Pi Pute Lunglai Luahtu- Rihdil

August 11th, 2012 2:35 pm by Lalrinzova Khawlhring

DAPTATRÄW, tiin bul han tan phawt mai ang aw! han ti ila chu(h) in lo phur hlawm dawn em mai, sawi chhunzawm lehlo mai ang. A hming ringawt pawh lo ning tawh in awm nain, vawi khat chu han thai lang leh hram ila; ‘Lalhna Sipai leh Chhanchhuahnakhawpui’!!

Kan thupui nen bul tanna a inrem lo em mai, pu HV-a te an lo ner leh hman pek ang e; hel kual vak tawhlo mai ila. Zofate thinlung leh ngaihtuahna luah reng thintu, Jordan lui leh Gallili dil te’n a rawn thlak tâk Rih Dil chu, Zofate thinlunga hmun a rawn chan thar leh zel nan a chanchin i lo bel chiang teh ang u.

”Kan pi leh pute kha Kâwl rama an khawsak laiin, Rihi leh a nau hmeichhia chu a nuin thihsanin nuhrawn an hrawn a. An nuhrawn chuan a huat em avangin a pasal chu thah tir turin a zâwl thlu a.

Ni khat chu Rihi nau chu a pain ramhnuaiah kalpuiin a that a, a nghawng a mfik a, a hnute a hleh sak bwk a. A lu leh a hnute chu a paih bo ta daih a. Rihi chu a nau lo haw tak loh avang chuan a mangang ta em em a. A tuk hma takah chuan a nau zawng turin a kal ta a, a va hmu ngei a, mahse a mau hnute chu a hmu zo ta lo a. Chuti anga beidawng taka a nau ruang a tah a tah lai chu Zatih(Lasi) hian a lo hmu a, a khawngaih em em mai a.

Zatih chu Rihi tanpui tur chuan a lo kal ta a, ” Sawlai ram ngawhah sawn va kal la thing hnah pakhat chauh nei i hmuh chuan rawn la la, i nuai sawm ang a i nau ruang hi a lu atanga a ke thlengin zût chhuak la, a lo dam/nung leh mai ang. Tunhnuah pawh thil tihtheih nan i la hmang zel thei dawn bawk a ni” ati a. Chuti ang chuan Rihi chuan a ti a, a nau chu a lo nung leh ta a, mahse a hnute kha a hmuh zawh loh avangin hnute a nei ta lo va.

A nau rawn nung leh ta chu a tui a hal em em mai a, Rihi chuan a nau chu a thih leh mai a hlauh avangin a thil tihtheihna kha hmangin tui lî ah a chang ta a. Lî a a chan dawn khan a nau chu kalsawn miah lo turin a ti a, a u Rihi kiangah chuan a cheng ta a. Nakinah chuan tlangval ramvak pakhatin a va hmu a, a duh em em ta mai a, chumi hmuna cheng dun tur chuan an innei ta a. Fa an neia mahse hnute hnêk tir tur a neihloh avangin Rihi chuan a enkawl ta a. Fa pawh pathum lai an neih hnuin, a pasal chhungte chuan hnute neilo hmeichhia chu mihring ni thei lovah an ngai a; ramhuai nula a nih ringin an tiduhdah em em mai a.

Rihi chuan a nau chu a pasal chhungte hmuh phak lohah pem turin a ràwn a, an fa a enkawl sak pawh chu a pe chhuak a. Rihi pawh chu Sepui varah changin, hmun him zawngin khawthlangla tlâng chu a pan thla ta a. Rihi chu Zofate sulhnu zuiin Kabw phaikuamah a lo chhuk a. Natchawng khaw kiang Zur ngawpui te, Falam khaw kianga Laizo khua te chu tlawhin Len tlang pang chhak lam hrutin awmhmun a zawng zel a.

Bochung khua leh Khawpual inrina hmuna awm Chiakzawlah awmhmun khuar a tum a. Mahse, Rûn lui huai chuan a lo huphurh em em mai a. “Hetah awmhmun i khuar chuang nang aiin ka hnuaihnung zawk si a, eng hunah emaw chuan ka la hip kang vek ang che. Tin, i mawngah ka hawlh ka hawlh bawk ang che” tia a lo vau chhen a vangin a insawn leh ta zel a. Lentlang kal liamin Tuiphei a kân a, Bawlte hmunah a chawl a.

Chutianga kal zel cguan Khawthlir khua leh Khawdar te chu kal tlangin tiau lui a kân a, Champhai zawl a thleng ta a ni. Champhai zawlah hian duh anga thûk tui a awmloh avangin a kir leh a, Khawdar tlâng hnuai ruamah chuan lî-ah a chang a, chutah chuan a awm hlen ta a ni.

23 Responses to “Pi Pute Lunglai Luahtu- Rihdil”

1
VaiVa Says:
August 11th, 2012 at 7:56 pm
1st

Report this comment
2
Charice ve mai mai_mizo Says:
August 11th, 2012 at 8:04 pm
Chhiar zawh veleh ka comment nghal, tu emaw ang lo takin

Report this comment
3
CFL Says:
August 11th, 2012 at 8:14 pm

Report this comment
4
sheldon Says:
August 11th, 2012 at 8:18 pm
Aaaa le! A in hawng ta, comment nghal teh ang

Report this comment
5
PKfanai Says:
August 11th, 2012 at 8:47 pm
Ruah tham loh Lasi thawnthu. Maipawl kan pu leh ta.

Report this comment
6
ɪ̣uɪ̣pnoɥ Says:
August 11th, 2012 at 8:50 pm
A inhawng ta… A ngaihnawm hlë mai.

Report this comment
7
mr.Duhlova Says:
August 11th, 2012 at 8:57 pm
Thil hi in hre mak thei hle mai, Lasi ho hian an hruai che u a ni ngei ang. Sakhaw lam ai chuan a bengvar thlak tho ve,… a awihawm lemlo na a.

Report this comment
8
ɪ̣uɪ̣pnoɥ Says:
August 11th, 2012 at 8:58 pm
#2 Charice, kei chu ka chhiar zawh hnu darkar tam féah ka sawizui ve chauh

Report this comment
9
Rinzova Khawlhring Lalhnam Says:
August 11th, 2012 at 9:07 pm
1-8#

Report this comment
10
ulawng Says:
August 11th, 2012 at 9:37 pm
I blog-ah emaw, site hran siamin emaw post thin ta zawk la, kan lo chhiar

dawn lo a nia

Report this comment
11
mr.Duhlova Says:
August 11th, 2012 at 9:40 pm
15 #

Report this comment
12
ulawng Says:
August 11th, 2012 at 9:45 pm
#99 dik khawp mai

Report this comment
13
mr.Duhlova Says:
August 11th, 2012 at 10:03 pm
11 a ka comment khi chakma chungchang a mi kha a nia, he lamah alo luh daih chu le, Lasi hovin an lo chhem lut emaw ni le
12 # pawh khi….

Report this comment
14
Rinzova Khawlhring Lalhnam Says:
August 11th, 2012 at 10:06 pm
10# misual.com hi ka blog-ah ka ngai tawp mai ani

Report this comment
15
Charice ve mai mai_mizo Says:
August 11th, 2012 at 10:18 pm
In ho

Report this comment
16
vakul Says:
August 11th, 2012 at 10:51 pm
hnam sakhuaho hi kan ning deuhin a lang a..nin loh hram a tha e. an lo lan loh hian an boral chuang lo va an awm tho dawn chuan hetia kan thu leh hla hre phaa an awm hi a tha. eng engemaw chu an chhar ve zel a nia.

mihring mihrinnaah phei chuan zopa thinnel tak an ni a…an fakawm. an pianthar hunah tah aw tiauin misual.com te an la sawi ri dawn alawm.

adminte pawh dem an tul lo post awn chhun an rawn publish chang a awm bawk a.

marawhchu..Rinzovate hian hria se…tuk khata article pahnih a zawna chhuak tura an han submit hi chuan an ti lutuk ve bawk thin a…a tial mawi tawkte han nghak khawmawi ve se tha tur….

mi ningkhawng hriatna tha tak a ni misual hi.

Report this comment
17
sheldon Says:
August 11th, 2012 at 11:07 pm
Kei chu Hnam Sakhua ho hi ka ngaisang tlat – an zaidam.

Report this comment
18
Rinzova Khawlhring Lalhnam Says:
August 11th, 2012 at 11:12 pm
17# i rin dàn mai mai a nih chu

Report this comment
19
vakul Says:
August 11th, 2012 at 11:46 pm
mahse ka zawhna min chhang ngam lo erawh chu pa lo ka ti ve khawp mai. daptawraw kha. pa tawkin a ni lo a nih chuan ni lo..nih chuan ni khan chhang mai se

Report this comment
20
sheldon Says:
August 11th, 2012 at 11:49 pm
@vakul, ‘ni e’ han tih mai kha Daptawraw chungchangah kha chuan an hreh si, ‘ni lo’ tih theih bawk siloh vel aniang..haha

Report this comment
21
vakul Says:
August 12th, 2012 at 12:12 am
Sheldy..kha tak kha nia…anmahni an inpuang der a, sawi kha an hlau zek zek a. …Ka ngaihtuah hian ka nuih a za ziah.

Report this comment
22
Rinzova Khawlhring Lalhnam Says:
August 12th, 2012 at 2:17 am
Ha3

Report this comment
23
Awmtea Khiangte Says:
August 13th, 2012 at 12:45 pm
Rihdil hi ka la kal miah lo nia maw le

Report this comment