Nula mawng khal tha tak mai inthial vêl han hmuh hi chuan mipa fa chu kan meng pâwng hlawt hlawt mai lâwm! “Kei erawh chuan, tupawh ngaih châka hmeichhe melh apiang chu, a thinlungah a uire tawh reng a ni tih ka hrilh a che u” (Mathaia 5:28). Hnial khân lah hi hre tak a ni. Sual fa lu bâwk ka tla nghâl pang mai!
Upa Ngurthantluanga chuan “Nula leh tlangvâl in awm fâlin in kutte kha ninhlei tîr lutuk suh u” a ti. Phuar beh ang maia awmâwl tîr reng zawng mi fel te tih âwm tâwk lek a ni. Kei, sual fa lu bâwk tân zawng a teuh lo mai!
“Sual ngam chein awm suh la, thatnain sual chu ngam zâwk rawh” (Rom12:21). ‘Thatna… thatna…’ tih te chu a, ka tlin lo hrim hrim. “In hmêlmate chu hmangaih ula, a tiduhdahtu che u chu tawngtaisak rawh u” (Mathaia 5:44) tih ai chuan “I vêngte hmangaih la, i hmêlma haw rawh” (Mathaia 5:43) tih te hi zawm nuam hi ka tia.
“Misual dodal suh u; i biang ding lama bengtu hnenah chuan a lehlam pawh dawh rawh” (Mathaia 5:29). Misual te chu do tûr emaw ka ti mai asin! Ka tla nghâl nal nal. Ka biangah te chuan min han bêng na teh se ‘bur’ a ni mai. “Tupawh a unau ‘mi chhawih pa’ ti apiang chu, rorelna sânga a chungthu rêl a ni ang; tin, tupawh ‘mi â pa’ ti apiang chu, hremhmun meia kal tlâk a ni” (Mathaia 5:22). Chu, hremhmunah pawh ka thlâk nawn awn awn hmêl riau!
“I kutin emaw, i kein emaw a tihtlûk che chuan, tan la, paih daih rawh” (Mathaia 18:8), ka huat zâwng tak. Khawi lama kut leh ke bûl nih te chu a! Hei hi ka duh daih zâwk “Mit aiah mit, ha aiah ha” (Mathaia 5:38). Pa taka chêt vêl hi a nuam alawm le, ti r’u? “In Pa vâna mi a tha famkim angin in tha famkim tûr a ni” (Mathaia 5:48). Pastor leh Upa-te chungchâng thu a sawi a ni lo maw? Kei zawng sual tak ka nia.
Suala hrin, suala châwm len, suala thi leh mai tûr tân chuan Isua Krista thu hi a tha famkim deuh mah mah a ni. NIMAHSELA, Krista thisen tlanna a zârah THIAM CHANG kan lo ni leh hlauh si. Chu tlanna chu rinnaah a famkim thin. Paula’n “Ni tin ka thi thin” (1 Kor. 15:31) a tih te kha dâwt pawh va ni suh. Zawm tûr ‘thu’ tam tak min pe a, mihring tân a tina tin chi pawh a ni lo. Chuvangin ‘ni tin’ sual simin kan thi thin tûr a ni. Chu chu tling lo chunga Pathian mithmuha famkimna a ni si. Sual fa lu bâwk, luchhîp atanga ke lêr thlenga pânchhia vei mah ni ila, Krista thisenah chuan silfai kan ni. Eng khaw sawi set set lova ‘Amen’ pêk thuai thuai na tham maw le. Han pe hmasa phawt ula!
Similar Posts:
- Krista Kraws Thiltihtheihna !
- Tawngtaina…awmze nei lo…(chhunzawmna)
- A ram leh a felna zawng hmasa la engkim a pe ang che.
- Kan Pathianin Amah ringtu te hnena a thutiam te!
- THAWHLEHNAA TIHNUN KA LO NI TA
Ka fon hi chu charge lai tih...
September 2nd, 2012 at 6:11 am
Ka chhiar hmasa ber e.
Report this comment
September 2nd, 2012 at 7:10 am
Vawiin hman nuam vek u
Report this comment
September 2nd, 2012 at 7:58 am
Evan. thusawi kan ngaithla a ni hawt a lawm le,
min sawi sual vak a, Krista tlannaah min luh pui leh a. Pawm a nuam viau.
tren tren
Report this comment
September 2nd, 2012 at 8:04 am
#3 I inpawm ngam chiah maw? Hahaha
Report this comment
September 2nd, 2012 at 8:04 am
Hnam sakhua vantirhkoh Pu Rinzova te khan chhiar se a tha ang! Kristianna hi awlsam te ah an ngai vei ngawt a, tlukna awlsam ber an open a, an indaptawraw daih a..haha
Report this comment
September 2nd, 2012 at 8:13 am
Good sermon
Pathianni hman nuam vek u le.
Report this comment
September 2nd, 2012 at 8:53 am
Ahaha, @4,A sim lai tak khi a ni harsa thin chu. Amah Lal Krista zarah erawh tihtheih loh reng a awm si lo.
Current a thim leh ta, huiham..Logged in as Chhuaklinga. Log out »
tren tren
Report this comment
September 2nd, 2012 at 9:11 am
Report this comment
September 2nd, 2012 at 11:09 am
Amen. A chiang hle mai. Hei hi man fuh lovin tha famkim a awm kan lo tum ringawt thin hi ania,kan theih loh zia hria a nitin a inlamlet a kan sualna te avanga ngaihdam dil tura min duh vang alo nia. Kan han piangthar ve a thusawm pek zawm kan han tum ngawt mai a,kan theih loh tur zia a hriat sa avanga a hnena inlamlet reng tura min duh vang zawk alo ni daih a. Zep lovah chuan ka manna ala rei miah lo!
Report this comment
September 2nd, 2012 at 12:11 pm
A tha khawp mai. I tihtawp dan khi a fuh cher cher khawp mai!
Mahse ka lo ip chawi chawi! A chhan chu i Bible thu lak dan hi a danglam deuh em mai a.
Mathaia bu ami i lo quote hnem hle a, a tha khawp mai. Mathaia hi Isua Krista zirtir a nih mai bakah Apostle kha a ni. Johana nen khan mit ngeia Isua zirtirna leh thiltihte an hmuh avangin an thuziak hi a ngaihlutawm. Marka hi Pu Petera bul hnaia khawsa a ni a, chutiang zelin Luka erawh chu Pu Paula bul hnaia khawsa a ni thung. Chuvangin an thil present dan hi a inang lo khawp mai. Mathaia hi inngaitlawm hle a. Chhiahkhawntu mai a nihzia amah ngeiin a tarlang a chanchintha dang ziaktu chuan Mathaia tiin an ziak mai. Isua’n a koh laia ruai a siam sak pawh kha ani chuan tlaichaw (Matt. 9:9-10) siam sak angin a inziak a chutih laiin Johana erawh chuan ruai ropui tak – great banquet (Luke 5:29) Mathaia’n Isua siam sak angin a ziak thung a ni.
Church Father hmasate pawh khan Mathaia ziak hi an lawm fal hle a. A copy hmasa ber pawh ‘KATA MATTHAION’ tiin a inziak nghe nghe a. Chumi awmzia chu According to mathew tihna a ni. Isua Krista Chanchin Mathaia ziak tihna a nih mai a nih chu. An duh bik em em na chhan pawh hi eng dang ni lovin ama JUDA puite tana ziak a nihna vang a ni berin a lang.
OT atanga NT zawmtu LEI(bridge) pawimawh em em a ni. A ziak hrim hrim hi OT style ang deuh deuh a tam reng bawk a ni. A tawngkauchheh hman – kingdom of heaven, holy city, righteousness, ldt leh a thusawifiah tum – Law, defilement, Sabbath, Messiah, leh a dang tamtakte hi chanchintha ziaktu dangte’n an lo tarlan zen zen loh a ni a, ani hian juda TARMIT hmang chungin a lo ziak ta a ni. Mathaia ziakah hian vawi 54 vel tawp mai OT atanga thulak awm niin miin an pawm a. Tin, 200 chuang daih OT hrula thuziak awm nia hriat a ni bawk. Bible kan chhiar hian Malakia chhiar zawh veleh Mathaia hi chhiar ngei ngei tur tihna a nih chu…Hemi avang hian Thuthlung thar lama Johana dah hmasak duhna pawh kha a paihthla reng bawk a ni, Bible Scholar tamtak ngaihdanah chuan.
A chunga ka tarlan takte avang hian Mathaia thuziak hi a RUM mawlh mawlh bik hle a. A danglam bik a ni. Isua Zirtirna tamtak a tarlang a, a duhthawh viau thin a ni. Khilaia ngaihdamna chungchang pawh khi Tlangchunga thusawina ami kha i lo la chhuak a mahse hemi ngaihdama thu bawk hi Mathaia vek hian bung 18na-ah khan a lo ziak lang leh a ni.
“I kutin emaw, i kein emaw a tihtlûk che chuan, tan la, paih daih rawh” (Mathaia 18:8) khi Isua thusawi uarna a ni a. Interpret sual a hlauhawm thei viau ang. Hetiang chi hi HYPERBOLE an ti thin. Bible-ah hian a awm nual.
Tin, “I vêngte hmangaih la, i hmêlma haw rawh” (Mathaia 5:43)leh “Mit aiah mit, ha aiah ha” (Mathaia 5:38) tih i lo QOUTE dan hi fiamthu thawh deuh reuh si mahse ti tak reuh deuh bawk siin i lo ti niin ka hria. Fiamthu thawh nan chuan a zia mai thei a mahse hetianga Bible chang lak hi a tha lo khawp mai.
“I vêngte hmangaih la, i hmêlma haw rawh, AN TIH I HRE TAWH” tiin a inziak a ni. Pakhat zawkah pawh khi chutiang tho chu a ni. Fimkhur hi a tha ve mai mai. Bible changkhat lak vung vakte hi a hlauhawm thei khawp.
Ka ziak leh ta teuh mai. I sermon tha lutuk e.
Long live Aawmtea of misual. 
Report this comment
November 22nd, 2012 at 2:52 pm
Amen
Report this comment