Mipui vak nuai nuai karah chuan ka nu chu ka en reng a. A vaimim hem hminna meihawl thuk atanga thil sa tak lo chhuak chu hre awm pawhin a awm lo. A chal vela a thlan fim lo luang tiam tiam chu ka nunna min pe tu a ni a, chumi kara a thinlung rum, a mittui lo farin min hrilh chu ka hmuh hmaih hek lo.
Ni lah chuan ka nu chu hmusit takin a chhun bik hian ka hria a, mahse ruah a sur lahin ka nu pawisa hmuh ve theihna lah chu a tawp a ni mai dawn si. Duhthlan tur a awm lo!
Ka nu chuan ka nau kum thum mi lek chu a pua a, rem lo takin a meihawl thuk bulah chuan a thu a. Khat deuh pharha mi in a vaimim rawh an rawn en te chuan tawngkam thiam lo tak hian a man tur te a lo hrilh a, a dang a sawi belh ngai lem lo.
Sikul kan kal loh ni chuan ka nu pui turin a vaimin rawhna thuk sirah chuan ka thu nileng ve mai zel a. Vaimin rawh tur awm hun lai a nih loh chuan ka nu hian chwhmeh eng eng emaw a zuar chhawng ve thin a. Chu chu ka theih tawpin ka pui thin.
Mi hausa in lian tak takah kan lut a. Kan hmel min en mai pawhin pawisa kan nei lo tih an hriat ve reng laiin kan thil zawrhte chu lei duh reng si in to an tih thu min han sermon khum thin a. Aw, an van rethei thin tak em!
Vaiminte kha tlawm zawka lei an han dil hram hram a, ka nu hian min hmangaih lo a ni lo, chaw kan ei ve theih nan a pi-ha-beu takngial pawh a lo thlawna a luan raltir phal loh laiin sum a hmuh ve nan a tlawm lo thei si lo. An pawisa tlang pui pui, an vaimim leina bang te kha eng atan nge an hman bik ang le?
Ka nu thinlung ngui tak, kan hmuha lantir a hlauh em em chu ka hmu thin.
Nilenga ni sen sa hnuaia thlan tui leh mittui nena a thawh ve hnuaah kan In luah, mi in kawma bang awng siu seu chhungah chuan ka pa chu Vawkpui ang maiin a lo mu hnar leh bawrh bawhr tawh emaw a ni ang a. Chutiang anih loh chuan nilenga ka nu pawisa thawh chhuah chhe te chu zu in nan a lo nghak leh ang a, ka nu chuan a pe lo ngam leh dawn si lo. Tichuan ka pa chuan tihluihna leh vaukhanna nena a lak ka nu pawisa chuan veng mawng lamah zân min riah bo san leh ang a, ka nu hovin zanah khawhar takin Bible kan chhiar leh ang a, chu chu kan thla muanna neih chhun a ni si.
Ka nu chuan kan mutthilh a nghak ang a. Tichuan a tawngtai ang. Beidawng lovin ka nu chu tap zawih zawihin, a fate harh hlau takin a Pa a au leh ang a. Ni e, a Pa hi a ngawi rei chu ka ti thin. Mahse ka nu chuan a beidawn san dawn chuang lo.
Ka nu tap chu ka ngaithla thin a. A fate leh a pasal zu ngawlvei tana a tawngtaina te chu, mahse Lalpa khian a ngaithla ve lo em ni ka ti thin!
(080820120927)
A lawmawm thin e…
August 10th, 2012 at 11:41 am
Chhiar ang auh!
Report this comment
August 10th, 2012 at 11:55 am
Ka hnuk a tiulh dawn tlat. Pathian chuan a ngaithla mawlh ang
Report this comment
August 10th, 2012 at 12:18 pm
A ngaihnawmin a va lungchhiatthlâk tak êm…
Ni Kum 2012, thiṭin thla ni 8, zing dar 9:27-a i ziah zawh a nih hmel 080820120927 tih inziak khi
Rawn ti zël teh; i thu a ngaihnawm riau
Report this comment
August 10th, 2012 at 12:25 pm
Kan naupan laia ka nu puia mi in-a tel kan zawrh kual thin kha ka hrechhuak. Mahse keini lakah chuan mi an fel thin asin aw… tum khat ka riltam in cheng 1 ka lo hmang, ina ka haw ka inthlahrun zia te kha… huizzz….(miin tel-zuar-i an tih thin te kha keini naupang chuan engvakah kan lo ngai lova, ama rilru put dan tur kha…..)
Keipawh helh ve deuh thin chu ka nei, chawhmeh leh thildang man tlawm te te cheng hnih khat lek tlawm kan la dil tang tang hi chu a sual thlak ka ti ve deuh thin. Khawilai company dawr leh dawr dangah emaw thawmhnaw leh thil dang man to pui pui lei awlh awlh thei tho thin bawk si, dinhmun hniam zawk te an thil zawrh tlawm lo dil talh emaw hi a tul tampui lo thin khawp mai.
Report this comment
August 10th, 2012 at 12:26 pm
Ka thinlung a dek zar mai, kan naupan lai min ti hrechhuak, keini pawh kan rethei thin khawp mai…ka nuin mut hmuna Bible thawnthu min chhiarsak thinte kha tun thleng ka nun chawmtu an ni. Zama nangmah chauh i ni bik lo aw
Report this comment
August 10th, 2012 at 12:32 pm
Harsatna leh hmingchhiatna zawng zawngte hi midang chana dah vek a awl thin khawp mai. Hun leh nite an liam zel a, thil hi an la danglam ve zel dawn a lawm. Chutiang zelin in harsatnate pawh chu Pathianin a hriatsak reng ang che u…
Something that I really like about Christ was that He is patience enough in waiting for us long before we are His BRIDE… Love is indeed patient and kind!
I nghak thlawn tawp lovang.
Report this comment
August 10th, 2012 at 12:50 pm
Phuahchawp ka tih dawn chuan sawi sual ka hlau deuh sia..last para khian a ti tak viau sia.
Anyway, nice job
Report this comment
August 10th, 2012 at 1:36 pm
@Zama Khiangte hi la hmu lo che mah ila ka unaupa duh tak i ni. Ka chhuang khawp mai che. Ziak zel teh
Report this comment
August 10th, 2012 at 1:50 pm
#3 ɪ̣uɪ̣pnoɥ, Ni Kum 2012 i tih khi Kum 2012 tih mai tùr a nih hmèl; mahsé ka hrethiam tho mai
Report this comment
August 10th, 2012 at 1:55 pm
Ka tetlaia pawisa pai tur ka nei ve si lova, ka thiante’n vur lei tura min tirh apiangin vur cheng 1 man lei kep turin min ti ve thin a. Vur lei ta lo chuan pawisa chu ka khawl a, a thla tel teh meuh ka khawl hnua a tlingkhawma ka thiante Calculator ka lei zana ka hlimzia te pawh ka hrechhuak rum rum mai. Heng harsatna kan tawhte hi kan nun tichaktu a ni zel si. Harsatna tawk lova mihlawhtling leh entawntlak taka chhuak hi an tlem hle si a.
Report this comment
August 10th, 2012 at 2:31 pm
Unaupa Awmtea, ka lawm e!!
Hei hi nu pakhat vaimim ka leisak laia ka thinlunga lo awm a nia, ka ziak ve tawp nih hi!!!
Report this comment
August 10th, 2012 at 4:31 pm
a tha hlemai…rethei leh chanhai zawkte(han ti ve khanglang ila!) dinhmun min hriatchiantir…a nei fate pawhin khawngaihna an neih theih zel nan pawh a tangkai khawp ang..
Report this comment
August 10th, 2012 at 7:23 pm
Hetiang lampang hi chhiar hrehawm deuh ṭhin mahse a ngaihnawm duhin rilru a hneh duh khawp mai. Beidawng lova ṭawngṭai ṭhinte chhangtu Pathian a awm alawm, lungngai reng reng suh.
Report this comment
August 10th, 2012 at 7:39 pm
I ziak thiam hle mai, i thil tawn ngei ziak ang mai ani. A dik ka ti, hlawkna tlemte um a thil zuar te kan mi hausa ho hian tlawm an han dil thin a nia ti rawh u, an ngaihtuah chianglo ani. I thu ziak ang dinhmuna ding hi an awm tak tak ania.
Report this comment
August 10th, 2012 at 7:46 pm
I ziak thiam, mahse a ngaihnawm lem lo hle mai, thinlung a ti changelhmun. Lalpa hian ṭawngtaina a ngaithla tehmeuh mai, mahse keini mihringte duh ang kherin a chhang ṭhin lo mai zawk niin ka hria!
Luangliam huam (category) chhungah i dah a, thil tak tak a nih ka ‘n ring ngawt a!
Report this comment
August 10th, 2012 at 8:21 pm
A tha hle mai. Mihring theuh theuh hi khawsak dan a in ang lo thei teh ania, midang te tan a malsawmna nih theuh tum ang u.
Report this comment
August 11th, 2012 at 12:25 am
Kei chuan nu leh pa tha tak, Pathian tihmi ka nei a, ka vannei ka inti khawp mai. Amaherawhchu, kan chhungte leh thian hnai tak tak, i sawi ang chiah chhungkua khi ka hmuh hnem lutuk vang hian a lawm, Zu hi ka huat em em a, MLTP act pawh hi ka support leh tlat thin. Zu in chhungkua a tihretheih theih dan leh nu leh naupangte a tih khawngaihthlak theih zia hi ka hmu chiang lutuk a. Post tha e.
Report this comment
August 11th, 2012 at 1:29 am
Hei chuan rilru a va khawih ve..Dawr pawh nei zo lo a em phura chawhmeh zuar kual te tlawm lo dil hi ka va duhlo tak em..
Mahse fahrah te, riangvaite Lalpa leh Pathian chu tawngtaina chhangtu a ni si a Amen.
Report this comment