SBI Chairman Pratip K Chaudhuri chuan bank hoin Cash Reserve Ratio (CRR), Reserve Bank of India a dah thin hi tih tawp ni rawh se a ti. CRR hi bank hoin an deposit hmuh atanga 4.75% (tun dinhmunah) RBI ah a pung awm miah lo a an dah ngei ngei ngai a ni. Hei hian bank lamah sum indaih lohna a thlen ve a ni. CRR ah hian bank ho hian RBI atangin a pung an hmu miah lo bawk a. Sum awm mai mai ang a ni deuh ber. SBI Chairman hian hei hi tha a ti lo a. Depositors ho hnenah bank ho hian a pung pek a ngai si a, RBI hian bank ho hnenah a pung tlem tal pe ve se tiin a rawt ani. Insurance companies leh Mutual Fund khawih tute hian mipui hnen atangin deposit an la vet tho a, CRR ang chi hi an regulator hnenah an dah ngai lo hrim hrim a ti bawk a ni.
SBI Chairman thusawi chungchangah hian RBI Dy. Governor chuan ,“SBI Chairman hian khuahkhirhna hnuaia hna a thawk thei lo anih chuan hna dang zawng mai rawh se” a ti bur mai. He a thusawi hian inhnialna a chawk chhuak deuh laih a. A then chuan RBI Dy. Governor hi an dem a, tawngkam a duhtui lo lutuk an ti a ni. Chutih lai vek chuan a then chuan SBI hi an chapo lutuk, banking regulator (RBI) an ni emaw te an ti ve leh thin ti a sawi an awm a. RBI Governor in hetia a khak hi mi thenkhat chuan a awm hle niin an ngai ve bawk. OP Bhatt kha SBI chairman anih lai khan RBI in provisioning norms a siam chu SBI hian a lo zawm duh lo tawh a ni. SBI hi India rama bank lian fal an ni a, an thu hi an duh thawkhat a, an inla lian mah mah em tih zawhna a awm thei bawk. SBI hi sap ho hun laia Imperial Bank ni thin kha a ni a. An induh ve deuh lah niin a ngaih theih bawk.
CRR hi tih tawp ni ta se, sum deposit tute tan a him lo sawt thei ang. Bank lo tla chhe palh se la, CRR a awm bawk si loh chuan, depositor tein an sum zawng zawng an chan vek dawn tihna a ni bawk. A lehlama thlirnaah chuan CRR vang hian bank ho an hlawk loh phah a, an hlawkna turin an interest rate tihsan a ngai a, a tuartu te chu mipui bawk kan ni leh tho a ni. Ngaihdan i nei anih chuan han thawh ve rawh le.
Similar Posts:
- Sawi lawl lawl mai awm.
- Satyam barred by World Bank
- Bank PO leh Management Trainees tan Common Written Test
- Mizo te leh Investment!
- Tamdil hi Tualbung ramchhung ami a ni
September 19th, 2012 at 9:56 am
Chh1ar ang lem
Report this comment
September 19th, 2012 at 9:57 am
Post-tu a awm 1o
tren tren
Report this comment
September 19th, 2012 at 10:05 am
RBI hian tun hnai mai khan CRR hi 25 basis point-in a tihniam a ni lo’m ni? 4.50% a ni tawh e. He a tihhniamna hi bank-ho hian mipuite hamthat phahna’n siam phal tak ang maw? Nge an NPA avanga harsatna an tawh tihziaawmna’n chuah an hmang dawn zawk?
Report this comment
September 19th, 2012 at 10:13 am
Ka post a ni a, eng tin nge a post tu hming a lan lo theih
. @lahratla, RBI chuan a revise tawh e, 4.75% atang in 4.50% ah. Mahse hei hi September 22 atang chauhin a effective dawn. Vawin hi chuan 4.75% a la ni hrih e.
Report this comment
September 19th, 2012 at 10:15 am
tinge ka hming a lan loh a
post hah ve nen nen!
Report this comment
September 19th, 2012 at 10:21 am
Ka nick ka thlak daih dawn
Report this comment
September 19th, 2012 at 10:26 am
Bankte chuan deposit an hmuh aia tam Loana pek chhuah an duh ang chu le! Mahse khap betsaktu an mamawh. RBI-in investorte thlaveng tura bank ho a dahtir hi hun harsaah a tangkai ngei ang, Bank top officials inluling lutuk ven nan a tha ka ti ve mai mai bawk
Report this comment
September 19th, 2012 at 10:41 am
Ka hriat loh lam tak ani. RBI in an ti anih chuan tha mai turah ka ngai, anni hi ram pum economy leh mipuite ngai chang zela policy te siam annia, SBI te leh company lian ten an duh dana thil an kal pui ngawt techuan an capitalist lutuk anga sin. hehe
Report this comment
September 19th, 2012 at 11:01 am
ka hrethiam ve vak lo tlat. Comment ka lo chhiar zel teh ang
Report this comment
September 19th, 2012 at 11:01 am
SBI hi India ram bank dang a lian sawm belh khawm ai pawhin an lian a. Zah pawh an phu ve viau. Amaherawhchu, an pu ber atanga a hniam ber thleng hian an in vai vung mah mah em aw tih theih a ni. Nationalised Bank dang nena tehkhin hian a tlangpuiin biak an har a. An officer tam tak hi chu fel tak tak an awm. A tlangpuiin clerical cadre ho hi mipui nena indawr nasa an ni bawk a, biak an han talh talh thei khawp mai.
Report this comment
September 19th, 2012 at 11:04 am
mizo nawlpui hian banking awmzia tak hi kan man chiah lo em aw??
pawisa tam tham deuh dah thatna tur chauh emaw ti kan tam.
Kan Branch KTP chuan Treasurer atan SBI kan hmang..haha..
Report this comment
September 19th, 2012 at 11:48 am
Tangkai pui na ka nei lem lo khawp mai, mahse a bengvar thlak e. Ka ngaihdan chu thawh lo phawt mai ang, awmzia a awm pha dawn chuang lo
Report this comment
September 19th, 2012 at 1:15 pm
Ka bo mep mep CRR tih vel khi
Tuma post a ni si lova, a lo chhuak ve tho sia..den rem rem
Report this comment
September 19th, 2012 at 1:35 pm
Ngaihdan han sawi tur em em zu han neilo a
Report this comment
September 19th, 2012 at 1:55 pm
Cash Reserve Ratio (CRR) hi bank hovin RBI-ah an dah ngei ngei tur a ni a. Hemi hian a tum ber chu sum excess a a chetvel loh nan a ni ber a.
A ziaktu hian a sawi ang deuh hian bank sum a lo tlakchhiat palh thut pawhin RBI hian bank hnenah sum a puk thei thova, hemi hi Repo rate an ti ve thung a.
Tin, CRR hian mipui min nghawng dan chu CRR a pun leh tlakhniam a zir hian Bank ho pawh hian loan kan lakna pung pawh a tlahniamin a pung thin. (in ka hria..
)
Report this comment
September 19th, 2012 at 2:32 pm
haha… post pending a submit lai emaw publish lai in author hming plugin a lo in load lo a nih hmel, kan siam dik a nge…
Report this comment
September 19th, 2012 at 2:49 pm
ka hming lang lote khan ka post in lo publish ve ngawt ang e
Report this comment
September 19th, 2012 at 4:51 pm
Mak teh nawk ve!
State Bank of India hian kan awmna kiang lawkah branch an nei ve ran tak asin. Mizoram vel a an hnathawkte nen chuan inanglo tak an ni, an hawihhawmin an bengvar hlawm kher mai.
https://www.statebank.com/index_washington.htm
Report this comment
September 19th, 2012 at 5:30 pm
SBI foreign branch a thawk tur hi chuan an thlang uluk thei hle a ni awm e.Foreign ah chuan bank dang ang bawka customer service that a ngai bawk si a. India ramah hi chuan banking network a la chhe si a, a harsa deuh hrih a ni ang e.
Report this comment
September 19th, 2012 at 5:55 pm
# 19 understood. Mahse, sumdawng annihna angin hawihhawm (Mi biangbiak) hi chu mandatory a zirtir ni sela, strict bawk sela ka ti ngawt mai.
Report this comment
September 19th, 2012 at 8:40 pm
Good Post. CRR hi ram dang in an hmel hriat ve lo. Bank in an fund neih atanga an dah ngei ngai dang chu Statutory Liquidity Ratio a ni. Bank in an fund neih atanga 23% zet dah a ngai a, hei erawh chuan interest tlem chu a nei ve. SBI Chairman te hian RBI Dy. Governor hi an chung en duh vak bik lo. SBI Chairman retire,a RBI Dy Governor nih duh hauh lo te pawh ka hre ve khiau. Kan sawi Dr Chakraborty pawh hi hman ni lawk kha chuan bank te nau Chairman ni in Congress sawrkar a tla tlum deuh ta chu, RBI ah hian a lut ve mai chu a ni.
Tunlai India ram bank te hian deposit business a an competitor ber chu Non Banking Financial Institutes, Insurance companies leh Mutual Funds te hi an ni awm e.Heng ho hi CRR tih vel hian a ti buai lova, RBI lah hian hian han moderate ngaihna a hre der lo. Bank ho tan chuan huat thla la ve tak chu a ni.
Chhinchiah mai mai ah, RBI hi Imperial Bank of India (earstwhile SBI)a tang a piang chhuak ve mai chu a ni.
Report this comment
September 20th, 2012 at 2:41 am
#21, SBI hi an lian a, hei vanga induh ve em em thin pawh an niin a lang. Amaherawhchu, RBI chu bank regulate tu an ni a, SBI nena han tehkhin chi chu a ni hauh lo ang. A institution a in ang lo hrim hrim sa a.
Report this comment
September 20th, 2012 at 2:54 am
Vantlang dawngsawngtu company/department/co-op rengr eng chu mi biangbiak dan an thiam turah ka ngai. Khawvel a bank lian ber ber te hi dawr nuam tak tak anni asin. Ka OT em?
Report this comment
July 24th, 2014 at 6:33 am
icici login page
State Bank of India versus Reserve Bank of India | mi(sual).com
Report this comment