Nuar tur a han inkawhhmuh tak chu thil mak tak a ni awm e. He tiang thu hi tuman an sawi pawh ka la hre ngai lo, mahse kan ram hmasawnna atan hian thil tul leh pawimawh tak a nih avang hian he thil hi thil pawimawh tak niin ka hre ve tlat bawk si. Tni, hemi chungchanga midang thuziak leh sawite han rawn tur pawh ka hriat lem loh avangin thuziah ti ngaihnawm tura han thluaithlum vel dan leh mi thusawi te han tarlan tur te ka hriat lem loh avangin ti hian thiam ang angin buh takin han sawi bawrh bawrh mai ang e.
He thu ziak chhiar thiam tawh phawt chuan ‘Nawrh’ chungchang leh nihphung chu kan hrethiam theuh ngei ang, duh lohna lantirna ti ila a chiang mai awm e. A bikin he hmanrua hi chak lo zawkte tan a hmanraw tha leh thil ti thei deuh mai a ni reuh a, mahse kan hman dan leh kan lan tir danah erawh chu a hmangtu a zirin a danglam thei hle ang. Zahawm tak a hman a theih laiin mawl tak pawn hman theih pawh a ni. Sawrkar hnathawk nawrh thu te kan hre fo a, an nawrh chhan ber chu an hlawh chungchang vang a ni ber mai. Sawrkar hnathawk ve lo te tan chuan thil ninawm tak a ni thei ang. Bakah, an nawrh chhan hi ram leh hnam an vei vang a ni lo chiang bawk si nen. Tun hnai deuh khan Tuipuiral Zirlai Pawl te chuan an huam chhung a school-ah zirtirtu an indaih loh nasat avangin nawrh te an huai hawt a ni a. Khatia hma an han lak tak ah kha chuan sorkar lam pawn ngai pawimawhin khawpui lama zirtirtu in ekbeng vak te pawh sawn chhuah an nih phah ta a nih kha. Hei bakah hian entirna tur thil hrang hrang sawi tur a awm teuh ang a, mahse tun tumah chuan tarlang vek lo mai ila.
Awle, kan ram hmasawnna tur chuan, mipuiten kan chanvo dik tak kan chan theih nan nasa taka Nawrh huaihawt hi kan uar a tul ta in a lang a ni. Kawlpetha kan indaih neih loh chungchang ah te, Kawng tha kan neih loh vangte, Zirna tha kan dawn loh vang te etc., hian huaisen takin sorkar kan kar ngam hi thil tihmakmawh niiin a lang ta. Hetianga kan chanvo tur ngei ngei pawh chang thei lova kan awm chung a, ngawih kan la chuh tlat chuan, thil dik lo chu a dik loh ang angin a kal zel mai dawn si a. Thingtlang khaw tam tak ka kal naah, tun thlenga electric current la dawng mumal lote, kawng chhe lutuk la awm te han hmuh hian an khawngaihthlak ka ti khawp mai a. Chuvangin, Current kan neih that loh chuan nuar ngam ila, kawng kan neih that loh chuan i nuar ngam ang u. Hetiang a hma kan lak fo chuan sorkar tan pawh Hydel Project siam tul zia te an hriat chian leh zual phah ang a, Compensate lam lo buaipui ngawt te tan pawh ipna tham a ni ngei ang, Tin PWD Engineer te tan pawh eiruk mai mai ngam a ni tawh lo ang. Mahse tuna kan awm dan ah hi chuan kan tapchhak zawlah kan phun lungawi mai mai a ni a. Kan zuamawm em a nih hi.
Tuten nge nawrh huaihawt thei ang?
Nawrh huaihawt thei tur chuan inkaihhruaina mumal tak neih a ngai. Engvangin nge sorkar hnathawk te hian nawrh an thiam kan tih chuan lehkhathiam leh fing tak tak te an nih avang leh inkaihhruaina mumal tak an neih vang a ni kan ti thei ang. Chuvangin nawrh huaihawt tur chuan inhlawmkhawmna mumal tak a awm a tul a ni. Kan hriat angin kan ramah pawh Pressure Group hrang hrang te chu awm nual hlawm mahse, mumal taka mipui tana hma han la thei tur chu an vang khawp mai. YMA lah tlawmngai pawl an niin, sorkar laka han nawrh chiam a inhmeh bawk silo va. Zirlai pawl kan neihte, MZP leh MSU te lah sorkar pur reng mai an niin, an tan huaisen taka sorkar han kar chu thil harsa tak a ni bawk si. Hei vang hian Sorkar laka kan chanvo diktak mipui ten kan neih theih nan chuan kuthnathawk ho te (sorkar hnathawk lo) kan penchuah ngam a tul hle a ni. Khaw hrang hrangah pawl in din ila, sorkar laka kan chanvo dik tak chang thei turin huaisen takin i penchhuak ang u. He thil hi keimahni sahmim tihpuar nan ringawta ti kan nilo tih hria a, kan ram leh hnam hmasawnna atana thil pawimawh tak mai a nih tih hre chunga huaisenna taka hma kan lak ngam hi a tul a ni. Kan thiam zir finna te hi rula raw neih mai lova kan ram tana kan hlan ngam hi a van tul tak em.
Similar Posts:
- July 30-ah MSU-in bandh huaihawt dawn
- Tuna Mizoram Sorkar ka hmuh dan
- Nawrhin awmzia a nei lo ang: Finance Minister
- Tunlai Aizawl
- Mizoram a sorkar hnathawk hlawh hi a tam lutuk em, Tax pe ve dawn ta ila
August 30th, 2012 at 9:06 am
1st phawt ila nakinah chhiar ang.
Report this comment
August 30th, 2012 at 9:11 am
Nuar chiah ila.
Report this comment
August 30th, 2012 at 9:15 am
Ka naupan laiin, chaw ei dawn veleh ka nuar thin a, chhungte rualin chaw ka ei duh lo ngei thin. An kham hnuah, chaw ka ei duh nana min thlemna tur chawhmeh tui min dah sak ka ei vek zel…
MAHSE, KHATIA KA NAWRH A, CHAW TUI THA KA EI RINGAWT KHAN, ENGMAH RAHTHA KA TAN A CHHUAH RENG KA HRE LO.. 
Private organization-a ka thawh vang nge ka hre lo, kan chenna khawpuiah hian sawrkar hnathawk nuar an awm ngai ka hre miah lo (ka hriat lohvin an nuar thin nge ka hre law
)
Kan chanvo leh thiltha nawr chhuah na’n chuan hma kan la thei, nawrh/nuar kher erawh ka thlawp lo tlat…
Report this comment
August 30th, 2012 at 9:25 am
Nuar a? Nuar love
Noodle maw? Noodle love a
Report this comment
August 30th, 2012 at 9:30 am
Mi ram/ram dangah chuan Dan a lalin, eng pawh hi dan ang taka thawh a ni thin. Mahse kan ram ve ah hi chuan Dan aia lal leh thunei an tamin an duh duh danin min ching kual vel a nih ber hi maw.
Report this comment
August 30th, 2012 at 9:31 am
Mi ram/ram dangah chuan Dan a lalin, eng pawh hi dan ang taka thawh a ni thin. Mahse kan ram ve ah hi chuan Dan aia lal leh thunei an tamin an duh duh danin min ching kual vel ni ber in alang.
Report this comment
August 30th, 2012 at 9:38 am
Ka LIKE e
India ram pawh vai ho nuar vanga an nawr chhuah ania..nuar sup sup ang u! Kan ram, Mizoram inrelbawl dan leh roreltute kalphhung kan hmu a, an chet dan kan duh loh chuan nuar ila, nawr ila..! Mipuiten kan rin loh miau chuan enge kan tih chuan ang!
Report this comment
August 30th, 2012 at 11:29 am
Meng kur chunga nuar hi thlem lungngawi an har an ti
Report this comment
August 30th, 2012 at 11:43 am
Ka nuar peih leu…
Report this comment
August 30th, 2012 at 12:13 pm
Mahni fate nuar pawh kan ning a nia, puitling chin tal hi chuan nawrh hi i bansan ngam ang u…. (NOI)
Report this comment
August 30th, 2012 at 12:45 pm
Rawtna tha tak a nih hi. Thu a thiamin a tawngkam chhuakpawh, a puitling
kharh mai. Siara chu, kohhran u pa i ni hialo maw?
Report this comment
August 30th, 2012 at 1:20 pm
Kan politician te ho in kan rilru sukthlek an tih danglam vek hma hian nawrh i uar thar ang u
Report this comment
August 30th, 2012 at 2:42 pm
Kan tawng (Mizo tawng) hi a la hausa tawk lo hle mai. A bikin synnonym ah hian buaithlakna lai a awm thin. I nuar ang u tia subject atana dah lansarh duhlai tak chu, public prosecutor tihchak nana mipui aw tihchak a ni ber a. Naupan nawrh anga thil ho mai mai ngen satliah leh pangchan vang ang niloin.
Report this comment
August 30th, 2012 at 2:56 pm
Fakderna mah nise i tilawmawm hle mai. Tin, Mi cho phur i thiam hmel khawpin ka hria. Kohhran upa te chu ni lul love, keini ang thlakhata vawi 1 inkhawm ve tawk te chu….
Report this comment
August 30th, 2012 at 2:57 pm
@sihtea, Fakderna mah nise i tilawmawm hle mai. Tin, Mi cho phur i thiam hmel khawpin ka hria. Kohhran upa te chu ni lul love, keini ang thlakhata vawi 1 inkhawm ve tawk te chu….
Report this comment
August 30th, 2012 at 4:45 pm
Miin ka ‘pho ro’ ang a tih chuan a phoro mai tur ani! Tui ka leih ang a tih chuan a leih mai tur ani! Dam chhung tawite a kan thil tha tih ve theih chhun te midang tan a tha anih dawn phawt chuan enge kan tih mai loh!!!
Why??? Engatinge dikna hian hmun a chan loh??
Report this comment
August 30th, 2012 at 5:55 pm
Nawrh vanga fairel bel ruak ve lo tur ho kha nuar ula
Report this comment
August 30th, 2012 at 11:54 pm
Hma hruai la,ka zui ang che..ka support che..Aizawl south II Constituency kawngpui tha tak pawh hi kan nawr chhuah ve ngat nyh hi.. Central jail ah min hruai thla dial..mahse,kan zam lo..I duh tak2 cuan..ka zui ang che..ka thiante pawn an duh..
Report this comment
September 4th, 2012 at 10:32 am
Kan tlatna mual theuhah, theuh atangin kan ram leh hnam tan kan thawk dawn nia.
Report this comment