By- B. Lalthlengliana
(chhunzawmna)
Hei hi thil namai a ni lo, kan hnam thilte miin hnawmhne maia an ngaih tawh hnu leh kan hnampuite inkhawmpui; Western suit nen, a nalh thei ang bera farhion show ang maia an nalhna karah, puan vengin, pheikhawk pawh bun loin Champhai khawpui chu kan tuam ta a. Mahni pawh tim uai uai chungin kan hmaa tihtur awm chu kan han tâwn tlang ta a nih kha. Mite chuan, “Chhei raw! mual zu an hûng leh ngei dawn e,” an lo ti râwl vei nen.
Mahse mual zu hun hlau em em tute hian eng zu zu emaw an hûng thung si a nih hi. Kan thalai, ‘Ram Kalsiam’ rualte chu hmuntinah hmam lâm nen an fehchhuak a, kan Mizo puite ngei chuan mak thlirin min thlir a, kan hnam lâm chu,’Lalchhungkaw lâm,’ an ti! A va ham bo theih ngai em!
Chu mai a la ni lo, kan fate’n nitin sikulah harsatna namên lo an tawh tâk avangin, chu harsatna chuan Lalhnam Sikul a dintir ta nawlh mai bawk a ni. Chhiatni thatni a ensan tura invauna tinrèng leh nupui pasal thu a harsatna te, kawrchung dum hual vêl kara inrikrâpna, chanchinbu leh pulpit tlangah te, khawlai titiah te, Ar chu tui lo ang maiin min chhuah a, mak thlirin ram mipui hian min thlir thin a nih kha.
Chuti anga kawng kual leh bumboh chu kan zawh hnuin tunah chuan kan hnam ziain kan ramah thiam a chang tan ta. Kum 25 chhung zet kan hnam zia thiam chantir tura lehkha kan tlanpui hnuin tunah chuan World Record meuh siamin kan hnam zia chu khawvelah a inpho chhuak ta.
Hei hi Lal thu a ni ber lo kan ti a nih pawhin Lal thu hmute inlan chhuahna chu a ni ngei mai. Juda leh thlang sapin min bawih dan pawh hi, ‘Pathian thu’ ti a an sawi lai rengin kan hriat loh hlanin an hnam ziaah kan lo lut daih mai a nih hi. Tunah chu bawih ata chu kan chhuak ta.
Chapona, lal hrawtna leh mi hnuaichhiahna tello thangchhuahna chu kum 25 lai a lo tling ta mai hi a kawng chu kualin bumboh hle mah se, engmahin a dal thei lo, Chung Khuanu hi a va ropui em!!
Similar Posts:
- Kawng bumboh
- Kawng chu min hrilh rawh..
- Kan theihna mual mualah…
- Chunnu
- ‘Nang ang ‘ tih hla Rebecca-in a phuahtu phuah angin sa lo
:-D
August 8th, 2012 at 10:04 am
Report this comment
August 8th, 2012 at 10:13 am
a kawng chu kual mai ni lo in, bo na lam tluang zawk anih hi le
Report this comment
August 8th, 2012 at 10:18 am
Nilo e
Report this comment
August 8th, 2012 at 11:20 am
Report this comment
August 8th, 2012 at 11:23 am
Pu Rinzo i post hi comment a in off ziah mai a, i edit laiin Allow Comments tih box kha i uncheck thin a nih chuan khami box kha chu khawih lo la a dik ber ang.
Report this comment
August 8th, 2012 at 11:23 am
Patling pui puiin an awih thei hi mak ka ti tin
Report this comment
August 8th, 2012 at 11:24 am
posttu, i awm em aw? Enge in tum ram hi ka van hre chak?
Report this comment
August 8th, 2012 at 11:31 am
a rawn chhunzawm leh tak tak ka ti
Report this comment
August 8th, 2012 at 11:34 am
E khai, heti taka kan hnam thilhluite la buaipui tang tang peih chu in fakawm hle mai. Keini lam pawh hian kan ngaipawimawhin kan ngaihlu khawp a sin. Amaherawhchu, hnam thìl ringawt buaipui hìan kan Thlarau chhandamna leh vanram min thlen dawn si lo lai tak hì erawh chu lo ngaìhtuah tel ve thìn ang che u. Lal Isuan, “Kei hi kawng leh thutak leh nunna ka ni. Keimaha kallo chu tumah Pa(Pathian) hnen an thleng ngai lo” a ti si a. Keini ho leh Sapho tan chauha he khawvela lokal leh a taksa kan sual thawi nana hlan ani lo va, kan zavaiin, mi zawng zawng tan ani e. A vanram thlenglo zawng hian in lo in awi liam palh hlauh ang e.
Report this comment
August 8th, 2012 at 11:39 am
Isuaah in pen san daih a!
Report this comment
August 8th, 2012 at 11:43 am
A kawngdik zawka kal chu ‘pensan’ a tia, kawngdik loah kal bu tlut tlut bawk sia, hahthlak!
Report this comment
August 8th, 2012 at 11:44 am
lol.. ti nge Pu Rin, i thinrim em ni.. i va tawng tha duh ta lo ve ??
Report this comment
August 8th, 2012 at 11:49 am
Rim lo ve le. . .
Report this comment
August 8th, 2012 at 11:53 am
Kan Lal Isua hian kan tihtheih reng reng loh, Pathian thianghlim leh a thu phelh ve tawh ngailova kan zawm leh theihna tur kawng a rawn buatsaih ani mai a, “sap/Juda ho culture-in Pathian lo be thin ang che u” a ti reng reng lo a, “Khawi hmun atang pawhin, Thlarau leh tih takzetin Pa chibai lo buk thin ang che u” a ti mai a, amaherawhchu, Pathian thianghlim anih avangin, thinlung thianghlim lo chunga thaber niawm taka awm a, in show off lam chu a tithei thak lo. A lang lam aiin, a langlo thinlung lam entu a ni. Zu ruih avang chuan lam turin tuman min nawrchhuak lovang, Pathian faka chawimawi tur erawh chuan, a thlarau thawh dan a zirin, eng style pawhin ka lam ang. Kha daih kha a sin.
Report this comment
August 8th, 2012 at 11:56 am
ka zawhna tlawmte khi min lo chhan sak ve se aw…in tum ram hi ka hre chak a nia?
Report this comment
August 8th, 2012 at 12:03 pm
#15 zoho, in tum ram ang mai chu a nih ka va ring lo ve… Nangni chu vanram ringawt a ni lo’m ni in tum?
Ram leh hnam hmangaiha thil ṭha tih tak tak lam aiin vanram ringawt in tum tih hi a chiang ve thawkhat. In vaiin kái vek rawh u mi mäwlho!
Report this comment
August 8th, 2012 at 12:08 pm
pawi ber mai chu Pathian thu thianghlim-ah rinna nghat lovin mihring ngaihtuahna in dah lal a, christian mysticism-ah in lut a, chuta tangin tun dinhmun hi in thleng ta a ni.
Bible zirtirna aia hre rila inngaiin pathian thlarau in chang emaw in ti a, hruai boin in awm ta a ni ber mai. Bible sawi awih mai lova a sawi piah lam hrethiama in ngai mai pawh ni lo, Bible sawidan hi a dik chiah lo a ni ang tia ngaihdan nei reng reng an kal sual ngei ngei. Bible-a inziak hauh lo, thlarauin min hriattir tia sawi par par ngam hi tun hma atangin an lo chhuak tawh. A tawpah zirtirtu der an nih zia alang leh tho thin.
Bible-a inziak KALHA thu sawi reng reng leh an thusawi Bible hmanga finfiahna pe thei si lo te hi Pathian thlarau chang an ni ngai lo tih hi hriat tur. Thlarau eng emaw chu an chang — Pathian thlarau a ni hauh lo. Kristiante fimkhur a hun e.
Report this comment
August 8th, 2012 at 12:08 pm
vanram bak bakkkkkkkkkkkkkkkkkkkkkk
Report this comment
August 8th, 2012 at 12:09 pm
E khai a aw…….midang taliban a puh tu pa thin chu a……in tumram chu eng maw ni chiah a, thlarau khawvel lam ka zawt lo, mizo hnam tan a in vision a nia ka hriatchak?
Report this comment
August 8th, 2012 at 1:07 pm
15# zoho@
Kan hnam Sakhua tak tundin leh ani ka tum chu, a hna hi a hautakin a khirh hle mai. Kristian-nain kan hnam zamanhmawng ianga a sem tawh chu keini Lalhnam-zamanhmawng chuan kan zem let ve mek a nih hi. Hun a la duhrei dawn hle mai!
Hnamsakhuabog velah khan lo lenglut ve thin la, tin fb lamah pawh Mizote Sakhua group te pawh a awm kha; i hriat belh duh chuan…
Report this comment
August 8th, 2012 at 2:30 pm
He post bika ka beng tizatu ber chu in sakhaw tundin leh lam ai mahin khawthlang culture in duhlohna ka hmu a, chutah nangmahni pualin sikul in din ve ta hial a, eng chu nge i zirtir tak ang a, eng textbook chu nge in hman tak ang a, eng subject te nge i chhawm nun ang, kan hman pangngai ang hi hmang ta si ula, khawngthlang culture chu in fate thluak leh thisenah in thu mawlh mawlh chu a ni tho bawk si a, a diklohna lai chu in hmuthiam mai em? western suit nalh tak kar a puanven chu in fate i zirtir dawn chuan an sikul ah chuan enge an uniform ah in hman, chu chuan naupang chu a hriatloh hlan in westernization ah a hruailut dawn tih chu a chiang reng si a, sikul ah mawza leh pheikhawk ang bun em? Eng thuthleng leh dawnkan ah nge in thut tir?
Sap nun thatloh zia hi sap tihdan copy char char chung in in kalpui reng a ni lo maw?
Report this comment
August 8th, 2012 at 2:33 pm
mimawl ho …tih te leh tawngkam dengkhawng deuh deuh hi haudini lolan hma kha chuan kan ching vak lo a sin maw le..
Report this comment
August 8th, 2012 at 2:39 pm
Chakai nufa kal inzirtir te kha in ang mai palh lovang maw? Uangthuang in ka comment lo a, in enchiang deuh ula, “i hnehtheihloh chuan zawm ve mai rawh” tih hi tlawmna aiin finna a ni zawk ang em? Culture hrang hrang han examine hian, in tum hi lo hlawhtlinpui an awm tawh em, an awm mek em? Inhlawhtlinna chance a sang em? Hlawtling ta ula, enge a aia tha beisei tur awm? Thlarau lam sawitel a ngailo ang, khawvel thil vek atangin i thlirho ang u hmiang?
Report this comment
August 8th, 2012 at 2:48 pm
In thiltum hi boruak kan boruak hip hi a hrisel tawh lo, tui hi a hrisel zawk, tih ang deuh a sangha ang mai a tui hip tur ang awm deuh a, tui a taksa pum inchiah tur a thu tung ut,lu chiah tilang a tawng zut zut, chu tah pil leh burh, thawkchham dawn veleh a lu rawn tilawr leh si, boruak hiplo emaw inti ta tlat, a ni mai thei ang em? NOI
Report this comment
August 8th, 2012 at 2:51 pm
Hahahahaha
Report this comment
August 8th, 2012 at 3:10 pm
reasonable argument lo beisei lai lai a….
Report this comment
August 8th, 2012 at 3:12 pm
Lalhnam sikul te pawh a tirah chuan zirtirtu ten thahnem an ngai viau a, zirna leh kawng hrang hrangah fak pawh an hlawh ve viau..
tunah chuan sorkar in a la tawh a… an thawh that loh pawhin hlawh an nei tawh …
eng an ang tawh lo…
an ti tha peih tawh lo..
an entawn leh an in hruailuh tumna hman lai mizo te kha chu an hnaah khan an rinawm a sin.
Report this comment
August 8th, 2012 at 3:17 pm
27# i rin dan mai mai a nih chu.
Report this comment
August 8th, 2012 at 3:38 pm
^ a nihloh zia sawi fak theih anih chuan chu chu a tha ber ang mawle…….ka zawhna khi han chhang thei em aw? In sikul din chu mizona in teh a dawl meuh em? Champhai ah suit nalh vs puan ven in endorse takzet anih chuan in sikul din ah mawza vs enge ni ang? Western education vs eng education nge ni ang? Ka va han bo teh reng em.
Report this comment
August 8th, 2012 at 3:55 pm
27# Lalhnam sikul Board Exam record ka’n share teh ang che.
1991> cls- IV 100%, Cls VII 65.4%.
1992> cls IV 100%, Cls VII 62.4%.
1993> cls IV 100%, Cls VII 95.7%.
1994> cls IV 100%, Cls VII 50%.
1995> cls IV 100%, Cls VII 86.8%
1996> cls IV 100% Cls VII 100%.
1997> cls IV 100% Cls VII 72.8%.
1998> cls IV 88% Cls VII 73.5%.
1999> cls IV 100% Cls VII 90%.
2000-’01> cls IV 100% Cls VII 91.7%.
2001-’02> cls IV 100% Cls VII 88.3%
2003-’04> cls IV 100% Cls VII 100%
2004-,05> cls IV 100% Cls VII 100%
2005> cls IV 100%, Cls VII 100%.
2006> cls IV 100% Cls VII 100.
2007> cls IV 100% Cls VII 87.4%
2008> cls IV 100% Cls VII 87.4%
2009> cls IV 80%, Cls VII 53.4%.
2010> cls IV 100%, Cls VII 100%.
Kum 1999 May ni 1 atangin Middle section chin hi Sawrkarin a la ve chauh a, result-ah en nge tlakhniam sawt bikna awm le!?
Report this comment
August 8th, 2012 at 4:02 pm
In inhnialna hi tan lam neilo(anga lang)in lo thlir teh ang. Tunah chuan post hnialkalhtu lam hi an chan a la tha deuh zawk in ka hria.
Report this comment
August 8th, 2012 at 4:06 pm
result chu a tlahniam lo tawp a nih khi le KZP
Chuan a tlahniam ta lo a, SANG in tehna chu enge ni le? Hlawtling in tehna chu enge ni aw? 1991 a pass chhuak te khian tunah enge an tih? SAP KALCHAR in do bawk si a,tunah hian an ZO tawh tak meuh em aw? Tunah eng hna nge an thawh? huizzz zawhna a van tam chho dawn tehlul em… rapid fire in kan ti dawn nia aw… zan ah ka rawn lut leh ang e, lo in ring rawh.
Report this comment
August 8th, 2012 at 4:07 pm
He Sikul kan din avang hian kan duhthusamin thil a kal dawn kan ti lo. Nimahsela post-a kan hmuh ang khian, Lalhnam naupang tamtakin harsatna an tawk a, kan vengah ngei ngei te pawh Bible chhiar luih tirin an awm hian a ni. He Sikula zirchhuak miropui tak emaw chu hmuh tur an la awmlo pawh a ni thei, miropui tehna hi a inang lo em a ni. Amaherawhchu ‘midang tana nun pek huamna te’ inzirtir a ni a, chu mai bakah hnathawk thiam tura lehkha zir hi a ni tel bawk; hei hian kuthnathawh thlengin a huam a ni. Kan hnam nun ze mawi tak leh hnam lam leh zai kan neih te hi Sikul dang aiin inzirtirna kan kal pui nasa a, LALHNAM sikul chhuak Hnamlam thiamloa chhuak an awm tlem khawp ang.
Report this comment
August 8th, 2012 at 4:13 pm
ZO NUN ZIA A TAWK E LAL AWIH NAN. Out phawt tengs.
Report this comment
August 8th, 2012 at 4:14 pm
Report this comment
August 8th, 2012 at 4:22 pm
mahni hnam tan hi a tha ngei mai…
mahse tunlaiah mahni ni tih a har tawh tlat a,!!
mizo hnam tana in vision chiang taka hriat a chak awm ….a hlen chhuah theih dawn em tih te lo sawiho ila….
ziaktupa hi awm se aw… World record i tih hi cheraw kan kha em ni?
keini lo pawh hian cheraw kan ang kha an lonei ve tho bawk si…
khawvel hi global village a ni zo ta…tun hma ai khan kan inpawlh sawp nasa ta ngei mai e…
mizo hnam hmangaih lo tu an awm nang le…
Report this comment
August 8th, 2012 at 4:25 pm
Puii #36 i ziak tlar hmasa khi ka thlawp fu. “keini lo pawh hian cheraw kan ang kha an lonei ve tho bawk si…” i tih hi a dik, mahse chung ho zawng zawngah chuan world record Mizoram in a siam . Cheraw erawh Mizo te chauhin an nei a, hnamdangte chuan Cheraw ni lovin Mau hmang thovin lam dang (hming dang) an nei. hairehai
Report this comment
August 8th, 2012 at 4:28 pm
Pu Zoho: I analogy khi a fuh hle mai a. Ka lo lut dawn a inchhuak leh diak sia.
Pu Rinzo: In sikul chu ka belchiang chak hle mai a. Engtin tak kalpui ang che u maw…
Tin PSLC, MSLC leh MESLC chiah in exam dawn tih a hriat reng mai a. Kum zabi tharah hian heng examna zawng zawngah answer paper checktu chu an zirtirtu bawk a ni. Chu an answer paper check chu MBSE lamah scrutinize turin an thawn leh a. Tlem lai deuh atang phei kha chuan zirtirtu ngeiin result an siam thin. Rinawm taka naute chhanna endik thin in nih leh nih lohah a la innghat tihna a nih chu. Pawl X result lam nei thei ni ula in that leh that loh a hriat chauh dawn tihna a ni.
A lan dan chuan MBSE lamin zirtura an tih zirlaibu bak inring awm si lova. Culture dang chauh pawh ni lovin in duh lo tak tak – aw rawl tawp tawpin naupang in zirtir ngei awm si a. Lo insawifiah teh, Vala…
Report this comment
August 8th, 2012 at 4:34 pm
Bible hi in lo ring ve miah nange a…?!!
Report this comment
August 8th, 2012 at 5:41 pm
“Kum 25 chhung zet kan hnam zia thiam chantir tura lehkha kan tlanpui hnuin tunah chuan World Record meuh siamin kan hnam zia chu khawvelah a inpho chhuak ta” in tih khi,World record siamna kha in hmalakna maw lo ni a…??? Ha..ha.. tha thin mange !
World record breakna te kha chu “Bamboo Dance” daih asin,
“Bamboo Dance” chu maw in hnam zia? khanglai te khan Mizo rilru pu tak tak chuan “che-raw” tia thlak an duh a sin. Cheraw kan zawng zawng te kha lal kawchhung vek maw?
Khawvel hnamtin te hian, mahni hnam zia len nunphung (Culture) an nei vek, sakhaw vawn pawh an nei deuh fur. MiZo te pawh hian, kristian ni mah ila, Mizo tho kan ni, kristian kan nih avangin, kan Mizo-na a bo loh zia chu in hai loh khawp hi maw! Mizote hnama kan la chiang tawk hle tih inhriat avangin,in hnam sakhua hmalak nan, “Mizo hnan zia chawi nun” hmatheh in, mi mawl zawk te rawn hui in tum a nih tih a lang reng a lawm.
Hnam sakhua vuan lo mahila. Mizo kan ni tho, kan ni zel bawk ang. kristian ni mah ila, kan Mizo-na a bo dawn chuang hek lo. Bengali ho hi Hindu an nih avangin, Bengali an nih loh phah chuang lo.
Kristian ni mahila, Pathianthu ang diak diak a nung thei chu mi tlem te an ni, hmasawn zel a, engtik ni ah emaw Pathian hmel eng hmu tura in buatsaih zel tur kan ni. School i luh avangin, B.A i pass nghal ngawt lo, B.A thleng tur chuan, kalkawng a kual thui ve tho. Paula, Isua eng in a chhunthluk meuh pawhin, ‘Krista mi man chhan chu, kan man thei dah law maw tiin a um in ka um a ni…” a ti.
Kristian in ngeihlohna leh rin hran thu in rawn sawi maw? Pathian thu thuk zia, san zia, sei zia, rilzia leh hausak zia a lanna mai a ni. Paula, sakhaw zirtirtu, Gamaliela ke bula sei lian meuh pawhin, ..a kim lo vin kan hria.. a ti.
Mitdel Sai dek khan an dek vek, an dekna lai a in an loh
na avangin, a malpui dekin ‘Sai chu ban lianpui ang ani’ ati a, a pum dek in, ‘sai chu, bang chhah deuh ang a ni’ a ti a, a beng dek in, ‘sai chu thlangra ang deuh ani’ a ti a, Sai vek a ni an sawi ni. Pawl hrang hrangte hi awm in,thu uar bik te pawh nei theuh ila, tumah, Pathian thu anilo kan in tihsak lo. Kristian, bible chhung thu ring vek tu kan ni. Kan hriatlaite leh hriat chen te a in anglo mai a ni, Tumah kan inhmu sakhi lo ve. In rilru kawiin in ngai kawi mai mai a ni.
” Bible ah, Kan Lalpa Isuan,’in tehna ngai bawkin an teh ve ang che u’ a lo tih ang in, han teh let ve ta che u ila…Nangni zawk hi, vawi engzatnge in kehdarh tawh? Engnge in kehdarh thin na chhan? Sesawng dai a in thar chhuah, “..hotu pa berin Foreign kalna a hmang daih zel a” tih te.
Chaltlang ah mi ram ah office tur building tha tak in sa a, in buai leh ta si a,..pakhat “ka ram a ni”, nangni’n, “kan building a ni”, inti a, anei tu pa in, ..”a nih chuan in building hi darkar 24 in la chhuak rawh u” a tih tum a inbuai zia te kha. Krista Kohhran (Presbyterian ah te etc. lo let leh ta hi engzat nge awm le?)(Kohhran in rawn deu-sawh tak ah chuan, ka hriat chhun tlem ka han sawi ve mai a ni e)
Kristiante pawh hian nangmahni ang tho vin, buaina nek nek nei thei vek kan ni,.. mihring kan ni a, khawvelah kan la awm miau a. Mahse nang ni buaina ang em a, tisa na leh duhamna leh mahni hmasialna avanga buaina lian hi a awm ve em maw ni le? A bik takin kohhran lian kan neih ho ah hian.
Kohhran chaklohna leh inlungrual lohna rawn sawi tur chuan,inenfiah hmasa ula a tha in ka ring.
A tawp nan, tunlai phei chuan, khawthlang ram inkhawmna leh khawmpui lianah suit nen a in awrh zuar an awm mang tawh lo a sin. Mission hotu, thiamna sang tak nei, Ph.D, te thleng pawh in, simple tak a in chei hi, zahawm an ti tawh zawk.
Mahse, kan inkhawm leh khawmpui ni khua a, kan inchei
na te hi, puan ven ai chuan a mawi a, a mawi a piang zawng zawk tur kan ni bawk si.., miin an mawipui phawt a, an peih phawt chuan, ha sela, kan mawina pakhat a ni ve mai a lawm. In cheina te hi, kristian te, khawthlang nunzia te nen a hmer khawm hram tum hi, mahni la mawl zia leh hawizau lohzia tarlan na mai a ni.
(…deuh teh duah a..
Report this comment
August 8th, 2012 at 5:49 pm
Pu duhlova a insum zo ta lo
kha kha ni mai sin.. in ti in ti vei a
Report this comment
August 8th, 2012 at 5:51 pm
exam result ringawt hi em ni sikul tha teh na famkimah in hman..
A pawn atanga thlirtu che u hian in tlak hniam zia chu an hrilh thei ang che u.
Sikul tan hmain rorelliana bible? An chhiar a, an hla phuah chawp an sa bawk thin tih loh chu an hnamsakhuana a lang lo. An do ber te thu leh hla ang vek.
Report this comment