Kapkhawvunga hi a san lam ai mahin a lenzia hian mi mit a lain hmuhnawm an ti zawk tih kan sawi tawh a. A len em avangin ft.7 a sang ni mahse, a dung lam pawh chu a lang sang lo zawk a, pa lian sa inphut mawi tawk tak a ni. Sawleng khaw pa Pu Hrangkaia khan a dam laiin Kapkhawvunga malpui chu a sum ve tawh a, “Ka sum ruk” a tling,” tiin a sawi thin. ‘A hnar kuaah te hian patling kutzungpui chu a leng zan e,’ tih a ni bawk.
Mi ina a lengte hi, tapchhakah hian a han thu ve na a, rapchungah hian a dak du mai thin. Vawk sum nga hi tulah thilin, a kut vei lamin a keng kawh a, a kut ding lamin chemkawmin a ziat thin. (Tualte Vanglaia Mi chak Chula khan hetiang hi a ti ve thei bawk niin an sawi).
A puzawnin se patuai, a ki leh a beng inchen a talh a, sial leia mu chu a ke khing lehlamin a sep kang lauh lauh thei a ni. A puzawn chuan, “Kha tin ti suh, mi’n ka neihchhun ka talh ve a nia, min hming that lo em mai,” a ti a, a tin awn leh duh ta lo va. Kapkhawvunga chuan, “Tual laia sa chan zawng vaivutte a kai ang a, a bawlhhlawh ang e,” tiin lei atang chuan leikapuiah a hlang a, se sa chu Leikapuiah chuan an chant a a ni.
Tum khat, a thenawmpa in sak tumin ban tur thing a kit a, Kapkhawvunga ramvak chuan a hmu a, “A tan thil harsa a nih takin kan put hawn sak ang e,” a ti a, a pu haw ta a. An kawtah a keuh sak a, an han phel darh nak chuan patling put zawh tawk ban sawm a chhuak a, a thenawmpa chu a lawm kher awm e.
Indopui II-na hun lai khan, thingtlang khuaah khawnvartui a vang viau mai a, Kapkhawvunga chu Khawnvartui zuarin a sumdawng thin a, vawikhjatah tin sawm zelin a phur thin. (Tin 1-ah hian lit 18 vel a awm).
Nu pakhat hian a nupui hnenah, “I pasal hi dawl ang main a thang uak uak mai a, I nei mai pawh a, I la hmeithai dawn a nia,” a lo ti a. Chuta tang chuan a nupui chu a hlim thei tar eng reng lo mai a, a rilru chhungrilah a vei nghet ta tlat mai a, a in lamah a hawsan ta mai a ni. (Tul lo thin e-Pk)
Pasaltha tak mai a nih avangin, sa pawh a kap ve thin a, Sazuk te, Sanghal te a kap thin. Sanghal sum ruk tih angte hi chu, a keah hruiin a tawn a, a ak haw mai thin a, a thianteho hian ramvahpui nuam an ti hle. Ramsa hlauhawm Sanghal te, Savawm te hi a hlau ve lo va, a thain a chaldelh zawka a hriat avangin eng huah vak mah a ngai lo.
Vawikhat pawh an ramvahnaah Nghalchang sum ruk lai mai hi thangah a lo awk a, a tal chhuak leh si a, a kawlh kher mai a. Mihring a hmu chu a tuang a din chhur mai a, Kapkhawvunga chuan thingtuai ban tia, a hmawr kak a keng a, a thiante chu lo inthiar fihlim deuh turin a ti a, Nghalchang nen chuan an inpan ta ngut ngut mai a. Nghalchang chuan a rawn phin ta vak mai a, ani chuan a tiang ken hmawr chuan a han hawlh vak mai a, a khing khata hawlh betin, a khing lehlamin a sat hlum ta a, a thiante chuan an lo thlir thap mai a, “Nghalchang chu a che lo kher mai,” an ti.
A Chempui kg.5 a rit leh lian a iptepuia a han ah ran mai hi chuan, ramsa kawlh Savawm, Sanghal leh Sakei tih angreng te hi chu inhma tawna insualpuiah pawh hian a hlau meuh lo. “Pa te deuh silai keng ai chuan min ring zawk t ache u,” tiin a thiante chu fiamthuin a hrilh thin an tia lawm.
Tumkhat pawh an ramchhuah naah, Savawm kawlh deuh mai hi an tawk a. Kapkhawvunga chuan a thiante chu lo inthiarfihlim turin a ti a, Savawm nen chuan an inpan leh ta chher cher mai a. Savawm chuan tum hnih a rawn bawh a, Kapkhawvunga chuan inchhung dung chen zet hian a lo pet leng ta thin a, Savawm pawh a tlanchhe ta a ni. A thiante chuan, “Insual pawh in ang lo ve, Football pet I ang ber e,” an ti a ni.
Mizorama zin a chak hle na a, a nikhat tla tawk a hautak em a vangin a inthla hrung em em mai a, a zin ta lo a ni awm e.
Kum 1940 vel khan Imphal Reng, Churachand Singh-a khan a ram chhunga tlangval chakte inchai zir turin a ko khawm a, a thianpa Rawlthar Thuamchaka nen an vat el ve a. Mahse, tuma’n an chai ngam si lo va, a thianpa Thuamchaka an han hnawn lahin, a ni chuan, “ A malpui pawh ka tiat lo a nia, engtin nge kan inchai theih ang?” tiin a duh bik der bawk si lo va, a buai thlak viau zawk a ni awm e. Inchaipui tur nei ta lo chu Inah a haw leh ta rih a.
Kal leh a tum chuan, a nu chuan a remti tawh hauh lo mai a, a chhan chu, miin a nu chu an lo sawithaih leh pek a, “I fapa hi Imphal Rengin a lo chhuhsak dawn che a nia,” an lo tih vang a ni. A nu chuan, “I farnuten pasal an nei zo tawh si a, khawiah mah I chhuak tawh tur a ni lo,” a tit a bur mai a, a kal ta lo a ni.(Mizote mize thalo tak kan hre thei mai em? Khawvel huap pawha lar tur chu a lo zuzi ral ta a ni).
Reng Lalpa pawh chuan, pawi hi a han ti khawp a, “I fapa hi ka chhuhsak dawn reng reng lo che, Sipaiah Officer rank ka pe ang a, Khawvel huapa milarah ka siam dawn a lawm” a tih pawhin, a nu chu a hmin zo ta chuang lo a ni. Tin, Indopui-II na avangin Japan ral te an lo thleng tyhla nen a lo zuzi ral ta a ni. A pawi ang reng hle mai.
Japan ral hlauh avanga an raltlan hnulawk, kum 1944 April thlaah chuan, Kapkhawvunga pawh chu kum 40 mi emaw lek niin a lo boral ta a. A thih hma lawk kum 1940 khan, Mizoram lam atanga Pathian thuhriltu lar tak Pu Lalkherha leh Pu K.Chalthuama te thian dun thusawi atangin Kristianah a lo inpe ve ta a ni. Pu Lalkherha pawh hian, “A lianin a chak ropui si a, keini ang thusawi te chu a awih dawn em ni chu aw?” a ti hial a, rin loh taka Kristiana a han inpek tak siah chuan, “Vawiin hian kan hlawhtling tak zet a ni, mi pahnih la lut tluk kan ni,” an ti hial a ni.
A Lung zakcheh bakah hian a lung put vet hung chu quintal 8 vel zeta rit niin an hria. Mi chak deuh 6 vel zawn zawh tawk niin an hria a ni. Hei hi Hlingsiphai chhak Bisan mualah a la awm reng a ni. (Tualte Vanglaia michak Chula khan, Sai puitling hi a nghawnga tan hnuah, a Lu kha a pu zo’ an ti ve bawk-Pk)
Zofate zinga palian leh chak ber ni a hriat hi a thlan chu Chawngkhawzo khua Manipurah a awm a, chhinchhiah that vak pawh a ni lo va,(an chhungkua kha an bulh em kha), engtin emawa tlawmngai pawl emaw sawrkar lamin emaw vawn that a tha khawp mai.
Similar Posts:
- Kapkhawvunga (Paihteliana)
- Mizo naupang pahnih in huaisen lawmman la
- Darlawn Sanghal Hual chanchin.
- Khualzin leh savawm (Esopa thawnthu fing)
- Chawngkhupa kawmna
August 23rd, 2012 at 11:58 am
nui kur kur chungin ka chhiar zo vek….
ngaihnawm hle mai..
Report this comment
August 23rd, 2012 at 11:58 am
Ngaihnawm e.
Report this comment
August 23rd, 2012 at 12:09 pm
Ngaihnawm leh dawn eeee
Report this comment
August 23rd, 2012 at 12:15 pm
Part-11 hi edit miah lovin ka submit ngawt mai a, kei mizotawng chhiar thiam elkhen pawhin chhiar nuam tih loh lai ka ngah mai. Computer mistake a ni ber e. Mizo tawng kha Saptawnga chantir a tum tlat zel a.
Report this comment
August 23rd, 2012 at 12:23 pm
Ngaihnawm rem rem…
Report this comment
August 23rd, 2012 at 12:24 pm
Savawm football angin a pet…a va han chak mai mai… ka rei ka rei…
Report this comment
August 23rd, 2012 at 12:25 pm
Ngaihnawm. Ka naupang laia ka pu lehkhabu ka chhiarsak thin kha minti hrechhuak.
Report this comment
August 23rd, 2012 at 12:30 pm
#7 *naupan
Report this comment
August 23rd, 2012 at 12:47 pm
A ngaihnawm e.. Thawnthu niawm zawk takte pawh a tel nual mai…
Report this comment
August 23rd, 2012 at 12:52 pm
ka chhun chiang mai
Report this comment
August 23rd, 2012 at 1:16 pm
Pui riap riap hle mai.
@4, Part – II tih tur a nih hmel.
tren tren
Report this comment
August 23rd, 2012 at 1:48 pm
@Pk a ngaihnawm hle mai. Mahse, thu ziakah khian sipel uluk lehzual a van tha tak em ka ti ve mai mai, kei mimawl hian
Report this comment
August 23rd, 2012 at 2:13 pm
@12. Awmtea, 4 ah ka sawi tawh khi. Zanlai(net chak that lai) mutchhuah tawh lamah ka submit a, part-l kha chu ka edit uluk ve viau a, Part-ll hi ka peih ta lo a ni. Ka computer vang a nia, English hi chu word a chhutsual theih loh tluk a nia, mizo tawng a chhut dik sa hi english ah a lo convert ve ta thin a, a buai thlak khawp mai. E.g. Chan tir-chanter, teh-the, ti ta-tit a, va tel-vat el, chan ta-chant a, adt. Fimkhur a ngai khawp mai. Ka lo fimkhur lehzual tawh ang.
Report this comment
August 23rd, 2012 at 2:40 pm
Ngaihnawm e.
Tun hnua piang ni ta se min chai tawk ve viau dawn a nih chu a
Report this comment
August 23rd, 2012 at 3:01 pm
Kapu(kanu pa) sawi thin manipur palian kha anih ka va ring ta ve. Kapu te tlangval chhuak hlim sumdawng in an en palian kha chu ama sawi dan takin “An in kha kawng atang a hla lo bawk a…an sawi ang em em a lian chu alo nilo,mahse a hnarkua ah ka kutzung hnih aleng han han” ati.
Report this comment
August 23rd, 2012 at 3:07 pm
hnarliana i hnar ai in a lian ang a ti chu
Report this comment
August 23rd, 2012 at 3:08 pm
A ngaihnawm khawp mai. Saizahawla nen inbuan se la a hmuhnawm ngawt ang maw le. hehe
Savawm a pet lai khi kum 1940 hma lam a nih hmel a, khatih hun lai khan football hi an lo hre ve viau tawh tihna a ni ang chu maw! (Anachronism a nih ka’n ring ve deuh ngawt pek a)
Report this comment
August 23rd, 2012 at 3:27 pm
Saizahawla chanchin pawh hi a ngaihnawm khawp mai. Mahse hmanlaia an ngaihsan zawng takin nula a lo thei roh riau mai a, ziah a in thlahrun awm deuh.
Tin, world cup hmasa ber uruguay a an nghah kum kha 1934 niin ka hria a, World war lai te pawh khan Football hi chu a lar tawh khawp mai.
Report this comment
August 23rd, 2012 at 3:30 pm
A ngaihnawm hle mai! Aizawl ka awm lai khan thiante an inhnial bap bap a, lung quintal thum vel a rit zakzeh theih leh theih loh chungchang vel kha..! engmah phei chu ka sawi ve lem lo a. Mi chak tak chu ani ang, a lian bawk a. Khawi i lehkhabu ah emaw ni Saizahawla leh PaihteLiana thirtliang in chuh emawni ka chhiar tawh a, a lo dik chiah lo anih dawn kha!
growth hormone disorder ho hi an dam rei ngai lo an ti a, a dik anih dawn hi!
Report this comment
August 23rd, 2012 at 3:32 pm
Saizahawla kha a mak danglamna chu a mawngkaw keh kak karah hnah an han zeh te khan a thial chip thei zel a, a mawngkaw tha nen tak tak a tang thei tih kha ania. Ani pui kha chu a phawk zawng khan a che thin a. An zinna khaw pakhat zawlbuk kawta an chawilung ( tlangval chak in ti hovin an in chawi siak thin) kha, uai he mi te khaw lung inden siakna chu a va lian ve, an va chak awm ve tih pahin a chawi lawka, thui tawk a deng ta dawp mai a. Tlangval hovin ekhai, kan khaw chawilung a nih kha, han deng leh teh i van chak em em ve an tia. An khaw chawilung ani tih a hriat hnu kha chuan lu sai ngar ngara a beih pawh khan a chawi zo ta lova
Report this comment
August 23rd, 2012 at 3:38 pm
Kum 1940 hma lamah khan Manipur lamah football a lar tawh hi a nia mak ka tih deuh chu. hehe
Football hrim hrim hi a lar har viauin ka lo hre ve ngawt a, hockey khan a lar khalh khan ka lo hria a. Mahse khatih hunlai pawh khan hmarchhak ram hmun thenkhatah chuan an lo khel ve fe tawh a ni thei tho mai. India ram hrim hrimah chuan Mohun Bagan club hi a dinna a rei tawh khawp mai, Asia-ah chuan football club upa ber a ni ta-in ka hria. (OT mah mah em aw..hehe)
Report this comment
August 23rd, 2012 at 3:44 pm
lrpa sawi growth hormone lam thil a ang, a facial structure awm dan te saw, pituitary tumor lam anih hmel, 7.1ft anih chuan a thlalak pui te pawh an len hmel fuuuu
Report this comment
August 23rd, 2012 at 3:51 pm
Chak ve hrim hrim hi chu an awm a nih ka ring. Sialhawk khua-a Pu Hrangpuia te kha chak tak chu a ni. Len lamah chuan Pu Vana (Special report) hi a lian daih zawk a; mahse Pu Hrangpuia tih theih ang kha chu a ti ve thei lem lo (Kut lawnga coconut kawr han kheh mai te, aluminium thleng han zial mai te kha a hneh riau a). Mahse lian na na na hi chu an lo chak tlangpui a ni.
Report this comment
August 23rd, 2012 at 3:58 pm
Thuamchaka te chu show nei chi a nia, tharum a beih chi a nih hmel loh te ka tia.
Thuamchaka leh Pa Kulha thlalak:
https://i50.tinypic.com/2qlrfap.jpg
Vietnam war lai khan GI ho Vietcong ho vin an ambush a an thih ṭeuh tumin, GI ho insaseng hnu a Vietcong sipaiten an kahhlum ruang an hmuh hmasakna a ni bawk a, Vietcong pakhat khan a sawi thiam ngei mai. “An lo let rem rum mai si a, kan taksa lah chu a inenhleih. An malpui tiat emaw lek kan ni si a, mak ti takin an ruang chu kan thlir reng a…,” a ti.
Hmar Chaltlang (N.Chaltlang) piah, Bualpui emni kha aw… khata Sailo lal chak tak mai, ka thianpa Addy Sailo (Protocol a thawk) pu-in lungpui, a kawng thleng a chawi theih an tih pawh kha a lian khawp mai. Mi 3 pawhin kan chawi kang zolo chu a ni ber e. Mi 1 aia tamin ṭanhmun kan nei thei vak lo bawk a!
Lusei pachak tih vel ai chuan a chak fe dawn hi! hairehai
Report this comment
August 23rd, 2012 at 4:09 pm
Saizahawla pawh kha, a thinrim chuan Sakei kha hlau lo tak ani. A thianpa Sakeiin a seh tuma mipuiin an hual khan, a lo chhuahna tur awm khan tha berah keiin ka chang ange. Ka kah thelh a, min rawn zuan a nih chuan ka chempui hian ka lo vai anga, a khawi lai ah pawh vai fuh ila, ka vaitlang zo vek tho ang a ti hmiah mai ania. Mahse a channa lamah khan Sakei kha a chhuak duh ta tlat lo mai pawh a.
Report this comment
August 23rd, 2012 at 4:18 pm
Pawibawia khan tumkhat chu Tumpang sial nen a in beih tir alawm le. Puan an zar hliah a, Chi liah tu khan a liah tir hauh hauh hnuah,a in thiarfimhlim a, puan an zar kha an pawt sawn ta hrawk mai a. Tumpang chuan Saizahawla lo ding chu a hmu a, a phin phei ta nghal. Saizahawla chuan a ki ah a lo dawm bet a,a tir chuan a hnung tawlh dat dat a. Mipui chuan Saizahawla a tlawm dawn tiin an thlir thup mai a. Chutah Saizahawla chuan kan tang ve tawh ang aw tih leh an nawr let mai chu, tumpang kha a hnungtawlh ta rawk rawk mai a, a ke te chuan lei char khan beltlei tiat tiatin a tanna lamah a thai khawk ta rawk rawk mai a. Lalpa Pawibawia khan,a tawk tawh e, tumpang i ti thangtlawm lutuk dawn e a tih hnu ah chauh khan Saizahawla kha a in saseng ta a.
Report this comment
August 23rd, 2012 at 4:24 pm
Aizawlah Sipai lammualah khian tu Bawrhsap ber nge, a hming kan theihnghilh chu..Mizo lalte leh Punjabi mi chak ho hrui pawhin a in el tir a. Saizahawla kha lal ho zingah a tel ve a, a tawp berah a tang a. Vaiho hi an han pawt tak tak a, mizo ho khan Saizahawl, tang rawh tiam chin kan pel dawn e an han ti a, a nipui khan, aw le aw le, ti pahin hrui kha a pu lawk a, an kal pui ta mai thin chu, Punjabi ho chu diar phelh phangin an rawn pai phei leh rawk rawk thin a. A chak zawk zawk tum turin, Sipai hrui pawt mi kha an in ring bawk a. Mahse Saizahawla chakzia an hmuh khan, an hotupa in an thangtlawm lutuk dawnin a hria a, pawh tir a phal ta lo niin an sawi thin
Report this comment
August 23rd, 2012 at 4:31 pm
Pu Hv-a sawi khi ka tawmpui thlap. Khawvelah hian michak, chak dan bik riau leh thiam bik nei hi an lo tam khawp a. Saizahawla te kha chu ral do mi, mahni pawha rawl vang vang thei. Zankhuaa khawkhat tlangvalin an buan chhawk pawha chau lo kha a nia. Tin, a phawk em em bawk. Thuamchaka vethung kha chu, “mihring tisa hi khawilai pawh ka piai thla thei ang” ti ngat tham na em em mai leh a taksa peng ruh danglam em em mai a lo ni a. Tumkhat an zin pawh misualin an lo suam ngawt mai a, a thil neih laksak tum tupa kha a malah a tham ta a, a kut tlum hmawkin a tham ani awm e. “E khai, hepa hi mihring a ni lo” an ti a, an tlanchhe ta a ni awm e. Ritchawi chak riau te, chem sat na em em te, kal chak em em te, inbuan thiam riau te, Lung deng thui thei tak te, thil nam sawn leh pawh lama chak em em te an awm thin. Mohammad Ali pawh freestyle a inbeih ralah chuan Paihteliana hian a hneh khawp ang. Mahse, han in boxing chiah sela chuan, a knock out thuai si ang le. Engpawhnise, Japan ho pawhin chak an ti em mai a, a chak ngang zawng a nia nge.
Report this comment
August 23rd, 2012 at 4:38 pm
A hming atang reng reng pawh hian pa pui tak ani ang tih a hriat reng mai! A ngaihnawm leh pek e
Report this comment
August 23rd, 2012 at 4:49 pm
A va ngaihnawm mai mai em ve le! Paragraph tawp ber dawttua lung quintal 8, pa 6 vel zawn zawh tawk tih khi…parukin quintal 8 zawn tur chuan chak a ngai ve viau ang.
Report this comment
August 23rd, 2012 at 5:28 pm
Paihteliana atangin Saizahawla…. riap riap mai a….
HV, Thuamchaka hi a hming tak tak a mi? a chanchin chiang deuha hriat ka chak…tlem ka hre tawh a…
Report this comment
August 23rd, 2012 at 5:43 pm
Thuamchaka… chak lo chi a ni lo. A thuam ringawt pawh a chak a nia…
Zawhna mawlmang tak ka’n siam te’ng..
Engatinge mi chak (pi leh pu te’n an sawi anga chak kha) hi tun hnuah hian an pian tawh miah loh le?!
Report this comment
August 23rd, 2012 at 5:45 pm
A ngaihnawm e, he pa chanchin hi ka lo hre ve nil nial tawh a, tunah kimchang deuhin kan chhiar thei a, a lawmawm khawp mai.
Puii, naupang tak hi chu… Thuamchaka chanchin i lo la hre hlawm pek na nge?
Report this comment
August 23rd, 2012 at 6:07 pm
Puii #31, Thuamchaka chanchin hi ka hre tam lo khawp mai. Mahse, a hming tak chu Thuamzalala Sitkil niin, Khampat lam chhuak a nih hmel a, Sailo thisen pawh a nei awm e.
Indopui II naah khan Zapan ho vin thil chi hrang hrang an zirtir a, chung zingah chuan Aikido ( ka class kal ve ang
https://i46.tinypic.com/nvo0ll.jpg) pawh a tel nghe nghe.
Mak tak maiin thinghawng te pawh a liak khawk thei tlat, a thlalak nei pawh an la awm ngeiin ka ring. Ka pi te kha chuan MSV thlang field a ashow neih an en ve tih ka hre riai ruai.A amah hi pate ve tak, 5’7″ lek a ni nghe nghe.
Report this comment
August 23rd, 2012 at 6:25 pm
Puii, hemi bu-ah hian a awm nual ang:
https://www.lehkhabu.com/mizo-b.....7-cat.html
Report this comment
August 23rd, 2012 at 6:32 pm
Tumkhat chu Paihteliana leh Saizahawla hian anmahni tluka chak a milar doc_lib hmu turin an zin a, inbuanah an cho ta. An inbuanna hmun turin zawl tha deuh mau hmun chu an thlang a. Paihteliana leh Saizahawla chuan inbuanna hmun tur tiin mau chu an khing hniha humin an pawt phawi ta zung zung mai a.doc_lib chuan, uai in va chak dun ve, in pahnih phei chuan in tin ther pawh ka chai hneh dawn lo che u zuk nia tih pahin a kut khing leh lam leh lam chuan mau chu a pawt phawi ve ta zung zung mai a, Paihteliana leh Saizahawla te tang dunin mau pum 100 an pawh phawi lai chuan pum 100 tho a lo pawt phawi hman sia, ekhai hepa hi kan chai mirual ani lo tih pahin an khaw lam ve ve panin an haw dun ta nal nal a..
Report this comment
August 23rd, 2012 at 9:12 pm
Mi chak chanchin hi chu a ngaihnawm ka ti em em vek zel, chak hi mipate ti mipatu chu a ni ve chiang alawm, a ngaihnawm uchuak khat tlat..hehe
Ka pu pawh hi tlangval laia pa chak ve pangai, huaisen (at huai) ang deuh hi ania. Tum khat Lunglei(?) mi chak, a hun laia an sawi lar em em a tih tlawm dan a sawi alawm mawle. THingpui dawrah hian alo awma, ka va lut ve a. Insualpuiah ka cho a ni tih lantir nan a bul hnaia chair chu ka va laa, a chhuahna tur dal zawng takin kawngka bulah ka daha, tah chuan ka thua, amah lam hawiin ka’n faifuk hlerh hlerh mai anih kha….ka ngam hmel em vang khan a tim ve deuh aniag, a che chhuak duh ta bik lo, chumi tum chuan kan insual ta lo a ni, a ti.. hehe
Report this comment
August 23rd, 2012 at 10:51 pm
@ HV,ka lawm e, lei ve tur anih hi,,,
@ Vakul, Thuamchaka chanchin chu ka hre ve a, ka hriatbelh chak a…
Report this comment