“Mizoram hi Mizo nihnain kan luah tur a ni. Pathian chu khawvel hnam tinrengte hnenah an hnam nihna ang theuhvin a inpuang thin; keini Mizote hnenah pawh Mizo hnam kan nihna angin a inpuang.”
Hei hi NUNNA LALCHHUNGKUA te’n an tlangaupui thupui a ni a, misual.com-ah hi chuan Hnam Sakhua tiin kan hre lar zawk awm e. NUNNA LALCHHUNGKUA-te hi atir chuan Lal Chhungkua tih an ni thin a, amaherawhchu pawla hruaitu dinhmun inchuhna leh chhan dang eng emaw neuh neuh avangin April 1986 khan an pawl hi a phir ta a ni. Lalchhungkuaa hruaitu nihna chelhtu mektu Pu Thangluaia leh a hote chuan an pawl thil neih zawng zawng an nei vek a, pawl kaldan tura an lo ruahman angin an kal zui ta zel a. A lehlamah Pu Rorelliana leh a hote chuan NUNNA LALCHHUNGKUA invuahin pawl thar an din ve ta a ni.
Pu Rorelliana hi October 1, 1947 khan Biate khuah a piang a, a pa chu Pakunga a ni a, a nu chu Rualchhingi a ni. Kum 1966-a Biate-a hlimna lo thlengah khan a lam tan a, 1969 vel atang khan rawngbawl turin a thianpa Saia nen an kal chhuak a, Kohhran pawhin urhsun takin an thlah a ni.
Zirna lamah thleng sang lo mahse, talent tha tak a neih avangin a zinna velah leh a telna pawlah reng reng hotu a ni zel thin. Lehkhabu chi hrang hrang ziakin hla pawh tam tak a phuah tawh. Senior deuhte chuan kan hre pha anga, ama hova an siam “Chhiahhlawh Chhaw” drama phei kha chu a lar hle a nih kha.
Kum 1974 vel thleng khan Presbyterian Kohhranah rawngbawlna a nei a, 1976 vel atang kha chuan a thu zirtir leh Kohhran zirtirnate an inkalh tak avangin Kohhranin a ruai zui ta lo. 1981-ah phei chuan ama lawina Kohhranin a phuar a, chuta tang chuan Kohhran a chhuahsan fel ta a ni. Hemi hma kum 1978 vel khan mithenkhatte nen pawl an din a, Mizo Evangelical Association (MEA) an invuah a.
MEA-ah chuan an chairman a ni a, an thu zirtir tlangpui chu heti ang hi a ni:
1) A tirah chuan mihring hi Pathian anpuia siam kan ni a, mahse mihring nihna zawng zawng chu paihthlain Pathiana siam kan ni ta an ti. Pathian kan nih chinah hremhmun chu kan hnen atanga lak bo a ni tawh an ti bawk.
2) Pa ramah kan cheng tawh a, Lal Isua pawh anmahniah a lo kal tawh an ti.
3) Pa leh Fapa leh Thlarau Thianghlim hunbi a tawp tawh a, Krista leh thlarau la beisei tute chuan an hnena Pathian awm reng chu an hawisan a ni an ti.
4) Kristian Kohhran hrang hrangte hi lei dana remkhawm, Pathian lak atanga in la hrang leh thil sual tihna hmun mai a ni an ti.
5) Kum sang rorelin kan awm mek an ti.
6) Leilung din a nih hma daih khan Pathianin taksa neiin amahah min lo siam tawh a, Paah chuan famkim sa kan nih avangin, tlan kan ngaih lohna te, chhandam kan ngaih lohna te, thawhleh pawh kan ngaih lohna te rawn puang tur leh min rawn hriattir turin Isua kha a lokal a ni an ti.
Pathian nunna famkim kan chan tawh avangin Isua hian thlarau lam tlanna hna a thawh a ngai lova, Pathian kan nihnaah Isua’n hnathawh a nei hek lo an ti bawk. Pathiana an inngaih avang hian a ni mahna Pathian tanpuina te, kaihhruaina te, malsawmna te beisei chu Kristiante ti tawk lekah an ngai a ni.
MEA an intih laia an innghahna ber (an bible ve a ni ang) chu Evan Rorelliana ziak ‘Ram neitu thu’ kha a ni a. Ram neitu thu 12:1-5 ah chuan, ‘Lalpa I hnen atangin he thu hi ka hmuchhuak ta. Nangma lama ka nihnaah khan piantirh ata sualna ka nei si lo. Tlan ka ngai lova, thawhleh ka ngai hek lo. MI NUNGA chu ka ni a, AWMA ka nih kha. Leilung leh hunbi hian mi khuh phak lova, ka chanchin chhiar thiam khawvelah an awm si lo” tiin Pu Rorelliana chuan a ziak. [‘Sual ka nei lo’, kan tih chuan mahni leh mahni kan inbum a, thutak chu keimahniah a awm lo a ni — 1Jh 1:8]
Kristiante misual.com-a min rawn bei fo tute nihna leh zirtirna chu heti hian tarlang mai ila a tawk awm e. Han sawisel vak pawh a tha lova, a tul ber paw’n a lang hek lo. Heti hian an nihna chu a chiang mai a, chhiartu te’n ngaihdan leh thutlukna chu kan siam thei theuhin a rinawm e. Ram leh hnam hmangaihna kawra hmang a, ramhuai zirtirna leh sakhuaa fing vervek taka mite thlemluh hi an agenda a ni tih tu’n kan hai awm lo ve.
“Nimahsela, nakin hunah chuan mi thenkhatte chu, mi dawtheite vervekna avangin hruaibona thlaraute leh ramhuaite zirtirna thu ngaihsakin rinna chu an la bansan ang tih Thlarau chuan chiang takin a sawi a. Chung mi dawtheite chu anmahni chhia leh tha hriatna ngeia thir linga deh ang an ni a..” — 1Tim 4:1,2
“.. nangmahni tibuaiin, Krista Chanchin Tha tihdanglam duh tute emaw an awm mai a ni a. Nimahsela, keimahniin emaw, van atanga lo chhuk vantirhkoh pawhin emaw, Chanchin Tha kan hrilh che u lo kha chu Chanchin Tha dang reng lo hrilh che u sela, anchhe dawngin awm rawh se” — Gal 1:7,8
“Thu lawilo pawr tak taka sawiin suala awmte zing ata tlan chhuah mekte chu tisa chaknaah hurnain an thlem thlu si thin. Anmahni chu chhiatna bawih ni chung rengin mite chu bawih chhuah thu an tiam thin a; mi ngamtu apiangin chu mi ngei chuan bawihah a siam thin a ni” — 2Pt 2:18-19
“Tupawh Krista zirtirna thua awm reng lova khum chuan Pathian a nei lo ve. Chu mi zirtirna thua awm reng erawh chuan chu mi ngei chuan Pa leh Fapa a nei kawp a ni. Tupawh chu mi zirtirna thu chu rawn keng lovin, in hnenah lo kal sela, in inah thlentir suh ula, tawngkam tha pawhin thlah suh u; tawngkam thaa thlahtu chu a thiltihsualah chuan a tel ve si a” — 2Jh 9-11
(thulakna: An zirtirnate leh an chanchin)
Similar Posts:
- “Hnam Sakhua bihchianna” chhanna
- Ram leh, hnam leh sakhua
- Kristian sakhua leh Mizo hnam sakhua danglamna
- Mizo kungah Mizo nun a rah tur a ni
- Enge in ngaih ve dan le?
July 24th, 2012 at 7:18 am
umn…thawh hlimah comment nghal teh ang,
July 24th, 2012 at 7:31 am
Chhei le.. Khawiah nge hs-a leh a thuihhruaite in awm? Hei in mawng an hlim a nia.
tren tren
July 24th, 2012 at 7:38 am
‘Pathiana an inngaih avang hian a ni mahna Pathian tanpuina te, kaihhruaina te, malsawmna te beisei chu Kristiante tih tawk lekah an ngai a ni.’
Baaabre baab..
July 24th, 2012 at 8:12 am
A tha hle mai. Mithiam thuziak zaih mai. Mèna thlak mai mai hleih theih pawh anni bik lo tlat mai a, thinur leh indeuhsawh lova, kan thurin hmanga debate neih hi a tulin a tha reng a ni.
July 24th, 2012 at 8:20 am
A va’n ṭha dap dap ve le
An zirtir dan hi pawm a nuam hle mai, inpek ve mai ka duh. 
Baktawnga Chhuantharho te khi a nia ka ngaihsan chu, an intodelh vek nia 
charice Dangnaltei hian a va commend har ve
July 24th, 2012 at 8:41 am
“Tu te nge Hnam Sakhua inti te hi”, tiin Pu Muantea ka zawt a, a ni lah chuan a hre der si lo. Ka chriat chak lutuk ka hre ta. Ka fiah ta kuarh mai.
Hnam Sakhaw rindan zuitute hian Pathian Lehkhabu Thianghlim, Bible hi an ring ve em le?
July 24th, 2012 at 8:49 am
@caribou,
Innghahna tur dang an neih chuan loh avang hian pawm chin chu an nei awm e. An pu ber pawh hi ex-christian a ni a, Bible atanga hian an thurin tamtak chu formulate a ni ve. Mahse ‘rinna leh thiltih tehna dik lo thei lo’ ang chuan an pawm lem lo. An zirtirna nena inremchin bak chu an rekbung hmiah zel a ni ber.
July 24th, 2012 at 9:00 am
Kohhran ziding pangai, (Trinity) Pa leh fapa leh thlarau thianghlim a rinna nei tlat kohhran Presbytarian, Baptist, Seventh Day, The Salvation Army ah te hian engtik lai mahin church member ni turin harsatna ka nei ngai lo ang. A piah lam Hnam Sakhua bleh bleh tih vel hi hriatzaunan an rinna te hi chu vawi 2 khat vel chhiar te chu pawi ka ti vak lo, a bak hi chu ka duh tawk khawp mai.
July 24th, 2012 at 9:09 am
A tha e, in rawn ti har hi ka ti khawp a
Ka la rawn thawh belh ve ang. Champhai atanga kan hriat ve thin dan tet lai ti ti 
July 24th, 2012 at 9:14 am
Chhei khaw raw… A hit dawn e.. Khawnge KAN BIHCHIANA HI?
July 24th, 2012 at 9:19 am
“Mizo Hnam Sakhua chu Lal Chhungkua hi a ni,” i tihna em ni aw?
Post nen a inhmeh em ka hre lova, mahse, Mizo sakhua, kan pi leh pute sakhua leh Lal Chhungkua te in enkawlna hi a danglam fia fia khawpin ka hria. Mizo zirlai bu-ah pawh kan hmu thei awm e!
Ka OT chuan ngaidam ngaidam!
July 24th, 2012 at 9:28 am
Hv,
Nunna Lalchhungkua hi sakhua nilovin pawl hming a ni a, an sakhua hian hming a nei hran lova. Pathainin mizote hi hnam angin min din a, mizo tih hi kan hnam a ni a, kan sakhua pawh a ni nghal an ti a ni ber.
July 24th, 2012 at 9:28 am
ava tha em, in rawn ti har lutuk a, an pawr ve ropui mai sia leh, an thil post te lah an vil tha leh peih mang si lo, nge comment te hi an chhang leh thei thinlo zawk ni, hei pawh hi engtin tin emaw phuahchawp deuhin an rawn chhang leh mai ang.
July 24th, 2012 at 9:36 am
#11 Hv,
Ni e… hmanlaia kan pi leh pute sakhua nen kha chuan thuhmun an ni lo nasa. Post-a sawi ang khian hemi hnam sentiment ang zawnga an pawl zirtirna mite rawn fah an tumna mai a ni.
July 24th, 2012 at 9:37 am
donald, #12
Doctrine nei a inpawl khawm ṭhin te chuan sakhua an nei niin ka hria.
Religion/sakhua: A particular system of faith and worship.
Hring danin kan hril e in damtlang em?
Kan damtlang e kan lo lang ve e.
Vohbik chibai kan buk che u Lal Chhungte,
Chibai thawmah a che e pailai nau
July 24th, 2012 at 9:48 am
#15 Hv
Religion an define dan pawh a dang reng a lawm an ni hi chu.
An sakhua tia word khata sawi dawn chuan ‘Mizo’ tih a ni tawp mai.
July 24th, 2012 at 9:55 am
Ka hriatsual loh chuan, tun hma pawh khan Pa leh Fapa leh Thlarau thianghlim te pawh an insiam vel anih awm kha.
Thlarau bo ten chatuana Nunna anlo neih ve nan a chanchin tha hril ni lemlo, Krista zara chatuan nunna nei tawhte, hruaibo tum zawng a rawn inla pawr ho hi chu, lo ‘pho-ro’ zel teh u,
July 24th, 2012 at 10:03 am
Hlim sang, VAN MI atangin, NUNNA LAL CHHUNGKUA, Chutah Hnam Sakhua…..nakin engtin tak la kal leh zel ang maw?
Lungpui (Krista) a in nghatlo ho hi chu, an kual an kual mai chu anih hi.
July 24th, 2012 at 10:46 am
#17
mr.Duhlova,
‘Pa leh Fapa leh Thlarau thianghlim te pawh an insiam’ i tih khi chu Vanawia pawlte zawk an ni ang.
Pa: Lalzahabar (Vanawia)
Fapa: Lalzahaba (Za-uka)
Thlarau Thianghlim: Laldihel (Siamzingi)
July 24th, 2012 at 10:49 am
Laldiheli kut a inziak ang kha hetah naupang magic zir hovin an ti thin tak asin hairehai
July 24th, 2012 at 11:08 am
A va tha em! A very good presentation!
Good Job, Pu Donald. 
Mizoram lama ka hawn khan MIZO KOHHRAN zuitu nen tumhnih kan inkawm a. Pu HS-a sakhua nen hian a inang khawp mai. Fimkhur luatah Hnam Sakhua ang zawng chuan ka zawt duh ta lem lova. Anni pawh khan an thurin kum tin deuh thaw an ti danglam a ni. Tin, tunhma chuan Krismas hi an hmang ngai hauh lova mahse tunah chuan anmahni KUT atan a phuah ve hmiah.
An rin dan kalsual chhan ni-a ka hriat tak bera chu – HRIAT TLEM VANG niin ka hre tlat. Hriat tlem chuan ngaihdan siam thiam pawh a har. Bum pawh an awl thin. Thlarau Thianghlim pawlna lam chu dahtha ta ila, an thulak dan reng reng hi TAP CHHAK TI TI ang deuh chi hlir a ni zel. Thuziak leh a taka fianfiah theih loh thil an sawi tlangpui thin bawk. Hmanlaiah chuan ‘AN TIA LAWM’ tiin thu awihawm tak tak vawrhdarh a ni thin. Chutiang deuh chu ni ta berin ka hria. Isua virgin Birth an sawi nawmnah dan pawh a nuihzatthlak lutuk.
July 24th, 2012 at 11:11 am
19
donald # Vanawia pawlte kha chu thuhran a nia, an zinga lo tel ve tawh pakhatin min hrilh tlat a ni. Min hrilhtu pawh chu nihna pek ve an tum a, mahse a pianthar san ta ni awm tak a ni. An langsar hman talo pawh a ni mahna. Thangkura pu te nen khan a lawk pawl an ni ve awm e.
July 24th, 2012 at 11:11 am
A fiah fai thlep thlawp e. Heti chunga an la pawr zel ngam a nih chuan, an mahni leh an mahni mawng an hlim tam tial tial tihna a ni ang.
Ka lawm e.
I tan chauh
Lr
July 24th, 2012 at 11:13 am
Post tha tak a ni
Ka chhui ang chu ka lo tia, i rawn chhui ta hlauh a, a lawmawm mang e. Pathian an lo ni reng a nih chu a
July 24th, 2012 at 11:17 am
@21 Ignatia,
Keipawh ka ngaihdan chiah a ni. Thlarau pawlna ringawt an dahsang a, Bible zirtirna diktak an hlamchhiah thin vang a ni. Thlarau nazawng an fiah lova, hruaibovin an awm thin
“Ka mite chu hriatna tlakchham avângin tihboral an ni a, Hriatna i hnar avângin kei pawhin ka puithiam i nihna ata ka hnar tawh ang che. I pathian dân i theihnghilh vei a, Kei pawh hian i fate ka theihnghilh ve ang” — Hosea 4:6
July 24th, 2012 at 11:22 am
#22 mr.Duhlova,
Ok.. a ni maithei e. Kalphung nghet tak hi an nei tlat lova, eng eng emaw hi an belh a an paih leh a. I sawi ang hian an han ti ve deuh uk anga an bansan leh hma a ni maithei.
July 24th, 2012 at 11:33 am
July 24th, 2012 at 11:34 am
Ignatia,
Isua virgin Birth chungchang Pu Hnam Sakhua’n a blog-a a post kha i chhiar em ni?
Baptistu Johana pa Zakaria fapa an ti e zu ti a
Mithiamte zingah ngaihdan hrang hrang tam mahse hetianga ngai hi an awm pawh ka la hre lo reng reng. Korea-a Kristian pawl kalsual Unification Church, Sun Myung Moon-a leh a pawlte bak hetianga sawi hi an awm paw’n ka hre lo.
Isua leh Kristiante sawichhiatna awm thei zawng zawng hi an dap khawm ni berin a lang.
July 24th, 2012 at 11:56 am
Pu Donald: Chhiar love. Ka tih zawka tak chu Zoram lama ka hawn laia MIZO KOHHRAN zuitu thusawi zawk khi a nia. Ka hun a chep thin em a kan inkawm thui hman lo thin a. Zirna lam kha a tui ve thin bawk sia (Ani hi a lo online palh ang a…
)
Pu HS-a ziak dan nen a in ang chiah a nih chu…
A lawmawm bawk sia tiraw. Zeldin thubawl lam champion pui tan chuan a awm ve tho mai. Fiamthu ti takin ,” Isua Virgin Birth in sawinawmnah dan hi Muslim hovin an hriat chuan kan khua(ama khua)hi an lo bom darh vek duh mai ang” te ka’n tih vel kha. 
“Muslim hovin Isua Virgin Birth an ring ve a ni maw?” tiin min zawt leh vel mawle, an hre tlem lu lai deuh a ni…
July 24th, 2012 at 12:03 pm
chhiar a manhla hle mai
July 24th, 2012 at 12:41 pm
Post tha tak a ni. Kristianna leh Bible hnial duhtu an la pung zel dawn niin a lang. Fimkhur taka ringtute kan kal zel a tul ngawt mai…
July 24th, 2012 at 1:19 pm
Rorelliana hla phuah, “En teh van khawpui” tih kha Synod Choir-in an sa a, a nalh kher asin!
July 24th, 2012 at 2:14 pm
Nunna Lal chhungkua pawh an phel tawh..
Nunna lalchhungkua (Unity) leh Nunna Lalhnam.lol..
July 24th, 2012 at 2:36 pm
LoL @ saint sammoo
Lalhnam ho hian member an duhthawh deuhva, helam atanga hruailuh tur an dap a ni ang
In inhnim hnai deuh hmela, lo tlawmngai 1st mai la
July 24th, 2012 at 2:55 pm
vanawia pawlte kha chu an dang a, Laldiheli bana burma thiam thila inziak khan an kal a, thlang an tla a, bana thil inziak hrethiam ve lo bangladesh lamte khan an lo man a, a tawpah vanawia’n ‘ chatuan nunna chang tur hian high risk zawng kan la tlang theuh a nih hi ‘ a ti ringawt a nih kha.
Lal chhungkawho hi an dang leh a, a dintu an phiar a, an kalsan a; an phel ve khanglang a.
hnam sakhua inti hi ka en ka en hian hemi category a mi hi ni lovin ka hria. khawlhring lalhnam inti leh hnam sakhua thulak hi a dang khawp mai a…an khawngaihthlak ve ve nachungin.
lalchhungkawho hi chu han tlo lutuk chi an ni lo va…an ral zel zawng a nih hi.
hnam sakhua erawh hi chu hmanlai mizo sakhaw hlui tundin tumna a ni mahin ka hria..hnial chi em em pawh an ni lo va, hrilh ila a tawk ka ti thar leh. hnial dawn chuan han hnialpuicturin hriat tak tak an nei mang lo vang.
July 24th, 2012 at 3:00 pm
Lal chhungkua in tih khian Lalnu Elizabeti ka hre chhuak…
Ladiheli khi a lo awm tak tak elo? Fiamthua hming an phuahchawp mai mai emaw ka lo ti mai asin.. 
NOI
July 24th, 2012 at 3:17 pm
@vakul
tunhnaiah an peng hrang leh a ni maithei a, mahse an tobul hi chu lalchhungkua chu anni alawm. Rorelliana ideology deuh vek a ni an thuthlung pawh hi.
July 24th, 2012 at 3:51 pm
Rorelliana pawlte hrim hrim hi an darhsarh nasa tawh em a, pawl ang chuan zuk identify keuh keuh an har tawh ang.
July 24th, 2012 at 4:08 pm
donald,a va bengvar thlak ve…
ka hriatna a rei tawh deuh a, ka lo ngaihfin deuh tawh a… Pu Rorelliana pawlah chuan Pu Sakhawliana a tel em?
fiamthua an sawi thin ka hriat pakhat chu lal chhungkua pawh an inti tawh lo va,lal kawchhung an in vuah tawh …
July 24th, 2012 at 4:11 pm
Bih chian an va dawl loh hmel ve aw..! Engtitih a hetiang rindan hi ‘ring’ thei nge an nih? mihring pangngai (NOI) an ni ve tho si a!!! a mak ve khawp mai!
July 24th, 2012 at 4:56 pm
@35 vakul,
33-a saint samoo sawi ang khian Nunna lalchhungkua pawh hi an phel leh tawh a, hnam sakhua nick rawn hmang thin hi chuan Nunna Lalhnam pawl an nih thu a sawi.
@Eve,
Sakhawliana i tih chu tu nge aw?
July 24th, 2012 at 5:22 pm
Hnam Sakhua hi Nunna Lalchhungkua, Rorelliana ho te hi an lo ni maw?? Mihring/Mizo theuh theuh rinna a inan loh theih teh e
July 24th, 2012 at 5:29 pm
Donald i titha thuaithuai hlemai, Misual.com ahhian Khuavang Sakhaw fakna thu hichu rawn chhuah tawhlo teh u Misual.com hlutna ahniam phah ange.
July 24th, 2012 at 5:36 pm
Misual-ah chuan hnam sakhua te nena in hnim hnai ber pawl ka nih ka ring..
An PUITHIAM (kei ni kohhran Upa/ PASTOR) te pawh thian ka nei..
An cool hlawm viau a sin maw le.. Thalai deuh hi an thisen a lum deuh a.. mi hnial leh buluk tak tak a tawng an ching mai pawh a..
July 24th, 2012 at 5:51 pm
Hnam Sakhua te ho hian misual.com a an post avang hian misual member te hi an sakhua-ah hruailuh an inring emaw ni le?
July 24th, 2012 at 5:54 pm
Ka nuih hi a za a!
July 24th, 2012 at 6:01 pm
Aw.. Rorellian… Kan Pathian i ni… Kun in chibai kan buk che.. kan dil na tlawm hi lo chhang cng che…lol…
July 24th, 2012 at 6:07 pm
Anih Misual ah hian tute nge Hnam Sakhua chu ni ta le???
July 24th, 2012 at 6:13 pm
ihh, eng lo vin ti ang..
HNAM (EM phurhna) hi Pathian ang in i be mai teh ang u..
July 24th, 2012 at 6:54 pm
Pawl lo pawl tih te, Pawl lo pawl atanga lungawi lo a chhuak Pawl Pawl ti lo pawl te pawh an awm thin an tih tak kha mawle
Chuan “Lal hnam” tih hi “Lal HNAM” eg Kawl hnam/ King’s sword anga chhiar hian a ri hi a nalh ru riau a nia. Ziah zawm leh zawm loh ah ka ti dik em pawh ka hre lo e ….
July 24th, 2012 at 6:56 pm
Mizo tawnga Hindu ho lehkhabu Bhagvad Gita lehlin chungchang kha post-ah hian ka tarlang ta lova, a chhan chu a copy ka nei mai si lova; thudik a nih leh nih loh comment lamah ka zawt mai ang chu ka ti a. Mahse rinaiin an lo lang har ta sia tihian zawhna chu dah mai ila, an lo luh huna an chhan atan:
1) ‘He sakhaw lehkhabu-ah hian thuhmahruai ziak an awm nual a, chungte chu Nunna Lalchhungkua (Nunna Lalhnam) mi leh sate vek an ni’ tih hi a dik em?
2) ‘Rorelliana, Lal puithiam, Mizo Hnam Sakhua pawhin, “Ram leh hnamin a nun kawng dik a zawh a, hnam a lo hmuingilna tur leh mihring hriatna piaha Chung Khuanu – Khuavang ram rel, hnam hnena pholan a duhnate hailanna lehkhabu chhuah a lo ni ta mai hi hnam vanneihna kawng hawngtu lo ni zel sela,” tiin malsawmna a ziak’ tih hi thudik a ni em?
3) ‘”Gita bu hi uluk takin ka chhiar a, hnam damna tling thu hluin a khat ni berin a lang,” tiin H Chawngpianga, Lal puithiam, Nunna Lalhnam pawhin malsawmna a ziak’ tih hi a dik em?
4)’Gita thuhmahruaia hnam tinte malsawmna ziaktu B Lalthlengliana, Vice Chairman, Nunna Lal hnam (Saron veng, Aizawl) chuan, “Lalpa (khuavang) chu Lal a nih anga a inpuannate chunga a ropuina chu lang zel se, hnam tinte a siam anga mahni nih dan theuhva a kohna hretute malsawmin awm se…” tiin a ziak’ tih hi a dik em?
July 24th, 2012 at 7:26 pm
dik vek..
July 24th, 2012 at 8:56 pm
Thnx saint sammoo..
Chuti a nih chuan Mizo Hnam Sakhua ‘dinthar’ leh an tumdan chu christian philosophy hnawla hindu philosophy chawk luh a nih hmel hle mai. Bible leh christiante inzirtirna chu hnamdang thil, mizote tana hlutna nei lo an ti a; bhagvad gita erawh chu (mizo) hnam damna tling thu hlua khatah an ngai ang lawi a
July 24th, 2012 at 9:44 pm
E khai comment number 51-na chu a va tha ve!
Khawnge an pilbo tak vek chu le. An inveng (defend) ve ang chu ka ti deuh a nia. An fing thiam ngawt mai, kan han ti ve deuh a an reh hmak mai. Min lo tih ve leh hun chuan kan ngawi leh thiam dawn si lova.
Pu Rorelliana’n Presbyterian a chhuahsan chhhan ni-a miin(kum lama upa tawh, a hunlai hre pha) an ngaihte(qualitative approach a ni a, dik ber ka ti hauh lo):
1) Kohhran khan dan leh dun uar lutukin a hmu.
2) Kohhran khan Thilpek (thawhlawm) an uar lutuk.
3) Kohhran khan Theology an uar mah mah.
Pathianin Krista hmanga engkim a chinfel dan a hriatthiam loh zia chu tarlang lo mai ila. Khing pathum khi tuna Pu HS-a te, Pu Rinzova te leh Pi Houdini te lo chhuahna bul a nih chuah a HO ve ngawt ang a…
July 24th, 2012 at 9:54 pm
Hnam Sakhua te chu hetianga kohchhuah mai mai theih pawh a ni lo. Hnam sakhua original ni lo khan a rawn hmang zui tawh bawk sia, ka en peih tawh lo reng reng..hairehai..
Tin, Hinduism hi atir takah chuan “way of life” mai niin zirmite chuan an sawi. Hun a lokal zel a, rites and rituals vel te hi chu Social class phunngheh nana hnam tha(inti) hovin an phuahchawp mai mai a ni e. TIn, an origin an sawi thui ber, Harrapan civilisation ah pawh khan an pathian Bawng sa hi an ei thin ni khan a lang tlat..
July 24th, 2012 at 10:19 pm
@55
Hinduism pawh hi anihna takah chuan hnam sakhua tho alawm. Indus lui kama vela cheng hnamte kha Hindus tih anni thin a, hun a lo kal zela an chenna ram chu Hindustan tih a lo ni ta a – Persian tawngin “Land of the Hindus” tihna. Greek ho khan Indoi an ti thin a, ‘the people of the Indus’ tihna a ni awm e. Tun hnu hian India tih a lo ni ta a, an sakhua pawh hinduism tih a lo ni ta bawk a ni.
July 24th, 2012 at 10:25 pm
Post sei tak hi ka beng verh zawng tak anih lemloh chuan ka chhiar chhuak khat viau a tunlai chu! ei chu ka hmuh veleh ka chhiar chhuak nghal dap mai. Good post
pathian chanchin ziahna post chikhat a lo ni reng a!
July 25th, 2012 at 12:17 am
July 25th, 2012 at 12:36 am
drake #58 Kike (Jewish) pawh an awm nual tawh alawm hairehai
July 25th, 2012 at 6:15 am
@donald, i va tilawmawm êm! A chepa kai aṭanga i han chhui chhuah dap chuan mimâwl pawh kan chiang kuar kuar mai! Pu Hnam sakhua-a pawh a nihna han pho lan tâkah chuan a zak ve deuh roh pawh a ni mahna a rawn chhâng har êm mai!
Hman aṭang tawh khân anni ho ang hi chu hnial an sâwt lohzia leh hnialna point ṭha tak tak pawhin hnial thla mah ila an hriat thiam phâk tak tak lohzia (an hrethiam duh lo?) ka hmu chiang tawh a, ka hnial peih ta lo.
Nangni ang thil hre zau deuh khan hetiang post hi rawh thawh zeuh zeuh zel teh u khai!
July 25th, 2012 at 7:51 am
Kan OT daih teh ang, a pawi em lovang chu!
Mizo te hian hnamdang aiin kan sawi uar viau a ka hriat ṭhin pakhat chu, “Rinna avanga chhandam,” tih ṭawngkam hi a ni awm e. Hemi thu hi Ephesi 2:8-9 a mi, “Rinna avânga khawngaihnaa chhandam in ni; nangmahni thawh chhuah a ni lo va, Pathian thilpêk a ni;” tiin a inziak a. Thupuan bu erawh chuan rinna ringawt a tawk loh zia bung 20:12 ah khan a sawi thung. “…mitthite chu lehkhabutea ziak an thiltih ang zêla rêlsakin an awm ta a,” a ti hlauh thung!
Han sawifiah deuh thei kan awm em, Pathian thu zir emaw practice mek te khan?!
July 25th, 2012 at 8:58 am
Hv,
Zawhna tha tak a ni
Kristian history-a chhandamna chungchanga sawi zin leh inhnialna ti tam bertu tun thleng hian a la ni awm e. A fiah deuh theih na’n history tlem tarlang ila a tha a nge.
Apostolte an thih zawh hnua Kristianna a lo thanlen zel khan pagan ho tamtak kha kristianah an inpe a. An serh leh sang tamtak an rawn chhawm lut a. Chung lo dodalna tur chuan Kristiante khan Pathian chhandamna chu khawnngaihnaa kan chan a ni a, thiltih avang a nih loh thu an zirtir a. Hun a lo kal zel a, thiltih leh Pathian thuawihna lam hlamchhiahin rinna ringawt khan hmun a chang chho ta a. Nun lepchiah taka nungin Kristiante kha an nung ta a.
Puithiam pakhat Peligia an tih chuan chung chu a hmuhin tha a ti lo em em a, Augustine-a te ho zirtirna vangah a puh ta mai a – khawngaihna in uar lutuk a ni ti zawngin a dem a ni. Tichuan ani chuan thiltih lam a sawi uar ve ta thung a. Augustine-a leh Pelegia inkar chu a chhe ta em em mai a, a tawpah phei chuan Pelegia chu heretic-a puan a ni ta hial a ni. Mahse a thusawi chuan kohhhranah nghawng a nei chho ve hret hret a, khawngngaihna leh rinna ringawt ni lo, thiltih pawh hlamchhiah tur a ni lo tih ngaihdan a lo piang ta a.
Mahse hun a lo kal zel a, kohhran chuan thiltih lam kha a uar leh ta lutuk si a, rinna leh khawngaihna a hlamchhiah ve leh ta thung a. Kohhranah harsatna chi hrang hrang a lo awm leh ta. Martian Luther-a leh midangte an lo chhuaka, chhandamna hi thiltih avang a ni lo, rinna avang chauhin a ni an rawn ti tha ve leh ta a ni. Hei hi protestant-te chuan thupui berah tun thlengin an hmang ta a.
Tichuan rinna leh thiltih chung changa problem chu tikhian nangni ang pa fing chuan sawifiah thiam lo hle mah ila in hmu thiam ngei ang. Bible zirtirna lam lo thlir leh ta ila:
“Rinna avânga khawngaihnaa chhandam in ni; nangmahni thawh chhuah a ni lo va, Pathian thilpêk a ni;” tih awmzia chu mihring hian thil kan tihsual vek tawh avangin engtikawng mahin reverse theih a ni tawh lo. Sual man chu thihna tih hi Pathian thu chhuak a ni tlat a, Pathian chuan engtikawng mahin a thu a sut dawn si lo – misual chu a thih ngei ngei dawn. Thiltha tinreng pawh ti leh eng ang mahse a chhandamna hi a thawkchhuak thei tawh chuang lo reng reng a ni. Chutah chiah chuan Pathian khawngaihna a lo lang ta a; kan thih aiin a Fapa a rawn thi ta a ni. Thihna lak ata chhandam kan ni ta phawt.
Kan ai a rawn thi mai nilovin ama nun ngei mai chu peka kan awm theihna’n thihna ata a lo tho leh a; chu a thawhlehnaah chuan keini pawh kaithawhin kan awm ve bawk a. Hetah hian rinna chu a pawimawh ta a ni. I Bible chang rawn sawi khi tah khian a tawp lova, tihian a inchhunzawm zat a:
“Thil tha ti atan Krista Isuaah chuan siama awmin ama kut chhuak kan ni si a; chu thil tha tih chu kan awmna turin Pathianin a buatsaih lawk a ni” – Eph 2:10
Krista thihna leh thawhlehnaah chuan mihring thar, thilsiam thar kan lo ni ta a, misual kha tihboral niin mifelah Pathia chuan min pawm ta a ni. Chu chu Pathiana kan nihna diktak a lo ni ta a, mahse thil ken tel a nei ta tlat. Thiltha ti atana siamthar kan nih tawh avangin thil tha tih chu kan awmdan tur a lo ni ta a. Chu thiltha/thiltih chu engdang nilovin Isua zirtirna anga nun hi a ni mai. Isua ringtu chuan a thu a awih tur a ni a, a zirtir ang zelin nitin a nung tawh tur a ni. ‘ka mifel chu rinna in a nung ang’ tih ziak ang khan.
Tichuan rinna leh thiltih chu thenhran theih a ni lo reng reng a, chuvang tak chuan Jakoba chuan “rinna chu thiltih nei lovin amah chauhvin a awm chuan thi a ni” a lo ti bawl reng a ni.
July 25th, 2012 at 11:37 am
Helai te hi kan belh ve lawk:
Pu HVa zawhna khi, ringtu te tan chiang angreng tho si, sawifiah har ang reng deuh a ni in ka hria. Pu Donald a hrilhfiahna hi a tha hle, heti zawng hian han sawi-belh ve ta ila.
“Engnge kan sawi tak ang le? Khawngaihna chu a pun lehzual theih nan sualin kan awm reng dawn em ni? Hnai lo ve. Keini sual kawnga thi tawh sualin engtin nge kan la nun theih cheu vang?” Ro.6:1.
Kristian ni ve si, (piangthar tawh inti bawk)nun fimkhur lo, Bible zirtirna nen a in mil lo tak a nung hi Zoramah pawh an awm nual a tih theih awm e.
Lal Isua ringa a, a thawhlehna nun changtu te chu, an mihringhlui (pianthar hma nun)a ma rual a khenbeh,(tih hlum) a hnena (a ma ruala) phum bo tawh te an ni. Chu chu, SIM NA TAK TAK, SUAL THIHSAN tawh tu te an ni.
Tichuan “Rinna avanga chhandam,” hi, chhandamna chang tur chuan Pathian thilthlawn pek awm chhun leh Pa hnen thlen theihna kawng awm chhun, Lal Isua RIN chiah hi a ni. A bak a awm lo. Hindu puithiam ho emaw, mi tha leh fel kan tih te, Buddhist puithiam te leh mi hausa, mirethai khawngaih leh tanpui tu pawh nise, Lal Isua an rinloh chuan,thiamloh chantir tur an ni tho.
Tichuan, miin Lal Isua alo rin tak hnu chuan, Piangthar, Thilsiam thar, Lal Isua neitu, nunthar nei, chatuan nunna neitu, van khua leh tui alo ni ta. Chu a nunthar chu, zurui buai te, rukruk te, tualthah, pawngsual etc. lam te ni tawh lovin, Pathian duhloh zawng thil thalo te chu thihsan hmak/sim hmak in, “Thil tha ti atan Krista Isuaah chuan siama awmin ama kut chhuak kan ni si a; chu thil tha tih chu kan awmna turin Pathianin a buatsaih lawk a ni” – Eph 2:10
Lal Isua kan ring a nih tih chu, kan chezia, nun, leh thiltih duhzawngah te alo lang chhuak tawh ang a.”Tupawhin mi hmangaih chuan, ka thupek te a zawm ang” Lal Isua pawhin a tih kha. “Rinna chu thiltih tello chuan thi a ni” Jakoba’n alo ti bawk a. RING inti si, NUNPUIna tel lo, nunphunga lang lemlo a sawi na a ni ber a. Chhandamna kan lo nih ve theihnan, Lal Isua kan ring a, min hmangaih a, kan tan a nun hial min petu a thu kan awih a, a duhdan a kan nun hi ‘THIL TIH’ chu a ni ber.
Lal Isua zirtirna zawm/zui lo Kristian kan tam ta em a, Hnam sakhua te pawh in, Kristian hi min zuam zo ta a niang.
July 25th, 2012 at 11:58 am
mr.duhlova,
I last para khi ni e, kristiante pawh hi kan inbihchian a tul ta khawp mai. Hetia min han nuai bawrh bawrh takah chuan na takin kan han tang ve lo thei lo a, mahse an sawi hi a dikna chen tam tak a awm tih hi kan pha thei bik tlat lo a ni. Kristiante min hmuhdan a ni miuava, chuti ang taka nung hi kan tam bawk si.
An tihsual ber erawh chu heng fellohna zawng zawng hian kristian zawng zawng a huam lo a, an rawn generalize ta pawp pawp thin hi a ni. Kristian nun dik taka nung hi tlem azawng hi chu englai pawhin an awm ve reng tih hi an hre duh lo ni berin a lang. Diktak chuan heng zawng zawng hi kan Lalpa khan a sawi lawk veka, kawngka zima lut chu tlemte an nih thu min hrilh a ni.
July 25th, 2012 at 2:39 pm
64
donald # Amen.
July 25th, 2012 at 3:22 pm
“51 donald Says:
July 24th, 2012 at 6:56 pm
Mizo tawnga Hindu ho lehkhabu Bhagvad Gita lehlin chungchang kha post-ah hian ka tarlang ta lova, a chhan chu a copy ka nei mai si lova; thudik a nih leh nih loh comment lamah ka zawt mai ang chu ka ti a. Mahse rinaiin an lo lang har ta sia tihian zawhna chu dah mai ila, an lo luh huna anchhan atan:
1) ‘He sakhaw lehkhabu-ah hian thuhmahruai ziak an awm nual a,chungte chu Nunna Lalchhungkua (Nunna Lalhnam) mi leh sate vek an ni’ tih hi a dik em?
2) ‘Rorelliana, Lal puithiam, Mizo Hnam Sakhua pawhin, “Ram leh hnamin a nun kawng dik a zawh a, hnam a lo hmuingilna tur leh mihring hriatna piaha Chung Khuanu – Khuavang ram rel, hnam hnena pholan a duhnate hailanna lehkhabu chhuah a lo nita mai hi hnam vanneihna kawnghawngtu lo ni zel sela,” tiinmalsawmna a ziak’ tih hi thudik ani em?
3) ‘”Gita bu hi uluk takin ka chhiar a, hnam damna tling thu hluin a khat ni berin a lang,” tiin H Chawngpianga, Lal puithiam, Nunna Lalhnam pawhin malsawmna a ziak’ tih hi a dik em?
4)’Gita thuhmahruaia hnam tinte malsawmna ziaktu B Lalthlengliana, Vice Chairman, Nunna Lal hnam (Saron veng, Aizawl) chuan, “Lalpa (khuavang)chu Lal a nih anga a inpuannate chunga a ropuina chu lang zel se,hnam tinte a siam anga mahni nih dan theuhva a kohna hretute malsawmin awm se…” tiin a ziak’tih hi a dik em?”
^
|
” #donald a dik e, malsawmsaknathu ziaktute chu: H. Chawngpianga, Rorelliana, C. Vanlallawma, B. Lalthlengliana, V.LPeka Chhakchhuak te an ni e.
Srîmad Bhagavad Gita chungchanga i zawhna hi a dik a.He lekhabu letlingtu hi Ramthanga Khawlhring a ni a, a mah hi Nunna Lalhna mi leh sa a ni emaw nilo emaw; a mah hi hnam thuthlunga chiang a ni a. He lehkhabu a lehlin avang hian Hindu sakhuana atanga Hnam Sakhua tundin leh tumna lam a kawk lo. He lehkhabua malsawmsakna, duhsakna rawn ziaktute hian; ram leh hnam din khawchhuah theihna tura kawnghawng theitu a nih an beisei avanga ziak an ni chauh zawk e. Hei hian Hindu sakhua inzirtirna lama inhruailuh emaw an sakhua thuthlung lam zu zira an sakhua biaka dan tawmpui lam a kawk lo, a chhunga thu tha leh ril tak tak awm te hi hringnun kaihruai thei a nih avang chauh zawka chhiara a hlutna phawk chhuah hi a letlingtu leh malsawmna thu ziaktute’n an tum zawk a ni. Heti ang bawk hian Isua zirtirna thu tha tak tak te Bible a inziakte pawh hringnun kaihruai theitu a tam mai, a zawm leh ataka nunpui hi kan chanvo a nih avangin heti ang zawngah chuan engmah hlauhawm a awm love.
He lehkhabua malsawmsakna thuziakte avang hian Hindu Sakhuaa inlet(convert) mai tura min ngai tawk pawh an lo awm nual mai a ni awm a! Mizo hnam sakhua hi Hindu Sakhua a ni theilo hrim hrim tih hriat a tha. Chuti ang bawkin Kristianna pawh kan hnam sakhua a ni thei hek lo. Kanhnam nun dan leh kalphung tha lai te chhawm nunga Pathian en chung zela a tha lai te la chhuaka a diklo lai te kalsan a kan hnam sakhua dik tak tundin leh hi kan thupui a ni e.”
July 25th, 2012 at 3:47 pm
Comment a bengvar thlak hlawm e. Hnam Sakhua ka counter tirh (misual.com a ka luh tirh) khan, Hindu ho nen an inzawm ka rin zia ka auchhuahpui nasa thin a, hei an lo inmawngzawm ngei chu ava ang ta tak tak ve.
India hmarchhaka tlangmite zingah hian Hindu ho hian direct-in kua an hreuh theilo tih hi an hrechiang khawp mai. Hnam Feeling zawnga lain Hnam Sakhua ho hmangin hma an la a ni. Mizoramah pawh an lo ti v ngei zawng alo nih dawn hi. 
July 25th, 2012 at 3:58 pm
@Rinzova Khawlhring Lalhnam,
I ti lawmawm e. Ni e, mihring nun inkaihhruaina atan mizo Kristiante hian Bible leh Isua zirtirna hi tha kan ti a, kan nunnah kan seng lut mai a ni. Isua krista zirtirna kan zui avangin kristian ka inti a ni mai a, mizo kan nihna a bo chuang lo. Mizo hnam kan la ni reng a, kan sakhua pawh kristianna mizo version a ne ve mai. Kristianna hi tu hnam ta mah bik a ni lova, hnam zawng zawng, a duh apiang te’n inkaihhruai na’n kan hmang mai a ni. A hmuchhuaktu phei chu Juda mi daih a ni. Sap a ni no.
Chutiang thovin nangni paw’n, gita zirtirna tha inti a, inseng luh ve tho chuan danglamna a awm chuang em ni le? Hindu sakhua kan zawm lo pawh ti ula, an zirtirna inseng luh tho te chuan inzawmna chikhat chu a ni mai lo’m ni? Keinin Krista zirtirna kan la lut a, Kristian kan nih chuan, nangni pawh Hindu zirtirna in lak luh chuan Hindu in nihna chin a awm ve tho alawm.
July 25th, 2012 at 4:04 pm
Pk, i sawi dik chiah. #56-a ka sawi ang khian Hinduism pawh hi Hnam Sakhua tho a ni tlat a lawm. A huam chin hi a zau em a, tute nge hindu tih pawh hi sawi fe tham a tling.
July 25th, 2012 at 4:59 pm
Rorelliana pawl te hi hnial a sawt vak lo ang….Snoop dogg hnenah ganja that loh zia leh zu lo tur a hrilh ang vel aniang
July 26th, 2012 at 12:00 am
# donald, i thlir dan atang chuan ka hriatthiam pui khawp mai che. Hindu zirtirna hi kan sakhuanaah kan senglut tihna a nilo a, senglut a min puh thlu a nih pawhin in hriatthiam awm tho e. Lehkhabu tha nunkawng hruaitu atan atha ani, chutiang bawkin Bible pawh, mahse he Gita bu hi kan ram leh hnam enkawl nan kan senglut lova, a chhunga thu tha tak tak awm te hmanga hringnun kaihruai theitu a nih avang chhiar ve atana athat ringa a letlingtu hian a rawn chhawp chhuak mai zawk a ni. Bible zirtirnaah pawh thu tha tinreng a infuankhawma, nimahsela alo pawmtute hian an zawmlo tih chu in hmu thei ang; kan ram dung leh vang en hian. Zawm atan tha ve ve Bible leh Gita te hi kan sakhuanaa seng lut kherlo pawhin, Khuanu’n kan hnamah thu tha leh nunkawng hruaithei tur thu a thlung a ni tih hi a taka haichhuak thiama, a nihna ang taka kan hmana kan zawm leh kan nunpui mai hi Pathianthu zawk a ni.
Bible/Gita kha Pathian inpuanna a nilo ka tilo, kan ram kan hnam dinchhuahna atan erawh chuan a tha tluantlinglo tih erawh chu Bible kan lo hman reitawh ngaihtuah hian a chiang mai; Gita pawh chuti ang bawkin.
Confuse i la neih ka ring a tahtawl te tein inkawm chho ta zel zawk ila. . .
July 26th, 2012 at 12:16 am
Bible zirtirna chu a tha intih ve tho si a, ‘kan ram kan hnam dinchhuahna atan erawh chuan a tha tluantlinglo’ tih leh bawk si hi ka hrethiam chiah lo. A engtizawnga tha tluantlinglo nge i sawi thei em aw..? Bible pawmtute hian kan zawm that duh loh vang nge ni anga, a zirtirna hrim hrim hi fel lo lai a awmin in hre zawk? chutiang anih chuan a khawi lai tak hi nge sawi thei la a lawmawm khawp ang.
July 26th, 2012 at 12:32 am
Gita emaw mizo hnam sakhua inkaihruaina emaw pawh chu a pawmtuten an zawm chuan si loh chuan awmzia a awm chuang dawn em ni?
July 26th, 2012 at 10:17 am
Adama thlah Mihring suala tlu tawh te tan, kawngdik zawh leh hi a har tawh hle, kan han pianthar pawhin kalna ngai loha kal ang mai in kan khawr thin hle. Mahse zawi zawi a, inzir zelchunga hmalam pan tur kan ni a. Mahse khawvela awm kan la nih si avangin, min chimbuaitu a tam hle.
Biblea thu tha tak tak, Lal Isua zirtirna tha leh thuk, ropui tak tak te pawh, zawm duhlo kan awmlo, mahse, zawma nunpui nghal duak duak chu thil har tak a ni. Ringtu pui tling ni tur chuan hun pawh a duh. Hma kan sawn thui deuh deuh a, Pathian felna leh thukna kan hmu tual tual a, kan fel lohna leh famkimlohna kan hmu nasa tual tual a ni.
Chung zawng zawng chu, Bible chhung thu leh Lal Isua zirtirna a thatlohna a vang a ni hauh lo.
Bible hi Gita (philosophy) te nen phei chuan tehkhin chi emaw ni dawn le? Bible chhunga Lal Isua zirtirnate phei hi chu, he khawvel a kan awmchhung atana, thil pawimawh, midangte nen a kan inrem theih na te, chhungkua, khawtlang leh ram a muan (peaceful)na tur vek a ni. Mihringte hian that kan harsat em mai pawh a. Pathian thu (Bible) hi Dai a, chenchilh apiangin Pathianthu dikna leh takna an hmu a, rinna kawngah an thuk zual zel thin.
Bible hi Gita te anga lehkhabu tha, nunkawng hruaitu atan atha ani ve ngawt lo, Lal Isua hi, CHATUAN NUNNA a ni a, “Pathianin chatuana Nunna min pe a, chu mi NUNNA chu Fapa ah a awm a ni. Fapa nei tu chuan, Nunna chu a nei; Pathian Fapa nei lotu chuan, Nunna a neilo.” (1 Jn 5:11-12). Tin Bible hi,’Pathian thawk khum’ I Tim 3:16) a ni a, ‘a nung a, thil a ti thei bawk..'(He 4:12)
Bible hi hi kan ram leh hnam enkawl nan kan senglut lova, a chhunga thu tha tak tak awm te hmanga hringnun a kaihruai theilo a nih chuan, Gita bu hi kan ram leh hnam enkawl nan a tangkai bik a va rinawmloh ve.
Lal Isua lo lan hma daiha Gautama Buddha zirtirna te kha a tha ve viau a sin….mahse Adama thlah, sualsa a piangte tan zawm a, thatpui a harsat bakah, Pathian hnena min hruai thlengthei a awm lo. Mosia dan sawm (Thusawm)pek te pawh a tha lutuk, mahse, za a za mark hmuh ngai a ni a, Mark za a za, dan sawm zawh famkim thei mi perfect khawvelah an awmlo.
Chuvangin, Pathianin khawngaihna kan chunga lantirin, a fapa, mifel famkim, sualna neilo, (mi perfect) chu i tan leh ka tan (kan ai-awh turin) mi pe ta zawk a ni. Chu a fapa min pek ringtu/pawmtu chu, thiam min chantir ta mai zawk a ni.
Lal isua fel famkimna chu, Heroda , pilata leh Puithiam lalber te ka atangin kan hmu..”a sualna ka hmu lo” an ti theuh.
Pathian in mihring hi chi hnihin a then phawk a,(kan ti thei awm e) ringtu leh ringlo tu…a ringtu chu, thiam chantir, ringlo tu chu thiamloh chantir a ni mai. Hetiang khawngaihna thuk leh Pathian inpuanchhuahna hi Gita/Koran etc tih velah in hmu em ni le?
Christianity ai a hmasa fe, Hinduism hi rin tlak leh famkim nise, Lal Isua, Pathian fapa khan a van ropuina te kalsanin, he khawvelah min chhandam turin a rawn kal a ngai lovang.
July 26th, 2012 at 11:25 am
Pu Donald & Pu Duhlova :
July 26th, 2012 at 12:29 pm
Hindu hovin Bawng an pathian biak chhan pawh, hmanlai lal ho khan bawng kha a sang tel tel khan inthawinan an hmang mai thin a. Chumi vel atang chuan puithiam hovin bawng chhanhim nana bawng pathiana be ta mai mai hi an nia, an bawng sa ei loh chhan pawh chuti bawk.
July 26th, 2012 at 8:45 pm
Hlauhawm tham an awm lo, Rorelliana & Co. hi an zuih ral tep… Intih maksak an duh a, an tangkhang laklawh a nih hi! An lo kir tep tawh ang…
July 29th, 2012 at 1:40 pm
Pu Hnam Sakhuain rawn chhang che u rawh se
August 3rd, 2012 at 4:00 pm
[…] (Hnam Sakhua bihchianna tih post chhan letna hi Naupang inhmuh khawmna kan buatsaih avangin kan rawn chhanglet thei lawk lo a, inmi ngaihdamna kan dil in, kan hman ve leh kan rawn chhanglet nghal e) […]