mi(sual).com

Thenkhat chuan rawn in advertise na min ti maithei, nih pawh a ni ve tho. Mahse hei bak hi chu ka rawn sawi leh tawh lovang.

Kum 5 dawn lai, India rama digital advertising agency tha ber (2008, 2009 leh 2011 ah pakhatna, 2010 ah erawh pathumna, 2012 rank list chu a rawn la chhuaklo) a ka thawh hnu hian, ka thiante nen experience kan nei tha tawk tawh tiin company thar kan din ve ta a ni. Advertising lamah chuan tui hle mah i la, a aia tuina zawk kan nei a, chu chu Gaming lam hi a ni. Chuvangin mobile internet gaming company kan din ta a.

Kan company hming chu FITH Media Pvt Ltd a nia, FITH lampum chu “Fire In The Hole” a nia, Counterstrike khel ho chuan a awmzia in hria ang. Heihi kan website chu a ni e – fithmedia.com

Profile kan target ho chu Indians ho an nia, platform kan target chu Android a ni bawka, chuan kan game ho chu Indian-centric vek an ni ang. Hetiang lam games hi a la awmlo bawka, kan tih duh nachhan chu market a tha dawn hle a, tuna la ṭhang lai mek chauh a nia, kum 2013 hian Indian mobile internet users chu mi 100 million an cross dawn ti a predict a nih avangin a tir atanga lo luh kan duh a ni.

Kan game hmasa ber chu Android Market (Google Play) ah kan launch der tawh a, Android device in neih chuan min lo download sak ve dawn nia. Chuan ratings pawh 5 star min pek sak theih chuan kan lawm hle ang

Kan game hming chu “Nikal Padi” a nia, hindi in “ek chhuak” tih lampang sawina a ni. Download na link chu hetah hian click u la, emaw in phone atanga in download duh chuan Google Play ah “Nikal Padi” ti in in lo search dawn nia.

Pathian zarah kan company hi a hlawhtling chuan ka rilru a awm reng chu Mizoram a tleirawl tamtak graphics leh animation thiam lutuk, mahse hna opportunity neilo te emaw Vai hnuaia thawk duhlo te tan scope a awm tha dawn hle tih a ni. Tunah erawh chuan mi 10 lek kan la ni hrih a, Angel Investors te atangin funding tlem kan hmu tawh bawk a ni. Kan games ho a hlawhtlin dan a zirin kan company pawh thang ve zel kan tum e.

Chu chu kan rawn puang ve duh lawk a ni e.

Similar Posts:

• Internet Download Manager (IDM)
• Never before posted at misual.com
• ‘Code Copy’ vangin Oracle in Google Inc a khing
• A official ta: Internet age thar kan lut e!
• T-Mobile G1 launch today

Recent Posts:

• NUN THÂMRAL
• President Trump ka hmuhdan (amah thlawptu lam atangin)
• YMA LIBRARY ENKAWLTU TEN SEMINAR & TRANING KAN NEI
• February 2017, Mizo(ram) Diary
• misual.com tih tawp a ni dawn?

This entry was posted on Tuesday, February 12th, 2013 at 2:36 pm and is filed under Career, Gaming, Internet, Tech trek trek. You can follow any responses to this entry through the RSS 2.0 feed. You can leave a response, or trackback from your own site.