Ka nitin chanchin ziahnate keu in han en thlip thlep peih ta ila chuan a ni leh thla, kumte pawh kan thai lang thei tur a nia, mahse tul loah ngai phawt mai teh ang.
Zep nak emaw ka chhungte chuan huan lamah thlai hnah leh tuahthingte phurin min chhuah zawh san zo a, a tuk mai a kan exam tur chhiarkawp chawka ka ngaihtuahna ka sawr bing ve lai takin…..
Chu thawm hriat nuamlo tak chuan min kai harh nawlh a. Hrilhfiah leh chuan ka ngailo. Thil thleng mek chu ka mit ngeia ka hmuh theih nan kan bang awng lam chu ka pan ta a. A awmnem zawk chu a tlan chhia a, a tlan hla ngam tak tak chuang silo. A aw tawpin tanpuitu a au a, a hre awm chhun kei lah chuan hmuhnawm thlirin ka thlir mai mai zawk si. A mipa chu a hawi hrek hrek a, thaw hluam hluam hian a tisa chakna tuipui lamah chuan a liluh ta.
A duh a hmu tih hriat tak hian chapo takin a hawikual a, miten an hmulo tih a hriat chuan thawveng tak hian a thil tisuallo nuih vur vur a. A thla a khawng phurh phurh a, chu kan arpa tuai tha tak chu a khuang ta ul ul a.
Ania sin. Pawngsual kan tih tam tak hi, tlan chhe ngam tak tak lo kan hmeichhiate thiamloh a nih chang a awm ve fo a, chutih rual erawh chuan a tum a tum tlat mihurte vang pawh a ni tho.
Zirtur : Ar te pawh hian naupang chumchiap leh kum tlinglote chu an thlir liam mai a, a puitling leh chi thlah thei ngei an sual thin a ni ngai a. A fing leh hre zau zawk hringfate hian kum pawh tling lo, ramtuileilo leh tar chak vak lote hi I khawih buai fo lo teh ang u. Nikhat tha rate-a mutpui mai tur an tam vein en, I sual I sual lo teh ang u.
Similar Posts:
- Pickle thak : Ka tan lawmna
- Bangalore Vangpui Kut, 2008 Photos
- I hawi ve ngai em le??
- Chawhchawrawi
- Hmeichhiate hi
a tha khawp mai
August 1st, 2012 at 10:31 pm
pharst
Report this comment
August 1st, 2012 at 10:46 pm
Pawngsual thilthua hmeichhe inthuamna, awmna leh in duh zawng dem hi ngaihdan thing tak ani.
Report this comment
August 1st, 2012 at 11:17 pm
Hetiang post khawvar lo zet hian kan mipa thenkhat te rilru la hmanlai zia leh stereotype zia a pholang lek fang zuk nia, chhiartuten a sawi tum tak khi in man chuan ngaihdan chin in thiam dawn nia…ka sentence helh em em lai khi ka sawilang lo ang, ngaihtuahna tenghneng leh tuikhur ral rap pial pha tawk tawk finna paipawn hoin an rawn defend sap sap mai ang (chutiang an awm chuan), ilo thlir ang.
Report this comment
August 1st, 2012 at 11:25 pm
Hahaha! Tha reuh lutuk.
Report this comment
August 1st, 2012 at 11:34 pm
i lo lang har ka ti reng ah…
Report this comment
August 1st, 2012 at 11:37 pm
Ka’n sawi lan sak ang che..
Ania sin. Pawngsual kan tih tam tak hi, tlan chhe ngam tak tak lo kan hmeichhiate thiamloh a nih chang a awm ve fo a,..HAHA..
Report this comment
August 1st, 2012 at 11:48 pm
Arpa chak tawh lutuk chu arpui chu a bawh rawp rawp a. Arpui mangang lutuk chu meng phawk,hlauhna tinreng mai mitmeng ngei chuan a melh kual zuk zuk a,thei leh thei lovin mangang takin….
‘chiaap’ a ti!
Report this comment
August 1st, 2012 at 11:55 pm
Charice: I man fuh lutuk!
Rev ZT Sangkhuma khan hmanlaia mizo mipa te’n sex chungchanga an ngaihdan leh sex an hman dan paper a present kha i chhiar tawh em? Pawngsual thlen dan thlengin a kaih lut a, a ngaihnawmin a bengvar thlak khawp mai. Pu Hnam Sakhua te hian hmanlaia kan Zounumawi a ni e tiin an la chhawm duh ang tih a hlauhawm asin. Hmanlaia kan pawmdan(concept) chu tunlaia mipa tamtak rilru hi la ni tlat angin a lang a ni.
Report this comment
August 2nd, 2012 at 12:03 am
Charice
Post chhiar tan ang.
Report this comment
August 2nd, 2012 at 12:16 am
CCte..
Report this comment
August 2nd, 2012 at 12:59 am
Va ngaihnawm täwifel reuh e… ka thin a lo rim hman ṭêp a… ha ha ha!
Charice_mizo han helh lai awm chu ka hmu thiam ve hauh lo mai…! (Haw ngawt lo la, khawngaihin). Ka rilru a chak tâwk lo nge ni aw…?
Hurna leh lepchiahna hi chu mahni mimal nun thil a ni takmeuh va, lepchiah leh hur duh chu lo lepchiah sela, keini sawi phâk a awm lo. Mahsé pa lepchiah leh nula buan chak lo nih hi a nawm ka ring fahran lo, mite min thlìr dàn tùr kan thlír thiam ve tho te a nih ngai chuan…
Report this comment
August 2nd, 2012 at 1:04 am
facebook page pakhat hmeichhia te siam hi a awm a, mipa te’n a molest an tum laia an thawmhnaw hak a thlalak an rawn tarna. a hming ka hre tawh mailo.
Report this comment
August 2nd, 2012 at 2:00 am
Hmanlai (ti mai ang) Mizo style pakhat, mipa ten hmeichhia-in, “ka duhlo…” an tih lawm lawm pawh a an kekawrte emaw pawhthlak sak tum ṭung ṭung ang chi, a hmeichhia-in alo hmelduh ve kha ani kher bawk si nen a tawp a tawpah chuan a in phalrai ta ang kha a ṭhing ka ti let tawp.
Hmeichhia-in, “ka duhlo…” a tih chuan tum luih loh tur, attempt to rape emaw, rape case emaw i awrh thei. Bawh chuk chuk policy hi mihring mahni hmasial (selfish) hna a ni hrim hrim a, i kawppui hmeichhia i ngaihsak ve reng renglo tih a hriat. I tlingtlak khan i duhtawk mai tihna a ni a, hmeichhe nawmna ve tur i ngaihsak miahlo tih a hriat bawk. A nuam an tih ringawt pawh hi an zo ve kher tihna anilo. Arpa leh arnu nen mihring te i tehkhin mai mai chu le
Hmeichhia pawhin, i duh loh hnuah in phalrai (in tihtir) leh ngai suh, hmeichhe easy nihna a ni ngai e. A zuam fo tawh che ang a, in in ban leh phei chuan i next chhas kha a hriat zawng a nih phei chuan i easy zia a hrilh hreh kher lovang. Chumi chu mipa tam tak zia a nih chu.
Report this comment
August 2nd, 2012 at 2:24 am
Mahni leh mahni han inbe ta mai mai ila: tlangval lak leh lak lo hi kan lo inthlau êm a… Tih ve kan tuma ṭan patawka ṭangte pawh tlangval lakho chuan ném dam thlapin an lo khuaikhem leh bîk zël a… nula fel leh fel lo pawh hi hriat a har angreng. Keini val to lo laka nula fel êm êm, puitling thlup mai, mipat-hmeichhiatna min hmanpui chu khawi lamah… tih tùr te pawh hi tlangval lak deuh bulah chuan an lo va ti ve leh hawr hawr a, kan laka an fel ang ngawt an ni leh bîk ṭhin chuang lo. Kan sawi theih phei chu a awm law… an duhzáwng an hmu ve a ni mai a… Mipa pawh hetiang hi kan ni ve tho mai. Kan îtzáwng leh záwng lo bulah chuan kan inlekchhuahphung hi a danglam ve khawp mai. Mahni tana chakai khawrh takmeuh hi kan nia… inlafëkfawnin inla-ûp chukchuhlüm ve teh mah ila, eng kan ni ual lo leh ṭhin.
Tuman ka thusawi hre phain min rawn hnial êm lo’ng chu maw…
Ka zànrei-tìtï mai mai a nih hi.
Charice-i’n lo hre pha se chu a pawi thui ngawt ang! A hriat lohva hnu… nuam singkhaw.
Report this comment
August 2nd, 2012 at 7:54 am
A tha ka va ti tehlul em! Mi tam tak chuan ar pawh kan tluk lo zu nia. Nia, pawngsual kan tih hi tam tak chu hmeichhiate cho chhuah leh hmeichhiate thiam loh a ni. Hmanni-a Durtlang pawngsual an sawi te pawh kha, huai takin sawi ngam lo mah ila, a hmeichhia zawk thiam loh a ang; a hlauthawng khan pawngsual angin a chhuah mai mai a nih hmel a. Khatiang chi kha awm theih tak tur chu a ni. Fiamthu pakhat ka hre chhuak zawk mai — A’n pawngsual a, a chungah a tang vel!
Report this comment
August 2nd, 2012 at 8:00 am
An hur eeeee
Report this comment
August 2nd, 2012 at 8:48 am
A chung zawka tangin min pawngsual a tih leh si te pawh pu KL liana khan a hriat kha maw le…
Report this comment
August 2nd, 2012 at 12:09 pm
Hmeichhe thiamloh ni miah lo, an incheina leh awm dan vang pawh ni miah lo, mipa zawk hurherh lutuk vang leh mipa rilru dik loh vang liau liau a pawngsual thleng a awm. Chuti ang tawk hmeichhiate chu khawngaihthlak tak an ni.
Hmeichhe inchei sexy deuh hian mipa tisa chakna a tichhuak thei khawp mai. Mahse, mipa pangngai chuan hmeichhe inchei sexy an hmuhin pawngsual an tum kher lo, engmah sawi lovin chilthli tla duah duahin an thlir mai. Mahse, mipa rilru lam piangsual leh hurherh tlat thenkhat chuan remchang an hmuh phawt chuan pawngsual an tum mai thin. Chuti ang harsatna tawk hmeichhiate chu khawngaihthlak tak an ni.
Tin, mipa leh hmeichhia ngam leh ngamin an inpawl a, a hnuah a hmeichhia zawk hlauthawngin emaw rilru chhia put vangin a mipa chuan pawngsual anga sawi ta mai an awm bawk.Heti ang case ah hi chuan mipa an demawm miah loh.
Mah re re se, PAWNGSUAL hi ka
Report this comment
August 2nd, 2012 at 1:23 pm
“Mihring kan thuhmun lo fo” tih hi han changthlan leh phawt mai ila.
Hei le, comment huaisar tak ka tawng ta a, a nuam tan riau. Titeh tawp ila, fb lamah chuan hetianga han inkhak ngam hi an awm lem lo a, misual.com chu hmun nuam tak a ni dawn e.
Report this comment
August 2nd, 2012 at 6:10 pm
MIHRING UIH DEUH DEUH HI CHU KAN TAM A NI….Pawisa avang hian pawisak nei lo kan va tam ta em!!!!
Report this comment
August 2nd, 2012 at 8:01 pm
Miin an phawk avanga pawngsual case anga kal ta hi chu a awm ve tho mai
Report this comment