Parliamentary Secretary (Law & Judicial, School Education, H & TE, Parliamentary Affairs) Pu Chawngtinthanga thihna chuan Zoram pum a dêng chhuak a, ui lo fa rêng an awm àwm lo ve. Ṭhenkhat phei chuan ram hruaitu ṭha tak la ni tùra ‘ka hual’ asin le an ti vawng vawng nia. Pa ṭha tak zawng a ni ngei ang, MLA a nih vang emaw, eng eng emaw nihna a neih vang emaw ni loin ama mimal nun hrim hrim khân mite thinlung a hneh a tih theih àwm e.
A vùina programme pawh ropui taka hman niin ram hruaitu lawk zual deuh deuh pawh an awm nual mai. Khawvêla kan hmuh leh ngai tawh loh tùr vùina hunah Mizoram Chief Minister meuh pawh insûm zo loin a mittui a tla niin tlângkam aṭangin ka lo hria a. Midangte tân entawn tlâkah a insiam leh ta phawt mai.
Kan CM zahawm tak hian Pu Chawngtinthanga hi a ṭhian kawm ngeih tak a nih vang nge, mi dik leh ṭha tia a ui êm êm vang nge a mittui a sawr chhuah ve ngawt nachhan hi ka hre lo. Mitthi vùina hun rêng rêng hi a boruak a ritin a mi delh a na a. Ṭap thâwm leh thlahna ṭawngkam inpawlh nuak mai kârah tum loh deuhin mittui hi a luang ve fo ṭhin. Thihna a ni a, a na a, kan CM meuh pawh a mittui a tlâk chuan a runthlâk hle tih hai rual a ni lo.
Mi pakhat thihna avangin Mizoram CM mittui a tla a, a hmangaih vang emaw, a ui êm vang emaw, vuina programme lungngaihna chhûmpuiin a zîn hnan vang emaw pawh lo ni se a lâwmawm rêng rêng. Heti zâwng hian ka ngaihtuah – ram hruaitu lu ber a ni a, mi rethei tam tak, ei tùr leh bàr tùr pawh nei mumal lo, natna hrang hrangin a tlâkbuak vanga thihna kotlânga ding mêkte veina avang hian a mittui vawi khat pawh a far tawh ang em? Corruption-in kan ram a tuam mup mup veina avang hian zan khat lek pawh mut theih loh a nei tawh ang em? MLA pawimawh tak thihna avangin a mittui a tla a, dai kil kâra rethei chhum chhia thihna hian eng chenin nge a thinlung a deh tuirîl ve ang? Midangte avanga mut theih loh te hi har tak asin, mahni ṭânghma haina avang erawh chuan zàn mut a har thung!
Hruaitu ṭha chuan mi hausa leh rethei, thiltithei leh lâk tlâk loh chenin an ngaihsak a, thlei bîk awm lovin an hmuh dàn a inchen vek ṭhin. Heti zâwng hian sawi ta ila – kan ram hi kil tin kil tang aṭangin beih a ni a, ei chhetu natna chi hrang hrangin a bàwm mêk a ni. Thihna kut vâwtin man tumin a ban dê dê a, khûp zawi hnawka hnam dangte hmaa kan ṭhingṭhit hun tùr hi zàwlnei ni lo mah ila, a hla lo maithei. Chumi hunah chuan ‘Mizo’ tih thu mawi tak hi nuai bo a ni ang a, bianga mittui luang zawih zawihin vùi liam a ni tawh ang. Chumi hun kan tawh lohna’n tùnah hian siamṭhat hna thawkin kan mittui i sêng lâwk ang u.
Thawhpuite ruang chunga mittui tla ṭhin chauh ni lo va, mi rethei leh khawsak harsa, AIDS vei, ruihhlo ngai leh ngawlvei, KS, nau hnuchham leh natna khuma mu mêkte hmangaihna leh veina avanga mittui tla ṭhin Chief Minister kan neih hunah kan ram hi tuam damin a awm leh ang. Mi dikte ṭan tlat ṭhin leh mi rinawm lote hrem ngam, ram hmangaihna avanga hausaa lian thûr thûr ni lova retheia chêr tulh tulh emaw tih mai tùr khawpa thawk nasa CM, Ministers’ leh MLAs’ kan neih hunah kan ram hian nui thâwm duhawm tak a hre tawh ang a, vui leh vaina a bo tawh ang a, lungrualna chu kan thawhpui rinawm tak a ni tawh ang. Chumi rah duhawm tak chu HMASÂWNNA leh HLIMNA a ni ang a. Corruption te chu kan kephah hnuaiah kan rap hrual tawh ang.
September 21st, 2012 at 2:38 pm
A thih hnu ah a fel zia kan hre ve chauh a, a uihawm khawp mai Pu Chawngtinthanga hi. Mifel dang pawh an la awm teuhin ka ring ta.
Report this comment
September 21st, 2012 at 2:39 pm
Report this comment
September 21st, 2012 at 2:49 pm
A ngaihsan awm ngawt mai,hetiang hi an la tam turah a ngaih theih……………..RIP.
Eiru thei dinhmuna din avanga chhungkaw ngaihtuah/eng vang pawh nise, eiru ngam nih hi MIPA ka tihzawng leh thian atana ka duh hauh loh zuk ni ve leh tlat a mawle………….
Report this comment
September 21st, 2012 at 2:55 pm
‘CM mittui tla’ han tih tehchiam chi a ni em aw? Thian/thawhpui/zirpui te an boral chuan lung a chhe tlangpui lo’m ni?
Englekhawle, ram leh hnam tana thahnem i ngaih avanga au chhuahpuina atana hman a nih chuan a pawi lem lo va.
Report this comment
September 21st, 2012 at 2:55 pm
Ka post a chhuak zawn tlat mai, ka van inthlahrung ve aw…
Report this comment
September 21st, 2012 at 2:59 pm
Ram hmangaih avanga retheia cher kher a ngai nang le???
cher chhe lutuk chu an hrisel lo anga, damdawi manah an in seng nasa lutuk anga atha nang…
kan CM hi i sawi zawng zawng point vanga mittui far khat pawh a seng tawh angem tih ang reng hi chu i hriat duh tak tak chuan amah zawt tawp mai teh…Hmuh a harsa vak lo vang….
kan CM leh politiciante hi thlarau bo vei lutuk turin kei chu ka beisei hran lo….pastor leh Upa te, Evangelist te kan ngah tawk ka ti e….
Report this comment
September 21st, 2012 at 3:01 pm
Pu Hawla mittui tla hi TV ah ka hmu tawh a. Tunah a lo tla leh tawh anih hi.!
Kum 4 erawrh chhungin lawm vang leh lungchhiat vangin public hmuh ah a mittui a ti tla ta anih chu! Kum te a lo tam deuh a, mal riau a in hriat hian emotion hi a inkhawl ve a, patling mittui tlak hi a har lo.
Pu Hawla dinhmun hi ka ngaihtuah a, a khirh em em hian ka hria ani! Corruption phoro a duh a, MAHSE a hual veltu, bureaucrats, top officials..tumah reng an fihlim si lo!! Tumah rin ngam a nei thei lo a, CM meuh mah nise ‘powerless’ ani. A lungchhiat thlak ngawt mai!
Report this comment
September 21st, 2012 at 3:05 pm
@Eve#6: A cher/thau eiru teh nan a hman chu kan va noi duh awm ve
……..
Report this comment
September 21st, 2012 at 3:13 pm
Pu Hawla nui nasa lutuk lai video ka nei asin in en ve duh em? Mittui tlaphungin a nui ve nia..
Report this comment
September 21st, 2012 at 3:19 pm
Khatiangin Pu Hawla rel s’u, a hawldarh vek mai ang che u, mi(sual) ho…
Eve (#6) ngaihdan khi ka tawmpui viau. Kan thenawm state, hindu kulmuk, kan dinhmun hre lek lova kan hmusit ve em em ringawt Tripura CM chanchin te hian a nia rualawh tina chu. Sawi leh lo mai ang, ka hnuk a ulh,..
awih awih siii haa.. a tliak mai dawn… 
Report this comment
September 21st, 2012 at 3:20 pm
9..a hlimlai i hmuh chuan a lawmawm anih chu!
Report this comment
September 21st, 2012 at 4:08 pm
Kan thu khel ava nawi sawt ve
Report this comment
September 21st, 2012 at 4:24 pm
Misual ho hi, saw kan thenawm ‘Lawrkhawm.com’ site ang lekah kan site hi in chhuah zo dawn. In hmuam up hlawm teh u
Report this comment
September 21st, 2012 at 4:30 pm
Report this comment
September 21st, 2012 at 4:42 pm
kan thenawm pitar mittui tla ka rawn paws ve dawn mawn’le
(pil hmann)
Report this comment
September 21st, 2012 at 4:49 pm
Pu Chawngtinthanga hi, a thih hnua a chanchin an sawi han hriat hian, mi ṭha tak a lo nih dawn hi. A thi ta mai a, a pawi ngawt mai.
CM mittui tla hi a lawmawmna reng reng ka hre ve lo, posttupa!
Report this comment
September 21st, 2012 at 5:07 pm
a nuihte pawh han post zel ula…a zai te…a khuh te…tin..hahchhiaute pawh.
thi ta hi ka lo hriat ngai loh mi a ni a…heti taka tha leh educated ni si parliamentary secy chauha an dah ni bawk si hi ka hrethiam lo lek lek. an hotute thiam loh nge…
lusun chhungte erawh an lainatawm khawp mai.
Report this comment
September 21st, 2012 at 5:13 pm
@hlatekhua CM mittui tla hi a lawmawm em em a, fak tlak tak zawng a ni. CM ni tlak reng a lo ni ka ti a ni hran lo. A mittui tlakna khawp hiala a rilru hnehtu a tawng ang hian ram a hmangaihna hian a mittui han titla ve ta mai se… tiin duhthu ka rawn sawi chhuak mai a ni
Report this comment
September 21st, 2012 at 6:01 pm
I beisei ang chu lo thleng ta pawh nise phunna tur i zawng thovang, mi lungawi ngailo mi/phunna tur zawng hrim hrim hi chu in awm ve reng reng a ni.
Report this comment
September 21st, 2012 at 6:21 pm
#18, “Mi pakhat thihna avangin Mizoram CM mittui a tla a, a hmangaih vang emaw, a ui êm vang emaw, vuina programme lungngaihna chhûmpuiin a zîn hnan vang emaw pawh lo ni se a lâwmawm rêng rêng.” i tih lai te khi ka rawn thur mai a nia. I sawifiahna hi ka chhiar a, ka hmin thlap e.
Report this comment
September 21st, 2012 at 6:30 pm
@chhana chu ram vei lo mi tak i nih hmel hle mai.
@hlatekhua ni e, CM meuh chu tiin ka zahin ka ngaisang a, a thawhpuite thihna avanga a mittui a tla hrim hrim kha a lawmawm reng reng e ka ti mai a ni. Mi tam tak thawhpuite thih ni pawha kil khata lo titi mai mai tawk pawh an awm nawk nia
Report this comment
September 21st, 2012 at 8:09 pm
Haha, kan Pu Hawla hi chu aw… ka nuih hi a ti za thin ania.
Report this comment
September 22nd, 2012 at 8:01 am
Nia, mi lungawi ngailo mi hian tangkaina chhete chu in nei ve tho a nia. Sim phah chuang suh.
Report this comment
September 22nd, 2012 at 8:31 am
Ram vei hi ka sim dawn lo reng reng, vei ve lo mah la
Report this comment