Laikhum zalin tinkim ka dawn vel a,
Ami zawng zingah rai ka rah hluan e,
A pawi em mai, zuapa’n fam a chan kha.
Zaleng zawng laikhum belin an chhing e,
Rianghluan val erawh rai ka rah vang a,
Zanmu chhing lo laikhumah tham vel e.
Tinkim dawnin lunglen kimte’n a tho e,
chhimtiang ramhlaah riahrun ka rem ta si,
Ka ngai mange chhungkim chhenna kan run mawi.
Lenthiam ila, chungsirvate iangin,
Fan ka nuam kan lenna vangkhua tual nuam,
Min ngai ve ang maw, lungduh lenrual khan?
Ka zuam mawlh lo, di tel lova tlaini len zawng,
Mahse tlaikhua lo nguiin, chhawrhthla kai mah se,
Bawihte, kar a hla lua e, in run lawi nan zawng.
September 15th, 2012 at 11:32 pm
Dawn 1st 1la
Report this comment
September 15th, 2012 at 11:47 pm
Ami zawng zingah rai ka rah hluan e,
A pawi em mai, zuapa’n fam a chan kha.
………………………..
………………………..
Ka zuam mawlh lo, di tel lova tlaini len zawng,
Mahse tlaikhua lo nguiin, chhawrhthla kai mah se,
Bawihte, kar a hla lua e, in run lawi nan zawng……….Lunglen a thuah hnih hle mai maw!
Report this comment
September 16th, 2012 at 1:26 am
Phuahtupa chu lungleng awm hle mai maw…nalh angreng hle mai a tlangpui chuan, duh angin a ril tawk chiah lo mai pawha..(a chhan chu ka sawi rih lo ang)
Mahse ngatinge tlar thuma i tih kher tih ka zawt a che
Report this comment
September 16th, 2012 at 4:54 am
Luangliam tha zawih zawih hle mai
Report this comment
September 16th, 2012 at 7:07 am
Van nalh leh pek ve
Report this comment
September 16th, 2012 at 7:29 am
Mahni nunin a tawng ngei hlain in han phuah chhuak thin a nia….!!
luangliam zel rawh aw..
I lainatawm hle nain ka hriatthiampui ( he thu hi zawm tur nge zawmloh tur aw? vakul leh TSa khan han sawi se..) phak lo viau mai..!!
Report this comment
September 16th, 2012 at 7:35 am
#3 Amah Charice_mizo tlarthum a ka phuah chhan chu keima duh dan a nih vang mai mai a nia, free verse ni chhiah si loin mitih dan ni chhiah si lova tih hi ka duh dan a niaaa… a tih dan awmsa zawm ringawt lo deuh a a thara tih ve hi ka duh aa…ka lawm ee….
Report this comment
September 16th, 2012 at 7:36 am
I phuah nalh leh pek hle mai. Tunlai chu i reh deuh mai pawh a.
Report this comment
September 16th, 2012 at 7:41 am
#8 ninawm khawpin ka la bengchheng leh dawn a sinn…heheh
Report this comment
September 16th, 2012 at 1:19 pm
In phuahkhawm mai thiam zel hi ka tia
Report this comment
September 16th, 2012 at 8:36 pm
“Zaleng zawng laikhum belin an chhing e,
Rianghluan val erawh rai ka rah vang a,
Zanmu chhing lo laikhumah tham vel e”
Mut nachang hrelova zankhawtairek-a internet/gaming tluk tluk ho hi an riang ve tihna emawni dawn le
Report this comment
September 16th, 2012 at 11:04 pm
Phuah nalh e..chess lam bansan a helam tih nasat hi a that dawn hi! HAHAHA
Report this comment