mi(sual).com

“Pawngsual” tih thumal hi hmeichhia-te tan chuan thumal rapthlak ber pawl a tling hial awm e. A huatthlala awm a, a tuartu tan a nat turzia lah tuar ve lo tan chuan hriatthiam phak rual a ni lo. Kan ramah phei chuan a tuartu hi hmeichhia an ni deuh ziah lehnghal a, an khawngaihthlak thei hle mai.

Pawngsualna (naupang kumtlinglo chu lo dah tha hrih ta ila) a lo thlen hian a tam zawk rilru a lo lang hmasa ber thin chu a ‘hmeichhia eng ang mi nge?’ ‘khawtlang leh kohhrana inhmang a ni em?’ ‘Nge vengchhungah poh ler leh zu te pawh in ve thei tak?’ tih te hi a ni duh viau mai a. Mi tam tak rilru ah chuan a incheina leh a mizia in a zir em alawm han tih mai te hi a awl viau thin awm e.

Pawngsual lo thlenna chhan leh a ven dan tur te kan inzirtir nasa in kan ngaihdan hrang hrang tha tak tak kan au chhuahpui nasa tawh hle a, duhthawh luatah a then phei chuan pawnsual tawktu dem zawng lek lek ten ngaihdan kan siam fo bawk a, mahse pawngsual thlen na chhan ber a ka ngaih chu eng dang vang ni loin pawngsualtu sual vang, a insum theih loh vang leh a mihring puite engah mah a ngaih loh vang ni berin ka hria.

Kan hmeichhiate hi an lo inchei ler deuh pawh a ni thei e, zu te pawh inin an lo rui thle ber bur pawh a lo ni thei, thawmhnaw pawh tawngchham tak tak, mipa tana itawm lutuk turin an lo inbel ta pawh a ni ang, mahse heng zawng zawng hi pawngsual an tawhna chhan tur atan ka ngai ve tlat lo mai. Kei ngei pawh hian  hmeichhe  in feng chhing ve tak tak, in ha bul ve tak tak, zu pawh in ve thei tho, ler pawh ler ve lutuk, one night stand te pawh enga tan vak maha ngai lem lo, sex pawh nise enjoyment atana hman mai mai pawi ti lo, hmelhriat ka nei ve nual, thian za ho a zana han chhuah ho chang te pawh a chutiang ho tel a chhuah chang pawh kan nei ve zauh zauh. Itawm han tih ve chang te pawh mipa nih chuan a neih loh theih loh, mahse pawngsual chu sawi loh, chetsual (chet that pui zawk emaw ni?) pui pawh ka la nei reng reng lo nia mawle, ka luck loh vang leh an mi duhzawng ka ni lo te pawh a ni mahna le. Mahse kei pawn han sual tumna te hi ka la nei chhin lo reng reng. Chuvang chuan pawngsual lo tawk ta ni se kei chuan an thiamloh ah ka ngai thei ta miah lo. An incheina leh an nungchangin a zir lo a nih chuan anmahni zahawmna an tihniam ah ka ngai mai, mahse chuvanga pawngsual an tawk ni chuan ka hre thei lo, a pawngsualtu hur herh vang leh sual vang chauh a ni.

Chuvang chuan pawngsualna a lo thlen hian kan hmeichhiate incheina leh an nungchang uluk loh vanga thleng lo ah i puh lo hram ang u, a tuartu tana a nat turzia ngaihtuahin pawngsualtu chu dem luai luai in a phu tawk hremna a tawh ngei theih nan tan i la tlang zel ang u. I farnu emaw, i fanu emaw kha nungchang tha vak lem lo pawh nise pawngsual tawk awm reng a ni tiin a a chunga thil thlengah i dem zawk dawn em ni le? Kei chuan ka dem lo ang, amaherawh chu ka theih ang tawk chuan ka zilhhau thung ang.

Tin, pawngsualtu hnam dang an lo nih a heti taka hnam dang ho kan chuk luai luai thin pawh hi  i sim ang u. Pawngsualtu chu Vai a ni emaw, Sap a ni emaw, tuikuk a ni emaw, burma mi a ni emaw, Chakma a ni emaw, Mizo a ni emaw, hrem dan chu a ngai reng tur a ni. Kan ngaihdan pawh a inang tur a ni. Mizo a nih avanga a pawngsual hmeichhiain a zir loh a ni lo, hnam dang ang tho a a sual leh hur herh vang ve tho a ni zawk. Chuvang chuan pawngsualna a lo thlen reng reng hian a pawngsualtu chu eng mi pawh ni rawh se, a tuartu pawh eng ang hmeichhia pawh ni rawh se, a pawngsualtu a thiam lo hul hual, na taka hrem hnua a til reh sak ngei ngei tur a ni.

Similar Posts:

• Pawngsual hi
• Pawngsual hremna dan tur
• Naupang pawngsual kan hmuhdan hi
• MHIP hi an ngaihtuah tawi deuh em???
• Zoram hi kan pawngsual em ni????

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Friday, July 27th, 2012 at 12:49 pm and is filed under Opinion. You can follow any responses to this entry through the RSS 2.0 feed. You can leave a response, or trackback from your own site.