Ka nu te unau hi 5 (mipa 2 leh hmeichhia 3) an ni a, ka nu hi a upa ber a ni. Tûna ka nau lehkhathawn ziaktu hi an unau zînga naupang ber, ka nute-i fanu a ni. Pâwl 9 & 10 a zirlai khân kan bulah (Aizawlah) a rawn awm ve a. A nu leh pa hi an innei lo va, zêp lova sawi chuan ‘sâwn’ a ni. A pa hian a thihsan tawh a, a nu lahin pasal dang a neihsan tawh bawk. A zirna atân sum leh paiah kan pui thei lêm lo va, ka pu-in a rawn tumsak thin.
Chuti ang kâra seilian a nih avang chuan kan bula a awm pawhin a inthlahrung thei êm êm a, theih tâwp chuan ka lo duat ve thin. Nimahsela, a nun chhûngril erawh a lo hrehawm hle a ni tih, he a lehkha ziah, a lehkhapuan hlui tawh tak kâr atanga ka hmuh chhuah hian ka hrechhuak chauh nia! He lehkha hi ka nute-i pakhat zâwk fanu a thawn tur a ni a, a thawn ta em tih erawh ka hriatpui ta lem lo. Ka pu tanpuinain tûnah Shillong-ah lehkha a zir mêk.
“To,
Unaunu duh tak ‘?’ i dam maw? Inhmuh a va khât ve le ti raw? I zirnaah i tluang maw? Ka ngai thei khawp mai che.
Dik taka sawi chuan nu leh pa bula awm hi ka châk ve ngawih ngawih a ni. ‘?’ i vannei tih hi intheihnghilh suh ang che. Nang chu i nu leh pate bulah i duh duh sawiin i ngen thei a, i duh leh i tihtauh khum thei bawk. Mahse kei chu ka ni lo asin. Âpu bulah khân tûma hriat lohin i lo hrilh ngei dâwn nia. He thu hi lo hrilh rawh “I hautak ti reng tûr siin eng vangin nge Aizawlah hian min dah?” … (lehkha hi a thlêr nasa lutuk a, ka chhiar hlei thei lo).
Hetia fahrah ang maia ka awm hi ka rilru a va na thin tak êm! A châng chuan thi ila a nawm zâwk ka ring thin. Thi vat vat ila ka ti thin. Kei chuan he khawvêlah hian dam chhan ka nei ve lo a ni e. ‘?’ thih ka duh ngawih ngawih a ni. He khawvêlah hian hlimna ka hmu lo. Âpa-in min boralsan tawh a, ânu lah khati kha a ni mai si. ‘?’ ka hringnun hi a va hrehawm kher êm! Mahse, min hriat thiampui phâk lo vang. A taka tawngtu nih loh chuan hriat thiam a har thin si a. TNT-a awm mai te hi ka duh a ni.”
PS: Heti anga nun hrehawm, kan hriatpui si loh hi Mizote zingah eng zat tak awm ang maw?
(Y)
July 17th, 2012 at 8:37 pm
Comment ka hawng e.
Ṭèn ṭén…
Report this comment
July 17th, 2012 at 8:38 pm
hreawm a tihna chhan leh thih a chak rum rum nachhan tur awm ang ka hmu lem lo.. Thalai tam tak Harsatna pangngai ang tho a nih hi….
A bik a a inngaihna khi a pawi lai ber chu a ni..
Mi tam tak harsatna ve tho a ni a, a mah chauh a nilo tih hrilh tam a ngai…
Report this comment
July 17th, 2012 at 8:55 pm
Rilru hah mangan hi tih mai mai a nilo
Report this comment
July 17th, 2012 at 9:01 pm
Ka lainat hle mai.
A dinhmunah khian han indintir ve chhin teh u, mahse, nu leh pa bula khawsaa duh duh ngen thei tan chuan Hriatthiam phak rual a ni lo a ni. 
Report this comment
July 17th, 2012 at 9:43 pm
Thenkhat tan chuan hriat thiam a har maithei. A class kalpuiten an duh an neih theih laiin ani chuan a nei thei lo. Ka pu hi hausa tak a ni bik lova, a chawm hram2 a ni. Nimahsela, ka nau hi fak ve lawk ka duh, ka fuih nasa thin a, tin, mi tumruh ve tak a niin ka hria. A dinhmun hrehawmna a hriat chhuah chang leh amah a inkhawngaih chang chuan nun hi hrehawm a ti ve hle thin a ni ang
Report this comment
July 17th, 2012 at 9:48 pm
Nu leh pa inkara seilian, duat hlawh ve pangai ka thianpa pakhat pawhin engemawlai atang tawh khan a nu hi amah hringtu nu diktak a ni lo tih engtin emaw a hrechhuaka, mahse a lakah thuruk angin an thup veka, engmah chu a hrechiang tak tak thei chuang lo. Mahse khata tang khan a nunah kimlo, diklo engemaw sawithiam theih siloh a awm tlata, a hlim thei thlawt lo.
Chutianga fahrah anga seilian lo zawk pawh an awm chuan fahrah anga seilian nun chhungril hrehawm tur zia chu ka hrethiam mai. A ruak ru ngawih ngawih anga, a kimlo huih ang. Rilru lama harsatna leh beidawnna te pawh neih a awlsam ang. Hmangaih tak leh dimdawih taka enkawl a ngai ngei ang le..
Report this comment
July 17th, 2012 at 10:13 pm
A lainatawm hle mai. Mahse, duat taka enkawltu, nangni chhung te, sum leh paia theihtawpa chawmtu Pu a nei erawh a vannei ka ti. Hlawhtling taka a zirchhuah ka duhsak e…
Nu leh pa kara khawsak nawm dan leh hahdamzia hi chu aw… sawi thiam chi a ni love.
Report this comment
July 17th, 2012 at 10:16 pm
A khawngaihthlak viau mai… Mahse, amah aia khawngaihthlak hi khawvel chu sawiloh, Mizoramah pawh an tam a nia. Ani te chu thisen zawm, chhungte a la nei teuh alawm le. A dinhmun a chhe em em lo tih a lang reng alawm, nangni chhungkua in awm bawk a, a pu in a rawn chawm a, tunah phei chuan Shillong ah lehkha a zir thei a nia. A inkhawngaih mai mai anih chu.
Kawng engkima lawm famkim hi chu harsa deuh ania. Nu leh pa kara cheng, nun khawhar ngawih ngawih pawh an awm ve tho ania. Pathian belh hi a fuh ber fo. Tupawh hian rilru hahna leh inkhawngaihna tur chhan kan neih vek ka ring.
Report this comment
July 17th, 2012 at 10:40 pm
Ka lainat hle mai.. ka nephew pawh hi sawn (ka u tlangval ler lai fa) a nia, a nu in a enkawl theih loh avangin 8-months bawr vel a nih atangin kan hnenah a awma, keini a pa u leh nau te leh a pi leh pu te hian kan phak ang tawkin duat ve hle mah ila, a lo puitling hun hian, nu leh pa inkara seilianlo na na na chu kimlo in tihna te hi a rawn nei ve ang tih ka hlau thin…
Report this comment
July 17th, 2012 at 11:26 pm
A khawngaihthlak hle mai, mahse Pathian zarah a hreawm tawrh zawng zawng te chu nakin zela a ralthuam tha ber ber an la ni ve ngei ang tih ka hria.
tren tren
Report this comment
July 17th, 2012 at 11:31 pm
@8 Sheldie sawi ang deuh khian i nau chu hmangaihtu leh lainat tu dang a la nei che u.. Riangvai deuh deuh hi an tam a, an lainatawm hlawm em em a, self pity neih loh hram hi a tha fo.
Report this comment
July 18th, 2012 at 12:00 am
Tunlai chu khawiah pawh mai hian lehkhathawn lungkuai tak tak hi chhiar tur a awm zut mai!(Awmtea,inthlahrun phah na’n lo hmang lo la) thuziah dan istail thar ang te paw’n a lak theih dawn rum rum alawm!
Frank taka sawi chuan a dinhmun tam zawk khi ka hriatthiam pui ka ring miah lo. Ka lainat hle mai. Nangmah pawh I mawhphurhna a sang ta ava ang ve,fuih sauh sauh rawh. Kan misual tam tak te ang hian a hlawhtlin hunah rawn misual ve thin se a thukhawchang ngaihthlak a chakawm ve tawh khawp mai.
Report this comment
July 18th, 2012 at 12:05 am
Rilru hi a lo van pawimawh em ka ti, engkimah hian. Engkimah.
Report this comment
July 18th, 2012 at 5:30 am
I lakah hian mawhphurhna sang tak chu ka nei ngei a ni. Mahse naute enkawl thiam lo mi hi ka nia, fuih dan pawh hi ka thiam thin lo. A nunah eng emaw ruak awm tlatin ka hria a, chu chu a thiam loh ni lovin midang thiam loh a ni. Ka theih tawpa puih zel chu ka tum
Report this comment
July 18th, 2012 at 7:31 am
Fahrah ni miah lo, mi hrang in pawh nilo, mahse nu leh pa kar ni si lo sei len loh na in, mahni pu te ngei in atanga lehkha zir pawn , tuma min hriat thiam pui loh harsatna kan ngah zia hi, sawi thiam chi pawh ani lo, An fel poh leh kan inthlahrung ting a, tih sual palh nei ila awihawm loh khawp in, naupang tee thleng in an hmai zah awm a,leng ve ila leng rei min ti ang tih hlau reng reng in sana kan melh a, thian ten tih tur saturday ah an han rawt a, chhung ten kan tha an chhawr ve theih ni tih hre kar chung in kan peih lo der a. thurual pui i har bik tih kan hlawh a, zingah thwhtlai ve palh chang in hnar kn hmu lian a, awm mai mai ang a kan lan pawn, inthlahrun dal ah mit in tih tur adap a, lungawilohna ruk nei ila naktukah areh ve mai ang tih bak inhnem ngaihna a awm lo, nun kil tinah chet limit a awm fai vek. Apost tupa i nau hi ka lainat tak zet ani. ka sawi ang khi a tawng ve ngei+ fahrah tih inhriat na nen hmeichhe rilru no. kei chu mipa k nia lwm tiin ka tuar thei tal.
Report this comment