Thil rêng rêng hian side ‘A’ & ‘B’ hi a nei vek àwm mang e. Thil ṭha tak nia kan ngaih te pawh hian side ‘B’ a lo nei ve leh tho ṭhin. Chuti angin facebook pawh hi tùnlaiah chuan a ṭhat lohna lam thang ri-va a nasa êm êm a. April 2012-a 900 million vêl user awm tawhna facebook-ah hian thil dang tih nachâng hre miah lova ‘âtchilh’ bur pawh a maktaduai bi teh meuh zuk awm a!
Mizoram mipui 10,91,014 vêlah hian eng zât takin facebook hi buaipui ang maw? Ṭhalai zîngah ngat phei chuan account nei lo hi chu tlêm tê chauh an ni ngei ang. Eng vangin nge facebook hi kan tih huai huai tâk le? A chhan tam tak zînga pakhat chauh ka sawi duh. Ṭhalai intihhlimna tùr leh hun âwl khawhralna tùr hmun leh hun ṭha kan nei lo hian facebook lamah min ṭuantîr ta a ni. Thianghlim taka hun khawhralna tùr hmun; park, game zone, aqua park, paint ball, play ground, indoor stadium, adt. kan neih ṭhat tâwk loh avang hian ṭhalai tam takin intihhlimna tùr leh inawih tleina tùr an zawng a ni mai lo’ng maw?
Tùnlai chhanah infiamna a lârin kan thleng sâng thei hle a, amaherawhchu, hmun ṭha kan nei tâwk lo hian facebook lamah min ṭuantîr ta a ni thei ang em? Tin, nu leh pate pawh hian mahni fate lêng chhuak mai mai tùr ai chuan in lama an tawm tamna tiin an lâwm zaw phian lo’ng maw?
Ṭhalaite tual chaina leh hun khawhralna hmun ṭha kan neih hma chuan facebook hian kan duhna min tihhlawhtlinsak reng dâwn a nih hmêl. Tûn dinhmunah chuan facebook hi Mizo ṭhalaite tân chuan kan ‘National park,’ kan ‘Game zone,’ kan ‘Aqua park,’ kan ‘Paint ball,’ kan ‘play ground,’ kan ‘indoor stadium,’ adt. hmun ṭha tak a ni rih a.
A thlâkna tùr dang kan neih hma chuan kan buaipui reng dâwn. Sual han tih lutuk tùr a awm lo bawk a, inchhûnga awm tamna a lo ni bawk nên. A ṭha phian hi ka tia!
Similar Posts:
- Never before posted at misual.com
- Uite Rim In Nam
- A tour of Cubbon Park, Bangalore
- City Park thlir mai mai ang u
- Khawpui chhung SRS thiah
September 22nd, 2012 at 11:37 am
nge facebook intih teh fo hi, hmelthatna bu mi
Report this comment
September 22nd, 2012 at 11:53 am
Ramdangah park tha tak2 leh intihhlimna hmun tha tak2 an nei a, an facebook ve nasa tho awm sia
Report this comment
September 22nd, 2012 at 12:02 pm
ka fb teh mai a nia einchh…
Report this comment
September 22nd, 2012 at 12:07 pm
Fb hian thatna tam tak a nei a, that lohna pawh a nei.
Lo neih atanga Fb-a kan han zuang lut thut hi chu chintawk kan nei lovang tih ka hlau thin
Report this comment
September 22nd, 2012 at 12:09 pm
Facebook side B hian kei mi ti buai lo khawp, lo addict ta pawh ni i la ka pawiti hran lo khawp mai……Thian ka kawm na te, thiante chanchin ka hriatna te a ni miau mai…Eng ang pawh hian han sawisel thin mahse a hlu ve tlat. An lo sawisel/diriam emaw avang ngawt avang khan ka hman loh phah lem lo mai ni lovin ka tim phah eih lo…….a that lohna tamtak chu a awm a nga, mahse chu chuan mi ti buai ve lem lo……FB-a poh min lo ti ta ang se ka poiti hran lem lo……A mimal in min lo kheng in min lo diriam phah pawh nise ka poi ti hran lem lo. Mi Fb a awm mai2 an lo khel peih chhung te chu lo khel ve mai2 se, thil pui teh vak va ni suh. A hmanga pawh a pui na vak a va awm chuang lova chumi lo khel vak tu phei chu pui lo leh zual tur tak chu ni
.
Report this comment
September 22nd, 2012 at 12:40 pm
mIRC Yahoo chat ang tho in la zuih ral ang a, a dang alo chhuak leh ang tih hi zawlnei nilo mah ila ka lo hrilhlawk ang e
Report this comment
September 22nd, 2012 at 1:02 pm
Facebook hi ka engkim a engkim (lo deuh) ni tawp mai…
Report this comment
September 22nd, 2012 at 1:06 pm
^^^^————-Hahahahha
Report this comment
September 22nd, 2012 at 2:21 pm
Facebook chu ramsa humhalhna(national park)a lo ni reng elo?
Report this comment
September 22nd, 2012 at 3:03 pm
Lehkhabu chhiar hi a la tha ber mai a.
Report this comment
September 22nd, 2012 at 3:06 pm
In tih hlimna hmun emaw park nuam tak tak emaw pawh nei mah ila fb hi kan bansan chuang lovang. A hunlai hi a awm ve a, nikum kum leh velah kha chuan thian kawm na’n vel ka hmang thin a, tunah chuan news vel hriat nan ka hmang tlangpui tawh.
Report this comment
September 22nd, 2012 at 4:30 pm
A mak khawp mai! facebook mai nilo internet hrim hrim hi! internet hi nei lo ta thut ila..ka chiri thei hial awm e.
Facebook, Misual.com angte hian engmah awmzia tak tak nei lo mahse kan ‘addict’ chu anih ber hi. A chang chuan bansan vek te ka duh hial thin a. a har deuh bawk sia..!
Report this comment
September 22nd, 2012 at 5:07 pm
Kei chu ka bansan hleithei lo!!!
Report this comment
September 22nd, 2012 at 5:20 pm
lrpa i bansan ten tu nge comment ho te te nuih zatthlak deuh lo phuh chhuak tawh ang le, facebuk hi chu ka lut ngai leus
Report this comment
September 22nd, 2012 at 5:27 pm
drake..ni bawk si
macbook hian smiley a theih loh anih hi! nalh vei purh si..hman tlak loh!!
Report this comment
September 22nd, 2012 at 5:47 pm
Report this comment
September 22nd, 2012 at 7:32 pm
Enge facebook in tih sek hi, a hmeltha viau mi, nge a tui viau?!! Hehe
Report this comment
September 22nd, 2012 at 9:13 pm
Facebook chu hne thut chang ka nei, misual.com erawh ka la hne thei meuh lo, Sheldon hi fb ah ka van hre chak hehe
Report this comment
September 22nd, 2012 at 9:21 pm
Keipawh hne chang ka nei thin, thla 2/3 vel ka lut lo vang vang a, a zia veleh mai.
Report this comment
September 22nd, 2012 at 10:10 pm
Chuti law… kei ve ni tin deuh thaw ka la fb asin
Report this comment
September 22nd, 2012 at 10:44 pm
Ngawlvei ah raurau chuan, fb ngawlvei an tamber. Thil pawilo berte zing a mi a ni hial in ka hria.
Report this comment
September 22nd, 2012 at 10:48 pm
facebookah hian ka hna avanga atul chang lo chuan ka lut ngai lo tluk ani..status update miah lo pawhin alo awm ve theih khawp mai.
Report this comment
September 23rd, 2012 at 7:04 am
Thu tha tak tak update vel hi nuam ka tih zawng tak hi a nia
Report this comment
September 23rd, 2012 at 7:16 am
hmun danga awm hi chuan fb hi thian berah kan nei deuh mai zel hlawm anih hi. Khawhar hnem (khawhar lo mah ila
) ah kan hmang anih mai hi.
Report this comment
September 23rd, 2012 at 7:56 am
khawhar hnem mai bakah tunlai thalai tam tak chuan khawharpui tur an zawng ni te hian ka hre thin
Report this comment
September 23rd, 2012 at 4:58 pm
A chin tawk thiam chuan a tha ve tho mai, mahse fb hmangtu zinga tam tak te hi chuan tawngkam mawilo leh midang deu sawhna lam hman an insum deuh a ngai khawp mai.
Report this comment
September 24th, 2012 at 8:20 am
Thenkhat hi chuan mite mawi lo tak tak tih vel hi nuam an ti tlat nia
Report this comment