He thil hi mi tam takin an tawng ve tawh ngei ang chutichungin misualdotcom hi ka khawhar hnemtu anih thin avangin engemaw tal rawn tarlan ka duh ve a. In thuziah tam tak ten min awmhlim thin angin in lo hlimpui ve ngei theihna turin ka duhthu ka sam e.
A Ni chiah ka hre ta lo, august thla tir lam ani. Zing dar 4 vel ania ka har deuh hlawl a, ka phone ka en chuan message pakhat hi a lo thleng a. Kan classmate thin hmeichhia pakhat ania. Ka chhiar chhuah chuan ka harh chiang kher mai. Darkar chanve vel chu ka khum ah chuan ka message dawn chu ka ngaihtuah a, ‘a tak tak ani thei angem le?’ Dar 5 velah chuan ka unaupa muhil chu ka va kaitho a,’ tho teh, kalna tur pawimawh deuh ka nei ania?’ Ani pawh chu a in siam ve ta nghal a. Bike ka la chhuak a Chaltlang lam kan pan ta a.
Zingkar boruak chu alo nuam khawp mai; dar 8 hmaa tho ngailo tih takah ka tan chuan ka chen thin na ram pawh a anglo khawp mai. Mahse ka ngaihtuahna luahtu ber chu ka message dawn kha ani. Khawlaiah chuan kum upa lam insawizawi ho leh vai tih loh chu hmuh tur an awm manglo a.
Chaltlang chu kan thleng chho a, kan kal tumna hmun pawh chu kan thleng ta thuai a. Bike atang chuan hman hmawh takin ka chhuk a, banga in tar lehkha chu ka en ta a. Kum hnih dawn lai ka thiam ang leh ka theih ang anga ka lo in buatsaihna result chu, chu banga in tar lehkhaah chuan a lang dawn ta si a. Ka message dawnah chuan ka result chu min hrilh a mahse ka ring em em lo a.
Banga in tar result chu ka en ta a; ka hming chu a spelling dik takin ka pa hming nen chuan (ka nihna zat chu sawilo mai ila) a lo in ziak a. Ka thawhrim ve nate ka ngaihtuah a, ka hlim khawp mai. Ka chhungrila hlimna chu insum zo loin ka hmui chuan a awmdan pangai theihnghilhin a insik sawi kual vel a. Result ah chuan ka hlimna belhtu pawh ka hmu zui ta a. Ka en zawh chuan ka nu leh pa hlim hmel bak hmuh chak ka nei tawh lo.
Tawi zawngin sawi ila ka zirna tur hmin chu ka putea nen kan panta a. Ni thumna zan dar 10 velah kan thleng a. Admission te kan tih fel hnu chuan ka putea pawh a ho ta a, keipawh hostel ah chuan ka lut ve a. Senior mizo mipa pakhat mah ka neihloh avangin ka zam ru khawp mai.
Ragging chu tan a nita a.. Kan class kalna thawmhnaw chu-
Coat fual var, khup thleng vel kan ha a. Chumi chhungah chuan kamis var bantlawn kan ha leh bawk a, khawlum eng anga lumah pawh a button zawng zawng chu kilh kim vek tur ania.
Kekawrtlawn a var plain kan ha leh bawk a. Necktie a dum plain leh tie pin simple thei ang ber kan vuah bawk a. Name plate hindi a ziah chu kan coat fual vei lamah chuan kan tar a, tie pin nen level khat a awm tur ani bawk a. Kawnghren ah chuan a dum plain leh a buckle simple thei ang ber . Pheikhawk ah chuan high schoola kan bun thin rubber pheikhawk ang kha kan bun leh a. Mawza dum ngei ngei tur ani bawk. Chuan ka tih ngai miahloh lu mehkawlh angai ta a. Kan senior ten kan sam an hrut chhohin an kutzungtang karah chuan sam lawr tur anilo ania chumi anih avang chuan sam kan met ngun khawp mai. Ka in tehkhin dan chuan Shaolin Temple vela zirlai kan ang berin ka hria.
Kan thuam famkim nen phai khawlum kan han hmachhawn chu a namai lo thin khawp mai. Kan seniorte nen kan inhmachhawnna chu a dangah rawn chhunzawm ka tum dawn nia.
Similar Posts:
- Harsatna tuar turin ka tling ve a -2
- Free Internet Connection!
- You’re a Plain Idiot!
- Plain Cake vrs Fruit Cake
- Stock Market Saptawng mawl in
September 8th, 2012 at 2:14 pm
.
Report this comment
September 8th, 2012 at 2:18 pm
Ka chhiar zo pap. A chiang lo e. Enge i zir? Enge i tlin? Ziak tel la…
Report this comment
September 8th, 2012 at 2:22 pm
Bihar ah zir.. dik em??
Report this comment
September 8th, 2012 at 2:50 pm
Van tawp laklawh, a sei i hlau lutuk a ni maw
…tawngkam i thiam vak lo nain i thil ziahdan a genuine reuh ka ti, mi tam tak thuziak tawngkam duhtawh vanga tlawrh hlup ai chuan chhiar a nuam zawk…but, spelling uluk deuh la,
entirnan, haw (going home) tih tur, ho ni lovin. Ho chu nonsense, trivial etc tihna daih ania
Report this comment
September 8th, 2012 at 3:15 pm
In result chu a va chhuak zingkar awm veu veu ve
Uluk takin rawn ziahzawm zel teh. A tha dawn e
Report this comment
September 8th, 2012 at 4:17 pm
In inthuam var bawk a MBBS anih hmel ka ti deuh ngawt a
bawk e. 
#4 Charice_ka duat sawi khi ka
Report this comment
September 8th, 2012 at 4:59 pm
Zir chhuah hunah pawh engineer ho chu hlauh reng reng loh tur
Report this comment
September 8th, 2012 at 5:13 pm
Aa.. inrin hma-in a tawp daih mai a! Han chhunzawm leh thuai teh. A chiang lo, lelte va kiu leh teh…
Report this comment
September 8th, 2012 at 5:18 pm
Report this comment
September 8th, 2012 at 5:21 pm
Lawng sipai i ni lo maw?
Report this comment
September 8th, 2012 at 5:21 pm
Ngaihnawm ve hranpa e. I rawn zir chhuah hunah Hospital leh Doctor chungchang ka post hunah ka lo telh dawn che nia…haha
Report this comment
September 8th, 2012 at 8:33 pm
Med college luhtirha seniorte minlo zilh thinna nuihzatthlak tak tak te kha a hnua sawitur ti tam tu a lo ni thei a.a ngaihawm phian zel ania.
Report this comment
September 8th, 2012 at 8:59 pm
lak lawh tiah tiah
Report this comment
September 9th, 2012 at 12:45 am
Han zir tlauh tlauh teh le. Zoramin kan lo thlir thap che a nia.
Report this comment
September 9th, 2012 at 1:01 am
@drake- bihar chu anilo…(sawi hreh deuh a min hrethiam mai teh)
.. hlauh na chhan tur???
@charice- ka lawm e…
@paeia- ani khawp asin,. 1st year lai khan hetiang ragging hi mizo dangte pawhin an tuar ve ani tih ka hriatte khan beiseina thar ka hmu thin.. amak khawp mai..
chhangteval-
@cfl- ka lawm e..
Report this comment
September 9th, 2012 at 8:13 am
A ngaihnawm dawn chauh va, a tawp daih. Han chhunzawm leh vat vat teh, part II a nghahhlelhawm khawp mai.
tren tren
Report this comment
September 9th, 2012 at 10:03 am
Chaltlang lama result en i nih chuan Technical result a ang fu a mahse August thla hmain an peihfel hman deuh vek si a chuvangin thil dang i zir a nih ka ring. I sawi hmangah hian Jamshedpur emaw Patna emaw Nagpur emaw a nih ka lo ring ngawt a mahse a nih ka ring lo deuh a chhan chu i kal hun date khi a tlai em mai.
Ragging hi kawng leh lama thlir chuan pawimawh deuh mai a ni. Thil kan zir hian examnaah pass ngawr ngawr kan tum a ni lova. Dawhtheihna te, insumtheihna te, THUAWIHNA te, tihhramhrampeihna te leh a dang tamtak kan zir tel a tul thin. CHutiang atan chuan a pawimawh em em. I zir zawh huna hna i thawh hunah pawh nang aia thu zawk leh lal zawk thu zawm tur an awm ngei ngei dawn a nia aw.
Zirlai ragging patlang leh paltlang lo hi a danglam khawp mai. Muzoram college-ah rau rau pawh PUC (hostela awm) leh Vety College, Selesih atanga zirchhuak chu danglam tak an ni. Nunphung an man!
Thuawih kha tlawmah lo la reng reng suh. Kan tih hnu vek a nih kha. I puitling deuh deuh anga a thatzia i hre tulh tulh mai ang.
Tluang takin lo zir chhuak mawlh ang che!
Report this comment