History lam chu pen san rih lawk teh ang.
Aw ka hringnun, chatuannun hlu pa atanga i hmuh ni khan,
Leilungah hlutna lehpawimawhna neiin iding chhuak ta si.
Chung Pathian kut nghahna i ni ta e.
Nangmahah awmin; nang pawh amahah hun felin i awm ta sia.
Aw ka Lal chenna ka hringnun, i par mawi rimtui chhuahla,
I lei dam chhung hunte chu ka chatuan lalna ni angche.
Lal vangin i kiangah hnamte lo hahdam se,
I awka chhuak chu lei hring mi tan, damna leh chawlhna tling ni zelrawh se.
Lawm lai ni leh lungngaih ni te, chatuan malsawmnaah par chhuahtir ang che.
A kiansan lawng cheka Lal chuan,
I nun kawng chu a remruatnaah a tlantir mek zel e.
Nang lo chu khawvelah keimah an awm si lo.
Keimah i ni e, min tihna hmunah leilung Pathianah i dingchhuak ta si.
Leilungte Pathianin khawvel chhandam ni zel rawh se.
Similar Posts:
- Nun Hahchawlhna (Sunday Pual)
- Nang i ni
- Naktuk hi ka tan awm ta lo se
- MIN TAH TIR LUL SUH (Tlar thum zai, Acrostic style)
- Thapui nangnen
August 14th, 2012 at 11:23 am
1st leh phawt mai teh ang
Report this comment
August 14th, 2012 at 11:40 am
2nd ve hram
Report this comment
August 14th, 2012 at 12:14 pm
Ṭha e.
Report this comment
August 14th, 2012 at 2:22 pm
In bangbo thei em mai! Khawing’e hman lai lai ka’n hrilhfiah teh ang che u.
1. Kan hringnun hriatnaa Pa inpuanna a lo lan khan, Nunna Lalramah chuan chatuan nunna taksain kan ding reng tawh a ni tih kan lo hre ta a. Chumi thu chu a hretu kan lo nih veleh khan kan rah ram leilungah hian kan chenpui mihring dangte chuan an hriat ve theihna tur leh, Pathianin a din chhan ang taka nung tura an hnena hriattirtu atan Lal chuan kan mihrinna tisa ngei chu a mamawh ta tlat a nih hi. ” A daia ding turin” min ruat ta a nih chu. Kan tisa chu a va pawimawh ta em!
2. Keimahniah hian Lal chu a awm a, keini pawh Amahah chuan kan awm bawk a ni tih min hrilh a ni.
3. Ka hringnun tisa chuan Lalram a nihna chu he a chenna leilung hian pholang turin he lai châng hian a duh a; chatuan nunna taksain a luah khah tawh a nih ang ngeiin Nunna Lalram hlutna chu amah atanga mite hmuha tilang chhuak turin a phût ta a ni.
4. Hringnun tisa chu leilunga a dam lai chhung zawngah hian ama tisa nawmsip bawlna mai chu ngaihtuah loin, Nunna Pathian lalna leh thuneihna a lo nih zawk theihna tur chu a duhzia a tilang a ni.
5. Chatuan nunna taksain a luan chhuah tisa a nih ang ngeiin chumi nun a chan chu midangte’n a duhawmna le a mawina te an lo hmuh avanga an nun hahchawlhna atana an lo hman theihna tura chu nun hlu tak chu lanchhuahtir tura a duhna a tihlanna a ni. Chung ang atan chuan kan hringnun hman that dan pawimawhna chu a lo lang zel a nih hi.
6. Kan nun pumpui a lan chhuahna tura kan hringnun pawimawhna zel a ni a. He chângah hi chuan mi dangte tana kan pawimawhna kawng khat, kan tawngka chhuak chu kan sawi dan kha a thlûr bing bik a ni e.
7. Mihring chuan a dam lai hun chhungah hian hun tha anga a ruat leh hun thalo anga a ruat hi a ngai renga thleng loin a inthlakthleng fo thin tih a ti chiang hle mai. Nuih ni te, \ah ni te a awm \hin tih a lang a ni. Chuvangin hun tha leh duhawm kan han tawn laia kan hlima kan lawm lai te, hun harsa leh hrehawm kan tawnlaia mangang leh lungngaia kan lo awm thinna te chu kan hringchan dam lai nî kan hman thiam zel theihna tura Van malsawmna a lo ni tih hriattir a duhna tawngkam chu a ni e.
8. Kan Nunna Pathian chuan englai maha min thlahthlam ngai lohzia min hrilh a ni.
9. Kan hringchan dam lai nun kawng hi Lal remruat vek a ni tih min hrilh a ni. Lal remruat loh thil thleng rëng a awmlo.
10. Lal mite nun tak chu chatuan Nunna taksa leilungah a ding reng tawh a, chutah chuan thihna a awm tawh lo a ni. Chutah kan nun tak zawk chu a din thu hriattir turin he hring lam taksa lo hi chu hman tur a awm lo. Kan mihringpuite hriattir turin Lal chuan he hring lam taksa hi Amahah a hmang a ni. Chu mi sawi lang duh chuan a hringnun tisa pawimawhna chu hrilhin chatuan Nunna Lalram a\anga \awng angin a han sawi chhuak a ni.
11. ‘Keimah i ni e’ min tih theihna Chatuan Lalram a\ang ngeiin leilungte Pathian niin kan tisa taksa hi a ding a ni tih min hrilh ta a ni.
12. Leilungte tana Pathiana ruat kan hringchan tisa ngei hmang hian khawvel chhandamna hna chu kan thawk zel tur a ni tih a sawi lanna a ni.
Kan dam kai nun kawng hi kan chhia leh \ha hriatna hmanga kan zawh tho tho tur a ni a; kan hriatna kan hman thiam leh thiam lohah kan nun kawng zawh mêka kan tawn tur chu a innghat ber awm e, chu chu Lal remruat sa a ni.
Report this comment