CNN a Anderson Cooper 360° tih program neitu, Anderson Cooper buatsaih-in, kum engemaw zat chu CNN Heroes thlan a ni ta. CNN Heroes an tihte chu, khawvel hmun hrang hrang a mi nun khawih danglam thei khawp a mi inpe te, khawvelin ala hriat si loh, chumite chanchin khawvel hriat an nih theih nan leh ṭanpuina an dawn theih nan a buatsaih a ni deuh ber awm e.
CNN Heroes a thlan theih tur hian mi tupawhin, kum 13 a tlin phawt chuan a thehlut thiang a, amaherawh chu rampui(country) phal leh phal lohte an awm leh thung. Chuta tel phal loh (void) te chu: Bhutan, Brunei Darussalam, China, Laos, Maldives, Mongolia, South Pacific Islands, Federated States of Micronesia, Pacific Islands Trust, Palau, Papua New Guinea, Macau, Sri Lanka leh Tibet te an ni a. Chu bakah chuan tun a OFAC in a hrem mek (sanctioned) an awm bawk a, chu’ng te chu: Balkans, belarus, Myanmar, Cote d’Ivoire, Cuba, DR of the Congo, Iran, Irag, Liberia (the former regime of Charles Taylor), Lebanon, Libya, North Korea, Somalia, Sudan, Syria leh Zimbabwe te an ni. Anni sanctioned ho hi englai pawh a tih danglam theih anni thung!
Tichuan, kum dang ang bawkin kumin 2012 pawh hian CNN Heroes chu thlan leh a ni dawn a, mite’n an duh zawng chanchin an thehlut mek zel a, August thlatawp thleng hian a thehluh theih a ni.
Mizo tam zawk chuan kan hriat ka rin, Pu Sangthankima (TNT) chu Mizoram mi tlawmngai ten a chanchin video a an siam te leh, a chanchin ziak te chu CNN Heroes ah hian vawiin, August ni 15, 2012 zing dar 7:35 khan thehluh a ni ve a. Pu Sangthankima hian nau hnuchham leh mi enkawl ngai tam tak hei leh chen a lo buaipui tawh a ni a. Tin, an inenkawlna pawh tlawmngaite ṭanpuina pek a ṭangin a ni tih kan hriat a pawimawh hle awm e. Hetiang a ṭanpuina ṭha an dawn theih hi kan duhsak tlang ṭheuhin a rinawm. CNN Heroes ah chawimawina a dawn ai mahin, ṭanpuina a nih tur lam chuan keima mimal rilru a luah zawk!
Tunah hian engtia han vote tur nge tih CNN lamin an la rawn sawi hrih lo (thehluh chiah a ni bawk a!). Mahse, e-mail a dawn angin, www.CNNHeroes.com ah te, Facebook a ‘CNN Heroes fan page’ te leh, https://twitter.com/cnnheroes te hi lo thlithlai turin ka ngen che u a ni.
CNN Heroes ah hian top 10 an thlang phawt a, anni chuan $50,000 lawmman an dawng phawt ṭhin. Chuta ṭanga pakhatna chuan $250,000 a dawng thung ang. Pu Sangthankima hian top 10 ṭanpuina hi dawng thei pawh lo nita se, TNT chuan nasa takin chu pawisa chu an chhawr ṭangkai ngeiin a rinawm.
Hetia khawvel hriat a han nominate hrim hrim pawh hian, an din theih chhan, tanpuina petu an hmuh belh phah zel a beiseiawm-in, awm bawk sela tih hi ka mimal duhthusam a ni. Vote ṭheuh i tum ang u
Nominate hlim a e-mail dawn: 
Thubelh: CNN lam a ṭanga thuthar a awm chuan rawn update zel a ni ang. 
Pu Sang-a leh a team, Pathianin awmpui zel rawh se.
Video theh luh tak chu:
Similar Posts:
- HEROES
- Photo Exhibition cum Sale
- Freestyle contest
- Saiha in kâng 41 zawk, ṭanpuina cheng nuai 14 lut tawh
- What’s on your desktop background?
August 16th, 2012 at 9:01 am
TNT duhsakna ka hlan e.
Report this comment
August 16th, 2012 at 9:08 am
A va ropui ve. .
Report this comment
August 16th, 2012 at 9:11 am
A thehluttute pawh an fakawm e
(Ti leh hram teh ang)
Report this comment
August 16th, 2012 at 10:02 am
Hnuchham leh ruihhlo ngai ho tha thlah hauh lova enkawltu te hi an ngaihsanawm ka va han ti thin tak em. Top 10 ah tal chuan lang ve ngei teh se. I tawngtaipui hìal teh ang u. Tin, a thehluttu te pawh an fakawm e.
Report this comment
August 16th, 2012 at 10:07 am
PKfanai, a hming ziak dan a buaithlak angreng khawp mai. A passport-ah, Sangthankima tih chiah an lo ziak si a, CNN Heroes nominate-naah khan first leh last name an dil mauh mai bawk si a, a hming ngai dah ani ta ringawt a nih kha.
Report this comment
August 16th, 2012 at 10:25 am
Dear H. Vangchhia, i thu post hian min ti bengvar hle mai. Nang nge nge i fel e
Report this comment
August 16th, 2012 at 10:40 am
ekhai lalhnaml eh a kaihnawih tih vel ka lo chhiar peih tawh si lo… Pu HV i post hi a lawmawm dan a thuah hnih hle mai…
Pu Sangthankima leh TNT ho chan chin hi nitin post pakhat tal lo ti chhuak teh….lol
Report this comment
August 16th, 2012 at 10:42 am
bigboss #6 Mizoram lamah Pi Dawngi w/o Pu Hmingtea (MCS)..a IAS tawh em ka chiang lo, Manuni Hauhnar te, Chhawra of MSV te, Esther Hnamte, C Van Hmingtea, V-a Lalremruata leh midang tlawmngai ten a thu an phuah a a video an edit bawk a. Ka tih tur a min dah ve, link siam turin Youtube ah a video ber chu ka dah kim thei tlat lo. Pu Zothana Ralte(Alexxfender) chuan an upload fel thei hlauh mai a. Kei chuan a thehluh chiah ka tum ve lek fang a ni e.
CNN Heroes ah thlan lo ni lo hlauh palh pawh nise, mi tam takin an hriat phah ang a, an mamawh donation an hmuh zual kan beisei zel ang chu!
Report this comment
August 16th, 2012 at 10:43 am
Duhsakna ka hlan e.
Report this comment
August 16th, 2012 at 11:09 am
Duhsakna sang ber ka hlan e. Pathianin malsawm zel rawh se
Report this comment
August 16th, 2012 at 11:41 am
Hlawhtling ngei se ka va ti em! Pathianin malsawm rawh se
Report this comment
August 16th, 2012 at 11:56 am
Beng a va verh ve le. Bengkhawn zui zel chi a nih hi
Report this comment
August 16th, 2012 at 12:13 pm
A ṭha hlë mai.
TZṬ
Ka vote chiang khawp ang, a theih chuan.
Report this comment
August 16th, 2012 at 12:14 pm
rawn update zel teh u, ka ngaihven zawng tak a ni
Report this comment
August 16th, 2012 at 12:24 pm
A tlin hloh theihnan, duh sakna ka hlan e.
Report this comment
August 16th, 2012 at 1:28 pm
CNN Heroes zinga thlan an nih emaw, nominate an nih emaw hian kawng engemaw zawng talin TNT tan hlawkna awm thei se a lawmawm ngawt ang.
TNT hi a dintute an ngaihsanawmin an inpekna hi a ropui tak zet. Chutih rualin Mizo hnam leh Mizoram tan a mualphothlak viau bawk.
CNN Hero thlannaa tel ve an phal lohho chu engvang ber nge ni ang le? Heng ram zinga tam tak hi ram hnufual leh rethei te an ni a, buaina leh harsatna tam tak karah hero ropui tak tak an awm ve ngei awm si.
Report this comment
August 16th, 2012 at 3:05 pm
Tling ngei teh se. Hero dik tak chu a ni hi ani.
Report this comment
August 16th, 2012 at 3:23 pm
Hei chu ka pawlte an ni maw… Tling ngei se ka va duhsak em..!! Nikum tawp lama TNT Chemtatrawta min tih lai te pawh a ngaihawm alawm le..
Report this comment
August 16th, 2012 at 4:20 pm
TNT ho hi ka ngaisang ngawt mai. An ropui hi ani.
Report this comment
August 16th, 2012 at 6:32 pm
Lawmman pakhatna e lo pawh nise, top 10 ah tal tling se ka ti ngawt mai aw.
Top 10 tal a tlin chuan Shenandoah lui leh hmun hahdam-thlak tak takah hruai ngei ka tum ang.
Report this comment
August 16th, 2012 at 6:39 pm
TNT duhsakna zawng zawng ka hlan e..
Report this comment
August 16th, 2012 at 10:08 pm
nomination a awm thei ringawt pawh hi ropui in nominate tu te pawh in ti tha hle mai, hepa Pu Sangthankima hi ka ngaisang in ka tan bur! Kan MLA 5 chawhrual ai pawn a thil tih hi ropui ka ti, Pathian in a awmpui tak zet in ka hria, CNN Hero chauh nilo, riangvaite pa ka HERO dik tak a ni, zoram in a mah ang hi kan la mamawh reng chuan tawngtai pui zel ang u
Report this comment
August 16th, 2012 at 10:09 pm
#22 tunlai i kam chhuak ngaihthlak nuam ber pawl ani awm e hairehai
bless you 
Report this comment
August 16th, 2012 at 10:16 pm
#23 HV mirc aizawlchat tang fiamthu zel in lawm ka la puah chhuah zel, ti zel bawk ang..
btw in thil tih hi ropui thlawt e, HERO chu mizoram ah hian a nichiang tawh sa..
Report this comment
August 16th, 2012 at 10:20 pm
#24
Report this comment
August 16th, 2012 at 10:20 pm
Misual.com hero hmalakna a ropui hle mai..
Report this comment
August 16th, 2012 at 10:22 pm
Chemtatrawt, kei chu a thehlut tu chauh ka ni. Mizoram lam an fakawm e. N.Carolina lamah Pu Zothana a pawimawh viau bawk.
chow time! ttyl
Report this comment
August 16th, 2012 at 10:26 pm
Ka va trang ve! vote thruai ila ni mai lawm!
Report this comment
August 16th, 2012 at 10:34 pm
He pa hi chu a fakawm thlawt, a phu ang hian kan la chawimawi tawk lo ka ti…Pathian hi chu a van tha tak em!
So touching, i am sure gonna vote for him
Report this comment
August 18th, 2012 at 2:15 am
CNN a tanga ka e-mail dawn thar:
https://i50.tinypic.com/rsedg7.png
Report this comment
August 18th, 2012 at 2:50 am
#30 Pu HV, ka beng ka lo tun ve hrá reng e kei paw’n…
Report this comment
August 18th, 2012 at 2:54 am
ɪ̣uɪ̣pnoɥ
Report this comment
August 18th, 2012 at 5:14 am
HV,September daih maw?…
a va la rei dawn ve..tunah vote ka duh tawh ania…
Pu Sangthankima hi a hriselna a tha vak lo khan ka hria a, Kolkota leh Delhiah te a kal zak zakin ka hria…. engnge a an tawh le?
Report this comment
August 18th, 2012 at 5:34 am
Eve#33, kar tin an website https://www.cnnheroes.com ah te leh Facebook (cnnheroes) leh twitter lamah an update reng a lo thlithlai zel turin min ti ani phawt mai a. A lan danin top 10 chinah chauh an vote theih a nih dawn hmel.
CNN a thawk hmelhriat ka neih ve chhun Jill Dougherty https://i47.tinypic.com/riu81f.jpg lah chu han zawt turin a zin nge mawni ka hmu thei der lo mai tunlai….an e-mail ka dawn bak ka hrethiam bik lo… an sawi leh zeldin thu niberin ka hria.. an website kha lo thlir ve chhin teh u! An thuziak karah click hawn theihte a awm zel kha!
Report this comment
August 22nd, 2012 at 8:45 am
Hemi page hi i check zeuh zeuh hlawm ang u aw. Pu Sangthankima an lo tih chhuah hlauh chuan kan like/comment sup sup dawn nia.
https://www.facebook.com/CNNHeroes
Report this comment