by Romani
Tunlai chu lung a leng ve det !!!
1) Thal awiin lelte-pa’n lenbuang a nghak,
Thal tui ang kan nghah chu kum sul vei leh lunglen;
Dai lem ang maw thinlai a zing riai e khuarei-ah,
Zun-leng zam leh hnutiang ; Aw ! nang ngaih lunglen a nem thei lo.
Chorus :
Aw ! khawnge maw ka lunglai min hnemtu ka tawng lo,
Relthang zing riai kar-ah;
Zaia kan chawi lenkawl ni, chhawrthlapui,
Aw ! lung an rual za siar zawng nen.
2) Thal lenkawl hmar a hnim chung khua lo ri,
Pialleia nunhlui tham hnu kha min ngaihtir e;
Tah chang ni a tam mang e, kumsul hleite’n a dang lo,
Auh ruai ruai ka nuam e; Aw ! kan nun khuarei a chang tur hi.
3) Tlangtin tuahpui leh vau vul lai khua thal,
Ka hawi ngam lo raltiang romei zing riai karah;
Suihlungrual sirva leng an nui hiau e, par an tlan,
Khawtlang sirva hnehin; Aw ! rianghlei nau ang ka tlei thei lo.
Fur leh Thal pawh sawi lovin he hla hi kan kur pui teh reng a, rilru-ah thi thei hek lo ka rawn share ve che u a ni. He hla youtube-a upload-tupa Hmingtea Khiangte hi ka hriat ngai loh ni mahse lawmthu ka hrilh duh bawk e. Pu Hualrozama hla te kha vawng tha in awm chuan han upload teh u, Rualhlui-ho zai la nei tha kha chuan min share in phal chuan a lawmawm ngawt ang.
Similar Posts:
- Nang ngaih a zual chang hian sirvaah chang dawn ila
- Awi-Thang Pa Lehkha Thawn !
- Lam ang i let ni khan
- I Lunglen Changtu
- Suihlung Len tu
September 20th, 2012 at 11:27 am
Kawmen tan i1a…
Report this comment
September 20th, 2012 at 11:42 am
Den ve
Report this comment
September 20th, 2012 at 12:01 pm
he hla hi, love song leh lenglawng in pawlh chiat a ni berin ka hria. A nalh a mahse ka tan chuan a ril mah mahin ka hre thin. Midang sawifiahna hi pawm tlak viau thin mahse amah Pi.Romani sawifiah na ka hre chak thin ngawt mai.
Report this comment
September 20th, 2012 at 12:33 pm
Lung in tileng mai mai e. He hla hi Zonet ah nula cher zawk zawk lo pakhatin 2011 January khan a sa ka hmu tawh. A sakhming ka theihnghilh daih.
Report this comment
September 20th, 2012 at 12:39 pm
Hman lo vaiu mah ila tun hnaia ka comment hnuhnung ber atan ka lo ziak leh hram ang e:
Ka lung a tileng hle mai! Kan tlangval lai min tihrechhuak a lawm le. Lelte an KIU vawng vawng a mai thin kha awww…. a mak a makin lung a leng em em zel mai ni. Chu chang a ni ne’m tlai ni tlak ruala KAWRNU an hram hlarh hlarh zel mai thinte kha va ngaihnawm dangdai thin tak em! Tun hnua ka ngaihtuah chhuak fo thin… ka khawsakna hmun atang hianin ka lunglen thu bak sawi tur ka hre lo a ni e!
Sawi teuh a chakawm mahse pakhat chiah ka lo sawi teh ang. Pi Romani hi climatologist ni hiala mawi niin ka hria. A chang hnihnaa a sawi ‘Thleng lenkawl hmar a hnim chungkhua lo ri’ a tih khi fur ruahtui tlak tan dan a sawi tumna a ni a. A sawi khi a dik chiah a ni. Fur tui hi hmar lamin an hmu hmasa ziah a thlai pawh an thar hma zawk nge nge thin.
Post tha lutuk! Ngaihnawm bawk si.
Report this comment
September 20th, 2012 at 12:47 pm
@ Admin online in awm chuan Chang hnihna khi “Thal lenkawl” ni lovin “Thlang lenkawl hmar a hnim…” tih zawk tur, min lo siam that sak ula ! Ka check uluk viau emaw ka ti a, mistake hi a lo awm leh thin
Report this comment
September 20th, 2012 at 1:04 pm
#5 khi tlangval ala ni emaw ka lo tia lolz
He hla hi nalh ka ti, chang khatna chauh ka hriaa ka sa reng zela, in lo post hlauha lawmawm e. Hmanah Mizo zirlaibu ah an telh tawh thin…hla tha tak a ni.
Report this comment
September 20th, 2012 at 1:23 pm
I zaipui ang hmiang
Report this comment
September 20th, 2012 at 1:28 pm
@AMC (Amah Charice Mizo) : Tv. a la ni reng a lawm. Khawi zirlaiah nge an lo telh i hre chiang em ?
Report this comment
September 20th, 2012 at 1:37 pm
Report this comment
September 20th, 2012 at 2:21 pm
High school ah nge Middle ah ka hrechiang tawh lo, pawl sarih zirlaiah ni thanin ka hria…zirlaibu atanga ka hriat alawm he hla hi.
Report this comment
September 20th, 2012 at 2:39 pm
Awww!!! Aw!!! Lushai-er leh!!! Heti te chuan kan nileng zo nang le!!
Report this comment
September 20th, 2012 at 3:03 pm
Pawl eng zat ah nge ka hre tawh lo, kan zir ve thin tak kha le
Report this comment
September 20th, 2012 at 5:20 pm
Pi Siampuii Sailo hian a sa lungrun bawk em a ni.
Report this comment
September 20th, 2012 at 5:34 pm
Pu Lushai_erte mai mai thin hi a… Patlingin thutak hlatak kan sawi lai hian inlo NOI ta thin a.
Chang hnihna thumal hmasaber khi THLANG tih tur a ni e. An la tidik miah lo. Ka commentnaah khian thleng ka lo tihram a ni maw. Pawl 9 zirlaibuah a awm ang. A phuahtu chanchin hi lo ziak ve hram la mawle.
Report this comment
September 20th, 2012 at 5:37 pm
Pu Lushai_er, mitthi kan neih kha aw.
He hla hi ka bye heart vek..
Report this comment
September 20th, 2012 at 6:42 pm
He hla hi chu aw!!! Ka ngaihthlak ngun poh leh a mawi ka ti…
Report this comment
September 20th, 2012 at 10:23 pm
He hla hi JF Laldailova khan a meter leh rhyme nei tlapin sap tawngin a letling a; Siampuiite hian an sa ta a ni awm e. Mahse a lehlinna kha hmuh tur a awm ta hauh lo mai a, ka ui khawp mai. Romani, C. Laltanpuia leh James Dokhumate unau thum hi chu Zofate rohlu hi an ni chiang a ni. English Literature-a hum pawimawh tak luahtu leh an hla kungpui mual Westminster Abbey-a hmun changpha ngat Emily Bronte, Anne Bronte leh Charlotte Bronte te laizawn thum ang deuh hi ka chan ber e Romanite unau thum hi chu. An thu leh hlate hi zirlaiah pawh seng luh a ni nual hlawm a, hla no deuha han kaihnem vel hi an thiam riau. Lelte an hmuam a ni ber ang chu. Post tha khawp mai.
Report this comment
September 20th, 2012 at 11:10 pm
@Terema : Pu Dokhuma te nen unau an lo ni reng a ni maw ?
Report this comment
September 20th, 2012 at 11:13 pm
@Chtra : Hei house kan va kal a, naktuk zanah an lo postpone a lawm le.
Report this comment
September 20th, 2012 at 11:15 pm
@Lushai_er, Ni e, James Dokhuma hi Romani nau a ni a, a pa Hrangthiaua pawh hi Mizo Historian a ni alawm. Mizo tawng an thiam em em pawh hi a mawh love.
Report this comment
September 20th, 2012 at 11:19 pm
pu lushai_er, ka rawn hrilh leh lo che a, 7 velah khan keipawh information ka dawng chauh..sorry.
Report this comment