Tun lai chu Mizo hla lar tak “Inkhawmpui tiak tawh ngai lohna ramah, In ka nei” tih hi ka rilruah a awm ve teh tlat mai a, a mawi ka ti in ka duh ve khawp mai a, a hla thu dang pawh ka hre em em chuang lo na in mahni hian khi lai chang hi ka sa rat rat thin a. Krista ringtu te chuan Vanah Kut a sak loh In, Pa in min buatsaih sak kan nei a, a va thlamuan thlak tak em. Tun tum chu Vana in lam ni lovin, Mizoram chhunga Vaivawm lawmtu ten In pui (Office) kan neih thu kan ziak daih teh ang.
‘Ka’ tih hi ka hmang ve ngawt a, Mizoram Vaivawm Pawlah hian member pawh ka ni ve lova, a khelh lah ka thiam lova. Mahse, Mizo zingah hian Vaivawm kei aia lawm hi pakhat chiah ka la hmu a, Vaivawm na na na hi chu ka in ti neitu ve viau mai. Ka tluk loh pa( Misual a Ignatia ngei mai hi) hi chuan hlo thlawhna ah pawh live commentary a ngaithla ngat peih a, thluk thei rual niin ka in hrelo a ni. Chuvangin, kei tha thawh ve miah lo, pawisa dere pawh thawh lo hian ka in ka ti ve ngat a ni.
BPL Game maw: BPL tih hian mi tam tak chuan English Premiere League kan rilru ah lang nghal mai awm e. Barclays in an sponsore avang hian EPL ti lo hian BPL tiin an sawi ve thin reng a ni. India ram chuan BPL hi Below Poverty Line tiin ka hre lar a, a kawh tum leh a sawi tum kan chiang vek. English ho BPL ang hian India ram chuan Savun hampuar pet hi BPL game a ni a. Mahse ,a BPL dan hi India version BPL ang hi a ni thung. Game riangvai ve tak, sponsore tu nei tha lo, a game hrim hrim pawh lawmtu tlem leh zual a ni a. A player te pawh Vaivawm te nen a tehkhin chuan BPL tih loh rual a ni lo.
Mahse, Mizoram hian Vaivawm hi BPL game chei tak hian kan chei ve ziah a, a en tu leh lawm tu kan tlem em a vang hian duh ila duh suh ila BPL game tih loh rual chu kan ni lo ve tho. BPL anga min lo ngai tawk an awm pawhin a mawh love, kan thlang lawkah kan pa te ropui takin, sum hman sen loh hial neiin an awm ve tho a lawm le. He laiah lo inham puar ho pawh khu lamah chuan an pa te BPL a nih ve tho hi. Engah nge kan han zam teh lul ang ni.
Mizo fa zingah hian Vaivawm lawm hi kan tam lo khawp a,mahse pawl tlem zawk ang hian kan ruh fang in ka ring. A nawl pui in an en puih miah lo leh tuipui loh kara lo tui pui tur chuan lemchan reng peih chi a ni lo. Chuvang chuan game dang lawmtu te ai hi chuan kan rinna pawha nghet zawk turah han ngai ila kan ti sual kher ang emaw ni le.
Kan in leh a behbawm: In thar luah ni khan ka tel ve lem lo. Mahse, enge maw remchanna avangin a hawn hma ni chiah khan ka han dak lut zuai a, BPL in turah chuan a zahpui awm lem lo. Kan inpui leh kan hmabak hi hrilhlawkna pawh ni chuang lovin entirna ang in kan sawi lawk teh ang. A awmna khi a sang fal deuh larh a, Mizoram a game boruak ang en chuan Ground Floor a kil rik rek a awm ve mai mai awm kan ni. Mahse, India ram boruak hap pha tur a tan la lai kan nih avang te pawh a ni mahna, a boruak hap sang vah mai a ni. Tin, a hmun pawh a laili tha a, hei hian India ram a Vaivawm chungnung zia leh lar zia a tarlang thei awm e. A chhung pawh a theuneu lo. Mizoram a Vaivawm pawl hi tu-i-khaw hriat loh a ni tih ka hria, mahse a chhung lamah chuan an theuneu loh zia lan tir nan office chhung pawh zahpuiawm lo tak in an rawn thuam nghal a. Secretariat a Officer thenkhat room ten en tehkhin phei chuan Secretary room ni mai awm a mawi a ni. Top Floor a awm a nih avang hian a kawnga chu a thui khawp mai. A hmun thleng tur hian mi in fit lo leh ning nel duh tan tih mai mai chi a nilo. Hei hian Mizoram a Vaivawm hian hmabak kan la ngah zia te, taimak kan chhuah leh zual a tul zia te hi a tarlang chiang hle a, tit ha peih lo te tan chuan kal ve loh mai a tha zawk zia a tarlang chiang hle a ni.
In piah lam ram kan thlir a ngai: Mahni pual a in neih hi chhungkaw hlimna a ni ber lo. In tha leh ropui tak tak nei, chhungkaw in hau reng ,in ngeih lo, in thendarh an tam mai. Vaivawm lawmtute pawh hian In tha tak kan nei avangin kan lawm rual hian a chhunga lawi te that tlanna atana kan thawh loh chuan kan in ropui hi eng mah a ni lo ang tih kah riat a tul. Vaivawm khelh tu te leh a game that na tura ding kan ni tih kan in hriat thar leh a va tul em. Kan din chhan hi Vaivawm a ni, chu mi nilova nihna emaw sum emaw ropuina emaw kan zawng a nih chuan in ropui tak nei chung hian inghirnghona a chhuak ang a. In ropui leh changkan tak a lawi tur pawh kan awm lo mai ang tih a hlauhawm hlel lo ve. China mi fing, Loa Tzu a thusawi ‘ Zing kawng mel sang tam tak chu pen khat chauh in tan a ni thin’ a ti ang hian Mizoram vaivawm hian mel sang tam tak zawh turin tan kan la a, kan kawng zawh atan he In te reuh te hi a pen khat chauh mai a ni e.
Similar Posts:
- Vaivawm President’s Cup ka en ve a….
- Awi Karei Vaivawm
- Hei mah mah kan vei lam lenghal..
- Vaivawm : Ka thinrimna leh tawh.
- Ka SALE vek mai dawn e.
All the luck...
September 6th, 2012 at 5:12 pm
Hmasa ber thang khiust em?
Report this comment
September 6th, 2012 at 5:17 pm
Vaivawm hi ka làwm ve hauh lo mai. Vaivawm chungchanga ka lawm chhun chu… Mizo ṭawnga vaivawm ti-a kan sawi ve tlat hi a ni.
I rawn ziak ṭha viau tùrah ngai ang. Mahsé vai thil hi chu ka chhiar peih lovin ka chhiar ngai meuh lo.
Vaivawm ti-a fiamthu tal pawha kan sawi ṭhin hi chu ka läwm ngawih ngawih, kei mizo ve bur hi, tling lo viau mah ila.
Report this comment
September 6th, 2012 at 5:23 pm
Min telh ve thei. Cricket fan ka ni tlat.
Report this comment
September 6th, 2012 at 5:30 pm
Upno, Vaivawm hi lo ngaisang ve teh en a nuam a nia aw. James Bond, Cricket fan i nih chuan in a nih ve chu in thlahrung miah lo vin lawi lut ve thin ang che…..
Report this comment
September 6th, 2012 at 5:57 pm
LBW
Report this comment
September 6th, 2012 at 6:05 pm
Ka en thuak thuak a i ziah tum dan ka man thiam mai. Nakinah tih tak zetin ka chhiar ang.
Priya Ranjan das munshi leh Praful Patel hi tunhnai deuha football lama politician inrawlh peih challang deuh hlek an ni maiin ka hria a. BCCI lam khan kan rama(India) football ngaisangtute (tlemte = BPL) tan pawisa sahthlak tih vel kha an ti ri leh tawh em aw…ehhhhh
Ka tang leh at tawh.
Good Post, Chhingte
Report this comment
September 6th, 2012 at 6:24 pm
Ignatia, Kan pute pawisa thawhchhuah sa kuangbang zut ho, Vaivawm min hmu BPL thin ho hi i hman vel leh counselling han pe thak teh aw….
Report this comment
September 6th, 2012 at 6:32 pm
Vaivawm hi ka en ve leh zeuh thin. A fan erawh ka ni lem lo.
Kan banner mawlh khi
Hawh u Vaiva nui khi bihruksan vek ang u…hahaha
Report this comment
September 6th, 2012 at 7:16 pm
A vaw risk huai2 an chak mai a ni lo’m ni?
(tlanchhe nal2)
Report this comment
September 6th, 2012 at 8:27 pm
Out
Report this comment
September 6th, 2012 at 8:45 pm
Century Child, A vaw risk huai huai chauh a ni lova, a vawm risk huai deuh pawh an chak ve zauh zauh a lawm…..
Report this comment
September 6th, 2012 at 8:46 pm
Ka comment a lut emaw ka ti a. van mak!
Cafe hi a chiang lo a niang.
Report this comment
September 6th, 2012 at 9:06 pm
Ignatia & Chhingte nakinah ka lo comment tha leh ang. Savun hampuar um thinte hi puih an ngai. Aizawl cricket fans ruhkawl ka nia lawm Lawrkhawmah chuan kan sawi luai luai thin.
Report this comment
September 6th, 2012 at 9:27 pm
Tuanzairel, a va lawmawm thin tak em. Lawrkhawm lam hi ka dak lut vak ngai lo a tin ni. Vaivawm lawm tak tak in lo awm hian post a ti phurawm a, a haw tak tah in awm hian a ti phurawm leh zual thin a sin
Report this comment
September 6th, 2012 at 9:32 pm
Chhingte ni ngawt tak! under 19 world cup champion kha phur thut chuan ka lo post ang e. Rs 20 lakhs theuh champion player te hnenah BCCI hian a hlan a lawm. Savun hampuar trophie man zat a hen thuak lo maw.
Report this comment
September 6th, 2012 at 9:42 pm
Lo post mawlh teh….Savun ham puar pet ho lah hi Vanglaini hnung te hi an ta emaw an ti a, English Football ruai an theh sak a, field bing bawlawl te te ah an practice leh a ngai sia, ei siam tui hmel tawk TV a en hnu a, Bai thing hmeh ang vel an nia, a ngaihna a awm hlawl lo.
Report this comment
September 7th, 2012 at 10:34 am
Chhingte councelling tur an lo va lang tha duh lo ve! An nihna diktak kan sawi bawk a an zam ve deuh a niang maw…ehhhh ( I tactic hi a tha thin ngawt mai…
)
Nikum emaw ni aw… Asian Cup inbuatsaih nan leh khelh nan khan India sorkarin Rs 10 crore chauh Indian Fooball team kha a pe a. Inbuatsaih hun chhungin an khelhna club atanga lakchhuahte an ngai dawn si a sum an mamawhna a sang lutuk a. Sports ministry lamin an pe tlem si a chuvangin Rs 12.5 crore chu BCCI lamin an sihchhuah ve hlek a nih kha.
BCCI hian kum 2009 lam khan AIFF hnenah Rs 25 crore pek a tiam a chu an tawngkam tha chu an umzui ve deuh bawk a ni. Tunah hian Prafu patel hian a bang – Rs 12.5 crore chu BCCI hnen atang hian a la besei reng a ni.
Mizoram Cricket Association pawh hi BCCI affiliated kan nih hun chuan MFA lam hian turu min ti viau ang. Mahse peace bonus ang vel kha chuan kan chalai lo turah ngai ta ila… Cricket sawi hi a nuam…. Test lama New Zealand kan sawp hrep REPORT pawh kan la pe lo mah mah…
Report this comment
September 7th, 2012 at 11:03 am
Tunhma kha chuan ka hrat ve maw le… Mahse ka bansan leh ta
Report this comment
September 7th, 2012 at 11:12 am
Ignatia, A lawmawm e. Nia, Counselling tur ho hi an ngawi thuap mai a. An zam tan a nih ka ring. Hei Pu Hawla meuh pawhin a tuipui ve ni ngei tur a nia, CAM President te hial a ni tlat mai a. Savunham puar pet chuan a nau an chang thung a, Hei ngawt pawh hian Vaivawm aia Savun hampuar pet ropui zia a tar lang mai awm e a. BCCI ah hian Affilation te chu hmu ila Mizoram Savun Hampuar pet hi sum kan sih chhuah ve dawn nia. Awmte, hnungtawlh suh. Vaivawm hi lo lawm thar leh teh, Tui awm deuh a nia aw….
Report this comment
September 7th, 2012 at 12:21 pm
I in thar nei ka lawmpui a che.
Report this comment
September 7th, 2012 at 5:02 pm
Chhingte, an lo lang duh lo hle mai a. Nang nge nge i hlap chhuak teuh mai lawm le…
Awmtea hi kan Thlarau bo ah ka puang mai dawn asin. A bo dawn pawh hi duli bo anga bo a niin a lang. Hruai kir leh vat a ngai a ni.
Ti daih ila tunhnai New Zealand kan sawp kha lawmna deuh pakhat ka nei a. Chu chu VanlalPujara lo che tha vei lutuk kha a nia. India hian middle order kan mamawh hle a. An mamawh ang chiahin a che tha ta a nih kha. Kum 2010 khan kum 22 mi lek niin Australia lakah a test debu match a khel a tahkhan century siam dawn emaw ka tih laiin 72ah a out palh hlauh mai a. Mahse tunah chuan tu man an dang zo ta lo.
Pu Dravid-a a chawlh khan amah hi a aiawh tura koh kha a ni a. Tin, Dravid-a nen hian an chet dan pawh a inang reuh fu an miin an KHAIKHIN fo thin. VanlalPujara hi ka duh em em na chhan chu a hero ve tak mai – Dravida nena compare leh thiam zawk tur anga miin an ngai hi a duh lo thin lutuk. ‘Dravida chu legend turu tak tluk chi rual loh leh ka entawn mek a nia lawm’ tiin thuthar lakhawmtute a hrilh thin…
Tin, Vanlalsachina erawh a che tha lo hle mai. Kum 10 hnuah a vawikhatna atan stamp darh vekin a zawnin vawi 3 an vawm out leh tlat mai. Pu Sachina hi stamp ven thiam tak a ni a a out pawh hian catch, run out, lbw tih velah a out tlangpui… Mahse VanlalDhoni khan eng tin nge a Sachina chetthatloh chungchang a commnent kha…?? I lo en em? Ti hian a ti – ‘Mi puiin Sachina hi a che chhia an tih luai luaia an sawisel hian ropui takin a lo che tha(come back) leh mai thin’ tiin. Dhoni hi a tha kheuh kheuh asin aw…
Report this comment
September 7th, 2012 at 9:33 pm
Ignatia, i ti lawmawm e. Tun lai chu FB lam ah kan in bur bun a, hlapchhuah tam a har khawp mai a.A hranpa liau liau hian Vaivawm Post hi lo siam ve teh… Kei aiin technical ah pawh i sang zawk fe a, ngaihnawm deuh in i ziak thei hrim hrim. PK-a hi khawiah nge a awm le. Ava reh ve aw. Fonz pawh Haulawng lamah rorel turin a kal a, a ni hi Haulawn Lalfap tih takah Vaivawm pawh a ngaisak hman lo a niang e….. Pu HVa Hairehai pawh a va awm lo ve aw.
Report this comment
September 8th, 2012 at 10:20 am
Chhingte nang meuhin min ngen chuan ka lo tum dawn nia. Laxman-a chawlhsan chungchang atang khan lo post ang e. Duh leh Hnam Sakhua angin kan campaign ve anga kan post tlut tlut mai dawn nia, an inlar duh lo em mai…ha ha ha
Report this comment