Hringnun rahbi tin hi chhiar kim dap theiin, a hlutna zawng zawng pawh chhût chhuak vek thei ni ila, mi famkim kan lo ni ang. Thinlunga zawhna awm zawng zawng hi chhâng kim vek thei ila, mihring ka ni dâwn si lo. Nunah harsatna a lo awmin zawhna a lo chhuak a, hlimna a lo thlenin chu zawhna chu chhânin a awm emaw kan ti thin.
Mi tin hian kan pian ni atanga kan thih ni thlengin nun thubuai kan awrh reng a. Sawipuitu ukil mamawh hle mah ila, khawi lam mithiam ber pawhin kan buaina thurûk chu min chinfelsak thei si lo. He hringnun court-ah hian ni tin kan inkhing a, hnehna kan chang emaw kan tih laiin kan tlâwm a, kan hriat loh kârin hnehna kan chang leh si thin.
Zawhna chhân sên loh mahni kan inzâwt a, a chhânna kan zawng bawk a, nimahsela, kan hmu kim thei si lo. Tu pawh mai hian tum kan nei theuh a, kan tum panna kawng chu eng anga harsa leh hrehawm pawh ni se paltlang tûrin chakna kan insiam thin. Kan tum kan han thleng a, hlawhtling tiin tu fa mah hi an thu thluang chuang hauh si lo.
Mi tin nunah hian thubuai, chin fel tûr hi ni tin bâng lovin a awm zêl dâwn a nih hmêl. Nunah zawhna a lo awm a, ka chhân thiam si loh hian a châng chuan ka nun min vaw chau a, ‘eng ti tûra lo piang nge ka nih?’ tih zawhna hi ka inzâwt nawn leh thin.
Mihring nun hi a lo ho mang e. Thihna te hian eng tik lai pawha kan nuna lal ber ni tûrin min hual reng si a. Mut hmunah te hian ka inngaihtuah neuh neuh a, hringnun hi ka hrethiam thei lo, mahse ka nunpui ang lawi bawk si. Nun thubuai kan neih reng avangin mi tinin hahchawlhna kan zawng a, rin tûr kan mamawh a, thawh tûr kan duh thin. He nun thubuai avang hian alâwm a thenin ‘mihring hi pathian kan ni’ an tih a, ‘hnam hi kan sakhua a ni’ an tih a, a thenin sum leh pai an ûm huam huam a, a thenin tual an thah a, a thenin mahni nunna pawh zah zo lova an chhah a, a thenin midangte an tihbuai thin.
Nun thubuai nei lo fa kan awm si lo. Chu thubuai chhânna chu kan zawng theuh a, kan zawn dân erawh a inang si lo. Thiante bula kan awm lai te, office kan kai lai te, kan inkhawm lai te, kan inkhelh lai te leh kan mut lai te hian eng emaw min mawlhtu a awm thin. Khawvêl hi nuam kan tih êm êm châng a awm a, a châng leh kan ning hluah hluah thin. Chu chu nun thubuai chu a ni. A chinfelna erawh ka hrilh thei hauh lo che. Kei ngei pawhin ka nei a, ka rawn sawi chhuak ve mai a ni.
Ka lâwm e.
Similar Posts:
- I nun atan tun hun
- Pathian chance pe ve rawh
- Chungkhuanu (Pathian)
- Hringnun (Chapter-II)
- “Sam ang then”(hrilhfiah na dang)
A lawmawm thin e…
July 24th, 2012 at 1:06 pm
1st ve khia,Tha hle mai.Ka lawm e.
Report this comment
July 24th, 2012 at 1:38 pm
Tha hle mai. Ka lawm e.
Report this comment
July 24th, 2012 at 1:47 pm
In ti lawmawm e. Ka lawm e.
Report this comment
July 24th, 2012 at 2:03 pm
Now all has been heard; here is the conclusion of the matter: Fear God and keep his commandments, for this is the whole duty of man. For God will bring every deed into judgment, including every hidden thing, whether it is good or evil. – Ecclesiastes 12:13-14.
Report this comment
July 24th, 2012 at 2:59 pm
Good post.
#4.
Report this comment
July 24th, 2012 at 3:41 pm
Nice work…kzp up
Report this comment
July 24th, 2012 at 4:47 pm
ka nun thubuai min belh chhah tu mai a lo ni…
Report this comment
July 24th, 2012 at 4:57 pm
Ngaihtuah zui reuh reuh chi a nih hi maw le. #4-na erawh chhanna dik leh fel tak a ni..
Ka lawm e…
Report this comment
July 24th, 2012 at 5:15 pm
A ni ngawt mai. Tumah Nun Thubuai neilo tawp chu khawvelah an awmin ka ring biklo. Mahni tawk te te in kan buai vek anih hi. Buai te hi a tha
Keipawh ka lawm e
Report this comment
July 24th, 2012 at 6:34 pm
Pathian tih a, a thupek te zawm hi kan tihtur pawimawh ber zawng a ni e. Mahse, mihring nih chhung chuan nun thubuai hi kan awrh reng dawn niin ka hre ve thin.
Ka lawm leh hle mai
Report this comment
July 24th, 2012 at 7:16 pm
I ziak tha thuai thuai hle mai.
Report this comment
July 24th, 2012 at 8:38 pm
Hringnun hi i sawi ang hian chawhchawrawi a ni tawp mai
A changin kan hlim a, a changin ka lungngai thul. Hlim reng tura inngai chu Mi ä a ni a, hlim thei lo tura inngai pawh Mi ä tho a ni. 
Report this comment
July 24th, 2012 at 10:33 pm
Tawrhna ah pawh lawmthu sawi zir ila,kan hlim laia lawmthu sawi aiin thil a ti thei zawk mah in ka hre thin.
Report this comment
July 25th, 2012 at 3:58 pm
Nia, a dik khawp mai. Pathian tiha, amah belh tlat pawh hian hlauhthawn, Lungngaih, damloh, sum leh paia harsat mangan te hi kan pumpelh chu ani bik hauh lo mai le. Midangte ai aiin ka tuar nasa zawk emaw tih tur a ni. Amaherawhchu, Lalpa tellova helnuai/hautawrh leh Lalpa nena chung ang thil hmachhawn chu a inang lo mai zawk a ni.
Report this comment