Rilru ah a awm tlat, puak chhuak lawk teh ang.
Hman deuh khan FB group pakhat ah hian thil ho angreng deuh mai hi an rawn post a, a ho ka tih thu ka comment a, min rawn attack ta luai luai a. Hnam dang pasal ka neih vang a Mizo hnam hmusit ang a min rawn puh hial te pawh an awm a. Awmna chi niin ka hre lo a, ka chhuahsan ta a.
Tun hnai a thil thleng: FB group SR ah (https://www.facebook.com/groups/mizospecialreport/503948159632476/) – a link hi a dik em aw??? IBPS hnuaia Rural Bank Officer hna tih vel a ni.
A post tu ziah dan chuan HB Travels in application kan tihsak thei tiin advertisement an chhuah a. A han tihtir a. A sawi dan chuan HB Travels te hian online application an fill sak ang a, ‘Exam admission card an download in an print sak ang’ tiin advertisement an chhuah a. Exam dawn tepah a han kal a, HB Travels ho chuan ‘Technical Problem’ avangin an download theih loh thu leh midang tam tak pawh an tihsak theih loh thu an lo hrilh a.
‘IBPS Rural Bank Officer’ tih ka Google Search a. IBPS advertisement a lo lang a – https://www.ibps.in/career_pdf/CWE_RRB_Advertisement.pdf
Advertisement ah khan chiang takin ‘HOW TO APPLY’ tih a inziak a. Authorised Agent an awm thu a ziak lo a. ‘Candidates can apply online only from 01.06.2012 to 25.06.2012 and no other mode of application will be accepted. ‘ tih erawh BOLD ngatin an ziak thung.
FB-a SR group ah let leh ta ila. Hemi ka search chhung leh ka chhiar chhung hi minute 5 pawh a tling lo. Chuan ka va comment ta a.Engatinge HB Travels chu an hman, anmahniin an ti thei lo em ni? Computer/Internet/Printer/Scanner nei lo mahse Cybercafe ah a tih theih vek si a tih leh; Graduate lai ni si, online application pawh fill thiam lo chu Bank Officer ni tlak pawh a ni dawn em ni tih lampang deuh zawngin. Reaction ka dawn kha mak ka ti angreng khawp mai.
- ‘Graduate pawh nise Online application an fill thiam nghal kher lo’
- ‘TV pawh nei pha lo Mizoramah kan tam’
- ‘Scanner/Printer/Computer/Internet kan nei vek kher lo’
tih angreng vel a ni.
Kum 2000 vel, ka graduate hlim hlawt khan Aizawl ah Cybercafe a tam hle a. Cybercafe zawng zawng deuh thaw ah Printer/Scanner an nei nghal bawk. Tun 2012 ah hian khatiang kha a lo awm ta miah lo chu anih ka ring hauh lo. In lama nei thei ta erawh kan thahnem ta thung. Chuvang chuan neih loh kha chhuanlam a tling ka ti lo. Mobile phone atang pawh a FB thiam si chuan website leh Google Search chu thiam turah ka ngai. Mahni a neih kher a ngai miah lo. Cheng tam lo tak chawiin a tih theih.
‘Graduate nih vang a online application fill thiam kher lo’ hian ka rilru a khawih leh bawk. Engahchuan nge an graduate le? Kan intihchangkan ang ngaihtuah hian kan changkang lo a va nih hmel ve? FB vel a intisaptawng thiam hle si hian mahni hna duh apply dawn pawh a midang rawih a ngai hi ka hrethiam lo.
‘TV nei pha lo Mizoramah kan tam’ – A dik thei e. Mahse TV pawh nei pha lo kha a FB thiam tho si chuan a va ‘Moot Point’ deuh ve? Internet hre lo hrim hrim pawh kan tam. Mahse Internet pawh hre pha lo chin chuan Bank Officer hna chu dil an tum chhin pawh ka ring hauh lo. Khatiang hna sang dil chin kha chu lehkha lam leh Internet lamah pawh hre ve pha tur ah ka ngai.
A then rawn comment dan chuan ‘In zir an duh a, a then chu hnathawk lai te an nia, hun an nei lo alawm’. Mahni hna duh tak online application fill nan khan minute engzahnge ngai le? Office hours kher a tih a ngai bawk si lo nen. Office ban darkar 1/2 te chu chhungte bumin kan leng thei tho si a. Hna dil nan darkar 1/2 chhungte hriatpuina in kan la thei lo em ni?
He thu ka chhiar hian pawi ka ti hle. A pawi ka tih dan erawh chu a dang deuh hlek. Kan Education system hi a chhe lutuk in kan graduate te hian hna duhzawng dil nan pawh application fill up kan thiam ta lo tihna em ni? Nge a mihring te hian kan zir lo ve hrim hrim zawk? Kei ni ta ila, ka hna dil tur ni ta se, midang min dilsak ka duh ka ring lo. Midang ka ring zo thei hian ka ring lo. Mahni thiamna aia midang thiamna kan rin zawkna te hi a tha ber em?
Heng zawng zawngah hian HB Travels chu ka thiam chuang hauh lo. ‘Kan tihsak thei’ ti a advertisement an chhuah anih chuan an tihsak ngei tur a ni. Ti thei lo ta anih chuan a theih loh rual rualin candidate te an hrilh kha an tihtur a ni. Candidate ten an zawh hun kher nghak lo in.
Enge in ngaih ve dan hriat a chakawm e. Han thawhkhawm ve teh u. Ka ngaihdan hi a dik lo nge ka ngaihtuah famkim lo a ka hrethiam lo?
Similar Posts:
- Pondicherry University MBA Admissions 2010-11
- Mizo thalai internet hmang zat?
- Zonuntluanga -> Zo-Nun-Tluanga
- A hre chiang in awm mial em le?
- UPSC Civil Service Prelims Online a form fill up
Lairil a fan ngawih ngawih e. Ni e...
Mite...
September 4th, 2012 at 5:31 pm
ka va han first dawn chiang tawh tak em
Report this comment
September 4th, 2012 at 5:36 pm
Fb-a post tu khi kan thalai leader hlui
Report this comment
September 4th, 2012 at 5:43 pm
I ngaihdan khi ka tawmpui che…
Tawng an huat thu suhah, facebook-a tawngkam dengkhawng tak taka comment ve phawng phawng hi chu, chaw ei, len leh facebook leh tlemte bak hna an neih lo mai thei.
NOI
I thuziak atang khian, an chhuanlam khi, chhuanlam a tling ka ti miah lo bawk…
Report this comment
September 4th, 2012 at 5:50 pm
I sawi dik, ka thlawp che. Mizote hi kan changkan dan hi a mak khawpa, educated ni-a inngai mahnia form (hna dilna/univ application etc) fill up thiam lo, mahni irawm chhuaka resume ziak thiam lo, official letter pawh ziak tha ngam lo hi kan kat nuk awm asin! Internet kan hman dan te hi a tangkai leh creative zawng ni lovin a thian kawm, hun khawhral leh zawmthaw zawngin kan hmanga, thil tangkai tih dawnin kan laktlak tak tak thin lo a ni.
Hetiang lamah hian awareness neih a tha khawp mai.Kan education system hi enfiah a ngai khawp mai bawk, Mizo zirlaite hi reasoning leh critical analysis ah kan nep tlangpuia,(hei hi kei ngei pawn ka experience nasa em em a ni), tette atanga kan inzirtir dan hian confidence keimahniah a tuh tawk loa, hnamdang ngaihtuahin kan competent tawk thin lo, chuvang chuan hna zawn kawngah leh mawhphurhna dangah kan buai phah fo thin a ni.
Fb a commentators satliah thusawi kha engahmah ngai suh, inti hria hre tak tak silo, mi tam zawk tan lam tan ve ringawt, thutak hlatak sawipui dawna laktlak loh online a tawng pawr satliah mai mai an tam zawk ang (SR te ang group lianah phei chuan)
Report this comment
September 4th, 2012 at 5:51 pm
i thlir dan atanga ka ngaituah chuan a a dik ka tihpui khop mai che
Kan Education system hi a chhe lutuk in kan graduate te hian hna duhzawng dil nan pawh application fill up kan thiam ta lo tihna em ni? Nge a mihring te hian kan zir lo ve hrim hrim zawk? Kei ni ta ila, ka hna dil tur ni ta se, midang min dilsak ka duh ka ring lo. Midang ka ring zo thei hian ka ring lo. Mahni thiamna aia midang thiamna kan rin zawkna te hi a tha ber em?
mahse HB travels khi an ngeiawmin an thiamlo hul hual ka ti thung
phone in an hriattir tal tur ani. an mahni vangin mi pakhat chauh ni lo midang tamtak ten exam an pek thewih loh phah a nih phei chuan…
Chutih rualin, exam a nih dawn reng2 phei chuan mahni ngeiin initiative lak ngam a pawimawh…
Report this comment
September 4th, 2012 at 6:09 pm
In tanna lamah in dik ve ve.
Report this comment
September 4th, 2012 at 6:21 pm
ka’n nau pakhat hi computer thut chilh tlat mai a om a, chu2 tih ka ngai tiin software/program hming kan hriat ve thiam loh ka install dawn, ka upload dawn ti thul.Mama hei hi MS word ah min lo chhut la, lo edit bawk rawh aw tih chuan engmah a ti thiam leh chuang lo,rang tawk2 a a click theih laiin a chhut lamah chuan satel truan ang chauh ni leh si!!!
ka thlawp 100%
Charice_mizo :
Changkanna kebai lam kawng kan zawh mah2 thin…
Report this comment
September 4th, 2012 at 6:31 pm
Misual.com ah hian post chi hrang hrang a awm thin a. Nangma post ang chi – midang rel ni chuang si lo midang nena inhnial avang emaw intihthiamloh deuh avang emaw-a zualko aw ang reng deuh mai hi a lo awm leh zeuh thin!
Computer Engineer zir zo na zawngin Computer boot an thiam nghal ngai lo va. MBBS zirzo na zawngin inchiu leh thui (stitching) an thiam nghal kher lo bawk…
I thulak dan hi a fuh lutuk bik miah lo. Kan Education system a tha lo a ni tih puhthluk tawp nan phei chuan a pawmawm loh khawp mai. Kan eduction system hi a tha lutuk lem lo mah se i thil sawi khian a thatlohzia a confirm hauh lo! Thil dang sawi tur a a tam ang. Nakinah muangchangin ka lo comment dawn nia.
Hnamdang pasal nei i nihna chu kei hian pawi tihna ka nei ngai lo. Chu aia pawi ka tih zawk chu vai pasal nei leh sap pasal nei kan endan hi!
Report this comment
September 4th, 2012 at 6:34 pm
I ngaihdan hi ka thlawp e.
Report this comment
September 4th, 2012 at 6:52 pm
A ropui e
Ngaihdan tha tak a ni
Report this comment
September 4th, 2012 at 7:04 pm
Kei chu mizo ka tan zawk
Report this comment
September 4th, 2012 at 7:25 pm
A dik khawp mai, Education is all round development tih anih kha. Tun anglai ah chuan eng Dept. office ah pawh computer hmanlohna a awm tawh mang awm love. Online registration ngat phei chu By post ai pawha awlsam zawka ngaih a nia, chutiang pawh an tih theih loh chuan By post ah pawh an harsat thovin a rinawm.
Report this comment
September 4th, 2012 at 7:25 pm
I tanna hi a dik ka ti. Chutihlaiin educated nih vang emaw nih loh vang emaw lam ni loin, thil la tih ngai loh ah hi chuan kan inring tawk lo fo thin. Fb account ka neih tan tirh te khan ka lo buaipui tawk ve em em a, a lo hoh hoh nen.
Report this comment
September 4th, 2012 at 8:03 pm
I tan na hian a buk rit zawk e keimahah chuan.
Report this comment
September 4th, 2012 at 8:06 pm
Dikah ka ngai e…
Report this comment
September 4th, 2012 at 8:36 pm
#8 Ignatia, Ka lo chhang lawk che.
Ka thu lak dan a dik ka ti bik miah lo a, keima ngaihdan rawn sawi chhuak ve mai ka ni. Kan Education System a chhe lutuk tih pawh ka sawi miah lo. Zawhna ka zawt zawk a ni.
MBBS zir chhuak si a inchiu leh thui thiam lo chu pan chi ah ka ngai miah lo bawk. Ka unaute MBBS leh Nurse an awm ve nual a. Anni ho hi an zirlai atangin kan inchiu tirin kan inthuitir asin! Zir chhuah tawh a chutiang basic medicine pawh zir chhuak lo chuan engtinnge mihring nunna a chhanhim ang?
Report this comment
September 4th, 2012 at 8:43 pm
Aa…app form ziah thiam loh avanga en hniam ngawt chi ani dawn em ni? Thil dang,midang tih that ngam loh,ngam taka tih an nei ve leh teuh tho ang. Thil hi a kalhmang te te hi a awm ve a,tih ngailoh chuan huphurh awm tak tak hi a awm ve ania,form fill up ngat te phei chu uluk a ngai sia,an inringtawk lo deuh te pawh ani mahna. Vai naran graduat ai chuan Mizo nula/tlangval graduate ngat chu ka la ngaisang tho tho e. Thil kawnghmang pawh an la hre zawk tho tho ka’n ti hram teh ang.
Mahse I tanna laimu khi chu ngaihtuah zui a ngai viau.
Report this comment
September 4th, 2012 at 8:59 pm
a thu lo luh dan hi ka duh loh thin thil kha a ni a. khawiah emaw an inhniala hetah vui hmuipu deuhin an lo lut thin a(tuna mi hi ka ti kher lo). a platformah khan sawi fel vek mai a tha zawk.
heta post tur chu he thu vek pawh hi heti lo deuh hian a sawi theih maw le.
misual.coma kan inhnialna hi fb lamah va tharthawh leh ila fuh ka ti chuang lo ang bawk hian.
facebook a thalai sahawk naran ho hi facebook group ka chhiar peih loh phah zahpah lah an nei hek lo…ngaihdan fing tak leh hawihhawm taka sawi ta lo hian na deuh deuhin an rak a…mi dang zahawm taka sawiho na tak takin an kheng vel a.
i sawi fb comment ka chhiar vek a…i sawi hi a dik vek…heta i post pawh hi a i tanna a sual lo…zahawm takin i sawi thlap thlap…thil pakhat chiah thurawn pek ve che ka duh…pe tur che ka ni em chu thuhran…he internet khawvelah hian i sensitive lutuk ang tih ka hlau…thu chu a hiar ang anga chhan hiar ngai a awm ve thin a…a tuartu nih tum reng lovin attack let rawh …thuphachawi emaw dam thluam reng hian a ti huangtau zawk…charice..i entawn rawh…hehe
Report this comment
September 4th, 2012 at 9:09 pm
#18 vakul pawh sawi ṭha leh khawp mai
Report this comment
September 4th, 2012 at 9:26 pm
A dik viau mai
Post tunu hian mi(sual)ho ngaihdan a hre duh nimai in ka hria. A ngaihdan hi ka thlawp khawp mai
Engatinge hetiang lam post hi in duhloh viau mai le
Inhnialna rawn tharthawh leh lam pawh ani vak in ka hrelo keichuan
Report this comment
September 4th, 2012 at 9:34 pm
Ka ngaihdan chuan…hetiang post hi misual.com ti hlutu leh kan mamawh a ni. Post relevant leh practical tak a ni bawk.
Report this comment
September 4th, 2012 at 10:10 pm
Misual.com a rawn vui angah min ngai ta tlatin ka hria. Ka rawn vui miah lo. FB a ka ngaihdan ka sawi vak vak kha awmzia a nei lo in ka hria a. Mahse hman atanga ka thil vei ve (kan Education System hi) a nih avang leh, Misual.commers ho hi puitling tlang deuh zawka ka hriat vang a rawn post ka ni; ngaihtuahna siamah leh that zawk dan kawng zawn dan a awm takin tih thilah.
Ka ngaihdan leh thil lak dan a dik vek ka ti lo. Midang ngaihdan te han hriat a, ka lo ngaihdan a dik lo te anih chuan ngaihdan dang siam nan te pawh ka ti pah bawk.
@vakul, sensitive hran lo ve. Ka ngaihdan ka sawi vak vak kha awmzia a nei dawn lo a ka hriat chuan ka inthiarfihlim san zawk.
Report this comment
September 4th, 2012 at 10:26 pm
@Xollie (Comment number 16): I nau Nurse zir chuan inchiu leh inthui chu a zirchhuah veleh hnehsawh viau ang. Mahse i nau tho MBBS zir chuan a zir chhuah veleh a hnehsawh ka ring vak lo khawp mai! Internship a tih hunah inchiu leh inthui chu a zir tak tak chauh ang. I awih loh chuan zawt chiang rawh.
Aizawl Civil Hospitala MBBS internship tiho hi Nurse ho pawhin mak an ti thin reng a ni, mahse anmahni angin inchiu leh inthui kha an zir lem lo a ni tih an hriat hnuin mak an ti lem lo. Tin, inchiu leh inthui hi nurse lam chan a lo ni deuh bawk a!
Report this comment
September 4th, 2012 at 11:25 pm
Application form pawh an hman thiam loh chuan hna pawh han thawk tehreng se, an va tawi duh awm ve? Xollie sawi ang khian educatino system enen chuan inkaih tehreng e. An huat thu sawiah min ngai lo ula, unemployable nih hian unemployed zinga tel a awl phian.
Report this comment
September 5th, 2012 at 12:11 am
Ka comment tawh sa ka delete leh daih ! Nia, i sawi ang hian quality hi chu kan la hlat deuh niin a lang.
India ram hrim hrim hi under graduate-ah hi chuan an fak viau laiin graduate leh post graduate chinah chuan fak a hlawh lo khawp mai ! An grading reng a chhe mai, Mizoram chauh ni bik lovin.
Report this comment
September 5th, 2012 at 12:26 am
Kan education system lampang kan chhui chiam dawn emaw tiin phur takin ka chhiar a……
Report this comment
September 5th, 2012 at 12:29 am
#25 second para
Kan education system a tha e phei chu ka ti law, mahse vai graduate online application mai ni lo, computer khawih dan takngial pawh hre mumal lo, eng2 officer post emaw dil an awm ve nuk tho. An education system a chhe ve leh chhawng aniang a
Report this comment
September 5th, 2012 at 12:44 am
Arre yaar. Istation lama kal a hun.
Report this comment
September 5th, 2012 at 4:21 am
Post-tunu ka thlawp full che! I point ho khi dik ka ti vek.
Mizo thalaite hi mahnia ding chhuak tura mahni inrintawkna kan tlachham fo thinin kei pawhin ka hmu(kan vai chuan kan ni lo). Chumiah chuan kan zirna system hian mawh a phur thui khawpin ka hria. Zirlai a awmzia hriat tum aia exam chhanna focus rana by-heart tlut tlut kan ching lutuk te hian min tichhia a nih hi. Sikulah zirtirtuten Note ziah chhuah sa vek min pe a, chutiang bawk chuan hna dilna form fill up tur pawhin tuin emaw min tihsak loh chuan kan confident ta lo thin a ni mai lo maw?
Ignatia#23, MBBS chungchang i rawn tehkhin khi chu a fuh lutuk lo mai thei!
MBBS theuh theuh hi a inan loh theih viau a nia!
Report this comment
September 5th, 2012 at 4:47 am
Pui bep bep ve, dik tak a nih hlawm hmel a, ka thlawp bawk e
hairehai 
Report this comment
September 5th, 2012 at 5:02 am
He thil hi ka ngaihven zawng tak ania. Ka mimal experience ve chinah chuan student tam zawk in lehkha kan zir dan format hi a fuh lo.. Hei hi education system that tawk loh vang pawh ani thei khawp mai.. Taima takin zir thin mah ila kan zir dan a fuhloh chuan a hahthlak duh thin khawp mai.. Technical line ah phei chuan a pawimawh zual emaw tih theih ani. 1st year ah back paper ka neih na chhan.
Report this comment
September 5th, 2012 at 7:24 am
Happy Teachers’ Day to all Misual Teachers
Report this comment
September 5th, 2012 at 8:16 am
Report this comment
September 5th, 2012 at 9:59 am
Nia
Report this comment
September 5th, 2012 at 3:10 pm
education system in ti deuh hluai na a..i thil discuss hi education system nen chuan a in hlat deuh em aw ka ti!.. computer education te emaw ti ta la..a zia mai thei e.
Report this comment
September 5th, 2012 at 5:18 pm
#35@lrpa….Education system huanga dah theih a a ngaih vang alawm a ziah chhan ber…Hrethiams, Computer zir mi tak tak in an thiam tur chin chu a hranpa in a awm a, chutiang bawkin a Subj zir bik te chauh thiam awm ṭheuh hi chu a awm a ni. Amaherawh chu kan tunlai khawvelah chuan Computer zir emaw zirlo emaw pawhin kan hmachhawn vek chu “computer age” kan tih angin eng Dept. tinah pawh hna awlsam zawk nan a zir bik emaw zir lo emaw pawhin kan inchhawp tawh a. Chutah chuan va thiam fal bik viau ngai lova kan hriat ve awm hi chu he “computer era” ah hi chuan a awm a ni. Computer basic tak tak hi chu Subject thiam ngai bik a nihna aimahin GK a ni zawk mah tawh awm e. Ka lawm e
Report this comment