Biak-in leh office hrang hrangah hian chawkidar kan nei ṭhin a. An hna ber chu kha in enkawl kha a ni. A balhin an tifai tûr a ni a, rûkru leh misual lakah an vênghim tûr a ni a, a chhiatin an siam ṭha ṭhin tûr a ni. Chawkidar mawhphurhna hi a sâng êm êm a, inchhûng mai bakah a bul leh a vêl thlengin a enkawl ṭhin tûr a ni. In neituin ‘ti rawh’ a tih chu lungawi takin a ti mai tûr a ni a. Sawisêl a thiang lo.
Bible-ah chuan “Tu pawhin Pathian in chu a tihkhawloh chuan chu mi chu Pathianin a ti khawlo vang; Pathian in chu a thianghlim si a, chu in chu nangmahni in ni e.” (I Korinth 3:17) tih kan hmu. ‘Pathian In’ kan ni tih hi mi ṭhenkhatin kan theihnghilh fo. Chu in chu tling lo chung pawhin Krista thihna a zârah Pathianin enkawl tûrin min dah a, kan duh dân ang anga kan lo chalai kual vêl a thiang lo.
Thlarau Thianghlim in hi a fai leh a thianghlim, a bawlhhlawh leh a tenawm chungah mawh kan phur a. Chu mawhphurhna chu kan hlen ngei tûr a ni. Zûk leh hmuam, ruihtheihthil, ngaihtuahna sual, mi rêlna, hlemhlêtna leh hmeichhiat mipatna hmanga kan tihbawlhhlawh hi a thiang tawh lo. “Mahni ta pawh in ni lo va, mana lei in ni tawh asin, chuvangin in taksaah chuan Pathian chawimawi rawh u.” (I Korinth 6:19&20) tih ziak ang khân, Thlarau Thianghlim In (kan taksa) hi kan ta a ni lo va, a enkawltu (chawkidar) mai kan ni. Kan tihbawlhhlawh a, kan tihtenawm chuan chawkidar rinawm lo; “…pâwn thimah chuan hnawh chhuahin an awm ang a; chutah chuan ṭah leh ha ṭhial chu a awm ang” (Mathaia 8:12) tih kha kan chan tâwk chauh a ni ang.
Kan taksa leh thlarau enkawl hnaah hian a neitu (Pathian) duhdân i-khaw lovin kan zâwm mai tûr a ni. Chuti ni lova bawlhhlawh tinrêng luan luhna, thil tenawmte tual chaina leh ngaihtuahna sual zalên taka làm thaina hmuna kan siam chuan ‘Chawkidar rinawm lo’ kan ni tihna emaw, a neitu tûr tak Pathianin a la nei lo (piangthar lo) emaw tihna a ni ang.
Pathianni duhsakna chibai vek ule.
Similar Posts:
- Mihringin thlarau a neilo !!
- Thlarau Thianghlim (Pentecost Pual)
- Pentecost pualin
- Thinlung thianghlim, Isua zirtir dan
- Mi ram thil Pathian thu a neihna chuan Zoram thil pawimawh a chim pil
dik khawp mai
September 16th, 2012 at 6:57 am
Chhiar ang aw.
Report this comment
September 16th, 2012 at 7:29 am
A va tha kher em……….
Report this comment
September 16th, 2012 at 7:35 am
Chawkidar maw kan lo nih reng Awmte?
Ngaihtuah a ti thui e..
Chawkidar Fanu (CFN) tal ni ila.. Pu KC Lalvunga Silverthangi iangin…
Report this comment
September 16th, 2012 at 7:37 am
Pathian Ni hman nuam vek u le
Report this comment
September 16th, 2012 at 7:44 am
A va tha dep dep ve…
Report this comment
September 16th, 2012 at 7:53 am
@Puii chawkidar kan ni mai a ni lo’m ni? Keimahni ta kan ni tawh si lova, a enkawltu chauh kan ni si a. Krista thisena mana lei kan ni tawh si alawm
Report this comment
September 16th, 2012 at 11:08 am
In taksain ti lova intaksaah a tih a vangin taksa vawn thianghlim a duh pawimawh a nih hmel hle…han sawi zau u la
Report this comment
September 16th, 2012 at 11:14 am
Good ANALOGY!
Sermon ngaihthlak nuam tak a nih hi mawle.
Tirhkoh Paula rilru luah em em tu leh zirtirna danglam tak mai chu kan taksa hi Pathian chenna in tih hi a ni.
Pathian In in nih leh Pathian Thlarau nangmahniah a awm reng tih in hre lo em ni? 1korinth 3:16 tiin a zawt a. A sawi dan takah phei chuan taksaa Pathian chawimawi a BAT a kan BAT ni zawk a ni. Rom mite hnenah chuan ..’chu chu inrawngbawlna awm reng an i’ a ti a. Korinth mite hnenah phei chuan duhthawh takin ‘Mana lei in ni tawh a sin chuvangin in taksain Pathian chawimawi rawh u…’ tiin lehkha a thawn hial a ni.
‘..in tih apiang Pathian ropuina tur hlirin ti rawh u’ Korinth 10:31 a tih pawh hi ei leh in chungchang a sawi tumna kha a ni. Midangin tha lo leh thianghlim lova an ngaih mimal taka tha kan tih avanga ei leh in fote hian Pathian a tiropui lo thei. Zu in thin leh sahdah khaini hmuan angte hi…Taksain I chawimawi ang u!
Report this comment
September 16th, 2012 at 11:29 am
A va han tha em!
Report this comment
September 16th, 2012 at 11:43 am
A tha ropui hul hual latuk ringwt,kan in theinghilh fo thin kan thinlung hi pathian in tih hi…..
Report this comment
September 16th, 2012 at 11:48 am
Jacka Pi-in tha a tih chuan a tha hle tih hriat tur.
Report this comment
September 17th, 2012 at 11:43 am
Report this comment
September 17th, 2012 at 6:52 pm
That hmel viau mai mahse tunah rih chuan meizial ka zuk avanga chawkidar rinawm lo ka nihna chen a awm maithei…….mahse ka rin phak ang chin2 zawi zawi a kalin ka ring ve tawp a,i thu kei atan chuan a sang lutuk deuh in a hria………..ka la zawm pha lo deuh…………..tha khawp mai
Report this comment