Thu duli te te ka’n vawm bei ve ang e. A saisa nuai(h) mai thei. Uisa mah kan ei alawm le, saisa te chu a vân vân nen. 
Kan Lalpa kum sanghnih leh pasarih chu ka tân kum chhinchhiah tlâk tak a ni. A chhan chu mawm, duh taka ka fawh vawng vawng tûr ka tawnna kum a ni tlats!
Kum sanghnih leh pasarih kâwl a lo ên a, class kan tan leh meuh chuan engdang mah enghelh leh vei êm êm nei lovin kan ri huah huah thin. Class kal ka châk chhan pakhat erawh amah vang liau liau a ni. Mahse, a bulah duh angin ka awm tam theih tlat lo. Break lai chauhin ka la hmu thei zui. A hmêl ka hmuh tawh hi chuan lapua ang lek hian ka zâng hui mai nia. Ka zei lo ka ti dâwn nge min bual â ka ti zâwk dâwn le.
Midangte thatna a zâra mi chaw bar ruala bar ve thei leh, mite hmai phih ruala phih ve thei hrâm hrâm tân chuan vâna rah ang chu ni êm lo mah se, a teuh khawp ang! Keini ang vaihlenhlo thenawm mai tân zawng a tina han tin chi niin a lang lo. Mahse vâl hi a zûnah chhâwl ang mai ni lovin pipu angin ka uai a, ka’n inthen tak tak chu(h) vân tukverhah ka dak zuau zuau nia! Vâl zei lo leh to lo tih takah bêlchianga han hnaih tûr chuan ka kaiza thain min chelh ding zo lo va, kawl bun ang hlauh ka ni. Break lai erawh chuan ka thiante nên a bulah kan kal ve thin.
Aw, ka bawih, hun kha leh chen ka lo lonely pui tawh che asin. Ka bei hi dawng hma hlek se’ng chuan ka tân ‘chatuanin mangtha’ tih a ngai dâwn si a. Mahse khuanu thatna a zârah tunah zawng ka tân ni leh thla a lo êng thar leh ta. Tûnah chuan ka tân ni chhuak hi ni hlimawm a tling zêl tawh a, kâwla liam tûr pawh hi zânin atân mangtha tihna atâna duhthusam a lo chang ta e. Chu chu eng dang vang ni lovin NANGMAH vang hi a ni asin.
Ka duhlai, ka fâwp ning lo che. Mahse hun hi kan tân chung Pathian khian a lo ruat tlêm lulai êm a ni. Dârkâr chanve êm pawh tling thathum lo hi kan hun neih chhun chu a ni mai si a. Tûn thleng hian lungawi theih lohna pakhat ka la nei ta fo mai. Ka bawih, i bula awm hi nuam ka ti a, ka lungawina ber i ni ka tih thin kha. Mahse ‘ti nge tûn thleng hian i ânka nêm ka la dawn ve miah loh. Duh thawh takin ka fâwp vawng vawng che a, ka ning ngai rêng rêng lo che. Min hnial lo mah la, i chhân lêtna ka dawng ve ngai lo erawh a na ka ti! Ka bawihte, ka fâwp ning ngai lo che… Aw ka bawih ALU PAPAWR! 
July 30th, 2012 at 1:00 pm
Ka fawp hmasa ber dawn
Report this comment
July 30th, 2012 at 1:08 pm
Hi2, ka first thei e. First awlsam dan accidentally in, ka’n hmuchhuak tlat pek a. Tumah ka hrilh dawn lo rengs, a hnuaia post pawh khu ka f1rst a.
Alu papawr zuna uaiin, van tukverhah te pawh i han dak zuau zuau a ni maw? Tha lataks…
Report this comment
July 30th, 2012 at 1:13 pm
Hehe… a tui ve em a tin ni
Report this comment
July 30th, 2012 at 2:28 pm
siki tiatin kan comment ve..meizial i ti dawn maw ka tia!
nula lam kha chu rilru ah a lang lo sa a 
Report this comment
July 30th, 2012 at 2:39 pm
vaipa in kut bal tawk leh thlan huam a, a siam ngei ami
Report this comment
July 30th, 2012 at 2:39 pm
Alu paratha erawh, a fawh a,fawh maipawh duhtawk lovin, a thialin i thial nuau nuau thin, a ni lawmni?
Report this comment
July 30th, 2012 at 2:43 pm
Alu paratha erawh, a fawh afawh maipawh duhtawk lovin, a thialin i thial nuau nuau thin, a ni lawmni?
Report this comment
July 30th, 2012 at 2:51 pm
Post hlimawm tak a ni
, val-luck-lo post ni mah se… 
# 4.. nula lam kha chu rilru ah a lang lo sa a..
Report this comment
July 30th, 2012 at 2:52 pm
Kan naupan lai (2007 tih vel hi chuh!!! ), Boys School kan kal lai chuan NuNgeni (a hre lo chu mi ‘a’ an ni mai hehe) dawrte, Pu Lawma dawr kawt a vaipa, ‘mix-a’ kan tih mai te..a rei ve ta hle mai a…han ngaihtuah let hian a mak e..Aizawl College building awmna te khi kan sam fai nasa thei e..chung hun lai chuan Alu leh papawr hi a lar lo! vur leh hairep te..ka hre tawh lo enge lar deuh ho kha..Pu Zaruma mawlh kha..
conclusion ah chuan papawr chu ka fawp ve chiah lo deuh ani e..
Report this comment
July 30th, 2012 at 3:29 pm
Ka fawp leh chak e….
Report this comment
July 30th, 2012 at 3:45 pm
uak..vai ek!
Report this comment
July 30th, 2012 at 3:56 pm
I nula fawh chungchang i sawi dawn emaw tia… Tha e. Thu i thiam
Report this comment
July 30th, 2012 at 4:24 pm
@ sheldon… A luck-lohthlak e ti raw…
Mahse, post-tupa hian *-tu a nei tawh…
Report this comment
July 30th, 2012 at 4:32 pm
@mahminga, post tupa hi chu bus tawt ah chuang leh se tha mai…hehehe
Report this comment
July 30th, 2012 at 5:39 pm
ALU PAPAWR……
Report this comment
July 30th, 2012 at 5:44 pm
Tinge Zo Nun Mawi Hlutna-III khi admin te’n comment an close daih le
Report this comment
July 30th, 2012 at 5:44 pm
Tha dap dap hle mai
Report this comment
July 30th, 2012 at 5:54 pm
# 14…
@ sheldon.. Post-tupa hian Bus tawta chuan nuam a ti ber ti raw?
Report this comment
July 30th, 2012 at 6:29 pm
Vawiin pawh bus tawt zetah ka chuan leh tak kha! A bak chu sawi thui dawn lo rengs
Report this comment
July 30th, 2012 at 6:32 pm
ALU LEH PAPOR.. Papor nge papawr? Home made ngei hi a tui..a hmeichhe lawm chi deuh,sunday tlai ah..etc etc.
Keichu a ei a ei ngei mai hian a tui ber ka ti. 
Report this comment
July 30th, 2012 at 9:56 pm
20 @Lamji Kei chu kan fawp dawk dawk mai ila tui ka ti ber
Report this comment
July 31st, 2012 at 12:13 am
Hahaha!
Report this comment
July 31st, 2012 at 12:50 am
I va ziak ngaihnawm ve…
Report this comment
July 31st, 2012 at 3:27 am
Alu papawr i fawp ṭhin a maw? I hne dek dek a nih duh hmel zawk haierehai
Report this comment