Zan dar 12:00 hnu hretah chhuah tan ni se tiin an rel a, mutna an siam ta sang sang a, thosilen an zar theuh va, thosilen hnuaiah chuan an puanthuah chu mihring mu niawm takin an siam a, zanlai dar 12:00 chu an nghak ta thap a. Dar 12:00 a rik hnu hretah chuan an tho sang sang a, Vanlalauva’n “Chawnmawiin hnu ka’n dal ang e,” a ti a. Lalhmachhuana’n, “Hmaitlang thain hma ka’n hruai an e,” tiin hma a hruai a, leiverh tanna pindan panin an in zui phei ta tham tham a.
Leiverh chhung an han vak lut chu hmaa mite keartui khawih pha theuhin an bawk vak lut a, Lalhmachhuana(Steve McQueen…mitthlaah a lang ) chuan leiverh bak la awm kha a verh tlang nghal a, dim takin a chhuak tham tham a, an verh chhuahna chu CRPF duty-na atanga lang lo chiah ko bung hnuai hnim zingah a ni a. An han chhuak chu hmasa lam chuan thawm an dim hle a, mi 6 vel an chhuah hnu chuan thawm dim sen a ni ta lo va, an ri thla ta sun sun mai a.Watch Tower-a duty ten Torchlight-in thawm awmna lam chu an en a, mau hnah che lawih lawih chu an hmu thei a, ko bung deuh anih avangin hnuai lam chu an hmu thei lo va.
Ruah a tla fep fep a, chhum a zing chiai bawk a, CRPF duty te chu huaisen deuh chu ni se thawm awmna lamah chuan an zuk nangching mai tur a ni na a….mahse an kal ngam lo nge, an peih lo hriat ni suh, tlanchhuakte chuan ri sun sun chungin Tuirial an thleng thla ta a. Tuirial chu kanin ral lehlam tiauphoah an innghak khawm a.
Ni 54 chhung rim tak leh rilru hah reng renga leiverh hna an thawhna Tuirial Jail ngaihawm lo tak, kawng lehlam zawnga kawng lehlam zawnga chhuta ngaihawm angreng tak la ni tur bawk si chu thimtham zing atang chuan an thlir a, bula mite theuh an chibai a, an kalkiang ta a. Leiverh zau zawng hi ft 3 bial vel a ni a, an verh thui zawng hi ft 46.7 a ni. (@lrpa’n a hre thelh hlek 
)
Tuirial Jail escape-a kan swi hmaih hauh loh tur chu an tlan chhuah zan hian zanlai pelh hret atangin electric current a awm lo va, zing lam dar 4 thleng a awm lo a ni. October ni 4 zana an chhuah tum hmasak tum pawh khan zanlai pelh hret atangin electri current a awm lo a nih kha ( mak ve mai mai ) !
Zingah warder-ten kawngkhar an hawn ve leh Haukhama leh Zirliana chu leiverh-ah an tlanchhuak ve vat a, a hmain mi 18 an tlanchhuak tawh kha a ni a, Jail atanga tlanchhuak zawng zawng chu mi 20 an ni ta a ni.
[ Hetia han tih tawp ngawt chu a uihawm hlein ka hria, an chhuah hnu hian Jailor leh warder-te hi an suspend ngei chuan ka’n ring ringawt a. A mantu lam pawh hian khawi lam khawchhuak nge an nih a, an khawtualah lo chan tur te an tih ngei ka ring bawk a. Check gate awm lai a la ni a, check gate tinah an thlalak nen uluk takin an lo check ngei bawk anga. A fing leh fing lo chu an man hma leh harah a lang ngei ang.
Kan tui deuh chuan 1967 March a Silchar Jail atanga MNF-te tlanchhuah dan kan la rawn ti leh dawn nia.]
Similar Posts:
- Tuirial Jail Escape
- Tuirial Jail Escape II
- New Jail
- Tang tlan chhuak kan inah a lo lut!
- Alcatraz Jail
July 19th, 2012 at 12:18 am
Ngaihnawm hle mai! First ve keuh te’ng!
Report this comment
July 19th, 2012 at 12:24 am
An buai luih luih chhung in 2nd keuh ang.
Report this comment
July 19th, 2012 at 12:26 am
Underware hlau ho hi maw?
Report this comment
July 19th, 2012 at 12:26 am
hei hi en lawks t’u misual.com ka luh hian a awm tlat heti hian
https://cl.ly/IAvI/Screenshot-1.png
Report this comment
July 19th, 2012 at 12:35 am
#4: Hei pawh hi https://i1093.photobucket.com/a.....alware.png
Report this comment
July 19th, 2012 at 12:36 am
#4, keipawh ani ve tho
Report this comment
July 19th, 2012 at 12:40 am
mi 9 la online te u, mangtha u le….!
Report this comment
July 19th, 2012 at 12:52 am
Report this comment
July 19th, 2012 at 1:56 am
In mu ta vek a ni maw? Maphasy vek u le
Report this comment
July 19th, 2012 at 6:54 am
Tukchhuah nuam u…
Report this comment
July 19th, 2012 at 7:31 am
Ngaihnawm khawp mai. Tuk chhuah nuam ule
Report this comment
July 19th, 2012 at 7:36 am
Tukchhuah nuam vek u le
A ngaihnawm dawn chiang e.
Report this comment
July 19th, 2012 at 7:44 am
A hmuhnawm hle mai
Report this comment
July 19th, 2012 at 7:46 am
Kan lo thawnthu hriat riai ruai thin kha, chiang zawkin i rawn phochhuak a, a ngaihnawm hle mai.
Report this comment
July 19th, 2012 at 8:07 am
A ngaihnawm, mahse rin aiin a tawp ho…
Mizo misual filmstar Pu Hv-a chah chhuak ila, film siam ang u..
Report this comment
July 19th, 2012 at 8:25 am
Eng vanga tang pawh ni hlawm se,an man leh tih thawm a awm lo hi a lawmawm!
Report this comment
July 19th, 2012 at 9:38 am
A ngaihnawm e. Silchar Jail atanga tlanchhuah chungchang kei chu ka lo nghak e. Kan office a kan pu pakhat in he post hi a chhiar chak sia, a thui hlawm bawk si, a vaiin ka download a ka print sak tawp. Ngaihnawm an tiin kan hlut viau hlawm.
Report this comment
July 19th, 2012 at 9:57 am
Va ngaihnawm ve, PArt I atangin save keuh a ni mai. Vawi thum chhiar hnuah pawh a la ngaihnawm thau thau… Gud Post
chuan Silchar jail break chu nghakhlel takin ka lo thlir e
Report this comment
July 19th, 2012 at 11:31 am
Ka vawikhat hriat na!! Van ngaihnawm ham ham ve.
Report this comment
July 19th, 2012 at 11:41 am
ngaihnom leh don mange…chhiar tan teh ang…
Report this comment
July 19th, 2012 at 12:04 pm
vawin chu @Jin pic ang khian ka awm…nidang ah awm ngai si lo a, virus ka nei maw ka ti hman…
Report this comment
July 19th, 2012 at 3:15 pm
..part hmasa lam ka hmuh khan ka lo chhiar peih ngai lova…..ka han chhiar ta chu ka va han inchhir lo em…a ngaihnawm hle mai…:)
an in lungrualna hi ka tan lutuk
Report this comment
July 19th, 2012 at 4:36 pm
MNF te chu rawn bei leh la ???
Report this comment
July 19th, 2012 at 7:55 pm
a ngaihnawm mai mai mang e.
Report this comment
July 20th, 2012 at 1:20 am
A ngaihnawm khawp mai.
Report this comment
July 20th, 2012 at 1:41 am
Rawn ti zël teh; a ngaihnawm hmel riau (ka la chhiar chiang hman lo)
Report this comment
July 20th, 2012 at 8:42 am
Misual-a thil thleng tak tak post awm ka chhiar tawhah chuan ngaihnawm ka tih ber a la ni awm e.
tren tren
Report this comment
July 20th, 2012 at 9:52 am
https://www.facebook.com/groups.....&_rdr
Report this comment
July 20th, 2012 at 10:45 am
A ngaihnawmin a bengvarthlak khawp mai.
Report this comment
July 20th, 2012 at 11:59 am
Ngaihnawm hle mai han chhunzawm zel teh, an man leh ta em tih velh te
Report this comment
July 20th, 2012 at 7:29 pm
Ka chhiar chhuak ta; a ngaihnawm hlë; ka lung hial te pawh a tiléng e…
MNF-ho chhuah rûk dan chu rawn ti leh thuai teh… Chhiar a châkawm tawh riau…
Report this comment
July 21st, 2012 at 12:41 pm
Ngaihawm hle mai. Hman deuh hunah a vaiin ka chhiar ang ka tia, ka chiar vek a, ngaihnawm hle mai a. A fang pawh rawn ziah leh teh
Report this comment