawp pawhin ka chhiar pha meuh hlei nem mawle.
Report this comment
June 18th, 2012 at 7:47 am
Chhiar a va nuam ve! Hetiang tak hi inzir nan he site-ah hian ka vawikhat hmuhna. Chiang takin ka lo zir e. Hetiang taka ziak hi chak mahse mahse ka thei rih si lo a nih hi.
Report this comment
June 18th, 2012 at 7:48 am
Chhiar a va nuam ve! Hetiang tak hi inzir nan he site-ah hian ka vawikhat hmuhna. Chiang takin ka lo zir e. Hetianga ziak hi ka chak thin mahse ka thei rih si lo a nih hi.
Report this comment
June 18th, 2012 at 8:01 am
cial tulh tulh ve chhiar uluk ngai hle mai man lo lek2 ani
Report this comment
June 18th, 2012 at 9:07 am
A aaaa,,,,,,,,,,,,a va khirh khan kual kam vei roh ve mawle
Report this comment
June 18th, 2012 at 12:26 pm
Ekhai! Ka hrethiam phak lo tawp mai.
Ti daih ila, post tupa nick ka hmuh a ka mithla a image lo lang ve ziah – Palian pui, overcoat uk buang lam ha, lukhum parh khum, sunglass vuah.
Report this comment
June 18th, 2012 at 12:59 pm
Hei chu va ngan ve, i sawi tum awm chu ka mang hriat rei ruai chauh a ni, eng ang pawn lo do che mahse zam ma ta che le ………
inzirnan tha khawp mai. 
Report this comment
June 18th, 2012 at 1:07 pm
A va khirh ém! Hmangaih lehkhathawn han ziak la, a dawngtu chuan a duhlo che a nih pawhin hnawl ngaihna che a hre lo ang a
Report this comment
June 21st, 2012 at 2:35 am
Hei chu sawizui loh aiah sawizui ve mai mai ang.
Report this comment