(Hnam Sakhua bihchianna tih post chhan letna hi Naupang inhmuh khawmna kan buatsaih avangin kan rawn chhanglet thei lawk lo a, inmi ngaihdamna kan dil in, kan hman ve leh kan rawn chhanglet nghal e)
Hnam Sakhua bih chianna ka han hmu a, a rawn bih chiangtu hian a thu lakna pawh ‘An zirtirnate leh an chanchin,’ tih bua mi a ni a, kei pawhin kha lehkhabu kha ka lo chhiar ve tawh nghe nghe a ni. Amaherawh chu a bih chiangtu hian a thu lakna hi belh chian dawl leh innghahna tlak takah a ngai a ni chek ang a, a ring tawk hle ni tur a ni. Kha lehkhabu khan thil thenkhat chu a sawi dik viau laiin tuna Hnam Sakhua hi chu a bih chiang tawk lo hle niin a lang a, a tlangpui tal ka han hrihlfiah law law teh ang.
Kum 1978-ah khan Zorama Kristian Evangelist-hoin an Pathian thu hmuh kha khaw hrang hrangah an tlangaupui a, nimahsela an thu hmuh chu khatih hun laia Kohhranho chuan an Pathian thu hriat dan nen a inkalha an hriat avangin an kohhran atangin an hnawt chhuak ta hlawm a. Hetih lai huna an thu aupui thin tam tak chu tuna Kohhran mite hian an man thiamin an pawm thei leh deuh vek tawh a, tun ang huna Kohhran mite pawm dan hi khatih lai hunah khan lo pawm thei ni sela chuan an hnawh chhuahho pawh khan hnawh chhuah chu an tawk bik hauh lo ang. Nimahsela Pathian thil tum hi kan lo hre hauh lo mai a, Ani chuan Zoram mipuite’n an hnena Pathian inpuanna an kal pensanna lak ata hruai kir leh a tumna a lo ni tih reng tumahin an hre phak lo a, kan hre phak lo vek a ni.
Chuti chuan Kohhranhoin an rawih duh tak loh hote khan pawl an din a, ‘Mizoram Evangelical Association(MEA)’ an lo tih thin chu an din a, a hnu deuhah ‘Mizoram,’ tih chu ‘Mizo’ tiin an thlak leh a. Chu mi hnu chuan ‘MEA’ chu denomination hrana dingin ‘Lalchhungkua,’ an lo ti leh ta a ni. Amaherawh chu ni 12 Tauthla(April), kum 1986-ah khan Lalchhungkua chu pawl hniha lo inthenin a phel lehlam chu ‘Lalchhungkua’ an la invuah zel a, tunah chuan ‘Lalchhungkua-Unity,’ tih a lo ni ta a. A phel lehlam chu ‘Nunna Lalchhungkua,’ tih a lo ni ta bawk a ni. He Nunna Lalchhungkua hi a hnuah ‘Nunna Lalhnam,’ tia hriat a ni leh a ni.
Kan sawi tawh angin Zofate hi kan pi leh pute hun laia kan hnena Pathian rawn inpuanna kha kan lo phatsan a, ram dang mite sakhua kan lo biaksan ta a; chuta tanga min hruai chhuah leh hi Pathian thil tum a lo ni reng mai tih tuna ‘Nunna Lalhnam,’ tia hriat thin Hnam Sakhaw vuantute hian kan lo hre chhuak ta a ni. Chuvang chuan ‘Nunna Lalchhungkua’ tih emaw, ‘Nunna Lalhnam,’ tih emaw chu kan sakhaw hming a ni lo a, Zo hnam sakhaw vuantute inzawm khawmna hming chauh a ni e. Amaherawh chu ‘Zo hnam Sakhua’ vuantute kan nih rual rualin hman laia kan pi leh pute huna Pialral kaina turin Thangchhuah a ngai kher tihna a ni lo. Kan pi leh pute biak Chunga Pathian chuan Ama thlarau(Ama hnena mi) chu min pe a, chu thlarau chu thil siam engmah an la awm hma ata kan tana a ruat a ni tawh. Chu thlarau chuan bawhchhiatna a neih ve loh avangin thih hnuah pawh hrem hmunah a kal dawn lo a, Pathian hnenah a kal ang. Chu chu fiah takin kan hria a ni. Kan pi leh pute hunah khan an khawvel te a la zim a, an hriatna pawh a la zimin anni ang bawk hian eng hnam pawh hian pi leh pute hunah chuan an chim chin chu a la tawi vek ang tih hi hriat sa a ni. Chuti ang a nih avang chuan kan pi leh pute kha an chim chin ang anga an hriat thiam phak tawkin an hnenah Pathian chu inpuangin thu a hriattir a, tunah keini hnenah hian a aia fiah lehzualin min hriattir ta a ni. Mihring hian thih hnua hrem hmuna kal tur thlarau a ni emaw, ni lo emaw thlarau hi kan pianpui lo hrim hrim a, Pathian hnena mi, Pathian min pek chauh hi kan thlarau a ni.
‘Pi leh pute sakhua chu in duh ang anga her danglamin in be ve ta a ni maw?’ min ti a ni maithei. Kristiante pawh hian Kristianna hi an her danglam nasa hle mai a. Abrahama chuan a pa milem biak ang be ve duh loin engkim siamtu Pathian ‘Jehova’ chu a bia a; chu chu ‘Judaism,’ an lo tih taka hi a ni a. Isua hun laia Judate sakhaw biak dan kha Isuan duh loin a sawisel a, Judaism siam thatna hna a thawk a. Gautama chuan Hindu sakhua(Hinduism) siam thatna hna a thawk a, milem reng reng Pathian biaka biak a phal lo a; mahse a thih hnu chuan amah Gautama Budha lem an din a, an be ta mai a ni. Isua khan a hnena awm Pathian avangin thu mak tak takin a sawi a. Judate’n hre thiam loin mihring ni si Pathiana inruatah an puh a. Isua erawh chuan amaha Pathian awm reng zawk avangin Pathian thu a hmuh angin a sawi zawk thin. Ani Isua pawh hian milem biak te, mihring Pathiana biak te a remti miah lo. ‘Lalpa i Pathian chibai buk la, ama rawng chauh bawl rawh, tih ziak a ni e,’ ti tein a sawi a. ‘Leiah hian tumah “Ka Pa,” ti suh u, in Pa chu pakhat chauh a ni, vana mi khi,’ te pawh a tih kha. Nimahsela Kristiante chuan mihring Isua chu an be si.
‘An zirtirnate leh an chanchin’ bu chhiartu hian Hnam Sakhua vuantute mawng hlim hleah in lo ngai a nih chuan in ngaisual awm teh e. Kan mihrinna tisa taksa hi ‘Pathian a ni e’ kan ti hauh lo a, hmuh theih loh lamah Pathian kan nihna chu a awm a ni. Bible lo hi innghahna dang kan nei a, lehkha thuah kan innghat ve lo a, Amah Pathianah zawk kan innghat a ni. Bible hi pawm chin leh chin lo kan nei lo, kan sakhaw lehkhabu thianghlim zawng a ni ve lo alawm. Bible hi ‘Rinna leh thil tih tehna dik lo thei lo a ni,’ tih hi chu keini changin kan pawm lo a ni lo a, Mizo Kristian Pastor engemaw zat hian an pawm tawh lo tih in hre na nge? Kristian Kohhranho hian Bible pakhat intawm siin Bible atangin thurin an buatsaih a, an kohhran thurin nena inmil chin bak chu an duhna laiah an rek bung hmiah zel a, chuvang chuan kohhran dangte thurin nen a inmil tawh thin lo a, Kristian thurin theuh theuh hi a inkalh fur mai a ni. ‘Hlim sang’ hi chu kan hming a la ni ngai lo a, ‘van mi’ tih pawh hi kan hming chu a la ni chiah lo, mahse ‘Van mi’ pawh lo inti mah ila a dik lohna a awm chuang hlei nem. Tirhkoh Paula te paw’n, ‘Kan khawsakna chu vana ni a,’ an ti ve tho a. Tuna Hnam Sakhua hi Pathianin min hruai luh a tumna kha a ni a, nakin zelah pawh Zo sakhua tho hi kan nihna a ni ang.
Donald khan ‘thlarau nazawng an fiah lo a,’ min ti a ni maw? Kristiante hian thlarau engzat nge in neih a? Paula khan in Bible-ah khan, ‘Thlarau ngei chuan keimahni thlarau nen…’ te kha a ti a! Keini chuan thlarau pakhat chauh kan nei a, chu chu Pathianin ama thlarau min peka hi a ni a, fiah tham kan nei ve hlei nem. Pakhat chauh a ni a, kan mihrinna hi chuan a lo pian lai khan thlarau a pian chhuahpui ve lo a ni.
Irpa, min han bih chiang tak tak teh u; bih chian chu kan dawl mai thei, dawl lo mai thei e. Donald Zawhna 1-na atanga 4-na thleng hian a dik e.
Hindu philosophy hi chawk luh kan tum a ni hauh lo; Bhagvad gita hi kan hnam sakhaw lehkhabu a ni bawk hek lo a, a chhungah hian thu hlu tak tak chu a inziak alawm. Bible bu chhungah pawh hian thu hlu tak tak a inziak tih hi kan hai hauh lo. Hnam tinte hi Pathianin thu(Pathian thu) a pe vek a, an hnenah a inpuang vek a, chu Pathian inpuanna chu mihringin ama duh dana a paih then emaw, a belhchhah emaw, a tihdanglam emaw chuan miin ‘Pathian hnen atanga ka dawn,’ ti mah sela, a inmil thei tawh thin lo a. Pathian hnen atanga an dawn dik tak kha chu mi hrang hrang hnena a inpuanna ni mah sela a inmil zel tho thin a ni. Entir nan Bible pawh hi a tirah chuan an ziak zawm put a, coma te, semi colon te engmah a awm lo. A hnuah ni awma an hriat dan ang angin an then hrang a, chu chu Sap tawngin an han letling a; an lehlin dan pawh a inang lo nuaih mai a. KJV te, ABS te, BSI adt. a hrang ta a ni. Tunah phei chuan Mizo tawng Bible pawh letlingtu mi hran hran an awm tawh a, an kohhran duh danin an letling zel hlawm a ni. Roman Catholic Kohhran pawhin an kohhran duh dana Mizo tawnga lehlin an tum ve mek ni awm tak a ni. ‘Biblues’ tih atangin ‘Bible’ an lo ti a, chu chu duh tawk loin ‘Holy Bible,’ an lo ti leh a; chu chu Mizo tawngin an han ziak leh a, ‘Pathian Lehkhabu Thianghlim,’ an han ti ta a ni a. Pathianin van atanga a rawn thlak chu a ni lo a, mihring ziak a ni tih kan hria a ni.
Similar Posts:
- HNAM ROLUNG
- Hnam Sakhua: Ka chhiar ve e!
- Chungkhuanu (Pathian)
- MIZO SAKHAW BIAK DÂN LEH A TOBUL ~ 1
- Kristian sakhua leh Mizo hnam sakhua danglamna
August 3rd, 2012 at 4:07 pm
Luhkhat manah 1st ang. Hnam Sakhua post lehnghal 🙂
August 3rd, 2012 at 4:18 pm
Hnam Sakhua chanchin ka hriatchian duh vang hrim hrimin ka chhiar chhuak a, a ngaihnawm khawp mai. Tunlai angah Hnam Sakhua zawm tura intih chu hlawhtlin a har viau ang le!
August 3rd, 2012 at 4:22 pm
I pawm sakhua chu rawn sawisel ka tum ani lo..mahse keizawng Bible hi ka ngaina…ka thlahlel em e!! Mihring ziah chu ani meuh mai..mahse Pathian thawkkhuma ziah ani tlat…ka vuan reng dawn e…
August 3rd, 2012 at 4:26 pm
Ka’n chhiar thla ve ngat ngat a, mahse ka chhiar chhuak peih ta ngang lo a ni e.
August 3rd, 2012 at 4:30 pm
Hm…. Hnam Sakhua chu Kristian, Isua ringtu, Bible thu pawm tlattu i lo nilo a nih hi. I lo ni ve emaw ka ti a, i ngaihdan diklo te hrilhfiah sak che ka lo tum ve mai mai a lo nih hi le!! Sakhua tih leh Kristianna hi a in ang lo tih pawh i hriat ngei ka ring a, chuvangin I pathian sawi leh ka Pathian hi a in an loh avangin i ngaihdan leh ka ngaihdan te hi in ang zia zang a lo ni love.
Chuvangin i sakhua chu Hnam a ni a, keini sakhua chu Kristianna a ni e. Chuvangin helai ah hi chuan hmin theih an tam lo viau ang le.
August 3rd, 2012 at 4:40 pm
Hmanni chu kan Biak Inah Hnam sakhuaho hian Booklet an rawn sem pek a, ka lo bih thuak thuak a. Thuhmahruaiah khan B. Lalthangliana, Chairman, Publicity khan a lo ziak kur duah bawk a. Heta B.Lalthangliana hi Thangkura kha ni turah ka’n ngai ngawt a. Thangkura fans ka lo nihna leh a fiamthu ka lo tuiptui thinna atangin ka inhnukdawk chiang kher mai. Ka hmu engemaw zo ta vek lehnghal a. 😀
August 3rd, 2012 at 4:42 pm
# 6, B.Lalthlengliana tihzawk a ni e. Corrected.
August 3rd, 2012 at 4:48 pm
🙂
August 3rd, 2012 at 4:56 pm
Thangkura hi a lo hnam sakhua viau a ni maw!!!!!!!! 😀
August 3rd, 2012 at 5:06 pm
Ka chhiar chhuak thlap, engpawh ni se, Rorelliana zirtirna ai chuan kum 2000 liam ta a Nazareth khua a mistiri, Isua an tih kha zui ka la thlang zawk e
August 3rd, 2012 at 5:19 pm
kan kristianna leh kan rin Isua hi in sawi chhe zing ta mawlh mawlh hle mai a, Bible sawi chhiatna in rawn belh bawk, hetiang kan Kristianna, Isua leh Bible in sawi nawmnah ang hian islam, mohammad leh quran chu han sel ve ula, in sakhua na chawp in, in bo tawh mai lawng maw.. kham awm ta hle mai, ngawihsan mai tum pawn thin khei ve zak zel mai
August 3rd, 2012 at 6:09 pm
ipc section chumi kha mi….
KHING MAI ANG U…lol..
August 3rd, 2012 at 6:44 pm
Pu Cfl, Satribari lam ami khan ami rawn se..kei pawh min be luam a,mahse Naupang inkhawmpui an ngaih avangin ka uksak hman ta lo anih kha..a mah a han introduce vel dan atang khan ka be rei chak lemlo bawk nen.!
Pu Hnam sakhua a te ho hi an trang riau ani tunlai chu..han bum mai theih lah hi kan vang fu tawh sia,.an mahni an inbum vel mai2 ni hian ka hria..
August 3rd, 2012 at 6:45 pm
post puitlingin ka la chhang ve ang.
August 3rd, 2012 at 6:55 pm
A ngaihnawm khawp mai, mahse zawhna ka nei!
A tirah khian, “Kan” tih i hmang a, mimal ziak alo niṭhin nang e?
August 3rd, 2012 at 6:56 pm
“Bible hi ‘Rinna leh thil tih tehna dik lo thei lo a ni,’ tih hi chu keini changin kan pawm lo a ni lo a, Mizo Kristian Pastor engemaw zat hian an pawm tawh lo tih in hre na nge?”
Helai tak ah hian Pu Chuauthuama dinna hi ka hre chak…
August 3rd, 2012 at 7:01 pm
A zir nasa leh zir sang apiang hian BIble thu hi an sawi huai ngam lo a,a zirtlem leh hre tlem hian kan sawi huai mai mai em le..
“‘Biblues’ tih atangin ‘Bible’ an lo ti a, chu chu duh tawk loin ‘Holy Bible,’ an lo ti leh a; chu chu Mizo tawngin an han ziak leh a, ‘Pathian Lehkhabu Thianghlim,’ an han ti ta a ni a. Pathianin van atanga a rawn thlak chu a ni lo a, mihring ziak a ni tih kan hria a ni”
thu dik chu a van ni mai si awm ve…..
August 3rd, 2012 at 7:03 pm
Pu Hnam Sakhua, i ti lawmawm e chiang deuh zawkin i rawn sawifiah a. In thurin chiang lo rei ruai deuha rawn tarlan pah-a Kristiante rawn sawisel vak vak ai chuan tihian a tha alawm tiraw. In thurin maksak pui pui hrechiang chungin tihian in thu leh hla kan lo ngaithla ve thei tawh ang chu.
Kristiante hian thlarau engzat nge kan neih min zawt a ni maw? A chhana chu thlarau pakhat a ni e.
“taksa pumkhata awm turin Thlarau pakhat chauhvah baptis-in kan awm theuh si a, Thlarau pakhat chauh min intir theuh bawk a” tih ziak a ni.
Tichuan i rawn sawi Pu Paula, Kristian miropui khan thlarau chikhat chauh a awm lo tih a sawi ve bawk a sin. Kristiante chan nilo hi thlarau dang a awm thu a sawi a; chung chu ramhuai thlarau an ni.. van hmuna thlarau sual awmte a tih kha i lo hre ve na nge?
Tihian ngaihtuah ta ila.. thlarau in chang, Kristiante paw’n thlarau kan chang. In thlarau chan leh kan thlarau chan erawh a inang bawk si lo. Keini chu Isua Krista thlarauva baptist kan ni a, Isua Krista thlarau changtu kan ni. Nangni tu thlarau nge in chan le? Pathian thlarau inti maw…? Pa Pathian leh Fapa Isua Krista atanga chhuak lo thlarau dik a awm lo. Isua Krista tan lo chu Pathian thlarau a ni lo tih Bible phei chuan a sawi a sin. Bible zirtirna ang chuan in thlarau chan chu ramhuai thlarau a ni tlat a ni.
Bhagavad Gita chungchang pawh kha..In letling ringawt chu a nih lo deuh kha mawle. Bible hi Mizo hnam kaihruai nan a tha tawk lo in ti a, Gita kawma hming ziaktu in pawlte kha chuan ram leh hnam kaihhruai nan a chhunga thu awmte hi an THA an tia ni lawm ni kha?
Tin, Bible chu hnam dang sakhaw bu chuti khati in ti a, Gita pawh hnam dang sakhaw bu tho a ni si a. In thil duh loh kha engtia duh leh si nge in nih? Hnam dang thil ngaithei lo viau si.. in mak mang e.
A tawp berah chuan “Mizo Kristian Pastor engemaw zat hian Bible hi ‘Rinna leh thil tih tehna dik lo thei lo a ni’ tih hi an pawm tawh lo tih in hre na nge?” i tih hi beng a verh khawp mai. Hei hi tak tak nge i rinthu? Tute nge chutianga pawm lo..? Kei chu chutiang mi chu Pastor chu sawi loh Kristiana chhiar chiah pawh ka ngai lo.
Protestant Kristiante auhla kha i hria em?
Rinna chauh, Bible chauh, Krista chauh, khawngaihna chauh, Pathian chauh ropui rawh se tih a nih kha. Bible ‘Rinna leh thil tih tehna dik lo thei lo a ni’ tih pawm lo tu chu Kristianna a pensan tawh tihna a nih chu. In Hindu bu chawimawi duh vanga chhuanlama rawn hman chi a ni lovang.
August 3rd, 2012 at 7:28 pm
Donald#18 (Y) (Y) (Y)
August 3rd, 2012 at 7:40 pm
Kei zawng ka chhiar peihlo mai. Min hrethiam teh u..(H)
August 3rd, 2012 at 7:48 pm
I thil post atanga ka rilrua thil rawn lut chu, “In hotupa leh a team te, kan hotuten an lo hnawtchhuak kha in tuar nasa mang e” tih hi a ni. “Pathian ka ni” te in ti ta nawk hlawm mai tak si a. Pathian thu kaihruaitu mumal neive talo chu, tunah hindu ho lehkhabu te in dap ta ruai mai si. In hotute kha lo hnawtchhuak lo ta se, bible pela mahni ngaihdana Pathianthu sawi thin chuan, kohhran an tibuai thei hle dawn bawksi a, hnawhchhuah mai kha alo finthlak ang reng ka ti viau bawk si. Amaherawhchu, anmahni zuitute heti taka in lo bo chhah tawh mai han hmuh erawh chuan, rilru in tina viau bawk si. Bible hi Pathian thawkkhuma ziah ani tih ring a, kan kalna kawng entu atana kan hman zel loh chuan, ava lo hlauhawm thei dawn teh reng mai em. Keipawh commitment nghet tak ka siam a, bible hi Pathian thawkkhum, diklo theilo anih ringhlel awm anga lang leh, sakhaw hrang hrang intluk tlang anga pawm Theologian zingah an awm niawma ka hriat phawt chuan, tupawh niraw sek sek, ka theih ang tawkin ka do let ang. Alo hlauhawm em mai.
August 3rd, 2012 at 7:55 pm
PKfanai (Y) (Y) (Y)
August 3rd, 2012 at 8:11 pm
Bible ngaithei lo viau si,Hindu ho lehkhabu ngaihsan viau si lai tak hian an zirtirna laimu chu a lan chian tir ber awm e
August 3rd, 2012 at 8:18 pm
@23 Jacka Pi, dik chiah. An ngheh lohzia a ti chiang khawp mai. Gita pawh hi an ning leh thuai ang. Hmani-ah pawh an member pakhat chuan Bible ang thovin duhthu a sam lo a tih leh tan tawh kha 😀
Isuaa lungawina hmu lo hian khawiah mah an hmuh a rinawm loh ve.
August 3rd, 2012 at 8:49 pm
donald..biblues tih hi bible tihna a ni reng em ni? 😉
The Book hi chu title naran lo tak a ni han man pha se aw..
August 3rd, 2012 at 8:59 pm
Mi hmuhsit tawk tur te te hian i rawn lang peih ka ti. I post hnem poh leh hmusittu che an pung tak ang tual tual a, Pa khawngaihthlak i ni e 😀
August 3rd, 2012 at 9:03 pm
Lolzzzz vakul.. Sual suh
Typo niang :-p
August 3rd, 2012 at 9:08 pm
Bible tih tawng bul lamah chuan ‘Biblos’ a niin ka hria. Greek tawng a ni a ‘Lehkhabu’ tihna a ni. ‘Biblues’ chu eng tawng nge ni ang le? Greek grammar zir i la ngai mai thei.
August 3rd, 2012 at 9:43 pm
Hnam Sakhua post ah ka comment ve hrim hrim:
Aw Bible, Aw Bible ka ngai ka thlahlel em e
Aw Bible, Aw Bible Pathian lehkhabu hi.
August 3rd, 2012 at 9:56 pm
Rin dan leh hmuh dan hi a va in ang lo thei em!
August 3rd, 2012 at 10:29 pm
kan khawvel tak hi chu leh, rinna maksak tak takin min tuam vel a, chung zingah kan unau, kan mizo pui, kan saum eipuite ngei in hetiang in rawn phuhchhuak ta mai thin hi chu awwww… rilru chang nilovin, thinlung a rum tak meuh meuh ani e.
In rawn ziak a, in rawn post a, comment tuten in harhchhuah nan leh kawngdik kawhhmuh tur che u in thahnemngai takin an han hrilh thin cheu a, mahse… a aia mak lehzual emaw tihmai tur in bul inrawn tan thaleh thin chu ani sia leh
August 3rd, 2012 at 10:29 pm
kan khawvel tak hi chu leh, rinna maksak tak takin min tuam vel a, chung zingah kan unau, kan mizo pui, kan saum eipuite ngei in hetiang in rawn phuhchhuak ta mai thin hi chu awwww… rilru chang nilovin, thinlung a rum tak meuh meuh ani e.
In rawn ziak a, in rawn post a, comment tuten in harhchhuah nan leh kawngdik kawhhmuh tur che u in thahnemngai takin an han hrilh thin cheu a, mahse… a aia mak lehzual emaw tihmai turin bul inrawn tan thaleh thin chu ani sia leh
August 3rd, 2012 at 10:31 pm
Pu Hnamsakhua, i vahan khawngaih thlaktakem ! nge i a zawk. Lithuk lamah hichua, i len rawndeng duhtawhsuh. (misual.comer) ho hizawng li thuklam sangha ang maia, fing leh, zirtirna diklo laka, ti takmai awmkhawm kanni tih i lahrelo emni? I duhleh, vaukam lamte hrutin, i sakhaw zirtirna len chu, dengzawk tehkhai. Nghameidum ianga, lungmawl ve taktak techu, awhtur i hmumial mahna.
August 3rd, 2012 at 10:40 pm
Matthew 24:3-5,10-11 …”Tell us,” they said, “when will this happen, and what will be the sign of your coming and of the end of the age?” Jesus answered, “Watch out that no one deceives you, for many will come in my name,.. At that time many will turn away from the faith… and many false prophets will appear and deceive many people.”
Hei bak hi chu an sawi vak ngai na ka hre lo…..
Bible ah chiang tak in a in ziak a, Isua chauh hi rinchhan tur kan ni zawk…
August 3rd, 2012 at 11:12 pm
Inkhwm na ah pawh engkim ti thei,Lei leh van siam tu Pathian thu aiin hnam sakhaw ngaihdan hahdam thlak satliah, tluang mar thlup, kan thenawmpa duh chi, vanram kai ngei ngei.lolz.. mihring tawngkam thiam tak ngaihdan hlir in zir lo maw… Pathian thu ani lo,Pathian thu a hnam sakhaw ngaihdan ka ti mai.. Lalvanramkaiturpa
August 3rd, 2012 at 11:14 pm
Hnam Sakhua hi tih vak vak tur pawh a ni lo. Mizo nilovin hnam dang nise Kristian a nilo hi mak kan ti lovanga, a rindan pawh hi a ni awm tak e, mahni ngaihdan dan le kan tih sak ngei ang.
Mizo nisi Kristian nilo kha kan lo hrethiam chiah lo a loo ni e. A bak sawi dan ka thiam lo :-[
August 3rd, 2012 at 11:19 pm
Kan sakhaw lam hotute pawh hian mizo ah chuan kristian 100 a 100 kan ni tih hi sawi fo tawh lo sela a tha ang.
Tunhma atanga ka ngaihdan leh rindan chiah an lo ni.Isua ringlo tute hi Kristian ah chhiar loh tur a ni reng a, Hnam Sakhua inti te chauh nilo hian tu emaw pawl pawl te pawh hi Kristian ah chhiar loh chi maw le… :-[ (@)
August 3rd, 2012 at 11:48 pm
Hnam Sakhua rinna innghahna bul chu ‘thingbul lungbul’ mai a lo ni tihna a va nih hmel ve. Mihring heti zat lek zinga ngaihdan maksak tak tak nei kan kat nuk mai te, a population ang zawnga chhut phei chuan denomination 1 emaw lek hnuaia kun vek awm tak, heti tak maia tam pawl leh pawlchhuak a tam mai te hi “a mak” tih loh rual a ni lo. Pathian emaw inti tlat te hi an awm nawk thin lehnghal.
Hnam sakhua ina puanin kaih a tumna hmun hi a fuh lo ka ti tlat…
August 4th, 2012 at 12:07 am
Thlirna tlang dang atanga ka’n thlirin, misual.com ah hian ngaihdan inang lo tak tak te, rinna lama Paula tluk thuak tur te leh rinna lama pachhe ve tak tak te, kan fuan khawm a. Chutihlaiin hnam lampanga extreme tak tak kan awm bawk nen. Hnam sakhua lo hmutai mai duh tur kan awm nual a beiseiawm anih hmel, helamah len an rawn zar pharh nasat danah hian…
August 4th, 2012 at 12:36 am
Hnam Sakhua hi ooooo, rawn ti rawn ti ve thin teh suh, a buaithlak, hrilh fin i har emmm mai aa, mahse i post ania, comment ve reng reng e… (N)
August 4th, 2012 at 1:07 am
Ka buai leh hman loh ni ber kherin i lo chhang a, ka buaipui hman ta lo va ni; a pawi hle mai.
(Y) (Y)
Kawngbo inti tawn ṭheuh kan ni tih bâk chu chhuan tùr rëng ka nei lo ve…! Ka post tum a thupui ka ziak uk tawh a, ka la ziak hman lo aläwm le… pawi lutuk. Eng hnam emaw zèl ât leh ât loh kan nihna hi kan hranna awm chhun chu a ni.
August 4th, 2012 at 3:35 am
A bengvarthlak, Kristiante tan in enfiahna lo ni mawlh teh se.
ISUA KRISTA CHU LEI LEH VAN LAL BER A NI a, A ni zel bawk ang. עמן
August 4th, 2012 at 2:57 am
Bible ring lo kristian chu hahthlak awm v aw
August 4th, 2012 at 7:23 am
1978 vel atanga lo piang ‘kohhran’ hian an thurin pawh an modify chho zel em aw ..Mihring mihrinna ah chuan Lalchhungkuate hi mi rinawm tak, hlemhle lo an ni kan ti thin, mahse an rinna lam erawh chu a ‘te ve’ deuh ani. Kristian kalsual rinna a tih theih ang chu!
August 4th, 2012 at 10:10 am
Thil chiang deuh pakhat chu – an thurin leh zirtirna an rawn post a, kan lo saawisel a; an reh vang vang a, kan sawiselna eng atng khan an rawn modify a, a bul atangin an rawn post leh a… it goes on…. Kan khalh fing te pawh a ang. “E a ni maw” lo tihsak liam liam ila, an loopholes lo hrilh vak vak lovin. An reh chhawm ve mai ang.
August 4th, 2012 at 12:58 pm
Mizo zingah bible ringlo an awm anih pawhin dem kher angai love.Mitin in rindan kan nei thiang vek.Mite hmuhsit huama a rawn lang ve fo ngam hi a sakhua ah thahnem angai hle anih ka ring.Mite min ngaihsan natur chauh post ngam ai chuan ala huaisen thlak e.Athuai pawh nise..Hahaa..
Mizoram pawn lama zohnahthlak peng chekhnawk ho zingah hmanlai atanga hinduism lo vuan char char te pawh an awm..Kristian hi mizo sakhua anilo,khawvel mi zawng2 te tan ani..
August 4th, 2012 at 5:45 pm
post sei tak a ni. Chhiarchhuah a peihawm loh.
August 5th, 2012 at 2:02 am
Pu Donald(Pu ka ti ve tawp che a nia), Ramhuai thlarau in chang, i ti a, i hre chiang lo zawk a ni lo maw? A chhan chu maw, keini chuan Pathian thlarau kan chang a. In bible hi ka zir ve nasa asin! Isua kha Judate’n Messiaah an pawm lo a, nangni chuan in pawm a. Ka thu rawn post-ah khan ‘Miin Pathian hnen ata thu a dawng a nih pawhin, a belhchhah emaw, a paih then emaw, a tihdanglam emaw chuan Pathian thu tak a nih chiah tawh loh thu leh, eng hnam pawhin Pathian thu dawng sela, Pathian hnena mi a dawn tak tak a nih chuan mi dang dawn nen pawh a inmil thlap ang tih thu ka sawi a nih kha. Isua khan khawvela a awm lai khan Pathian hnen ata lo chhuk angin a insawi a, chu chu a dik pawh a dik ang. Tu pawh hi Pathian hnena mi kan ni vek a, Pathian hnena mi mihringa lo chang kan ni vek a ni. Isua khawvela a lo kal lai kha ‘Krista Isua,’ tiin an vuah a, a thiha a thawh leh hnu khan ‘Isua Krista,’ tiin an sawi leh a nih kha. Chuvangin bible hi chhui chiang ve mah teh u. Paulate’n Krista thlarau chang anga an insawi hi hnial thu a cheng lo e. Mahse nangni zawk hian ‘Isua’ tih leh ‘Krista,’ tih jhi in thliar fel thiam lo a ni zawk lo maw? Chuti chuan Krista thlarau in chang ve tak tak a nih chuan in thklarau chan leh kan thlarau chan chu thuhmun reng ni awm tak a ni a, in thlarau chan chu a dikah ka ngai ang a, Isua khan Pathian thlarau a chang a ni tih ka hriatpui a ni. Mahse Kristiante hi Krista thlarau chang anga insawi si thih hnua an thlarau hremhmuna kal an la hlau tlat si hian Pathian thlarau chang angah ngaih an har em alawm. Gita bu kha tha kan tih em avang khan kan sakhaw lehkhabuah kan pawm tihna a ni lo a, Bible hi tha loa kan sawi avangin a chhung thu a tha lo vek kan tihna a ni hek lo. Bible bu chhungah hian Pathian thu tha tak tak a inziak tih hi kan hai bik lo asin. Mahse he lehkhabu chhungah hian thu dik tawk lo leh belh chian dawl lo te, thu tha ni lem lo te a inzep hnem a ni tih kan hai lo bawk. Bible leh Gita hi kan tan chuan a hlut dan leh a hlut loh dan a inchen reng a ni.Tin, pastor engemaw zatin ‘Bible hi Pathian thu, rinna leh thiltih tehna dik lo thei lo tih hi an pawm tawh lo’ ka ti9h kha ka rin thu ni loin, an tawngka ngeia an sawi ka hre fo a, inkhawmnaah kher lo pawh inkawmna leh titi honaa an sawi pawh ka hre chiang khawp asin.
August 5th, 2012 at 3:19 am
Thenawmpa
Zawhna pakhat ka han zawt lawk teh ang che. Bible hi Pathian thawkkhuma ziah a ni inti sia a, Engati nge Pathian thawkkhum theuh theuh si a then inpawm loha, a then inpawm leh si le. Roman ho pawm hi inpawm leh si lo em mi le?
Drake
‘An zirtirnate leh an chanchin,’tih te hi tute chhuah nge le? Mi sakhaw sawichhia a, midang lakluh tuma vir vir te hi tute nge le? Kristianna chauh hi a ni Kan hnam pawikhawihtu chu.
Saint sammoo
Khin tur zawk chu nangni hi in nia.
H.Vangchhia
Ni e, mi chi hrang hrangin kan ziak a ni e.
donald
Gita letlingtu hi Ramthanga Khawlhring a ni e. Hnam sakhaw zuitu a nih leh nih loh chu amah inzawt mai dawn nia, a awmna chin kan hriat dan leh kan hriat loh dan chu a inang reng mai.Hnam sakhua chuan tupawh thianah a siam thei a, a thawpui thei-Muslim pawh, Hindu pawh, Sikh pawh, mosolman pawh eng hnam sakhua pawh ni rawh se. In lehkha bu ziakte malsawmna thu min rawn ziah tir duh chuan kan lo ziah sak zel ang che u.
Jacka Pi
Kan ngaihsan leh san loh i hria a mi, A chhungthu hi keipawh ka hre bik lo a, ka la chhiar loh avangin, Bible ang tho hian thubelh chian dawl lo awm ve teuh em? inhriat chian hmel si a.
doc_lib
Mi hmuhsit te chu kan tawrh than a lawm, a bikin Presbyterian atangin. Hnam thuam kan pho chhuah tan tirh lai a, mi an en duh dan leh mi an tawngkhum dan te kha chu zahthlak ve thei khawp.
lhpa
Kristian rinna hi a lawm awlsam a, hahdam thlak sa tliah chu.
caribou
Thingbul lungbul bia kan nih lohzia chu ila hre chhunzawm ve mai ang.
August 5th, 2012 at 4:00 am
Pu Hnam sakhua,
Thil hi i risk huai mah mah deuh thin lo maw?
Isua khan Pathian thu a belhchhah emaw, a paih then emaw, a tihdanglam emaw tih eng tin nge i hriat?
“Isua khawvela a lo kal lai kha ‘Krista Isua,’ tiin an vuah a, a thiha a thawh leh hnu khan ‘Isua Krista,’ tiin an sawi leh” i tih pawh hi i chiang meuh maw?
Tin, ‘Isua’ tih leh ‘Krista hi thliarhran theih pawh a ni lem lo ve.
August 5th, 2012 at 9:52 am
hnam sakhua..in rin dan huai deuh deuhin i sawi a nih chuan i thu…kristiante rin dan rinthu lutuk leh Bible chiang lo deuh hian i sawi ve sek mai a…hei hi chu bansan la a va tha ve. dik tak i sawi chu phalsak i ni.
sakhaw mumal leh lungphum nghet lem nei lo nih vangin sakhaw ril zawk philosophy lak kual tumna mai mai a ni lo maw..gita tih vel hi.
August 5th, 2012 at 10:05 am
51..
Kei pawh tlem chuan an ti deuh mah mah ka ti. Sakhaw hran ve meuh te chuan mahni rindan pangngai nei ve mai se. Kristianna pawngpaw beih vak vak ringawt mai te chu a dik chiah lo ani. Isua Krista leh Bible an ring lo anih chuan ring lo mai se. Bible te phei chu quote ve lo law law se…
Hei hi sa ho dial dial ila tha tur ania sin mawle
https://www.youtube.com/watch?v=HXFzjRAYZrA