Tuaisiala chang hian fiamthu min hlui a, a zahawm zozai e. Fiamthu sawi tur hre ve ta lo chu ka tawn hriat leh ka beng hriatte khawnkhawmin tlem azawng chu kar tawp hman nawm nan ka han hlui ve ngawt teh ang che u. In nuih a zat loh leh ka hlawhchham ni mai teh se 
Amaherawhchu, ka sawi tur hi chu phuahchawp ni lo, a taka thleng vek a ni.
1. Muallianpui naupang Lalruatdika, pawl hnih zirlai hi a pa’n lehkhazir turin a ti a. A zirlaibu lak chhuah pahin thle kawi ha chungin, ” Ta beitawng nawih nawih!” (Ka beidawng ngawih ngawih) zuk ti a.
2. Kan nau Hmingthanzauva pawh an exam-naah a thiam lo lutuk, ziak tur hlawl a hre si lo. A bula mi chu a zawt a,” Ques No. 1 kha eng nge a chhanna?” tiin a zawt a, ani lah lo thiam lo ve bawk si, “Ka hre lo, Ka risk tawp” a lo ti a. Hmingthanzauva lah chuan lo hresual leh siin ‘ka risk tawp’ a tih chu ‘Carry stop’ tiin a chhang ve hmiah.
3. An khaw hming chu ka sawi lo mai ang. Evangelist team-in crusade an rawn nei a, an hlim khawp mai. Counselling class-ahte chuan an inhlan thei sup sup a, mahse Laldawngi leh Thanmawia mi anglo ve ve chu an inhlan thei si lo. Counsellor chuan Laldawngi chu, “Eng nge i harsatna?” tiin a zawt a, ani lah chuan “Harsatna” a lo ti heu mai! Thanmawia chu an han zawt ve leh a, ani ha bal seu sova nui chungin “Ha hi, ha hi” a lo ti ve thung.
4. Republic veng kohhran upa pakhat (hming thup) pawh pulpit atangin Pathianin a fapa kraws-a thi tura a rawn tirh harsa a tih ve turzia tui takin a sawi hlap hlap mai a. Nakinah chuan mahni hmangaihte ngei thi tura tirh mihring tan pawh a harsat turzia entirin pulpit tlangah chuan a bawk ang ven vawn a, nu ho thutnaa thu a nupui chu silaia tin angin a tin ta veng veng mai a,”har tak a ni har tak!” a rawn ti hep mai!
5. Ka nu hi chanchin ngah tak a ni ve a, chetchhiatna nuihpui tur ngial ngial hi a ngah ve khawp mai. Kan naupan laiin kan damdawi eitur min ei khalh zing hle bawk. Sunday tukah hian tumkhat chu vaihlo zial pet kawh vuin Biakin lam a thiante nen an pan a, an titi tui phian lehnghal. Kar lovah Biakin an thleng ta mai si, meizial a zu tih inhre lek lo chuan Biakin chhungah an lo thut thup tawh laiin a pak khu lut luih luih mai mawle. A zah ve zia thu a hrilhfak!
Thutak nuihzatthlak han sawi zawm ve teh u.
Similar Posts:
- 2012 March Fiamthu
- Nui ang aw!
- Pathian thiltih mak a thleng
- Thawnga lei vir chanchin
- Kolasibah setana betute
July 7th, 2012 at 7:36 am
Good morning
Report this comment
July 7th, 2012 at 7:42 am
In nui 1st duh na nge?
Report this comment
July 7th, 2012 at 8:40 am
Report this comment
July 7th, 2012 at 8:53 am
Zing thawh hlima nuih vur vur hi a nuam a ni. 4
Report this comment
July 7th, 2012 at 8:53 am
A va hlimawm hlawm ve le. Pa pakhat/tlangval pakhat pawh… tih ai chuan nuih chhan ber pawh a chiang alawm…
I nu ang chiah khi, kan veng nu pakhat ka hmu tawh. Mahse, i nu ang em chuan a pak khu luih lo hram…
Kan veng naupang, ka patea sikula pawlkhat zirlai pawh, ‘Mihring ranvulh hming i hriat sawi rawh le’ an ti a. Ih mawww.., Takei (sakei) a ti daih.
A hre common lo ve asin.
Report this comment
July 7th, 2012 at 9:15 am
Hahaha… A taka thleng ngei hi chu a nuihzatthlak chiang bik e… Pakhatna khian min tinui nasa ber! A tawngkam leh amah inmil lo lutuk khi! Ta beitawng nawih nawih.
Report this comment
July 7th, 2012 at 9:17 am
Iau, a lo chhuak der a n maw. In nuih a zat loh pon lo nui lui hram hram teh u
A tak ngeia thleng nuihzatthlak sawi zawm awih ti ang.
Report this comment
July 7th, 2012 at 9:53 am
Hahaha, nuihzatthlak hlawm lutuk
Report this comment
July 7th, 2012 at 10:05 am
Fiamthu post awm zeuh te hi atha nia…
Kam akeu hle mai.
Report this comment
July 7th, 2012 at 10:08 am
Naupang pakhat exam pawh kha a Question in abum nasa lutuka,answer hmangin abum ve top
Report this comment
July 7th, 2012 at 10:30 am
Kan cousin pakhat pawh primary sikul a kal laiin a lian tawh si a, a thiamthei bawk si lova. An hotute tihngaihna hre lo chuan thing hming 3 sawi la, pawl i sawn dawn nia an ti a. Tichuan a han ngaihtuah vang vang a, 1-na, chartin, 2-na, duitin
3. Banril, a ti ta pek a.
Mahse pawl chu an sawntir ve ta tho a niawm e.
Report this comment
July 7th, 2012 at 10:34 am
Kan veng ami pawh tlangval deuh uai tawhah Eleazar school-ah amah chauhvin class 4-ah a awm a, an headmistress Pi Dovi a lo lut a. ”Good Morning Sir, Pi Do” tiin a lo wish hem mai mawle!!!
Report this comment
July 7th, 2012 at 10:36 am
4-na khi….hahaha
” Aw Lalpa, mite’n ” Nangni chu i fa-te an puitling hle mai “, min ti a, ” Ni e “, te pawh kan ti a… “.
A hunlaia awm chuan nuihloh har ve tak a ni, tawngkam thiamlo ve lutuk kha. A mah hi chu pa fel tak a ni, a boral ve leh reng tawh a ni pawh kha.
Report this comment
July 7th, 2012 at 10:38 am
ATC a kan awmlaiin Leitan South Kohhranah kan inkhawm a, thupuan laiin kan thianpa pakhat hi a lo muthlu a, Secretary-in Missionary lehkha a chhiar a, “Lalpan malsawm che u rawh se” tih a chhiar lai takin a lo harh hlauh mai a, amah pui kha a aw a tha sia, ring leng lawngin a lo “Amen” mai chu, Secretary a hawihai teh asin. Amah lah chu a Pastor ve ruau tawh sia.
Report this comment
July 7th, 2012 at 10:39 am
@12 Mama B, i sawi khi ka hrechiang lutuk. Kha class ah khan ka thu ve ngei ania aw.
Report this comment
July 7th, 2012 at 10:47 am
Pawl 2 kan nihin answer chilh khawmna la ka tibo a, ka piaha thu vaipa ka zawt a,k hrelo ati. Ring leng lawngin Miss i lost my La kan ti mai chu. Tun thlengin minla chhaih
Report this comment
July 7th, 2012 at 10:50 am
Comment nen lam a hlimawm e Muante.
Report this comment
July 7th, 2012 at 10:53 am
@rawihteamizo, Republic veng ami i nih ka’n ring ngawt a…???
Report this comment
July 7th, 2012 at 11:05 am
kan thenawmnu inkhawm turin kalkawngah, a puan bih a thlauh a, a hre miah lo… pawnfen hnuai nen a inkhawm a, banah a hrechhuak a, a puan a zawng leh a, a lo bo hman tawh mawle…. haihawt ve ngawt mai…
Report this comment
July 7th, 2012 at 11:34 am
Pa pakhat pawh office ka thawh ve lai ti khanglang i la, tuai pakhat ngaihdan neia chanchin an sawi kha lo hre chhawng ve a, ka naute ho bulah a sawi vel lai mek in keimah ka nia an sawi kha kan ti chhin mai chu a vawih thawt ringawt mawle …………..a hnu a cheque sign tir tura a rawn kal chu a rawn kal zaw2 mai2 mawle
…..ka kal sual/ka ti sual te rawn ti chung mai mawle 
Report this comment
July 7th, 2012 at 12:13 pm
Ti nge i lo va inzep rei ve a, lo fiamthu ziah tawh rawh.
Report this comment
July 7th, 2012 at 12:24 pm
Kawmenho pawh nuihzatthlâk e.
Report this comment
July 7th, 2012 at 12:44 pm
Ka ziak zinga mi khi @Mama-B hnen atanga ka hriat pawh a awm. Ani hian sawi tur chu a ngah mai. Han che deuh teh se.
Fiamthu phuahchawp hi thiam viau chuan a nuihzatthlak tho va, a taka thleng erawh a nuihzatthlak dan a ‘cial bik tlat thin.
Report this comment
July 7th, 2012 at 12:49 pm
Primary dept. ah thawnthu sawi turin naupang 1 an ko a, “Hmanlai khan pitar pakhat a awm a, a naupanlaiin a thi deih..” te a ti vel…chimawm ve khawp mai.
Report this comment
July 7th, 2012 at 2:17 pm
ZerO lah hi a hming a pu zo khawp a, min rawn chawk zero leh ngawt dawn e. Thutak fiamthu sawi tur kan tih hi aw :)I nawi leh tan dawn tlat:)
As-Khiangte inah chaw kan eihova, ka ril a tan viau ni ngei tur a ni, ka lo ei hnem deuh bawk a. @ZerO hian ka hriat lovin min lo el ngar ngar pek a, a tlin ta ngang lo a niang, “muantea chu i duh ve hle mai, ka pha ngang lo che a ni” a ti tawp
Report this comment
July 7th, 2012 at 2:35 pm
Nuihzatthalk khawp mai…ka nui nasa…a dang pawh rawn ti zel ula…
Ka hriat ve chu…thian zaho ramvak hi zan reiah an riahna bul lawkah chuan tuitu hi a rawn hram dut2 a, ramhuai emaw an ti an hlau lutuk, chutah an thu khawm tela, khur der derin “Pathian thu sawi ang u” an ti, an in en hrek hrek, tuman Pathian thu sawi tur pawh an lo hre mang bar lova, a tawpah an zinga pakhat chuan hlau aw zet hian..”Rev Liangkhaia” rawn ti tham tuaka..
Report this comment
July 7th, 2012 at 2:35 pm
Nuihzatthalk khawp mai…ka nui nasa…a dang pawh rawn ti zel ula…
Ka hriat ve chu…thian zaho ramvak hi zan reiah an riahna bul lawkah chuan tuitu hi a rawn hram dut2 a, ramhuai emaw an ti an hlau lutuk, chutah an thu khawm tela, khur der derin “Pathian thu sawi ang u” an ti, an in en hrek hrek, tuman Pathian thu sawi tur pawh an lo hre mang bar lova, a tawpah an zinga pakhat chuan hlau aw zet hian..”Rev Liangkhaia” rawn ti tham tuaka..
Report this comment
July 7th, 2012 at 2:45 pm
Haha
#5 khi
Report this comment
July 7th, 2012 at 2:59 pm
Haha!
Report this comment
July 7th, 2012 at 3:08 pm
carry stop!
Report this comment
July 7th, 2012 at 4:13 pm
Camping sawi takah chuan kan scool kalpui thin sual ve deuh hi camp ah a lut a. Bethel tur an tia, thuawih tak khan an lei ah an bawk ve run a, ring zetin ” Aw Lalpa nang ka hmuh loh che ai chuan ka bula mi nunna hi la mai rawh” an ti mai chuh..a chimawm duh ve khawp mai
Report this comment
July 7th, 2012 at 4:36 pm
Kan veng naupang pakhat chu intithei deuhvin kei chu ABC ka thiam tawh a rawn ti a, eng thleng nge i thiam ka ti a, “C thleng”.
Report this comment
July 7th, 2012 at 7:52 pm
A tha hlawm hle mai a…Kan nui vur vur mai alawm
Report this comment
July 7th, 2012 at 10:35 pm
Middle school kan kal lai pawhin kan school naupang 1 pawh office kawngkhar bulah a ding veng vawng a, luh dilna niawm tak sawiin ‘thank you sir’ a tia, office chhungah a lut ve tho mai.
Report this comment
July 8th, 2012 at 8:51 pm
#26 a tuitu chungchang khian kan makpa te lui kal min ti hre chhuak- an la naupang ve hlawm ang reng a, zanah len deng tura an kal chuan tuitu hram an zuk hre ve a, a ngaihna hre lo va an in en he haw hnuah a mal te te in an hming an sawi ta diat diat ringawt a ni awm a,hlauh phei chu kan hlau hran lo an la ti ve ham ham
Report this comment