Vanneihthanga Vanchhawng (Facebook-Special Report)
September ni 17 Monday chawhnu lam khan Ruthi leh Hmingthapari inbiakna (Call detail) chu ka va en ve ta a, hetiang thil hi confidential a nih avangin a thlalak ka dil erawh min phalsak ta lo a ni.
Call detail atanga a lan danah chuan, Ruthi hian an bo tuk August ni 12 zinglam dar 3:34:08-ah hmingthapari hi a rawn text a, Hmingthapari hian hemi ni zing dar 6:11:42 ah a reply a, Ruthi hian 6:11:51 ah a rawn chhang leh nghal zat tih a hriat theih bawk. Hemi hnu hian Hmingthapari hian number dangah vawi 10 a thawn chhuak a, Ruthi nilo number dang pathum velin vawi 19 an rawn text bawk. Tichuan, Hmingthapari hian chhun dar 11:50:11-ah Ruthi chu text a thawn leh a, Ruthi chuan 11:50:15 ah a rawn chhang leh nghal. Ruthi hian chhun dar 12:49:13 ah hmingthapari hi a rawn text leh a, Hmingthapari hian a chhang lo. Ruthi bawk hian hemi ni tlai thimhlim dar 6:27:46-ah Hmingthapari a rawn thawn leh a, Hmingthapari hian a chhang lo leh a, chu chu call detail-a an inbiak dan a lan dan chu a ni.
Mobile phone traffic jam emaw, technical problem vangin call detail-a an inbiak hun landan hi a danglam thei em tih chu Airtel Sevice Provider lama an hotupa Pu Mamuana zawhchian nghal a ni a, “An inbiak hun zel kha computer-in a lo record a ni a, a dik lo thei lo” a ti niin amah va be tu ka thianpa Pu Muanpuia chuan a sawi.
Ruthi Pa (A nu pasal/A pa hrawn) Pu Te-a chuan “Kan fanu hi a thi emaw a dam emaw a chin hriat hi kan duh ber a ni a, a thiannu Hmingthapari hian thil a hriat ngei hi kan ring tlat a ni” a ti. Pu Te-a chuan “August ni 11 khan Hmingthapari hi Ramhlunah a rawn phei a, khami kar chhung phei kha chu ni tin deuhthaw an inkawm” a ti. “Chawhnu lamah Ruthi nen an in (Ruthi awmna, a pute in) atangin an chhuak dun a, Hmingthapari hian hetia an chhuak hi Industry peng thleng chauh kal dun angin a sawi a, hei hi dawt chiang tak a ni” a ti.
“Hmingi hian Industry peng thleng min thlah a, ka nu te inah kal a ngai a ti a, hmanhmawh takin a chhuk thla hlawk hlawk a, chu bak chu kan inhmu leh tawh lo” tiin a sawi a, chumi hnu chuan khawiah nge a kal tak tia kan zawh chuan College Week-naah a kal thu a sawi a, a thusawi hi finfiah zel kan duh avangin tute nge a kawm tih kan zawt a, a thian kawm a sawi te kan han zawh leh chuan Hmingthapari hi hemi ni hian week-naah an hmuh loh thu leh an inkawm loh thu an sawi ta vek si a ni” Pu Te-a chuan a ti bawk.
“Chutih lai chuan, an thiannu Hmingi tho Millenium ground floor kawngkharpui han luh a Security ho awmna bul chiaha thawmhnaw dawr nghak chuan Hmingthapari leh Ruthi chu khami ni khan an dawr chhungah an chawlh luh thu a sawi a, midang anmahni hmu ve tute pawh an awm thu a sawi ta si a, Hmingi chu ‘Eng tizia nge Industry peng thleng chauh kaldun ang khan i insawi si a,’ tia kan han zawh leh chuan ‘eee.. a ni dawn tak e, a hma ni emaw ka lo ti palh a ni..’ te a ti kual leh ta mai mai a, a buaithlak khawp mai, dawt a sawi kual nasa em em mai a, a dawtsawi kan han finfiah chiah hian chawpchilh hian a phakual nghal zel bawk a” tiin min hrilh. Pu Te-a chuan “Hmingi hian he dawr chhunga an chhuah hnuah Millenium 1st floor-a tui inna bul atangin kan inthena, a bak chu Ruthi nen hian kan inhmu tawh lo tiin a sawi leh a, hei pawh hi a dik lo tih chiang takin kan hre leh a ni” a ti bawk.
“An bo tuk chawlhni khan Hmingi hian Ruthi Nuteii pawh a rawn bia a, ‘Kan inkawm ni kher kher a ni si a, a nuam lo em mai, text ka thawn a, a in deliver ngei mai a’ tiin a rawn sawi a, a rawn reply lo che a nih pawhin i thawnna chu lo dahtha teh aw, kan ti a, mahse, chungho pawh chu a lo delete vek a, buaithlak ang reng tak a ni” Pu Te-a chuan a ti.
“Hmingthapari chuan ‘Ka thiannu mah ni se, kan inkawm khat ema chutiangin a chanchin ka hre vak bik lo’ a ti a, ‘Khai aaa! dawt chu sawi lo teh kar hmasa phei kha chuan ni tin in inkawm kha, kan hrechiang lutuk a lawm, in inkawm khat miah lo…’ kan han tih chuan ‘Ni e, kawm chu kan inkawm nasa ve tho’ a ti leh mai a, chutiang vel chuan thil hi a pha kual nghal zung zung mai a ni” tiin Pu Te-a chuan a sawi.
Similar Posts:
- Mobile-phone hman dan dukdak lo
- Calling India from UK
- Mobile hmanga hmeichhia zahmawh a lehkha thawn ching!!
- Voice SMS thawn duh tan
- Nokia Mobile Community!!!
September 21st, 2012 at 7:50 pm
Ka comment ve lo ang ka ti rilru reng a, mahse hei chiah hi sawi ve hram ang..inhnial ka peih leuh
Chemtatrawta thulak dan hi a fuh ka ti ber.. a mal tan deuh rohva ka hriat avangin ka’n support ve lawk duh a ni. Pu Vana hi news reporter lar ber te zinga mi leh influence ngah tak a ni a, hetianga lehlam side chauh a rawn tarlang hi a fuh lo tlat. Khiti te chuan tam takin Hmingi khi thiamloh an chantir nghal ringawt dawn. A tawpah emaw tal tlem azawng Hmingi favour zawnga tarlan awm tak a ni. Entirnan: contact detail khi Hmingi phone Airtel record-a a lan dan a ni a, mahse Ruth-i phone Idea-ah chuan engmah a lang ve tlat si lo – Record a blank vek tih a ni tlat [hei hi a comment lamah chuan a sawi tho va, postah khian telh awm tak zawk anih vei nen].
Hetih rual hian Pu Vana hi police ho hian puppet-ah an hmang mai mai a ni thei. Hmingi an dawp chungchang vela an hmingchhiatna khuhbo nan fing takin hetianga post tur hian information an khilai a ang ka ti (via Ruth-a pahrawn). A thu hrimah Investigation kal lai tibuaia DAWT Hmingi hian a hrilh fo a nih chuan engah nge an MAN mai loh..? FIR thehluh kher loh hian anmahni (police ho) hian investigation tibuaitu chu man theihna power an nei kawr si. He thil an kalpui dan hi fuh lo lai a tam riauin a lang tlat. Family War te pawh a chhuak ang tih a hlauhawmin ka hre deuh e.
Report this comment
September 21st, 2012 at 7:52 pm
Kei ‘country 1 pawh la chhuahsan lo hian’, Lehkhabu atang leh chhiar atang ni lova thil i hre zel ni turah ka ngai a,ka ngaisang tawp che.
Report this comment
September 21st, 2012 at 7:52 pm
Pu Vana hi thuziak thiam tak leh thusawi thiam tak a ni tih chu ka pha lo. Mahse a thil ziak reng rengah awn lam nei hlek hian a ziak fo niin ka hmu ve thin. Tlang taka sawi dawt silo hian mipui te thlir dan hi a tidanglam thiam reuh khawp mai. Mahse kei erawh chuan ngaihdan ka nei a, chu chu ka sawi loh tur zia mai chu (h)
He phone sms leh call tih vel Police hnen atanga a lak, mipui te hriat a a puangzar erawh ka dem thlawt e. A Sherlock lo e mai…
Report this comment
September 21st, 2012 at 7:54 pm
Peace, guys!
Report this comment
September 21st, 2012 at 7:55 pm
Hei FB lama Special Report a Pu Vana post thar deuh…rawn paste ve leh topzz…!!!!
HMINGTHAPARI LEH A THIANPA LALCHAWISANGA TE CHU POLICE TEN VAWIIN KHAN AN LA…
21st September : Vawiin khan Ruthi thiannu Hminthapari leh Hmingthapari thianpa Lalchawisanga ITI veng lam mi te chu thu zawhfiah turin Vaivakawn police ten an la niin thudawnna chuan a sawi. Hnuchhuitu te chuan Ruthi leh Tetea te bo ni tlai lamah khan Hmingthapari leh Lalchawisanga te hi Hnimtheilo lui bul vel hi an thlengthla ve niin an hria a ni…
Report this comment
September 21st, 2012 at 7:57 pm
A va ho e
…Khrum
Report this comment
September 21st, 2012 at 7:57 pm
Kei ‘mimawl’, ‘fing fal’, ‘country 1 pawh la chhuahsan lo’ hian Pu Vana thuziak hi a one-sided ka ti thau thau..
Report this comment
September 21st, 2012 at 7:58 pm
#153
Report this comment
September 21st, 2012 at 8:01 pm
Tatrawt, judgement i pe hma mah mah..reporter ania..a lehlam thu sawi kha a rawn report ani mai. Naktuk ah chuan Hmingi lam te thusawi pawh a rawn post leh mai thei a sin..Ngaihdan in keuh thlu hma thin..dawhtheihna hi in nei lo hlawm lutuk
He case ah hi chuan dawh thei taka nghah bak tih theih kan nei rih lo.
Report this comment
September 21st, 2012 at 8:05 pm
Tunlai hi ka fb tam vaklo a, special report lam phei chu ka en ngailo hrim hrim a. Pu Vana post ho ah hian Hmingi te lam chanchin hi a chhe lam zawng deuh vek in a post ka la hmu a. An mahni thiam thu sawina emaw, an mahni a kawm na lam thu te a post ka la hmu fuh ve hauhlo mai(Ka en ve chinah). News reporter nih pawh hian side pahnih in an thu la ila, chumi atang chuan mipui pawhin ngaihdan kan siam thiam ve tur a nia.
Report this comment
September 21st, 2012 at 8:05 pm
#159 A dik
ka rawn comment tum dan chiah in minlo comment khalh chu le 
Report this comment
September 21st, 2012 at 8:07 pm
# 159
Report this comment
September 21st, 2012 at 8:11 pm
#159 khawvel kalphung i hrethiam e
Report this comment
September 21st, 2012 at 8:14 pm
Sangpuiipa, news reporter=mite ngaihdan siamtu an ti mauh alawm, thenkhat hian.
Report this comment
September 21st, 2012 at 8:19 pm
Haha #164, tunlai ah phei chuan a sawi hnuhnung apiang mai thu hi kan ring tawh lehnghal a, bakah Pu Vana te ang phei chu ka mi ngaihsan, zorampum mipui ten a a thu kan thlir thuap thin a lo ni bawk si a. A report rau rau chuan lehlam chauh thlurbing lo hian an pahnih hian han ti ve ve thei zel sela chuan a va tha dawn em. Nge nakin atan a la khek zawk pawh ka hre lem lova…
Report this comment
September 21st, 2012 at 8:21 pm
S.p.i pa, kei ‘country 1 la pel lo’ hian Pu Vana news report dan hi a fuh lo ka ti ve alawm.
Mibo te hi a eng lam mah hi ka tan chuang lem hlei law.. 
Report this comment
September 21st, 2012 at 8:26 pm
Pu Art-a i va sawi tha thuai thuai ve!
Para 2naa i sawi khian ngaihtuah a titam.
Chemte zam hlek suh.
Report this comment
September 21st, 2012 at 8:26 pm
@trawta, a nia sin. Nge Pu Vana news report thiam lutuk hi kan man thiam ve chiahlo zawk pawh ka hrethiam lo. Tunhma khan lar duh chuan LELTE neitupa kha tunge kha(?), biak thiam a ngai an ti fiamthu thin a. Tunlai chuan lar duh chuan Pu Vana biak thiam te pawh a ngai ni ve ta in ka hria. He pa pui roh hi thu han tih vel hi a thiam si a, keini ak za hnih hnuailam phei chu a tih lam lamah hian kan thle dual dual mai bawk si a…
Report this comment
September 21st, 2012 at 8:40 pm
Reporter leh journalist te hna hi chu thudik tak an chhui chhuah hnu chauhva public a sawi chhuak tur an ni in ka hria. Pu vana hi chu mi rilru tha leh tluang tak a ni na in, a thil report reng reng hi enchik chuan a professional lo deuh. Ngaihnawm chu a ngaihnawm, mahse lehlam side a sawi tlem deuh thin. For example, Sarah-i case ah te khan medical lam ho ngaihdan zawt lovin, sawisak vang a thisen cancer nei ta ang te khan a chhuah deuh tawp mai a. A rilru tha lutuk hi a interview te sawi apiang a puang mai thin a. Mi tam tak hnenah information dik lo pe tu a ni ve thei in ka hria. Fimkhur a tha.
Report this comment
September 21st, 2012 at 8:46 pm
#169, an hriat chin zel kha (thu dik ang ni lo vin) mipui hriattir kha an hna a ni. Chutah chuan chanchin lawmawm emaw lawmawm hauh lo pawh a tel fo bawk ang. Mi che chhe tak chanchin thlengin an chhuah thiangin ka hria a (freedom of speech), an source ṭha takin an sawi a ngai bawk ṭhin.
Report this comment
September 21st, 2012 at 8:51 pm
A va han tam tawh ve, ka chhiar zo seng lo
Report this comment
September 21st, 2012 at 8:54 pm
reporter duty kan hriat danin kan sawi zel mai bawk maw…tha tho ve.
reporter te hi …khami chin ..chuti chin tih neia khuahkhirh an ni lo an duh zawng chu an duh dan pawhin an report thiang…London reporter huangtau zia leh hleihluak ziate pawh an sawi thin kha.
mipui debate pawh offside deuhin an draw thei…justice hi an duh dan hawiin an zawng kual vela quality a inchen lo mai a ni zawk.
pu vana pawh hi han demna tur a awm ka hre lo…hmanniah Hmingi tan zawngin a groupah post a ni a, vawiinah thuthar Hmingi against a rawn post leh a ni mai e. mipui attention draw nana an report hi fact a ni kher lo…source an neihte ngaihdan thlengin….an rawn post a ni mai.
ngaihdan siam buaih buaih tur erawh chuan fimkhur hi mimal mawhphurhna a ni.
Report this comment
September 21st, 2012 at 8:58 pm
#172 kei aiin i sawi thiam daih mai… Yay
Report this comment
September 21st, 2012 at 9:09 pm
Pu Vana ang Reporter dang pakhat Zoramin kan mamawh belh ava ni mai awm ve, a indaih lo em mai! Hna a thawh that tehlul nen a thil report eilo thenkhat ten amah dem lam ringawtah an lo ramtanga…a buai ve dawn nen!
Report this comment
September 21st, 2012 at 9:11 pm
‘Face Book in tih lama sawiho a tawk vel chauh lo maw…’ ka lo ti ve nuah nuah.
Report this comment
September 21st, 2012 at 9:26 pm
Pu Vana hi reporter tha tak a ni. A aia tha emaw a tlukpui emaw Mizo zingah ka la hmuh loh avangin “tha tak” ka ti lo thei lo. Hnam dang leh ram dang chu kan tehkhin thei lo ang a. Chumi avanga thil tisual ngai lo ka tihna erawh a ni lo.
Report this comment
September 21st, 2012 at 9:27 pm
Murder a ni emaw, Suicide a ni emaw, Accident a ni emaw ka rin aiin an chhui chhuak har hi ka ti khawp ah….Kan Mizoram Police te hi YMA leh MZP kut ah hian an innghat lutuk hi ṭha ka ti lo….evidence ah an buai ziah
Report this comment
September 21st, 2012 at 9:43 pm
Dr Rebecca thih chungchang ang maiin a saisa leh nuaih dawn ava ang ve…..
Mizo te hi chu thil chik peih tak hnam hi kan nilo mange. Khawmu chawibo chu sawiloh Mumang mai mai pawhin min la chawi bo thei a nia
Report this comment
September 21st, 2012 at 10:15 pm
A tirah khan a him chin atangin ka lo thlir mai mai a; mahse Hmingi khian a thu a thlak zing in han tih takah chuan kei chu ka dem hran vak lo. Mipa pawh police dawp tuar hrep tawh hnua an tih ni miah lova ti anga insawi pawh hi an awm nawk zel an tih kha maw! Kan thianpa pakhat pawh hi an thenawmte khan an vawkte bo chungchangah khan an puh ta tlat mai a, chumi tum pawh chuan an dawp hrep a, i ru ti raw tih ringawt hi an zawt. I hralhna sawi rawh an ti a, ka ru lo a tih chuan vuak a tuar zel mai. A ngal an roll-sak hrep hnuah a kehnuaiah an vaw leh a, a nat tawh tak tak hi chuan mihring hi kan lo au chhuak peih lo va, kan khur ngawt ngawt tawh mai a ti. A kehnuaia an vuak hrep hnuah an la zuantir zui; a zuan that duh loh chuan a ngal zawn velah tiang hi an vaw phei thuak thuak a, a zuan khum loh chuan a ngal an vua a ni mai. Hmeichhe awmnem zawk leh kum 18 mi vel lek tan phei chuan an tawngkam ringawt pawh kha kimki chawih chawihna tham a ni hial ang ka ring. Mi an dawp hian in puang rawh, i inpuan chuan engtin mah kan ti lovang che tih ang rengten an ti thin a, huaisen vak lo tan chuan an tih ni miah lovah pawh tawrhhrep ai chuan dawt sawi mai pawh kha a awl phian ang. Mipa rilru ang hi hmeichhia hian an lo pu vek kher lo va, kan huaisen ang hian an huaisen ve kher lo.
Report this comment
September 22nd, 2012 at 6:47 am
An la chhui chhuak ve em ang chu maw
Report this comment
September 22nd, 2012 at 8:45 am
Ngaihdan siam mai ka tumlo.. Mahse he story kal zelah hian Theory tamtak a siam theih.. He news hi ka lo follow ve reng a… Theory pakhat awm thei chu..
“Ruthi leh Tetea hi an leng dun ngei a.. Bike n lock thlap a, thingbuk hnuaiah thu dun in an ti ti melh melh a.. Chuan Mi tu emaw(misual timai ang) chuan a mipa zawk chu tui-ah an namthla ta , a hmeichhia an kidnap ta a.. Chuvang chuan Ruthi Phone pawh a next day thleng a la nung phah ta a… A battery a down hma chuan a thiannu nen chuan Ruthi phone number atang chuan an in SMS ta a..”
Hetah hian Ruthi hi mi(tu tih hriatlohvin) in an ru bo tih hi thil awm thei tak ani… Khawvel hmun dangah pawh ruk bo etc.. Human trafikking etc te hi a awm teuh ania…
Hemi hi Theory mai mai ani a… chuvang chuan a facts leh details a hmun ngei a zuk hmuhloh chuan Theory siam hi kan tih theih tawk ani mai a.. He theory prove tur erawh chuan investigation tih fe angai ngei ang…
Report this comment
September 22nd, 2012 at 1:07 pm
In comment a ngaihnawm kher mai a…
Report this comment
September 22nd, 2012 at 2:06 pm
Report this comment
September 22nd, 2012 at 7:21 pm
@no_nick Ruth-i an man tawh chuan Hmingi chu tu nen nge an in msg tak ang le? Ruth-i no hmang khan a mantuten an msg dawn i tihna mi?
Report this comment
September 22nd, 2012 at 9:16 pm
Pu Vana report ani mai tih zawngin a sawisel tute oppose deuhin ka sawi a, Pu Vana chu in rawn fak luai luai le.. A group ah MZU hnalak chungchanga thil fair lo awm etc tih vel discuss na ah, a ngaihdan ni lo zawngin ka sawi a, min banned nghal vang vang.. Kei chuan Hepa hi midik lutuk ah chuan ka ngai lo khawp mai..( khawnge PU vana sawisel tu te lamah kan tang leh tlat tawh teh ang. )
Report this comment
September 23rd, 2012 at 7:00 am
@doc_lib a van mak tak ve maw le. Chutiangin a lo ti a ni maw? A news report chungchangah a nia kan fak mai chu. Opinion sawihona lamah chuan a tang na ve hle a nih dawn chu a. Mai mai saaaallllaaaa
Report this comment
September 24th, 2012 at 7:29 am
Thu kal dan chu, hawlh chhuah theih mai tur ava ang ve.
Report this comment
October 7th, 2012 at 10:49 am
#167 I va han tawng thei zawt zawt tak, LOL
Report this comment
October 8th, 2012 at 11:35 am
Inhnial su…
Report this comment